Þjóðviljinn - 26.03.1988, Qupperneq 3

Gunnar M.
Magnúss
látinn
Gunnar M. Magnúss rithöf-
undur er látinn, 89 ára að aldri.
Gunnar fæddist 2. desember
1898 á Flateyri, var sjómaður á
unglingsárum og gerðist síðar
kennari. Gunnars er þó helst
minnst vegna ritstarfa sinna og
þátttöku í félagsmálum ýmsum
og stjórnmálum, innan kennar-
astéttarinnar (m.a. fyrsti formað-
ur Stéttarfélags kennara í
Reykjavík og heiðursfélagi KÍ),
meðal rithöfunda (í stjórn Rit-
höfundafélagsins í áratug, for-
maður Félags leikritahöfunda sjö
ár), í hreyfingu sósíalista og her-
stöðvaandstæðinga (formaður
„Gegn her í landi“ ‘53-6, á þingi
‘55).
Eftir Gunnar M. Magnúss
liggur fjöldi ritverka; skáldsögur,
ljóð, smásögur, leikrit, frásagna-
þættir, sagnfræðiverk, ævisögur
og námsbækur, og má af þeim
nefna Virkið í norðri, Skáldið á
Þröm, í múrnum, Eiríkur skip-
herra, Árin sem aldrei gleymast
o.fl. o.fl.
Eiginkona Gunnars var Kristín
Eiríksdóttir, sem látin er fyrir átj-
án árum.
Gunnar og Þjóðviljinn hafa átt
ýmislega samleið í áratugi, og að
þessum leiðarlokum sendir Þjóð-
viljinn aðstandendum Gunnars
og vinum samúðarkveðjur.
Ritstj.
Iðnaðarráðherra
Ummælin
dæma
sig sjálf
„Ummæli Ólafs Þ. Þórðar-
sonar dæma sig sjálf. Fyrst stend-
ur hann að tillögu ásamt nokkr-
um öðrum þingmönnum Fram-
sóknarflokksins, um að aðgerðir
verði gerðar til að jafna hitunark-
ostnað á næsta ári. Undir um-
ræðu um tillöguna stígur hann
svo í pontu og lýsir því yfir að
Framsóknarflokkurinn segi sig úr
ríkisstjórn eða klofni, ef hitun-
arkostnaðurinn vcrður ekki jafn- „
aður strax í ár,“ sagði Friðrik
Sophusson, iðnaðarráðherra við
Þjóðviljann í gær.
Á fimmtudag urðu harðar um-
ræður um þingsályktunartillögu
þingmanna Framsóknarflokks-
ins, um að skipuð yrði nefnd til að
leita leiða til að jafna hitunark-
ostnað á næsta ári. Ólafur Þ. lét
þá þau ummæli falla að annað-
hvort yrði brugðist við strax í ár
eða ríkisstjórnin væri sprungin.
„Það er furðulegt að þingmað-
ur, sem ekki hefur reynst ríkis-
stjórninni haldbetri en svo að
hann greiðir atkvæði hvað eftir
annað einsog honum sjálfum sýn-
ist, skuli hóta stjórnarslitum."
Auðvitað ber Ólafur jafn
mikla ábyrgð og aðrir stjórnarlið-
ar á ástandinu og í raun og veru
þarf enginn að skammast sín fyrir
það. Rafhitunarkostnaður er
heldur hærri í ár en undanfarin
tvö ár en mun lægri en árin þar á
undan,“ sagði Friðrik. _§áf
FRÉTTIR
Fœreyjar
Pólverium smyglað um borð
Útgerðfœreyska skipsins Skandia hefur ekki atvinnuleyfi fyrir
Pólverjana. Fœreyska lögreglan komin ímálið. Sjómannasambandið:
Launamál erlendra áhafna á leiguskipum mikið áhyggjuefni
Pólsku hásetarnir fjórir, sem
um skeið hafa unnið um borð
í færeyska skipinu Skandia, sem
Skipadeild Sambandsins hefur
haft á leigu til að safna saman
freðfiski á ströndinni, hafa ekki
haft atvinnuleyfi í Færeyjum.
Þarlend stjórnvöld hafa nú þegar
gert ráðstafanir til að koma þeim
frá borði og til síns heima.
Að sögn Óskars Vigfússonar,
forseta Sjómannasambands ís-
lands, hafði Sjómannasamband-
ið þegar samband við færeysku
sjómannasamtökin út af frétt
blaðsins í gær um smánarleg kjör
pólsku hásetanna. Þegar Færey-
ingarnir fóru að kanna málið kom
í ljós að útgerðarfélag Skandia,
sem er á leið undir hamarinn,
hafði ekki atvinnuleyfi fyrir Pól-
verjana. Þeir brugðust því ók-
væða við og hefur þarlend lög-
regla fengið málið til meðferðar
og krefst hún þess að Pólverjarnir
fari frá borði eins fljótt og auðið
er og haldi til síns heima um leið.
Óskar sagði að þessi þróun hjá
kaupaskipaútgerðum, að taka á
leigu erlend skip og áhafnir, væri
mikið vandamál meðal sjómann-
astéttarinnar. Útgerðarfélögin
semdu við þarlend stéttarfélög og
nýjasta dæmið um það væri ný-
legur samningur sem Nordisk
Forbund í Noregi hefði gert við
stéttarfélög í Indlandi og á Fil-
ippseyjum um kaup og kjör þar-
lendra sjómanna sem sigla á nor-
skum skipum, sem eru mun lægri
en laun norskia farmanna en há
miðað við það sem gengur og ger-
ist í viðkomandi löndum.
