Dagur - 30.07.1991, Blaðsíða 14

14 - DAGUR - Þriðjudagur 30. júlí 1991
Húsnæði óskast
Ríkissjóður leitar eftir kaupum á íbúðarhúsnæði á
Dalvík og Hvammstanga.
Um er að ræða einbýlishús, par- og/eða raðhús,
u.þ.b. 150-200 m2 að stærð að meðtalinni bíl-
geymslu.
Tilboð, er greini staðsetningu og stærð, byggingarár
og -efni, fasteigna- og brunabótamat, verðhugmynd
og áætlaðan afhendingartíma, óskast send eigna-
deild fjármálaráðuneytisins, Arnarhvoli, 150 Reykja-
vík fyrir 10. ágúst 1991.
Fjármálaráðuneytið, 23. júlí 1991.
AKUREYRARB/4ER
íbúðir
Kennara við Tónlistarskóla, Lundarskóla og
Síðuskóla vantar 3-4 herb. íbúðir á komandi
vetri.
Vinsamlega hringið á skrifstofu skólafulltrúa og
komið íbúðinni ykkar á framfæri.
Sími 27245 kl. 08-16 virka daga.
Skólafulltrúi.
Ódýru
gasgrillin
komin aftur
Esso nestin
Hugmyndasamkeppni
Búnaðarbanki íslands efnir til hugmyndasamkeppni
um útlit og skipulag afgreiðslusala í útibúum bank-
ans í samvinnu við Arkitektafélag íslands.
Þar sem þróun í bankamálum hefur verið talsverð nú
á síðastliðnum áratug hefur það leitt til þess að
afgreiðsluhættir breytast stöðugt. Á næstu árum er
því fyrirsjáanlegt að endurnýja þarf afgreiðslusali
bankans með tilliti til nýrra tíma.
Viðfangsefni þessarar samkeppni er því að leita
nýrra hugmynda að yfirbragði afgreiðslusala Búnað-
arbankans sem gæti endurspeglað þá reisn og það
vandaða yfirbragð sem aðalbygging bankans í Aust-
urstræti 5 hefur.
Heimild til þátttöku hafa félagar Arkitektafélags
íslands og innréttinga- og innanhússhönnuðir.
Keppnislýsing liggur frammi hjá Arkitektafélagi
íslands, Freyjugötu 41 en önnur keppnisgögn fást
hjá trúnaðarmanni keppninnar, Guðlaugi Gauta
Jónssyni arkitekt v.s. 622324, h.s. 20789 og skal
skila tillögum til hans eigi síðar en 5. nóvember nk.
Hpbíín&ðírbanki
VV ÍSLANDS
Minning
Hann var hár og grannvaxinn,
hæglátur og virðulegur. Góðlátleg
kímni var honum eiginleg. Hann
talaði hægt og dró seiminn á sinn
sérstaka hátt.
Stúdent frá M.R. 1924 og
læknakandidat frá H.í. 1930.
Framhaldsnám og rannsóknir
erlendis, í Danmörku, Þýska-
landi og Bretlandi, í líffærafræði
og lífeðlisfræði.
Prófessor við læknadeild
Háskóla íslands frá febrúar 1937
til ágúst 1970, en kenndi áfram til
hausts 1972. Kjörinn heiðurs-
doctor við læknadeild H.í. 7.
janúar 1971.
Kristín Björnsdóttir, eigin-
kona Jóns, dó 1972, en þau áttu
ekki afkomendur.
Prófessor Jón tók virkan þátt í
margvíslegum félagsstörfum. Sat
í byggingarnefnd H.Í., rannsókn-
arstofu H.í. á Keldum og náttúru-
gripasafnsins. í stjórn stúdenta-
garðanna, lánasjóðs námsmanna
og stjórnarnefnd ríkisspítalanna.
Formaður læknafélgsins Eirar
1951-1953, Hins íslenska forn-
leifafélags 1961-1978 og heiðurs-
félagi þess frá 1980. Virkur félagi
í Vísindafélagi íslands og forseti
þess 1953-1956.
Hann vann mikil rannsóknar-
störf við skoðun fornra manna-
beina og liggja eftir hann mikil og
merk rit um mannfræði og menn-
ingarsögu.
Hann var félagi norrænna sam-
taka um sögu læknisfræðinnar frá
upphafi þeirra 1967 og formaður
félags áhugamanna um sögu
læknisfræðinnar frá stofnun 1964.
Flutti hann fyrirlestra og skrifaði
ritgerðir um þetta áhugamál sitt.
Síðast en ekki síst ber að geta
umfangsmikillar söfnunar og
skráningar prófessors Jóns á
hvers kyns munum og áhöldum
sem notuð liafa verið við lækn-
ingar á íslandi. Hann á heiðurinn
að því að hið forna hús Nesstofa,
bústaður fyrsta landlæknisins og
fyrsta lyfsalans, komst í eigu hins
opinbera. Unnið hefur verið að
viðgerðum á Nesstofu á Seltjarn-
arnesi og að koma húsinu í sína
upprunalegu mynd. Mikið verk
er þar enn óunnið, þrátt fyrir
mikla vinnu og stórar gjafir
prófessors Jóns, en þar vann
hann síðast skömmu fyrir andlát-
ið. Minjasafn um sögu læknis-
fræðinnar í Nesstofu verður veg-
legur minnsvarði um þennan
mæta mann.
