Dagur - 05.02.1994, Blaðsíða 10

10 - DAGUR - Laugardagur 5. febrúar 1994
MATARKRÓKUR____________________________________________
Lygilega góður fiskur í súrsætri sósu
- frá Guðbjörgu Ringsted á Dalvík
Guðbjörg Ringsted á Dalvík gaf
okkur spennandi uppskriftir í
matarkrókinn í dag. Guðbjörg
segist hafa gaman afað prufa
nýja rétti, þó hún sé ekki mikið
fyrir aðfinna upp matarupp-
skriftir. Hún segist oft prufa
nýja rétti þegar hún bjóði
tengdaforeldrum sínum í mat.
Nýlega reyndi hún tvo rétti úr
matarkróknum í Degi, maltöls-
kjúkling og fiskilasagne, og lík-
uðu þeir rosalega vel. Réttirnir
hennar Guðbjargar eru oft á
borðum bœjarstjórans á Dalvík,
Kristjáns Þórs Júlíussonar, en
þau Guðbjörg eru hjón. „Fisk-
rétturinn er alveg lýgilega góð-
ur. Börnin mín, sem eru á aldr-
inum 3-9 ára, tauta stundum
þegar fiskur er í matinn, en
þennan rétt borða þau með
bestu lyst, “ segir Guðbjörg.
Fiskréttur í súrsœtri sósu
I réttinn þarf þaö grænmeti sem
til er hverju sinni, en t.d. er gott
aó nota
'á hvítkál
1 lauk
/ grœn paprika
Z rauð paprika
2 gulrœtur
olía til steikingar
2 ýsuflök (ca 800 g)
eða annan fisk
salt
hveiti
karrý
olía til steikingar
2 krukkur Uncle Ben's
súrsœt sósa
Aóferó: Grænmetið er skorið í
ræmur og léttsteikt í olíu án þess
aö brúna. Pannan tekin af hell-
unni og grænmetió látió bíða
meðan fiskur er steiktur.
Fiskurinn er skorinn í bita og
saltaóur. Bitunum velt upp úr
hveiti blönduðu karrý (og e.t.v.
öðru kryddi t.d. Season all). Fisk-
bitamir síðan steiktir í olíu á
pönnu. Þegar þeir eru um það bil
aó verða fullsteiktir er grænmet-
inu hellt yfir ásamt súrsætu sós-
unni. Gott er að vera búinn að
hita sósuna aóeins (t.d. í ör-
bylgjuofni) áður en henni er hellt
yfir á pönnuna. Látið jafnast sam-
an ca. 1 mín. - ekki hrært mikió í
- og borið fram á pönnunni.
Gott að hafa hrísgrjón og
fléttubrauð með.
Hér fylgir uppskriftin af fiéttu-
brauðunum, en úr henni verða 10
stk. handarstór brauð. Þau er gott
aö skera sundur og borða með
smjöri.
Fléttubrauð
50 g ger
3Z dl mjólk
2 msk. olía
2 tsk. salt
1 tsk. sykur
c8-8/ dl hveiti
Aóferð: Gerið er hrært út í volga
mjólkina; olíu, salti, sykri og
meiri hluta hveitisins bætt út í.
Þetta hrært vel saman, síðan er
hveitinu sem eftir er hnoðað sam-
an við. Deigið látió lyftast undir
klút í u.þ.b. 30 mín. á volgum
stað.
Þar næst er deiginu skipt í tvo
hluta og þeim rúllað í pylsur.
Hvor pylsa er skorin í 5 jafna bita
og upp í hvern bita eru gerðir
tveir skurðir án þess að skera al-
veg upp úr. Þetta fléttað. Brauðin
eru látin lyfta sér á plötu undir
klút í ca. 20 mín. Þau síðan pensl-
uð með vatni eða mjólk og bökuó
í u.þ.b. 15 mín. við 200 gráðu
hita í miðjum ofni.
Þriðja uppskriftin er af skinku-
brauðstertu, sem er reyndar ættuð
frá Ingibjörgu Ringsted, systur
minni, sem skoraði á mig. Eg er
búin að gefa þó nokkrum þessa
uppskrift - þetta er ljúffeng terta
- og vil gjama leyfa fleirum að
njóta hennar.
„ Ofsa gott skinkubrauð “
t langskorið franskbrauð
2 bréfskinka (eða
sanisvarand’ magn)
1 lítil dós grœnn aspas
2-4 msk. kurlaður ananas
1 dós kotasœla ni. ananaskurli
1 lítil dós majones
3 msk. sýrður rjómi
3 msk. sœtt sinnep
3 eggjahvítur
1 bolli rifinn ostur
Aðferð: Hræra saman majonesi,
sýrðum rjóma, kotasælu og sinn-
epi. Brytja skinku og setja út í
sósuna ásamt aspas og kurluðum
ananas. Láta „jukkið“ á fransk-
brauðió (passar á 4 sneiðar).
