Þjóðviljinn - 07.01.1984, Blaðsíða 17

Helgin 7.-8. janúar 1984 ÞJÓÐVILJINN - SÍÐA 17
daegurmál (sígiid?)
Nona Hendryx er listakona
sem vert er að fylgjast með í verð-
andi framtíð. í Melody Maker
var nýlega viðtal við hana og fer
það hér á eftir lauslega snúið,
stytt en þó aukið á stöku stað.
Tilefnið er sólóplata Nonu, sem
ber fornafn hennar og kemur
yndislega á óvart. Á henni er að
finna hvað líflegastan efnivið í
nútímarokk-„soul“ tónlist en þar
að auki (og það sem er þetta áð-
urnefnda yndislega) eru textarn-
ir, sem hún semur flesta sjálf,
mjög góðir vegna athyglisverðrar
hugsunar sem liggur að baki
þeim.
Þessi plata skipar Nonu sess
sem frábærri söngkonu og ekki
síður sem ákveðnu, jafnvel hug-
rökku skáldi og örgrandi. Verk
hennar einkennast af dýpt og list-
rænum tiþrifum frekar en að
beinast að því að slá í gegn. En til
að fæla engan frá með Iýsingar-
orðum er rétt að taka fram, að
lögin sjálf, sem Nona semur yfir-
leitt í félagi við aðra, eru góðar og
mjög danshæfar melódíur. Marg-
ir mundu jafnvel afgreiða
„Nonu“ að órannsökuðu máli
sem enn eina diskóplötuna en
einmitt það gefur henni sérstöðu
að textarnir og öll hugsun á bak
við hana er „vitræn“ en ekki
innantómt röfl eins og yfirleitt er
fylgjandi slíkri músik.
Ferill Nonu sem listakonu er
langur og litríkur og verður ekki
rakinn hér nema lítillega. Á sjö-
unda áratugnum söng hún með
Labelle-tríóinu og var jafnframt
tísku- og stflhönnuður þeirra, en
þær stöllur vöktu einmitt geysiat-
hygli fyrir útlit og framkomu sem
þótti frumleg, djörf og ögrandi í
alla staði. Eftir að Labelle lagði
upp laupana gerði Nona það helst
af sér að syngja í slagtogi með
þeim hljómsveitum á vinstri væng
sem mega teljast til rjómans af
róttækum sveitum á Manhattan í
New York og þótt víðar væri
leitað til samanburðar, s.s. De-
funkt, Talking Heads og Mater-
ial. Nú virðist hins vegar liggja
ljóst fyrir að hún hljóti viður-
kenningu út á eigið nafn, a.m.k. á
hún það fyllilega skilið.
Á umdræddri plötu Nonu nýt-
ur hún aðstoðar tveggja fyrrum
félaga úr Material, Tina Weymo-
uth bassaleikari Talking Heads
kemur og við sögu og trymbyllinn
slyngi Sly Dunbar sem m.a. lem-
ur húðir fyrir Grace Jones og
Marianne Faithfull, og í einu lag-
anna, Design for living, koma
eingöngu kvenmenn til sögunn-
ar: Hljómsveitin Belle Stars eins
og hún leggur sig, Laurie Ander-
son á fiðlu, Tina Weymouth á
bassa, Valerie Simpson á píanó,
og Nona á hljóðgerfil. Blaða-
maður MM spurði Nonu hvers
vegna hún hefði fengið eingöngu
kvenfólk til að flytja lagið:
„Vegna þess að ég vildi að fólk
eins og þú spyrðir mig þessarar
spurningar og skrifaði síðan um
NONA Hendryx
ástæðuna! Kvenhljóðfæraleikar-
ar fá ekki hrós sem slíkir - það er
litið á þá sem kjánalegar stelpur
með „karlmannshljóðfæri" í
strákaleik. Sú staðreynd að talað
er um þær sem kven-hljóðfæra-
leikara segir margt. Fólk segir
ekki: Neeei, þarna er karl-
hljóSfæraleikari! Með þessu lagi,
Design for living (sem þýðir
eiginlega „hannaður lífsmáti"),
fannst mér ég geta vakið athygli á
þessari staðreynd. Líka vildi ég fá
konur til að flytja lagið til að gefa
því borthætt en jafnframt sterkt
yfirbragð, sem er miklu eigin-
legra konum en körlum. Kannski
verða konur áhrifameiri í tónlist í
framtíðinni en verið hefur. Það er
breyting sem verður að gerast!“
Og það er einmitt þema plöt-
unnar; þörfin á sífelldum breyt-
ingum til hins betra og þá þannig
að hver og einu reyni að ganga
lengra í þá átt en samtíminn segir
til um.
