Þjóðviljinn - 28.07.1989, Blaðsíða 5
Stuðmenn
Dansað í kringum reglugerð
Hljómsveitin Stuðmenn er á
„tónleika“ferð um landið
þessa dagana og spiluðu um síð-
ustu hclgi í Inghól á Selfossi og
Njálsbúð í V-Landeyjum. Það
sem staðarhöldurum þessara
staða hefur þótt undarlegt er að
Stuðmenn neita að greiða sölu-
skatt. Veifa bréfi með ráðuneytis-
stimpli og segjast undanþegnir
söluskatti. Það mun aftur á móti
vera heldur tæpt, því hljóm-
sveitin uppfyllir ekki öll þau skil-
yrði sem til þarf að vera undan-
þegin söluskatti.
I dreifibréfi frá fjármálaráðu-
Þórshöfn
Sá guli sækir
í sólina
Jóhann A. Jónsson: Góður afli á aðeins 10
faðma dýpi. Kvóti Stakfellsins að verða
búinn. Meira um ferðamenn en oft áður
Svo virðist sem þorskurinn leiti
upp á grunnslóð þar sem sjáv-
arhiti er meiri en á djúpslóð og
1 hafa aflabrögð í sumar verið
þokkaleg á aðeins 10 faðma dýpi.
Veðrið hefur einnig verið alveg
frábært hérna í sumar og hafa
menn haldið því fram að sá guli sé
ekki síður sólginn í sólina en
mannfólkið, sagði Jóhann A.
Jónsson framkvæmdastjóri
Hraðfrystihúss Þórshafnar.
Atvinnuástand á Þórshöfn hef-
ur verið mjög gott í sumar þó svo
að togarinn Stakfell hafi legið
innsiglaður við bryggju í 3 vikur
vegna vangreiddra opinberra
gjalda. Búið er að greiða þá skuld
fyrir nokkru en togarinn mun þó
aðeins eiga eftir kvóta sem talið
er að muni klárast von bráðar.
Hvað þá tekur við er ekki vitað.
Að sögn Jóhanns eru heima-
bátar ýmist á færum, línu eða á
Bankasameining
r
dragnót og hafa fengið mest af
sínum afla á heimamiðum. Þrátt
fyrir hin góðu aflabrögð er færa-
fiskurinn seinunninn sökum þess
hve mikið er af ormum í honum.
Hjá Hraðfrystihúsinu er meira
fryst en á sama tíma í fyrra þegar
aflinn var svo til eingöngu unninn
í salt. Útskipanir á saltfiski á
Spán hafa ekki verið sem skyldi
og hafa birgðir safnast upp með
tilheyrandi fjármagnskostnaði.
En það er ékki aðeins að
veðurblíðan eystra hafi áhrif á
aflabrögðin til hins betra heldur
hefur verið meira um ferðamenn
á Þórshöfn en oft áður. Fara þeir
mikið út á Langanes í skoðunar-
ferðir auk þess að fara uppá
Gunnólfsvíkurfjall þar sem
Bandaríkjaher er að reisa ratsjár-
stöð. í góðu skyggni er ægifagurt
útsýni til allra átta frá fjallinu og
það kunna innlendir sem erlendir
ferðamenn að meta.
-grh
neytinu sem sent er til skattstjóra
og innheimtumanna um land allt
eru tekin fram þau skilyrði sem
þarf til að sleppa við að greiða
söluskatt. Þar stendur m.a.:
„...væri aðgangseyrir að leiksýn-
ingum og tónleikum því aðeins
undanþeginn söluskatti að sýn-
ingin eða tónleikarnir tengdust
ekki öðru skemmtana eða sam-
komuhaldi, svo sem dansleikjum
eða útiskemmtunum.“ Einnig
eru tíunduð þau skilyrði sem
hljómsveit þarf að uppfylia til að
fá undanþágu frá ráðuneytinu:
„Forsvarsmenn hljómsveitar lýsi
því yfir skriflega að fyrirhuguð
samkoma muni verða auglýst
sem tónleikar...“. í tilkynningum
frá Stuðmönnum er ekki tekið
fram að um tónleika sé að ræða,
heldur segir „...leikur hljóm-
sveitin...“. Það er svo spurning
hvort um er að ræða tónleika eða
dansleik.
Forsvarsmaður Inghóls á Sel-
fossi sagði í samtali við Þjóðvilj-
ann, að skemmtunin um síðustu
helgi hafi verið hreinn og klár
dansleikur þótt hann hafi ekki
verið auglýstur sem slíkur. Eitt
skilyrðið fyrir söluskattsundan-
þágunni hljóðar svo: „Forsvars-
menn hljómsveitarinnar skulu
láta erindi sínu fylgja dagskrá
tónleikanna, er innihaldi upplýs-
ingar um nöfn laga, sem flutt
verða á tónleikunum, svo og nöfn
höfunda laga og texta. Einnig
skulu þeir staðfesta við ráðuneyt-
ið að áheyrendum á tónleikunum
verði gefinn kostur á að kaupa
efnisskrá þessa á tónleikunum.“
Þetta skilyrði var ekki uppfyllt í
Inghóli.
