Þjóðviljinn - 13.04.1985, Blaðsíða 13

MENNING
Of haminn
Sigurður Þórir í Listnnunahúsinu
Sigurður Þórir Sigurðsson hef-
ur undanfarnar vikur sýnt í
Listmunahúsinu við Lækjargötu.
Þetta mun vera 9. einkasýning
Sigurðar Þóris, ef með eru taldar
þær einkasýningar sem hann hef-
ur haldið í Kaupmannahöfn og
Færeyjum. Ótaldar eru þá einka-
sýningar þær sem hann hefur
haldið víðsvegar um landið, svo
og samsýningar þær sem hann
hefur tekið þátt í, en þær eru ekki
HALLDÓR
B. RUNÓLFSSOf
færri. Að þessu sinni sýnir hann
35 myndir.
Sigurður Þórir stundaði nám
við Myndlista- og handíðaskóla
íslands frá 1968-70 og frá 1974-78
við Listaháskólann í Kaup-
mannahöfn. Þar var hann undir
handleiðslu prófessors Dan Ster-
up Hansen.
Á þeim tíu árum frá því Sigurð-
ur Þórir hélt sína fyrstu einkasýn-
ingu hefur list hans tekið miklum
stakkaskiptum. Einkum hefur
hún breyst á undanförnum árum
og má segja að listamaðurinn sé
enn í mótun. Sigurður Þórir kall-
ar þessa sýningu sína „Úr mann-
heimum" og undirstrikar það
heildarþema hennar; samskipti
karls og konu.
Svo sem fyrr heldur listamað-
urinn sig við hið húmaníska svið
þótt forsendurnar hafi breyst. í
stað þjóðfélagslegra mynda sem
áður einkenndu list hans er kom-
inn einkaheimur; samskipta-
heimur kynjanna; Adam og Eva í
hinum ýmsu stellingum og við
hinar ýmsu aðstæður. Hvort hér
er um eigin reynslu listamannsins
að ræða eða eitthvert allegorískt
efni fengið að láni og hermt upp á
samtíðina skal látið ósagt. Hitt er
greinilegt að myndefnið má túlka
mjög vítt e.t.v. of vítt, því það
sem í fljótu bragði sýnist vera
saga er raunar módelmyndagerð,
allfjarri expressionískum frá-
sagnarháttum.
Það er e.t.v þetta sem dregur
óþarflega mikið úr styrk mynd-
anna. Þær eru ekki nógu áleitnar
til að vekja áhorfandann til um-
hugsunar um hvert listamaðurinn
ætli sér. Að manni læðist sá grun-
ur að Sigurður Þórir hafi viljað
segja eitthvað áþreifanlegt um
samskipti kynjanna, en hætt við á
miðri leið og fundið einhverja
málamiðlunarlausn milli frásagn-
ar og formalisma. Fyrir vikið
verða myndirnar of heftar.
Nú ræður listamaðurinn yfir
nægri tækni og skortir ekki inn-
blástur til að hella sér út í „ak-
sjón“. En einhverra hluta vegna
kýs hann að hemja sig og halda að
Veröld okkar beggja.
sér höndunum þótt myndefnið
bjóði upp á kraftmikið til-
finningaspil. Þrátt fyrir allt hefur
þó litameðferð Sigurðar Þóris
tekið miklum framförum og ósj-
aldan sýnir hann tilþrif í meðferð
bláa litarins og veit það á aukinn
styrk hans sem málara.
Það sem hann á eftir ólært er
samhæfing teikningar og pensil-
skriftar, en það er eitt hið mikil-
vægasta í frjálsu málverki eins og
því sem hann leggur stund á. I
slíku málverki getur teikning
ekki verið eitt og litameðferð
annað, heldur verða þessir þættir
að sameinast ef fullur árangur á
að nást. En það hlýtur að vera
takmarkið að koma til skila inn-
taki málverksins og túlkun, eða
mótun inntaksins. Listin er harð-
ur húsbóndi, en alltént sækir Sig-
urður Þórir á brattann og á tví-
mælalaust eftir að hafa árangur
sem erfiði.
HBR
Vinsœldir Piaf
valda vandrœðum
Söngleikurinn um Edith Piaf
sem Leikfélag Akureyrarsýnir
um þessar mundir nýtur mik-
illa vinsælda og að sögn Sig-
nýjar Pálsdóttur leikhússtjóra
eru horfur á að hann gangi
langtfram eftirvori. Næstu
sýningar verða nú um helg-
ina, þ.e. í kvöld, föstudag, og
annað kvöld kl. 20.30.
Það hljómar eins og þversögn
en er því miður allt of algengt í
íslensku leiklistarlífi að velgengni
leiksýninga setur félögin sem að
þeim standa í bobba. Þannig var
með Beisk tár Petru von Kant
sem Alþýðuleikhúsið varð að
hætta sýningum á fyrir fullu húsi,
þannig var með sýninguna um
Guðmund í Stúdentaleikhúsinu í
fýrrasumar og þannig er það með
Piaf á Akureyri.
Leikfélag Akureyrar stóð
frammi fyrir þeim vanda að þurfa
að koma upp nýrri leikmynd fyrir
barnaleikrit eftir Ólaf Hauk Sím-
nonarson án þess að hafa
geymslu fyrir leikmyndina í Piaf.
Var þá brugðið á það ráð að biðja
Messíönu Tómasdóttur að fella
nýju leikmyndina inn í þá sem
fyrir var og leysti hún vandann
með glæsibrag. Gamla leikmynd-
in er hulin striga og sést ekki en sú
nýja er sett ofan á.
Barnaleikrit Ólafs er byggt á
sögu eftir Kipling og nefnist
Kötturinn sem fer sínar eigin
leiðir. Að sögn Signýjar fjallar
það um hvernig villidýrin
breytast í húsdýr. I sýningunni
koma fram fjögur dýr sem þó er
allmikill mannsbragur að, mað-
ur, kona og barn. Tónlist við
leikritið er eftir Ólaf en útsetn-
ingar annast Gunnar Þórðarson
sem einnig hefur leikið allan
undirleik sinn á segulband.
Frumsýning á verki Ólafs verður
29. apríl nk. _þu
VERD MED TOLLAEFTIRGJÖF
Ryðvörn er ávallt innifalin í okkar veröi.
Hagstæðir greiðsluskilmálar
LADA SPORT 4X4
305.000.
. JÍL-
LADA 1200
137.000.
LADASAFÍR
153.000.