Dagblaðið Vísir - DV - 03.05.1995, Blaðsíða 4
4
MIÐVIKUDAGUR 3. MAÍ 1995
Fréttir
Homfirðingar æflr vegna frestunar humarvertíðar:
Reglugerðin veldur
tugmilljóna tjóni
- segir framkvæmdastjóri Borgeyjar hf. á Höfn
Halldóra B. Jónsdóttir, formaður Útvegsmannafélags Hornafjarðar, og Ingólfur Ásgrímsson skipstjóri með mót-
mælaskjal sem þau afhentu Þorsteini Pálssyni sjávarútvegsráðherra í gær. Hornfirðingarnir eru að mótmæla þvi
að humarvertið er frestaö. Það má tií gamans geta þess að Ingólfur er ekki óvanur að ræða við sjávarútvegsráð-
herra, því hann er bróöir Halldórs Ásgrímssonar sem var sjávarúvegsráðherra í átta ár. DV-mynd GVA
„Aður en ráðuneytið tók þessa
ákvörðun lá ljóst fyrir aö þetta væri
gegn okkar vilja. Samt sem áður er
þetta gert og það getur þýtt þaö að
veiðin á bátana verði minni, því þetta
er besti veiðitíminn. Ef við ætlum að
bæta okkur þetta upp með því að
vera lengur að fram á sumarið þá
erum við komnir inn í það tímabil
að humarinn er kominn í skelskipti
og orðinn eins og við köllum það
gúmmíhumar," segir Halldór Árna-
son, framkvæmdastjóri Borgeyjar hf.
á Höfn, vegna þeirrar ákvörðunar
sjávarútvegsráðuneytisins að fresta
humarvertíð um eina viku. Halldór
segir að þessi ákvörðun, sem tekin
er vegna óska humarverkenda á Suö-
ur- og Suðvesturlandi, leiöi til fjár-
hagslegs tjóns fyrir Hornfirðinga.
„Við erum búnir að láta markaðs-
menn okkar vita hvenær humarinn
er væntanlegur frá okkur, en núna
getum viö ekki staðið við það. Þessar
breytingar eru því algjörlega óverj-
andi og það er ekki hægt að bera við
einhverju kennaraverkfalli. Þeir sem
vildu þessa frestun gátu byrjað viku
seinna en reglugerðin hljóðaði upp
á; það er ekkert í henni sem bannar
þeim það.
Það sem skiptir okkur mestu máli
er að geta veitt humarinn þegar að-
stæður eru bestar. Ráðuneytiö setti
í júlímánuði í fyrra reglugerð um að
það ætti að byrja veiðarnar 14. maí.
Við höfum miðað allt skipulag við
aö byrja á þessum tíma. Það er auð-
vitað algjörlega ófært að ráðuneytið,
sem hefur það hlutverk sem stjórn-
vald að skapa festu í okkar um-
hverfi, skuli með svo skömmum fyr-
irvara hringla með upphaf vertíðar-
innar. Þessi reglugerð er sett nánast
til höfuðs okkur hér á Hornafirði til
aö stoppa okkur af. Þetta mun valda
okkur hér, útgerð og vinnslu tug-
milljóna tjóni,“ segir Halldór.
Halldór segir Hornfirðinga standa
einhuga að því að mótmæla þessari
reglugerð.
Halldóra B. Jónsdóttir, formaður
útvegsmannafélagsins á Höfn, er
annar tveggja fulltrúa sem héldu á
fund sjávarútvegsráðherra til að
birta honum mótmæli vegna máls-
ins. Hún segir að þau hafi átt hálf-
tíma fund með Þorsteini Pálssyni í
gær: „Við afhentum Jionum bréf með
mótmælum okkar og skýrðum okkar
sjónarmið. Ég hlýt að halda í þá von
að þessu verði breytt," segir Hall-
dóra. -rt
Borgarskipulag:
Golfvöll
utan um
byggðina
Unnið er að breyttu skipulagi
golfvallarins og íbúðarbyggöar-
innar við Korpúlfsstaði í Reykja-
vík, svonefnt Staöahverfi, þannig
að íbúðum við golfvölhnn fjölgi
verulega og fari úr 350-400 í um
500 íbúðum, auk þess sem lagið á
golfvellinum breytist. Þorvaldur
S. Þorvaldsson, forstöðumaöur
Borgarskipulags, segir að nýju
skipulagstillögurnar eigi að liggja
fyrir á miðvikudag.
„í vestur og norður af Korpúlfs-
stöðum er búið að skipuleggja
íbúðahverfi og golfvöllurinn
þræðir sig kringum byggðina. Nú
er verið að breyta golfvellinum
til að ná betri og hagkvæmari
stærð á íbúöabyggðinni gagnvart
skóla og annarri þjónustu. Golf-
völlurinn er unninn af sérmennt-
uöum golfhönnunarmanni og
breytingin á vellinum er gerð í
samráði og samvinnu við kylf-
inga,“ segir Þorvaldur.
„Reykjavíkurborg er að leita
samkomulags við okkur um að
breyta skipan á svæöinu. Ef við
fáum jafngott í staðinn eöa betra
þá erum viö þokkalega sátt við
þessar aðgerðir,“ segir Garðar
Eyland, formaður Golfklúbbs
Reykjavíkur.
Staðahverfl verður fyrsta
íbúðahverflð í landinu sem er
byggtinnígolfvöll. -GHS
Akranes:
Mokveiði hjá
grásleppukörlum
Daniel Ólafason, DV, Akranesi:
Það liggur vel á grásleppukörl-
um hér á Akranesi nú í byrjun
vertíðar því aö bytjunin lofar
góðu. Mokveiði hefur verið hjá
þeim og menn eru farnir að spá
góðri vertíð. Trillukarlarnir voru
að fá allt upp í 1200 kíló af hrogn-
um og sumir þeirra veiddu einnig
grimmt rauðmaga. Fengu allt aö
200 stykki i veiðiferö.
