Dagur - 03.04.1993, Blaðsíða 11

Laugardagur 3. apríl 1993 - DAGUR - 11
Norðlensk ungmenni á leið til fyrirsætukeppni í New York:
Koma firam l'yrir anglit frægustu umboðsskrif-
stofa heimsins á sviði Waldorf Astoria hótelsins
Fimm ungir Akureyringar eru
að fara vestur til New York til
að taka þátt í módelkeppni,
þ.e. fyrirsætu- og hæfileika-
keppni, sem fram fer dagana 6.
til 11. aprfl á vegum M.A.A.I.
eða Modeling Association of
America International Inc. á
sjálfu Waldorf Astoria hótel-
inu í New York og er það í 33.
skipti sem keppnin fer fram.
Hótelið er frægast fyrir það
að hýsa forseta, konunga og
önnur stórmenni. Það eitt að
koma fram á sviði Waldorf
Astoria hótelsins er upphefð
sem ekki fellur öllum í skaut.
Auk norðlensku ungmenn-
anna munu bætast í hópinn
ungmenni frá Reykjavík og
Suðurnesjum þannig að alls
verða þátttakendur frá íslandi
20 talsins en þeir koma annars
víða að úr heimum, en þetta er
stærsta keppni sinnar tegundar
sem fram fer í Bandaríkjunum.
Eftir fyrirsætukeppni sem fram
fór 27. nóvember og 4. desember
sl. í Sjallanum á vegum Kolbrún-
ar Aðalsteinsdóttur hjá Módel-
mynd hefur hópurinn markvisst
unnið að undirbúningi keppninn-
ar, m.a. með sýningum í Reykja-
vík.
Alls verður keppt í fjórum
greinum, í fyrsta lagi „Group
Runaway" sem er dansatriði, sem
allir íslensku strákarnir verða
með annars vegar og íslensku
stúlkurnar hins vegar. Síðan
kemur „Runaway“, sem felst í
því að hver keppandi gengur
fram fyrir dómaraborð svipað og
á tískusýningu og eru borðin
merkt umboðsskrifstofum og eru
þátttakendur klæddir í venjuleg-
an klæðnað, þ.e. gallabuxur og
bol eða þann annan klæðnað sem
hver og einn velur sér.
Leikið í auglýsingu
Síðan leika þátttakendur í aug-
lýsingu, en hafa áður fengið
enskan texta sem þeir læra utan
að og leika síðan það sem fram
kemur í textanum og er það tekið
upp af sjónvarpi.
En keppnin fer ekki aðeins
fram á sviði hótelsins heldur er
fylgst með þátttakendum nánast
dag og nótt enda segir í kynning-
arbæklingi fyrr keppnina að
þarna fái þátttakendur stærra
tækifæri til að hitta umboðsmenn
! frægustu umboðsskrifstofa
heimsins en kannski gefst nokk-
urn tíma síðar á lífsleiðinni. Þar
segir einnig að að peningaverð-
laun standi í boði, samningar um
sýningarstörf, boð og styrkir um
setu í ýmsum skólum, kynnast
mörgum af frægustu fyrirsætum
heimsins í dag og fylgjast með
mörgum sýningum og uppákom-
um sem New York borg er fræg
fyrir. En hvernig fara unglingarn-
ir að fjármagna þessa ferð?
„Já, við fjármögnum þetta að
mestu leyti sjálf, en Coke hefur
gefið okkur boli sem við verðum
í á sýningum hérlendis en við
sýndum m.a. í þeim á skemmti-
staðnum Casablanca um síðustu
helgi. Á fimmtudaginn (sl.
fimmtudag - innsk. blm.) tók
STÖÐ-2 upp dansatriði íslenska
hópsins og á föstudaginn sýndum
við í Kringlunni og Bylgjan var
með viðtal við okkur. Ekki má
gleyma þætti Púls-180, en við
Norðlendingarnir höfum verið þar
í æfingum endurgjaldslaust síðan
fyrir áramót og sá styrkur er
alveg ómetanlegur. Á Waldorf
Astoria hótelinu verða fulltrúar
allra frægustu umboðsskrifstofa
heimsins, ekki bara frá Banda-
ríkjunum heldur einnig frá
Frakklandi og Ítalíu svo eitthvað
sé nefnt svo tækifærið sem við
fáum er svakalega stórt. Ef við
fengjum boð um störf mundum
við grípa það fegins hendi enda
er tilgangurinn sá með þátttöku í
þessu að koma sér á framfæri í
módelstörfum,“ sögðu þeir Birgir
Brynleifsson, Ingvar Björn Ingv-
arsson og Steindór Gíslason
j aðspurðir, en þeir eru ásamt þeim
Ásdísi Franklín og Elvu Eiríks-
dóttur í íslenska hópnum, sem
fram kemur á New York í næstu
viku.
„Þetta er búinn að vera nokkuð
strangur undirbúningur en
skemmtilegur og góður félags-
skapur en við höfum verið reglu-
lega á æfingum í Púls-180. Við
erum varla búnir að átta okkur á
því að við erum að fara til New
York og því fylgir nokkur kvíði
en ætli það sé ekki bara nauðsyn-
Iegt,“ sagði þær Ásdis og Elva.
í vor verður sýning og keppni á
vegum Módelmyndar svipaðar
þeim er fram fóru í lok síðasta
árs og þá verður einnig opnuð
umboðsskrifstofa hér.
GG
Þessi módel fengu skólastyrki í keppninni 1992 og með þeim á myndinni eru
tveir af forráðamönnum keppninnar.
Auglý^ing í Degi
ber árcmgur
Norðlcnsku þátttakendurnir f.v.: Ásdís Franklín, Steindór Gíslason, Elva Eiríksdóttir, Ingvar Björn Ingvarsson og
Birgir Brynleifsson. Mynd: GG
STÍFT FITUBRENNSLUNÁMSKEIÐ
FYRIR KARLA
HEFST ÞRIÐJUDAGINN 13. APRÍL
★ Fitumæling og vigtun
+ Ráögjöf varðandi mataræði
+ Matarlistar -
Spennandi mataruppskriftir
+ Fyrirlestrar um megrun
og mataræði
Sigríður Eysteinsdóttir
næringarfræðingur
+ Þjálfun og hreyfing 5
sinnum í viku
Verö 9.800
Eina varanlega leiðin að lækkaðri líkams-
þyngd er aukin hreyfing og rétt mataræði.
Láttu okkur hjálpa þér að losna við auka-
kílóin og halda þeim frá fyrir full og allt.
Skráning í síma
26211
virka daga frá kl. 12.00.
Hringdu strax
Takmarkaður fjöldi
/
180
KA-heimilið við Dalsbraut
HEILSURÆKT
HHHHHHHHHHri