Dagblaðið Vísir - DV - 15.03.1995, Blaðsíða 12

12
MIÐVIKUDAGUR 15. MARS 1995
Spumingin
Hvernig finnst þér
dómararnir hafa staðið
sig í úrsiitakeppninni
í handbolta?
Benedikt Benediktsson verkstjóri:
Ég hef ekkert verið að spá í það und-
anfarið.
Glafar Pétursson nemi: Mér finnst
þeir hafa staðið sig nokkuð vel.
Pétur Pétursson nemi: Mér finnst
þeir hafa staðið sig þokkalega vel,
gagnrýnin hefur verið alltof hörð.
Óskar Josuason nemi: Mér finnst
þeir hafa staðið sig eins og þeim er
ætlað, vel.
Steinunn Josuadóttir nemi: Bara
mjög vel.
Sigurandri Sigurðsson nemi: Bara
ágætlega.
Lesendur
Ömurleg lífskjör
Þorvaldur Sigurðsson skrifar:
Mér hefur verið hugsað til þess að
sjaldan eða aldrei sér maður neitt á
prenti þar sem fjallað er um bág kjör
örorkulífeyrisþega. Það á sér hins
vegar stað oftar en ekki að baráttu-
glaðir ellilífeyrisþegar tjái sig um sín
kjör og kann ég því ákaflega vel að
fólk láti álit sitt í ljós þegar um svo
örlagaríkan þátt í tilverunni er að
ræða.
Það sem fyrir mér vakir að þessu
sinni er að vekja athygli á vægast
sagt ömurlegum lífskjörum okkar
sem illu heillu höfum hrakist af hin-
um almenna vinnumarkaði vegna
þess að heilsan hefur bfostið og við
verið úrskurðaðir 75% öryrkjar eða
meira. Ég geri ekki ráð fyrir að hinn
almenni borgari og þaðan af síður
þeir sem völdin hafa í þjóðfélaginu
geri sér nokkra grein fyrir þeim
ömurleika sem við blasir þegar
manni, oft skyndilega, er ýtt til hliðar
vegna heilsubrests og þarf skyndi-
lega að sætta sig við hin bágu lífskjör
sem örorkubætumar bjóða upp á.
Með þessu vil ég síst af öllu van-
þakka þær bætur sem við fáum en
víða njóta menn alls engra bóta.
En í fyllstu hreinskilni verö ég að
játa að bæturnar duga á engan hátt
til þess að unnt sé að lifa af þeim
mannsæmandi lífi. Ég á hér alveg
sérstaklega við þá sem eiga ekki neitt
sparifé upp á að hlaupa og svo þá
fjölmörgu sem hafa lítið sem ekkert
frá lífeyrissjóðum. Það veröur að
vísu matsatriði hvað teljast skuli
mannsæmandi líf og verður trúlega
seint hægt að draga þar skarpa
markalínu því sitt mun hverjum sýn-
ast. En mitt mat er að örorkubæturn-
ar hjá meginþorra þessa hóps nái
engan veginn því marki að hægt sé
að lifa af þeim því lífi sem ég tel
mannsæmandi.
Þegar búið er að greiða húsaleigu
og önnur fóst útgjöld er maturinn
eftir og veit ég fjölmörg dæmi þess
að upp úr miðjum mánuði er fólk
orðið gjörsamlega peningalaust og
Bréfritari segir að ekki búi allir við sömu kjör í þjóðfélaginu og nefnir
dæmi því til stuðnings.
bjargast þá hvað helst á þvi að kom-
ast í lánsviðskipti hjá vinveittum
kaupmanni. Síðan kemur að sjálf-
sögðu að því að þessi matarlán þarf
að greiða svo fljótt sem næstu bætur
berast og með þessu er fólk komið
inn í vítahring sem ekki er auðvelt
aö losna úr. Hér hef ég aðeins nefnt
það sem ekki verður hjá komist til
þess að draga fram lífið. Ég hef ekki
minnst á það sem gefur lífi venjulegs
fólks óendanlega mikið og á ég þar
við hvers konar menningarviðburði
sem fyrir okkur öryrkja eru aðeins
draumsýn. Við höfum einfaldlega
ekki efni á að fara neitt af því sem
fólki finnst sjálfsagt og eðlilegt að
veita sér. T.d. leikhús og ópera o.fl.
