Dagur - 23.12.1992, Side 7

Miðvikudagur 23. desember 1992 - DAGUR - 7
Bókakynning
Rætur og vængir
- ræður og ritgerðir Pórarins Björnssonar,
fyrrum skólameistg,ra Menntaskólans á Akureyri
Þórarinn Björnsson flytur ræðu í kirkjunni á Möðruvöllum í Hörgárdal
haustið 1955 þegar 75 ár voru liðin frá því að skólahald hófst þar. (Báðar
myndirnar hér á síðunni eru úr bókinni).
Þrjátíu ára stúdentar frá
Menntaskólanum á Akureyri,
þ.e. stúdentar árið 1962, hafa
gefið út ritsafnið „Rætur og
vængir - mælt og ritað frá
æskuárum til ævi!oka“ en það
hefur að geyma ræður og rit-
gerðir Þórarins Björnssonar,
fyrrum skólameistara Mennta-
skólans á Akureyri. Ritsafnið
er gefið út í samráði við ekkju
Þórarins, frú Margréti Eiríks-
dóttur, og börn þeirra. Allur
ágóði af útgáfunni rennur til
Menntaskólans á Akureyri.
Sjálfslýsingar,
ræður, hugleiðingar og
dagbókarbrot
„Rætur og vængir“ er heildarverk
en ekki aðeins úrval rita og er því
mjög fjölbreytilegt að efni.
í fyrsta bókarhluta er m.a.
sjálfslýsing Þórarins Björnssonar
frá gagnfræðaskólaárum hans og
dagbókarblöð frá Bretlandi rétt
fyrir stríð. Efni annars hluta er
allt tengt Frökkum og Frakklandi
með einhverjum hætti, en þar
stundaði Þórarinn nám að loknu
stúdentsprófi. Höfundur segir frá
landi og þjóð og þjóðareinkenn-
um í erindum og hugleiðingum,
en rekur auk þess persónulegar
minningar sínar í ferðaþáttum og
og dagbókarbrotum.
í þriðja hluta ritsins eru allar
ræður, sem náðst hefur til og Þór-
arinn flutti við skólasetningu og
skólaslit 1948-1967. Fjórði hlut-
inn er safn af ávörpum ræðum og
greinum um einstaka menn, sem
Þórarinn mælti til, mælti um eða
eftir og gladdist með á góðri
stund. í fimmta hluta er um
margt fjallað, en efnið allt bund-
ið starfi og skyldum höfundar
innan veggja menntaskólans á
Akureyri.
Franskar bókmenntir,
þýðingar og viðtöl
í sjötta hluta eru birtar hug-
leiðingar Þórarins um íslensk
skáld og verk þeirra og bók-
Teikning af Þórarni Björns-
syni, gerð í París árið 1928, á
fyrsta námsári hans þar, af
ungverskum listamanni, Andrik
Valerie.
menntir yfirleitt. Sjöundi bókar-
hlutinn fjallar á hinn bóginn um
franska höfunda og franskar bók-
menntir. í beinu framhaldi af því
er áttundi hlutinn nokkrar áður
óprentaðar þýðingar úr frönsku
úr fórum Þórarins.
í níunda hlutanum eru ræður
og ávörp, ritgerðir og erindi, sem
Þórarinn Björnsson birti eða
flutti á ýmiss konar samfundum
og mannfundum á árunum 1933-
1966. Tíundi bókarhlutinn er
safn stuttra og meitlaðra minnis-
greina eða „aforisma“ um það
sem á hugann leitaði og höfundur
hripaði hjá sér í dagsins önn.
Ellefti hlutinn er bókarauki þar
sem prentuð eru viðtöl við Þórar-
in Björnsson og greinar um hann
eftir samtíðarmenn hans. í tólfta
og síðasta hlutanum er nafnaskrá
yfir bæði bindin, ritaskrá Þórar-
ins og eftirmáli.
Liðlega þúsund blaðsíður
„Rætur og vængir“ er hið eigu-
legasta rit og fjölbreytt að mynd-
um ekki síður en öðru efni. Það
er tvö bindi og alls liðlega þúsund
blaðsíður að stærð. Hjörtur
Pálsson, cand. mag., hafði
umsjón með útgáfunni.
Ritverkið er til sölu í Bókabúð
Jónasar og Bókvali á Akureyri og
Bókabúð Máls og menningar í
Reykjavík. Það kostar 7.500
krónur.
Framleiðendur
Stellu í orlofi
kynna
KARLAKÓRINN
HEKLU
/ Bagarin'ói
U. 9.00
þann 26. desember
•k
Gamanmynd fyrir
alla
fjölskylduna
ikr
Umbi sf.