Stífþeyta eggjahvítur og hræra
rifna ostinn varlega saman við.
Smyrja þessu utan á brauðið og
bregða því í vel heitan ofn (250
gráðu) í u.þ.b. 10 mín. eða þang-
að til hvíturnar eru farnar að
brúnast.
Þessa uppskrift nota ég líka oft
á hringlaga brauðtertuform (3
lög) og sleppi þá eggjahvítu/ost-
húðinni en skreyti með grænmeti.
Verði ykkur að góðu.
Guöbjörg skorar á Önnu Jónu
Guðmundsdóttur, leikskólastjóra
á Dalvík, að leggja til uppskriftir
í næsta matarkrók. Guðbjörg
sagðist vita aó Anna Jóna hefði
gaman af aó gera góðan mat. IM
POSTKORT FRA ÞYSKALANDI
HLYNUR HALLSSON
VATN UM MYND
Grasió er farið að grænka. Ég held
að það sé ekki einungis ímyndun
eða óskhyggja því að um daginn sá
ég brumhnappa sem voru að því
komnir að springa út. En svo er
komin hundslappadrífa og haust
sem stendur sem betur fer ekki
lengi, því hellirigning með sjaldgæfu
roki á þessum slóðum fylgir á eftir.
Og þaó er ekki laust við að manni
líði einkennilega þegar VedfÍÖ er
farið að koma í sjö útgáfum sama
daginn rétt eins og heima. Veður-
fræðingurinn í sjónvarpinu vissi þetta
samt fyrir og spáir svo með klukku-
tíma nákvæmni fyrir næstu viku.
Þegar ég hjóla yfir Leine á brúnni hjá
stífiunni sé ég að yfirboróið
hefur hækkað um nokkra metra og
ég sé fyrir mér ána í klakaböndum
eins og Goða- eða Gullfoss. Ef hér
ríktu nú fimbulvetur og frosthörkur í
stað vatnsveðurs. Það er gott að búa
á Myllufjalli þegar flóð eru í
nágrannabyggðum. Jafnvel þó hér
sé engin mylla og þetta sé hvorki
fjall né hóll og varla hæð. Þaó er
aftur komið vor en stolt staðarins
Herrahúsagarðurinn er enn lokaður
því það standa yfir vorhreingerningar
um þessar mundir. Áður er blómin
fara þó að springa út fyrir alvöru
spretta auglýsingaspjöld fram-
bjóðenda stjórnmálaflokkanna upp.
Það stendur til að hespa af nokkrum
tugum kosninga á árinu, til
Ríkisþings, Evrópuþings, landsþinga
og borgarstjórna. Andlit stjórnmála-
mannanna eru þó enn sem komið er
kærkomin tilbreyting frá Phil Collins
sem ætlar að halda tónleika í
september og hefur einokað vegg-
spjaldamarkaðinn frá því í október.
Þaó er því bara að vona aó sem
fyrst verði uppselt á tónleikana hans
svo það þurfi ekki að vegg-
fóðra meira með andlitinu á
honum. Það er hinsvegar óþarfi að
gera sér vonir um að uppselt verði í
kosningarnar.
Frumsýning Hannoveróperunnar
á Höll Franz Kafka er næg
ástæða til að missa af þorrablóti ís-
lendingafélagsins, enda komið vor.
Stykkið var líka stórkostlegt. Tón-
listin er eftir Aribert Reimann en
hann fékk að heyra viðbrögð
skapheitra áhorfenda í lokin sem
öskruðu meðal annars að tónlistin
væri ósvífin. Þeir voru þó fleiri sem
sátu eftir og klöppuóu í korter.
Einföld sviðsmyndin er líka vel út-
færó þar sem sími og Sima-
snura skipa veigamikið hlutverk.
Sviðið er líka víkkað út þannig að í
nokkrum tilfellum þegar persónur
hverfa út hægra megin niður stiga
koma þær samstundis inn vinstra
megin niður á sviðið úr „sama'' stiga.
Sama gerist meó hluti sem kastað er
út af sviðinu að þeir lenda inn á því á
sama tíma aftur úr hinni áttinni.
Frumsýningin varð eftirminnilegri
þegar einn aðalleikarinn missteig sig
en harkaði af sér og haltraði um
svióið syngjandi það sem eftir var.
Texti Kafka er hins vegar nægi-
lega tormeltur á íslensku svo ekki sé
talað um að fá hann sunginn í nú-
tímatónverki á þýsku. En maður lét
sér skýringar í sýningarskránni
nægja. Þaó styttir upp og nú í byrjun
febrúar er örugglega komið vor.