En nú eru kosningar á næsta leiti
og vil ég að endingu skora á væntan-
lega þingmenn að láta nú ekki undir
höfuð leggjast að bæta kjör okkar svo
að barlómur af þessu tagi verði með
öllu óþarfur og við getum öll lifað
glöð og ánægð í okkar góða og gjöf-
ula landi.
Skemmtileg tilbreyting
Foreldri skrifar:
Ég vil koma á framfæri kæru þakk-
læti til íþrótta- og tómstundaráðs
Reykjavíkurborgar fyrir að standa
að nætursundi í Sundhöll Reykjavík-
ur. Þrátt fyrir að hér sé aðeins um
tilraunastarfsemi að ræða út þennan
mánuð er ég handviss um að þetta
framtak leiðir til þess að nætursund-
ið festist í sessi.
Þessi möguleiki er skemmtileg til-
breyting fyrir unglingana sem hafa
ekki úr alltof mörgu að velja. Sér-
staklega á þetta við um föstudags-
og laugardagskvöld þegar sorglega
margir unglingar kjósa að fara niður
í bæ til þess eins að hella í sig áfengi.
Fyrsta kvöldið í Sundhöllinni, þar
sem boðið var upp á nætursund, gafst
vel og full ástæða er til bjartsýni um
framhaldið. Þrátt fyrir að í hópi ungl-
inga leynist alltaf einhverjir svartir
sauðir er mikill meirihluti þeirra fólk
sem hægt er að treysta fullkomlega.
Unglingamir jafnt sem starfsmenn
Sundhallarinnar verða þess vegna
að vera á verði gagnvart þeim sem
sjá sér leik á borði til þess að mis-
nota þessa aðstöðu. Það væri virkileg
synd því langflestir vilja koma sam-
an til þess að skemmta sér á heil-
brigðan hátt án áfengis. Sama hvort
það er í sundlaugunum eða annars
staðar.
Vesalings ríkisstjóm
BGÞ skrifar:
Ekki get ég lengur orða bundist
yfir þeirri vesalings ríkisstjórn sem
nú er að ljúka fjögurra ára setu sinni
við kjötkatlana. Að stór hluti lands-
manna skuli þurfa að fara í verkfall
til þess eins að knýja á um að ríkis-
stjórn standi við fógur fyrirheit sín
er alveg stórfurðulegt og sýnir best
hvers konar galgopar sitja í ráð-
Greinarhöfundur líkir Sighvati við
hrekkjalóm.
herrastólum.
Hvar er nú Ólafur G. Einarsson,
hinn svokallaði menntamálaráð-
herra? Er hann kannski í felum?
Hvers vegna kemur maðurinn ekki
út úr skápnum og stendur við eigin
fyrirheit? Nei, í svona gaur er sko
lítið spunnið. Óg hvað skyldi Friðrik
Sophusson vera að bralla þessa dag-
ana? Varla er hann að færa efnahags-
batann úr vösum þeirra ríku yfir til
þeirra fátæku? Nei, svoleiðis gera
menn ekki, Frikki minn.
En eru þá krataráðherramir alveg
stikkfrí? Aldeilis ekki. Hrekkialóm-
urinn Sighvatur lætur ekki viku líða
án þess aö stríða sjúklingum og gam-
almennum. Sífellt er ráðist á það fólk
sem veikastar hefur varnirnar og
ekki eru höggin spöruð.
Og að lokum þetta: Elsku Davíð!
Sparkaðu nú ærlega í rassinn á Óla
G. svo að hann vakni af þessum
djúpa Þyrnirósarsvefni og átti sig á
því að mennt er máttur. Stjakaðu
síðan við Frikka svo hann skili þeim
peningum til baka sem hann hefur
hrifsað úr menntakerfinu og veiti
þeim BSRB-félögum, sem margir
hverjir eru að gjaldþroti komnir,
verðuga launahækkun. En umfram
allt, elsku Davíð, taktu hnífinn af
Sighvati áður en hann stórslasar sig
á þessu gegndarlausa fikti.