í dag mælir Dagfari______________________
Eru sjálf stæðar konur sjáKstæðar?
Sjálfstæðisflokkurinn vann góðan
sigur í kosningunum í apríl. Flokk-
urinn hélt nokkum veginn sínu og
er nú búinn að mynda nýja ríkis-
stjórn. Staða flokksins er þess
vegna að flestra áliti afar sterk og
sterkari en oftast áður.
Það finnst flestum en ekki öllum.
Sjálfstæðiskonur eru óánægðar.
Þær héldu þing um helgina og telja
að árangur flokksins sé aUs ekki
viðunandi. Einkum aö því er konur
varðar.
Það sem-er nýtt í þessu er að
konur séu yfirleitt að rífa kjaft í
Sjálfstæðisflokknum. Hingaö til
hafa þær verið upp á punt. Þær
hafa veriö atkvæöi fyrir flokkinn
en aldrei ætlast til neins af flokkn-
um, nema þá að fá að kjósa til að
karlarnir í flokknum geti áfram
stjórnað. Aldrei fyrr í sögu Sjálf-
stæöisflokksins hafa konur risið
upp og heimtaö eitthvað fyrir sinn
snúð. Þetta kemur mönnum í opna
skjöldu og er vandamál sem Sjálf-
stæðisflokkurinn hefur ekki áður
staöið frammi fyrir. Menn héldu
þvert á móti að þessu kvennakjaft-
æði væri nú endalega lokið eftir að
Kvennalistinn galt aíhroð í kosn-
ingunum.
I ljós hefur komið að það skiptir
máli fyrir Sjálfstæðisflokkinn
hvort það eru konur sem taka þátt
í sigrunum eða ekki. Ef konur taka
ekki þátt í velgengni flokksins hef-
ur Sjálfstæðisflokkurinn staöiö sig
iUa. Þetta er það sem lesa má út
úr niðurstöðum landsþings sjálf-
stæðiskvenna og nú ætla þær aö
hefja útrás og heimta að konur
komist í virðingar- og ábyrgðar-
störf innan flokksins svo að þær
geti líka sagt að Sjálfstæöisflokkn-
um hafi gengið vel þegar honum
hefur gengið vel. Annars gengur
flokknum ekki vel þótt honum
gangi vel.
En mitt í þessari tangarsókn
sjálfstæðiskvenna er annar hópur
kvenna innan Sjálfstæðisflokksins
sem kallar sig sjálfstæðar konur.
Þær eru ekki sjálfstæðiskonur
heldur sjálfstæöar konur. Á þessu
er mikill munur sem sést meðal
annars á því að sjálfstæðar konur
eru aUs ekki óánægðar með árang-
ur flokksins og ekki heldur með
árangur kvenna innan flokksins.
Sjálfstæðar konur segja að könur
eigi að hafa jafnan rétt og karlar
og ef þær eru ekki nógu góðar tíi
að standa jafnfætis körlunum þá
er það ekki sök karlanna heldur
kvennanna sem ekki eru nógu góð-
ar.
Þetta taka sjálfstæðiskonur óst-
innt upp og eru komnar í hár sam-
an við sjálfstæðar konur. Sjálf-
stæðiskonur segja að sjálfstæðar
konur séu ekki sjálfstæðar. Sjálf-
stæöar konur segja að sjálfstæöis-
konur verði að standa sjálfstæðar.
Um þetta er hart deilt og karlamir
í flokknum una glaðir viö sitt á
meðan. Það er ekki hægt að velja
þær til trúnaðarstarfa meðan þær
koma sér ekki saman um hvort þær
eigi rétt á trúnaðarstörfum, eftir
því hvort þær eru sjálfstæðar eða
ekki.
Þetta er auðvitað hápólitísk og
heimspekileg umræða. Hún snýst
sem sagt um það hvort konur geti
verið sjálfstæðar ef þær eru svo
ósjálfstæðar að þær geti ekki verið
sjálfstæðiskonur nema vera háðar
því að karlamir hleypi þeim að.
Þetta er líka spurning um hvort
konur séu nógu góðar til að taka
við trúnaðarstörfum og þingstörf-
um og ráðherrastörfum ef þær hafa
ekki unnið tU þess. Sjálfstæöiskon-
um finnst að konur eigi rétt á slík-
um stöðum hvort heldur þær hafa
unnið til þess eða ekki. Sjálfstæðar
konur vilja hins vegar vera svo
sjálfstæðar að sjálfstæði þeirra í
Sjálfstæðisflokknum sé háð því að
þær séu nógu sjálfstæðar til að
standa undir sjálfstæði sínu.
Það fer auðvitað um formann
þingflokksins og varaformanninn
og alla ráðherrana þegar konurnar
geysast fram og heimta að fá þessi
sæti í sinn hlut. En þá verða líka
konur að gera það upp við sig hvort
þær vilja vera sjálfstæðiskonur í
Sjálfstæðisflokknum eða sjálfstæð-
ar konur í Sjálfstæðisflokknum. Ef
þær eru sjálfstæðiskonur þá verða
þær að hlíta því sem flokkurinn
segir. Ef þær eru sjálfstæðar konur
verða þær auðvitað að vera sjálf-
stæðar án þess að flokknum komi
það við. Og hvorutveggja leiðir til
þess að karlarnir hljóta að ráða því
hvað þær fá í sinn hlut þegar
flokknum vegnar vel.
Dagfari