Þessi tilhneiging skipafélag-
anna að halda öllum tilkostnaði í
lágmarki hjá sér með erlendum
skipum og áhöfnum kemur
auðvitað fram í því að afkoma
stóru skipafélaganna er með ein-
dæmum góð um þessar mundir og
nýjasta dæmið um það er hagnað-
ur Eimskips á síðasta ári upp á
272 miljónir króna.
-grh
Það lifnar yfir miðbænum með hækkandi sól og hér má sjá Sigrúnu um og í baksýn sést Café Hressó sem á dögunum skipti um eigendur.
Harðardóttur og Maríu Kristjánsdóttur með páskaliljur í blíðunni. En Mynd E.ÓI.
þrátt fyrir sumarblíðuna gætir töluverðra hræringa undir niðri í verslun-
Reykjavík
Allt of mikiðaf verslunum
Guðlaugur Bergmann: 20% offramboð á verslunum. Eftirspurn eftir
verslunarhúsnœði í gamla miðbænum minnkar samt ekki
Að undanförnu hefur borið á
töluvcrðum samdrætti hjá
kaupmannastéttinni því allt útlit
er nú fyrir að þensla síðustu ára
sé í rénun. Eigendaskipti á rót-
grónum verslunum eru nú tíð og
er kannski gleggsta dæmi þess að
Café Hressó er nú komið í hendur
nýrra aðila. Víðir Austurstræti
hefur sömulciðis skipt um eigend-
ur.
„Það er 20% offramboð á
verslunum núna en það er sömu-
leiðis 20% offramboð á hótelum
og 20% offramboð á veitinga-
stöðum. Verslunin er ekkert ein
um þetta, og það verður bara að
leyfa kaupmönnum að berja hver
á öðrum þar til jafnvægi næst.
Kúnninn nýtur þess að minnsta
kosti í lægra vöruverð," segir
Guðlaugur Bergmann formaður
samtakanna Gamli miðbærinn.
Hann þvertekur fyrir að um ein-
hvern flótta sé að ræða úr mið-
bænum og segir að verslanir í
miðbænum standi að mörgu leyti
betur en verslanir í úthverfunum.
Til dæmis nefndi hann að í
Kringlunni byggju verslanir við
harðan kost og að „krumlan"
utanum verslanirnar gerði þeim
erfitt fyrir. Svigrúmið væri lítið
fyrir verslunareigendur þar efra
vegna þeirra kvaða sem sam-
eignin setti þeim. Auðvitað væru
hreyfingar á markaðnum en það
þyrfti bara að leyfa þeim að hafa
sinn gang því ekkert væri í raun-
inni óeðlilegt við eigendaskiptin.
Um stöðu miðbæjarins
gagnvart þeim breytingum sem
fyrir dyrum liggja sagðist Guð-
laugur líta svo á að ekki mætti
gleymast að blómlegasta menn-
ingin hefði í gegnum tíðina fylgt
grósku í kaupmannastétt og því
byggðist endurreisn miðbæjarins
á sterkri stöðu kaupmannanna
þar. „Efkaupmennirnirhverfaúr
miðbænum er hann svo gott sem
dauður,“ sagði Guðlaugur.
-tt
Skattfé
Kratar borgi áróðurinn
Pingflokkur Alþýðubandalagsins: Flokkspólitískur áróðurfrá
ingflokkur Alþýðubandalags-
ins mótmælti í gær þeim
auglýsingum sem fjármálaráðu-
neytið hefur birt í dagblöðum að
undanförnu um skattastefnu, og
telur að með þeim sé almannafé
misnotað til að kosta flokkspólit-
ískan áróður. Þingmenn Alþýðu-
bandalagsins taka með því undir
gagnrýni sem áður kom fram hjá
Verslunarráði á auglýsingar fjár-
málaráðuneytisins, en skýrt hef-
ur verið frá því i fréttum að þær
eru gerðar af sömu auglýsinga-
stofu og sá um kosningaáróður
Alþýðuflokksins fyrir síðustu
kosningar.
fjármálaráðuneytinu
Ályktun þingflokksins hljóðar
svo:
„í dag birtast í fjölmiðlum
auglýsingar frá fjármálaráðu-
neytinu þar sem fluttur er áróður
fyrir skattastefnu ríkisstjórnar-
innar og Alþýðuflokksins, eink-
um matarskattinum.
Þingflokkur Alþýðubanda-
lagsins mótmælir þeirri misnotk-
un á almannafé sem birtist í þess-
um auglýsingum fjármálaráðu-
neytisins.
Þingflokkurinn telur að í
auglýsingaherferðinni felist
beinn áróður fyrir umdeildri póli-
tískri stefnu. Það er fráleitt og
ólýðræðislegt að nota ráðuneytin
til að kosta þannig flokkspólitísk-
an áróður með opinberu fé.
Skattar eru lagðir á landsmenn til
að standa undir margvíslegri
þjónustu en ekki til þess að kosta
áróður ríkisstjórnar eða ein-
stakra stjórnarflokka.
Þingflokkur Alþýðubanda-
lagsins krefst þess að auglýsinga-
herferð fjármálaráðherrans verði
hætt þegar í stað og telur eðlilegt
að Álþýðuflokkurinn greiði úr
eigin sjóðum kostnað vegna
þeirra auglýsinga sem þegar hafa
birst.“
Laugardagur 26. mars 1988 ÞJÓÐVILJINN — SÍÐA 3