Vægar sektir
Guðbjörg Haraldsdóttir skrifar:
Ég get ekki orða bundist yfir
þeim vægu dómum sem bruggar-
ar fá. Nú síðast var bruggari á
Suðurlandi dæmur til að greiða
hálfa milljón króna í sekt effir að
hafa orðiö uppvís að bruggun og
sölu á hundruðum litra af áfengi.
Þessi dómur eins og þeir íyrri
í málum bruggara er hreint
hlægilegir. „Greyin“ borga sína
sekt og svo er þeim sleppt. Þann-
ig halda þessir menn áfram enda-
laust. Þeir framleiða bara meira
til aö borga sektina. Auðvitað á
ekki að taka á þessum málum
með neinum silkihönskum. Það
eina sem dugir er að setja brugg-
ara á bak við lás og slá. Það þýð-
ir lítið að sekta þá eins og reynsl-
an hefur sýnt. Þeir flytja sig bara
um set og halda iðju sinni áfram.
Það er löngu vitað að almenn-
ingur í þessu landi telur dóms-
málayfirvöld taka alltof vægt á
þessum málum. Þetta kom greini-
lega fram í skoðanakönnun DV
um daginn. Vonandi fara ráöa-
menn nú einhvern tímann að
vilja fólksins í landinu.
Pólitískur
skrípaleikur
SG lu ingdi:
Þetta er ljóti skrípaleikurinn í
kringum skýrsluna um einka-
væðinguna sem Sjálfstæðisflokk-
urinn lét gera. R-lista fólk sakar
sjálfstæðismenn um.ósannindi og
þeir vísa ummælmium til fóður-
húsanna.
Sem kjósandi er ég ringlaður
yfir öllu saman og veit varla
hverju ég á að trúa. R-listanum
er svo sem trúandi til alls en ég
er lika furðu sleginn yfir þeim
vinnubrögðum sem tiðkuðust við
skýrslugerðina. Mér finnst ekki
sniðugt aö gera skýrslu upp á
nokkrar milljónir til þess eins að
hafa hana á nokkrum minnis-
blöðum. Hana átti að gefa út og
leyfa öllum aðgang að henni sem
þaö vildi. Hvers kyns leynimakk
dregur bara úr tiltrú almennings
á stjómmálamönnum.
Getulaus
lögregla?
Magnús skrifar:
Eftir þvi sem lengra líöur frá
„Skeljungsmálinu“ svokailaða
þeim mun erfiðara verður vænt-
anlega að upplýsa málið. Þetta
vekur upp spurningar um hæfni
lögreglunnar og hvort hún sé
hreinlega getulaus. Ekki vil ég
ganga svo langt að fullyrða að svo
sé. Fremur hallast ég að þeirri
skýringu að peningaskortur
hamli því að lausn finnist enda
þarf töluverðan mannafla til að
leysa mál af þessu tagi.
Grundvallarspumingin er hins
vegar sú hvort þjóðfélagið hafi
efni á þvi að slík mál leysist ekki
þegar til lengra tíma er litið.
Munu aíbrotamenn einfaldlega
ekki ganga á lagiö?
Óhóflegar
auglýsingar
Anna Jónsdóttir hringdi:
Ég legg til aö settar verði skýrar
reglur um auglýsingar hjá stjórn-
málaflokkum fyrir kosningar.
Mér snýist að allt muni fari úr
böndunum fyrir þessar kosning-
ar en þegar uppi er staðið eru það
auövitað kjósendur sem borga
brúsann.
Góðurþáttur
KL hringdi:
Égvil taka undir með Geirþrúöi
sem þakkaði Hemma Gunn fyrir
góðan þátt. Á tali er einn fárra
þátta sem ég bíö spenntur eftir
og veit ég að svo er um fleiri.
Vonandi heldur Hermann
ótrauður áfram og stjómar mörg-
um þáttum enn.