Dagblaðið Vísir - DV - 15.03.1995, Blaðsíða 6
6
MIÐVIKUDAGUR 15. MARS 1995
Viðskipti
Tap Landsbankans á eignaleigunni Lind allt að einum milljarði:
Leifar af hruni
SÍS-veldisins
- Lýsing hafnaði sameiningu þegar kaupleigusamningar Lindar voru sýndir
Eignaleigan Lind var til húsa að Lágmúla 6 en starfsemin, sú litla sem eftir
er, hefur nú verið flutt I höfuðstöðvar Landsbankans i Bankastræti.
Landsbankinn afskrifaði 185 millj-
ónir króna þegar rekstri eignaleig-
unnar Lindar var hætt á síðasta ári
og starfsemin sameinuð bankanum.
Nú er aö koma í ljós að bankinn tap-
aði mun hærri fjárhæðum vegna
Lindar. Samkvæmt heimildum DV
getur tapið numið allt að 1 milljarði
króna, að teknu tilliti til allra kaup-
leigusamninga sem Lind gerði og
skuldbindinga frá gamla SÍS-veldinu.
Lind var upphaflega að mestu í eigu
SÍS en komst endanlega í hendur
Landsbankans í árslok 1992 í skulda-
skilum Sambandsins við bankann.
Bankinn tók viö miklum skuldbind-
ingum frá SÍS-veldinu og eru þær
taldar meginskýringar á endalokum
Lindar.
Tíu starfsmenn Lindar misstu
vinnuna á síðasta ári og þar á meðal
framkvæmdastjórinn, Þórður Ingvi
Guömundsson. Stjómarformaður
Lindar er Halldór Guðbjarnason
bankastjóri en með honum í stjórn
eru Stefán Pétursson og Barði Árna-
son aöstoöarbankastjórar.
Hugmyndir um sameiningu
Eftir að Lind komst alfarið í eigu
Landsbankans komu fljótlega upp
þær hugmyndir að sameina eignale-
igurnar Lind og Lýsingu sem Lands-
bankinn á 40% hlut í. Að auki eru
Búnaðarbankinn, Sjóvá-Almennar
og VÍS hluthafar í Lýsingu. Ekki
reyndi alvarlega á þær hugmyndir
fyrr en á síðasta ári. Þá varð stjóm-
endum bankans Ijós alvarleg staða
Lindar, samkvæmt heimildum DV,
og reyndu allt hvaö þeir gátu til að
bjarga rekstrinum. Þannig hefur DV
heimildir fyrir því að Sverrir Her-
mannsson bankastjóri hafi sett fram
hugmyndir um að selja vinnuvélar í
eigu Lindar úr landi. Aðrir eigendur
Lýsingar voru í upphafi ekki frá-
hverfir hugmyndum um sameiningu
en þegar starfsmenn Lýsingar fengu
að sjá þá leigusamninga sem Lind
hafði gert var öllum sameiningar-
hugmyndum hafnað endanlega. Þá
mun „SÍS-armurinn“ á toppi Lands-
bankans alla tíð hafa verið mótfall-
inn sameiningu. Meðal þeirra voru
Halldór Guðbjarnason og Þórður
Ingvi.
Afkoma verri en kom
fram í ársskýrslum
í ársskýrslu Lindar fyrir árið 1993
vakti það athygli að Þórður Yngvi
sagði aö vegna uppsafnaðra útlána-
vandamála frá fyrri árum og þáver-
andi efnahagsástands yrði að gera
ráð fyrir því að arðsemi eigin fjár
yrði í lágmarki hjá Lind árið 1993 og
1994 þar sem fyrirsjáanlegt yrði aö
megnið af brúttóhagnaði fyrirtækis-
ins yrði lagt í afskriftasjóð útlána. Á
þessum orðum mátti skilja að af-
koma Lindar hefði verið enn verri
en ársskýrslan gaf til kynna. Því
ættu fregnir af enn meira tapi Lands-
bankans vegna Lindar en haldið var
í fyrstu ekki að koma á óvart.
Árni Tómasson, endurskoðandi
Landsbankans, sagði við DV að af-
skriftir Landsbankans vegna Lindar
væru með í reikningum bankans sem
lagðir voru fram á nýlegum ársfundi
hans. Að öðru leyti sagðist Árni ekki,
getaö tjáð sig um málefni Lindar.
Umdeild tækjaleiga
Heimildarmenn DV, sem vel
þekkja til á eignaleigumarkaðnum,
telja að mörg mistök hafi átt sér stað
í rekstri Lindar. Þannig hafi óhemju
mikiö magn af tækjum verið keypt
sem skilaði Lind ákaflega Utlu í aðra
hönd. Sem dæmi eru tekin kaup á
vinnuvélum frá Toyota-umboðinu P.
Samúelssyni. í kringum það var
stofnuö tækjaleiga sumarið 1993 í
samvinnu við dótturfyrirtæki P.
Samúelssonar, Kraftvélar hf. Þessi
starfsemi þótti afar umdeild þar sem
leigutaxtar voru langt undir því sem
tíðkaðist á almennum markaði. Með-
al þeirra sem settu fram harða gagn-
rýni var Félag vinnuvélaeigenda.
Þannig sáu menn sér hag í því að
leigja vinnuvélar frá Lind. Greitt var
fast verð fyrir leiguna, auk þess sem
Lind borgaði allt viðhald. Ef leigt var
í viku var greitt fyrir átta tíma á
dag. DV veit dæmi þess að menn tóku
tæki á leigu hjá Lind og keyrðu það
24 tíma á dag á vöktum.