Ljóst er að tiltölulega auðvelt
er að komast í kringum þessi
ákvæði og sleppa við að greiða
söluskatt og það munar um
minna þegar aðsókn er jafn góð
og raun ber vitni á „tónleikurrí*
Stuðmanna. Er tónleikahald Stuðmanna aðeins yfirskyn til að losna við að greiða söluskatt
ns> af dansleikjum? Mynd Ari
Islands-
banki
endur-
vakinn
Hluthafafundir Alþýðu,- Iðn-
aðar- og Verslunarbanka hafa
samþykkt með yfírgnæfandi
meirihluta atkvæða hlutabréfa-
kaup bankanna í Útvegsbankan-
um og samruna bankanna fjög-
urra.
Að loknum hluthafafundi í Út-
vegsbankanum sem haldinn
verður þriðjudaginn 1. ágúst,
mun trúlega ekkert standa í veg-
inum fyrir sameiningu bankanna
og er stefnt að því að hinn nýi
banki, íslandsbankinn, muni
taka til starfa um næstu áramót.
Á hluthafafundum Iðnaðar- og
Verslunarbanka var sameiningin
samþykkt svo til einróma en á
hluthafafundi Alþýðubankans
mætti sameiningin andstöðu en
engu að síður var hún samþykkt
með 96,5% atkvæða á móti
3,5%, eða með rúmlega 300 þús-
und atkvæðum á móti 6.500. Af
mótatkvæðunum átti Kennara-
samband fslands 4450 atkvæði,
fjögur verkalýðsfélög á
Austfjörðum samtals 1432 og
aðrir 558 atkvæði. _grh
Félagsmálastofnanir
Hjálparbeiðnum fjölgar
Skjólstœðingumfélagsmálastofnana Keflavíkur og Hafnarfjarðar
fjölgar. Aldrei eins mikið atvinnuleysi. Þurfa aukafjárveitingu
Astandið hjá félagsmálastofn-
unum í Keflavík og Hafnar-
firði er eins og hjá öðrum
sveitarfélögum, þ.e. það hafa
aldrei fleiri leitað eftir aðstoð
vegna fjárhagsvandræða og áætl-
uð fjárhæð vegna framfærslu
skjólstæðinga er senn uppurin.
Björgvin Árnason félagsmála-
stjóri Keflavíkurbæjar sagði að
róðurinn væri að þyngjast og það
þyrfti örugglega að biðja um
aukafjárveitingu með haustinu.
Áætluð upphæð vegna fram-
færslu er 6 miljónir króna, og það
hefur saxast mjög á þá peninga.
Atvinnuleysi sagði Björgvin vera
mjög mikið, um 70 manns væru
nú á atvinnuleysisskrá, sem væri
óvenju margir því nú er háanna-
tími í atvinnulífinu. Venjulega
væri nokkurt atvinnuleysi í des-
ember og héldist eitthvað fram í
janúar, en lagaðist þá. Nú væri
ástandið allt annað. Fólk í sjávar-
útvegi væri sérlega illa statt með
atvinnu og flestir sem eru á
atvinnuleysisskrá koma úr þeirri
atvinnugrein.
Marta Bergmann hjá félags-
málastofnun Hafnarfjarðar,
hafði sömu sögu að segja. Að
vísu hafði Marta engar tölur hald-
bærar, en sagðist finna fyrir
auknum þunga, sem væri í
beinum tengslum við verra at-
vinnuástand en áður hefur verið,
og afleiðingar þess væru erfið-
leikar fólks við að greiða af hús-
næði og matvælum. Rekstrar-
grundvöllur heimila færi sífellt
versnandi og kallaði á aðstoð.
Marta sagðist reikna með að
aukafjárveitingu þyrfti seinni-
partinn á árinu til að geta sinnt
þeim sem aðstoð þurfa.
ns.
Föstudagur 28. júlí 1989:NYTT HELGARBLAÐ - SÍÐA 5
Húsnœðismál öryrkja
„Veröndin engin slysagildra“
Eigandi húseignarinnar að Vatnsstíg 11 harðneitar að verönd í húsinu sé hœttuleg
í tilefni af frétt Þjóðviljans í
gær um húseignina að Vatnsstíg
11 sem Félagsmálastofnun útveg-
ar öryrkjum, hafði eigandi húss-
ins Þorstcinn Steingrímsson,
samband við blaðið og mótmælti
harðiega fréttaflutningi af verönd
á þriðju hæð hússins sem er stór-
hættuleg slysagildra. Þorsteinn
sagði veröndina ekki hættulega,
því ekki væri hægt að komast út á
hana. Dyrnar út á veröndina
sagði Þorsteinn vera harðlæstar
og ófært að opna. Blaðamaður
fór hins vegar út á veröndina og
skoðaði aðstæður, og varð ekki
var við neinar hindranir og komst
mjög auðveldlega út á veröndina.
í frétt Þjóðviljans er haft eftir
einum íbúa hússins, sem hefur
búið þar í langan tíma, að hand-
riðið á veröndinni hafi verið rifið
niður fyrir 3-4 mánuðum. Því
neitaði Þorsteinn alfarið og sagði
að byrjað hefði verið á fram-
kvæmdum við húsið fyrir einum
mánuði. Aðspurður um hvort
honum fyndist veröndin ekki
vera slysagildra, svaraði Þor-
steinn því til að það væri margt
hættulegt. Verið væri að vinna að
viðgerð á húsinu og að handriðin
væri liður í því.
í sambandi við að eingöngu ör-
yrkjar byggju í húsinu og því væri
veröndin sérstök slysagildra fyrir
þá, sagði Þorsteinn að öryrkjar
færu sér hægar en aðrir og færu
væntanlega varlegar. Veröndin
ætti því ekki að vera hættuleg.
ns.