Valdemar Steffensen, faðir
Jóns, var læknir á Akureyri 1908-
1942. Jón starfaði á Akureyri frá
október 1934 til maí 1935. Stofn-
fundur Læknafélags Akureyrar
var haldinn 6. nóvember 1934 og
var Jón einn af sjö stofnfélögum
og kjörinn fyrsti gjaldkeri félags-
ins. Prófessor Jón Steffensen var
kjörinn heiðursfélagi Lækna-
félags Akuieyrar 2. janúar 1978
og heiðursfélagi Læknafélags
íslands 20. september 1983. Með
honum er genginn síðasti stofn-
félagi L.A.
Á löngum kennaraferli varð
prófessor Jón lærifaðir mjög
margra íslenskra lækna. Menn
höfðu misjafnar skoðanir á
kennslu hans og starfsaðstaða
hans var léleg. Á námsárunum
bárum við óttablandna virðingu
fyrir honum enda kenndi hann
okkur erfiðar undirstöðugreinar
og á þeim prófum féllu um 50%
nemendanna. Heiðursfélaga-kjör
læknafélaganna ber vott um þá
viröingu sem hann naut og aldrei
varð ég var við annað en vinar-
hug lækna til hans.
Við félagar Læknafélags Akur-
eyrar minnumst prófessors Jóns
Steffensens með vinarþeli og
virðingu.
Halldór Halldórsson.
Ályktun þingflokks Alþýðubandalagsins
um lyfjakostnað og sjúkragjöld
Á fundi þingflokks Alþýðu-
bandalagsins þriðjudaginn 16.
júlí sl. var samþykkt eftirfarandi
ályktun:
„Á síðustu vikum hefur ríkis-
stjórn Sjálfstæðisflokks og
Alþýðuflokks verið að skerða
sérstaklega fjárhag þeirra sem
erfiðast eiga og minnsta fjármuni
hafa til ráðstöfunar. Nýjar upp-
lýsingar benda til að yfir 50% af
viðbótargreiðslum vegna lyfja-
kaupa lenda á öldruðum og
öryrkjum og um 20% til viðbótar
á barnafjölskyldum. Hinar nýju
álögur geta numið tugum þús-
unda króna hjá fólki í lægstu
tekjuhópunum.
Opnunartími
i sumar:

Mánudaga til
fimmtudaga kl. 9-20
föstudaga kl. 9-22
laugardaga kl. 9-22
sunnudaga kl. 10-22
KEA
Byggðavegi 98
Pingflokkur Alþýðubandalags-
ins mótmælir eindregið að undir
yfirskini erfiðleika í ríkisfjármál-
um sé verið að stórauka skatt-
byrðina á öldruðum, öryrkjum
og barnafjölskyldum með sér-
stökum lyfjagjöldum og áform-
um um gjaldtöku vegna sjúkra-
húsvistar. Þessi nýja gjaldtaka er
auðvitað ekkert annað en aukin
skattheimta.
Alþýðubandalagið hefur boð-
að aðrar leiðir. Alþýðubandalag-
ið hefur lagt áherslu á jöfnunar-
aðgerðir í skattamálum og skipu-
lagsbreytingar í rekstri sjúkra-
húsa og lyfsölu. Tillögur Alþýðu-
bandalagsins fela í sér hátekju-
þrep í tekjuskatti, skatt á fjár-
magnstekjur, sem nú eru skatt-
frjálsar, sameiningu og nýja
verkaskiptingu stórsjúkrahús-
anna á höfuðborgarsvæðinu og
afnám einokunarkerfisins í lyfja-
verslun, sem veitir fáeinum fjöl-
skyldum árlega gróða sem talinn
er í hundruðum milljóna.
Ríkisstjórnin hafnar slíkum
leiðum jafnaðar og kerfisupp-
stokkunar. Hún leggur hins vegar
gífurlegar nýjar álögur á þá sem
sérstaklega ber að hlífa. Það er
sérkennilegt að flokkur sem
kennt hefur sig við alþýðu og
jafnaðarstefnu skuli standa að
slíkum aðgerðum. Munurinn á
jafnaðarstefnunni og hægrihyggj-
unni er sá að jafnaðarstefnan vill
að velferðarþjónustan sé veitt
eftir þörfum, en þeir greiði skatt-
ana sem mestar tekjurnar hafa.
Hægrihyggjan vill hins vegar
hlífa þeim tekjuhæstu og láta þá
sem þurfa á velferðarþjónustunni
að halda greiða fyrir hana beint.
Ríkisstjórnin hefur ótvírætt
valið leið hægrihyggjunnar og
stefnir inn á braut ójafnaðar og
misréttis. Alþýðubandalagið
mun hins vegar halda á lofti
merki , jafnaðarstefnunnar.
Vanda ríkissjóðs verður að leysa
með auknu framlagi hátekjufólks
og fjármagnseigenda og með
róttækum skipulagsbreytingum -
ekki með auknum álögum á
aldraða, sjúka, skólafólk og
barnafjölskyldur.
Ef þessi stefna ríkisstjórnar-
innar festist í sessi eru það mikil
tímamót í áratuga sögu uppbygg-
ingar velferðarþjónustu hér á
landi. Um það hefur verið sam-
staða þar til þá nú að allir ættu að
vera jafnir gagnvart undirstöðu-
þáttum velferðarþjónustunnar án
tillits til efnahags."
efitfa (rolte
lemut
vctn !
yUMFERÐAR
RÁÐ