58 milfjóna viðskipti
Hlutabréfaviðskipti síðustu viku
námu rúmum 55 milljónum króna
og 3 milljónir bættust við sl. mánu-
dag. Mest var keypt af bréfum
Vinnslustöðvarinnar í Vestmanna-
eyjum, eða fyrir 20 milljónir króna á
genginu 1,00. Á mánudag náði þing-
vísitala hlutabréfa enn einu sögulega
hámarkinu, nálgast núna 1100 stig
og endaði í 1096 stigum. Viðskipti
gærdagsins lágu ekki fyrir þegar
þetta var ritað.
Næstmest var keypt af bréfum
Haraldar Böðvarssonar hf. á Akra-
nesi, eða fyrir 5,4 milljónir. Þar á
eftir koma kaup í Olíufélaginu fyrir
5,1 milljón, í Flugleiðum fyrir 4,4
milljónir, í íslandsbanka fyrir 4,2
milljónir og Síldarvinnslunni fyrir
3,5 milljónir. Mest hækkuðu hluta-
bréf í Þormóði ramma milli vikna
eða um 9%. Lítils háttar lækkun varð
á gengi bréfa í Eimskip í síðustu viku
og hjá Flugleiðum sl. mánudag.
Hækkun í Brimarhöfn
Tveir togarar seldu í Brimarhöfn í
Þýskalandi í síðustu viku og hækk-
aði meðalverð frá vikunni áður um
44%. Skagfirðingur SK seldi 211 tonn
fyrir 23,4 milljónir króna og Breki
VE seldi 216 tonn fyrir 27,5 milljónir.
Meðalveröið var öllu betra hjá
Breka. í gámasölu í Englandi seldust
277 tonn fyrir tæpar 40 milljónir
króna, samkvæmt upplýsingum frá
Aflamiðlun. Þótt meðalverð á þorski
lækkaði milh vikna hækkuðu flestar
aðrar tegundir í verði, grálúðan þó
allra mest.
Jen og dollar hafa hækkað í verði
síðustu daga en pundið lækkaö.
Þýska markið helst sem fyrr nokkuö
stöðugt.
Stöðugleiki ríkir jafnframt á ál-
markaðinum um þessar mundir. Töl-
ur um minnkandi birgðir gætu vald-
ið verðhækkun á næstunni.
Þingvísit. hlutabr.
Þingvísit. húsbr.
x>v
Hrímgull stof n-
arVisthús
Hrímgull sf. hefur stofiiað bygg-
ingarþjónustuna Visthús. Vist-
hús mun teikna og reisa nýbygg-
ingar samkvæmt fornri þekk-
ingu. Ennfremur mun umhverfl
verða skipulagt ásamt því að end-
urnýja eldra húsnæði. Benedikt
Kristjánsson byggingarmeistari
mun hafa umsjón með starfsemi
Visthúsa.
EnnselurKÁ
eignir
Krisí'án Einaxsson, DV, Seifosst
Stjórnendur Kaupfélags Árnes-
inga tilkynntu nýlega um sölu á
Laugardælalandi í Hraungerðis-
hreppi og smiðjuhúsunum á Sel-
fossi. Samvinnulífeyrissjóðurinn
hefur nú eignast Laugardæla-
jörðina sem er 702 ha. að stærð
og Landsbankinn og Rekstrarfé-
lagið hf. eru eigendur að öllum
smiðjuhúsum, 6800 m- að grunn-
fleti.
Skuldastaða KÁ var orðin mjög
slæm, en með þessum aðgeröum
og þeim sölum á eignum sem átt
hafa sér stað undanfarið, telja
KÁ-menn aö vörn sé snúið upp í
sókn.
Góðafkoma
Borgeyjar 1994
Júlia Imsland, DV, Hö&i:
Rekstur útgerðarfyrirtækisins
Borgeyjar á Höfn i Hornafirði
gekk vel á siðasta ári og fór ár-
angur fram úr áætlunum. Heild-
artekjur námu 1.353 milljónum
króna en rekstrargjöld 1.147
milljónum. Reksturinn skilaði
206 milljónum upp i afskriftir og
íjármagnskostnað eða 15,2% af
veltu. Afskriftir námu 69 milljón-
um og hagnaður án fiármagns-
kostnaðar varð 138 milljónir.
Fjármagnskostnaður nam 57
milfiónum og varð hagnaður af
reglulegri starfsemi 81 milljón.
Vinexpo 1995
i Bordeaux
Sýningin Vinexpo 1995 verður
haldin í Bordeaux í Frakklandi
dagana 19. til 23. júní nk. Þetta
er eina sýningjn sinnar tegundar,
haldin annað hvert ár í hinu
heimsfræga vinhéraði Bordeaux.
Þarna gefst íslenskum áhuga-
mönnum um vínmenningu kjörið
tækifæri til að komast í samband
við framleiðendur. Nánari upp-
lýsingar fást hiá Versjunardeild
franska sendiráösins í Reykjavik.
Tölvuf orrit um
íslensk frimerki
Breska tölvufyrirtækið Phila-
telic Software i Essex hefur gefið
út forrit fyrir frímerkjasafnara
sem safna frímerHjum ffá ís-
landi, Færeyjum ogGrænlandi. Á
forritinu eru m.a. upplýsingar
um öll íslensk frímerki sem voru
gefin út frá 1876 til 1994. Eigandi
Philatelic er íslandsvinurinn dr.
John Enoch sem safnað hefur ís-
lenskum frímerkjum i 20 ár.
Seðlabankinn
hækkar vexti
Seölabankinn hefur hækkað
svokallaöa millibankavexti.
Ávöxtun í endurhverfum ríkis-
víxlaviöskiptum hækkaði um 0,4
prósentustig og forvextir reikn-
ingskvóta hækkuðu um 0,9 pró-
sentustig. Hækkunin er m.a. til
komin vegna óróa á gjaldeyris-
mörkuðum að undanfómu.