„Þessi plata er ekki beint
flokkspólitísk, því að ég verð æ
meira á þeirri skoðun að vanda-
málin séu ekki stjórnmálamenn-
irnir., heldur við sjálf“, segir hún.
Og hér gerir hún grín að vanda-
málinu „karlmenn", í laginu B-
Boys, sem er hæðnisleg ádeila í
diskó-dulbúningi:
Boys will be boys/Boys they like
their toys...lYou’re so cold, you
take such pride in your control/
’Causeyou’ve been told/You’vegot
the thing 1 need to hold/So come on
over, come down from your
pedestal/Why don’t you look me
over/There ain’t no need for prot-
ocol...
... sem útleggst nœstum því si-
sona: Strákar eru og verða strákar
og eru ánœgðir með „leikfangið“
sitt... I Þið eruð svo svalir og stoltir
af „yfirráðum" ykkar / af þvi að
ykkur hefur verið sagt að þið séuð
með það sem ég þarfnast I Svona-
nú, komiði niður af þessum stalli /
Hversvegna athugiði ekki hvernig
ér er / Þið þurfið ekki að haga
ykkur skv. úreltum siðareglum.
Enda þótt textar Nonu Hend-
ryx séu ólíkt þjóðfélagslegapól-
itískari en hjá Grace Jones hefur
þeim tveim þó verið líkt saman og
þá reyndar frekar sem söngkon-
um og lagasmiðum. Um það segir
Nona: „Ég get varla sagt að ég
hafi hlustað á músik hennar, en
mér virðist hún samt snjöll og vita
hvað hún er að gera“. Samkvæmt
plötu Nonu er þó eitt lag sem
óneitanlega minnir á Grace,
Dummy up nefnist það, en svo er
náttúrulega hinn sérstæði
trommuleikur Slys Dunbar í lög-
unum Transformation og Steady
Action sem leiðir hugann að
Grace. Þar með er það líka upp
talið. Nona Hendryx þarf ekki að
apa eftir neinurn og maður verð-
ur hrifnari og hrifnari af þessari
plötu hennar því oftar sem maður
hlustar á hana. Það gæti farið svo
að lagið hinum megin heyrðist í
gegn....LA
MYNDUSTA-
OG HANDÍÐASKÓU
ÍSLANDS
Ný námskeið
hefjast mánudaginn 23. janúar og standa
þau til 30. apríl 1984.
1. Teiknun og málun fyrir börn og unglinga.
2. Teiknun og málun fyrir fullorðna.
3. Bókband.
Innritun fer fram daglega kl. 10 -12 og 14 -17
á skrifstofu skólans.
Námskeiðsgjöld greiðast við innritun, áður
en kennsla hefst.
Skólastjóri.
Flytjum
snjóinn út!
Á meðan við íslendingar segjum
snjóbyljafrægðarsögur af sjálfum
okkur og Bandaríkjamenn frjósa í
hel er þessi vetur skíðamönnum i
keppni heimsbikarsins afar erfið-
ur. Hlýindi ríkja víðs vegar um
Evrópu og vegna snjóleysis hefur
orðið að grípa til þess að skíða á
gervisnjó, sem ekki allir sætta sig
við, eða hreinlega fresta mótum.
Sú hefur t.d. orðið raunin með
svigkeppni karla sem halda átti í
Frakklandi á sunnudaginn kemur.
Henni hefur verið frestað og
ákveðið að hún fari fram í Sviss
síðar í vetur. Er þarna ekki bara
kjörin leið til útflutnings fyrir okk-
ur, gætum við ekki bara selt snjó-
inn beint af götunum hér til Frakk-
lands.?
-VS
Lögailtur endurskoðandi
- viðskiptafræðingur
Borgarendurskoöandinn í Reykjavík auglýsir
eftir umsóknum um tvær stööur og er leitað
eftir löggiltum endurskoðendum og/eöa viö-
skiptafræöingum.
Upplýsingar veitir Borgarendurskoöandi í
síma 18800.
Umsóknum ber aö skila til starfsmannahalds
Reykjavíkurborgar, Pósthússtræti 9,6. hæö,
á sérstökum umsóknareyðublöðum sem þar
fást, fyrir kl. 16.00 mánudaginn 16. janúar
1984.