Þjóðviljinn - 28.04.1989, Page 20

Umsjón:
KRISTÍN VALSDÓTTIR
ANDRÉS GUÐMUNDSSON
BARNAKOMPAN
Einu sinni var blettatígur í skógi sem var grimmur.
Hann ræðst á fólk. Hann sýnir tennurnar og þær skína.
En blómin eru falleg og trén eru líka falleg.
Jón Helgi 8 ára
Einu sinni var vindur. Hann hafði verið lokaður inni í
kistu út af því að hann gerði kalt. Og svo slapp hann út úr
kistunni og hann hefur aldrei náðst.
Helga Arnardóttir 8 ára
Það var einu sinni Ijón sem var á veiðum. Það sá
gamlan héra. Ljónið var svo svangt að það borðaði hér-
ann.
Elísabet Guðrún Jónsdóttir 9 ára
20 SÍÐA - NÝ iELGARBLAÐ Föstudagur 28. apríl 1989
Álfurinn Tómas
Ég er álfurinn Tómas. Ég
ætla að segja ykkur söguna
um það þegar ég fór í göngu-
ferð. 7. janúar síðastliðinn
vaknaði ég klukkan 7 og
klæddi mig í föt sem pabbi
minn átti. Hann var nefnilega
dáinn. Hann var á gangi í
skóginum þegar maður steig
óvart ofan á hann. Fötin eru
auðvitað allt of stór á mig því
að ég er aðeins 200 ára. Svo
fór ég inn í eldhús og fékk mér
„álfa-flex“. Síðan fékk ég mér
lýsi og K-vitamín. Það eru pill-
ur sem við álfar tökum til að
við verðum hraustir og vitrir.
Ég er alveg rosalega vitur
(smá grín). Eg fór út og lokaði
á eftir mér steininum. Við
búum í steini sem heitir Litli
Hamar. Ég labbaði framhjá
húsi Hans og Grétu, húsi
Mjallhvítar og dverganna sjö
og húsi Elíasar og Möggu.
Svo fór ég inn í skóginn og
mætti þar nokkrum vinum
mínum til dæmis héranum,
broddgeltinum og íkornanum.
Ég labbaði áfram þangað til
ég kom að stórum steini. Þar
ákvað ég að hvíla mig. Eftir
stutta stund var ég sofnaður.
Eftir ennþá styttri stund vakn-
aði ég aftur við mannamál. -
Júlíus minn eigum við ekki
bara að tjalda hérna? - Jú,
þetta er ágætur staður til að
tjalda. Ég hélt heim á leið og
þegar ég kom heim beið af-
mælistertan eftir mér. Þá man
ég að ég átti 201 árs afmæli í
dag.
Haukur Þ. 11 ára
QQQOQO
ÍSSSSXS
Berðu myndirnar saman og finndu hvað vantar á neðri myndina.