Þjóðviljinn - 28.07.1989, Blaðsíða 10
MENNINGARMURANA
Halldór B. Runólfsson ráðinn sýningastjóri á
Sveaborg: Mikilvægt að auka samstarf
Norðuriandanna og samskipti þeirra við Evrópu
Þann fyrsta september
næstkomandi tekur Halldór B.
Runólfsson listfræðingur við
stöðu sýningastjóra Norrænu
listamiðstöðvarinnar, sem
staðsett er á Sveaborg, eyja-
klasa rétt fyrir utan Helsinki í
Finnlandi. Á Sveaborg þar
sem er um 900 manna byggð
finnskumælandi Finna eru
skrifstofur, sýningarsalir og
bókasafn miðstöðvarinnar,
auk þess sem þar eru vinnu-
stofur fyrir listamenn. Þar að
auki eru eyjarnar sumar-
leyfisparadís Helsinkibúa, en
þær eru í aðeins tíu mínútna
fjarlægð frá miðborg Helsinki,
með ferju á sumrin og strætis-
vagni yfir ísinn á veturnar.
- Sveaborg er ævafornt
virki, sem Svíar tóku seint á
miðöldum, segir Halldór.
- Þeir héldu því til 1808, en
misstu það þá í hendur
Rússa, sem svo létu Finnum
það eftir árið 1918. Þar var
finnski sjóherinn síðan með
bækistöðvar og er reyndar
enn með skóla á tveimur
eyjanna. Það er mjög fallegt
þarna og eiginlega sveita-
samfélag þó þetta sé svona
nálægt Helsinki. Allar bygg-
ingar eru frá 18. öld, og verið
að gera þær upp smám sam-
an.
En hvað er Norrœna listamið-
stöðin?
- Upphaf hennar var það að
einhvern tímann snemma á síð-
asta áratug fóru sambönd mynd-
listarmanna frá Norðurlöndum
þess á leit við Norrænu ráðherra-
nefndina að sett yrði á fót sam-
eiginleg listamiðstöð, sem gæti
bæði stuðlað að kynnum á milli
norrænna listamanna, meðal
annars með því að halda úti
vinnustofum, sem væru veittar
frá tveimur til sex mánaða, og
eins til að skipuleggja sýningar á
norrænni list, sem gætu farið á
milli Norðurlandanna og helst
víðar, ef þess væri kostur.
- Síðan var það ekki fyrr en
1977 að staðsetning var ákveðin
því finnski sjóherinn var að
minnka við sig og bauð fram
megnið af húsakynnunum á
Sveaborg. Miðstöðin er á
tveimur eyjanna og opnaði 1978,
og síðan hefur verið unnið að því
að gera upp fleiri og fleiri her-
mannaskála, en það gera fangar í
betrunarvinnu. Þetta lætur lítið
yfir sér, en starfsemin er þeim
mun meiri um öll Norðurlöndin.
Það eru að vt'su haldnar sýningar í
tveimur galleríum á Sveaborg, en
mestur hluti sýninganna sem
þarna eru skipulagðar eru annars
staðar á Norðurlöndum, annað
hvort bundnar við einn ákveðinn
stað eða farandsýningar.
- Það er komin ákveðin regla á
sumar þessara sýninga, það er til
að mynda Áróra eða dagrenning,
sýning sem haldin er reglulega og
ætluð til að kynna unga og upp-
rennandi listamenn. Síðan erþað
Borealis, sem í ár var sett upp í
Louisiana safninu í Danmörku,
þeirri sýningu er ætlað að sýna
listamenn, sem eru búnir að
vinna sér eitthvert nafn og bygg-
ist á ákveðnu þema. Og nú hefur
miðstöðin líka tekið að sér Nor-
ræna textil þríæringinn, sem var
hér á Kjarvalsstöðum í fyrra-
sumar.
- Frá Listamiðstöðinni koma
líka sýningar eins og sú á verkum
Hilmu af Klint, sem var hér í
Listasafninu í vor. Hilma var
sænskur listamaður, sem nýlega
var farið að dusta rykið af, og er
mjög merkileg því hún málaði
fullkomin abstraktmálverk í byrj-
un þessarar aldar, - sem sagt á
undan öllum öðrum að því er tal-
ið er. Mikið af þeim sýningum
sem hafa komið hingað, til dæmis
á Kjarvalsstaði hafa verið á veg-
um miðstöðvarinnar, og nú er
Helgi Þorgils Friðjónsson með
skiptisýningu á Norðurlöndum.
- Það er þannig mjög umfangs-
mikil starfsemi sem fram fer á
Sveaborg, þó staðurinn láti lítið
yfir sér, - sé nánast eins og sveita-
þorp. Öll Norðurlöndin leggja
fram fé til starfseminnar svo
þarna eru fjárráð meiri en nokk-
urs annars safns á Norður-
löndum. Ég held að það sé óhætt
að segja að íslendingar njóti
mjög góðs af þessu samstarfi.
- Undanfarin ár hefur verið
unnið að því að komast í sam-
band við önnur Evrópulönd, og
það hefur verið gert með því að
bjóða evrópskum listamönnum
að koma og sýna með norrænum,
eða með því að reyna að koma á
skiptum á milli Norðurlandanna
og Evrópu. Forveri minn í starfi,
Maaretta Jaukkuri frá Finnlandi,
hefur verið óþreytandi í að reyna
að gera starfsemina breiðari og
koma á sambandi norrænna lista-
manna við listamenn annars
staðar.
Starfsemin
eflist stöðugt
- Hún var hér á landi á sama
tfma og þýsk-tékkneskur safn-
stjóri, Jiri Svestka, kom hérölluá
annan endann með því að lýsa því
yfir að ísiensk list væri einskis
virði. Það skemmtilega við það er
að með Maarettu var frægur
þýskur galleríhaldari frá Berlín,
René Block, sem er í góðu sam-
bandi við mikilvæg gallerí í
Bandaríkjunum og víðar. Hann
var að velja verk á tvíæringinn í
Sidney og var jafn hrifínn af ís-
lenskri list og landi hans var óá-
nægður með hana.
- Það má segja að með tilkomu
Sveaborgar hafi verið byrjað á að
brjóta múrinn á nrilli Norður-
landanna. Norrænt samstarf á
listasviðinu hefur eflst mjög
mikið og aðstaða íslendinga hef-
ur gjörbreyst, hin Norðurlöndin
eru að opnast fyrir okkur, og nú
síðast Evrópa fyrir Norðurlönd-
unumöllum. Frá 1986 hefurverið
gefið út norrænt listatímarit, það
heitir Siksi, sem er finnska og
þýðir þess vegna. f ritnefndinni
eru tveir fulltrúar frá hverju
Norðurlandanna, og núverandi
ritstjóri er danskur.
Hvað ertu ráðinn til langs tíma?
- Ég er ráðinn til fjögurra ára,
og er fyrsti íslendingurinn sem
kemst í áhrifastöðu þarna. Að
vísu gegndi íslenskur bókasafns-
fræðingur, Jón Sævar Baldvins-
son, starfi bókavarðar á árunum
1985 til 88, en Svíar og Finnar
hafa lengst af deilt með sér helstu
embættum. Og nú er norsk kona
ritari sýningarstjóra.
Hvað eru margar vinnustofur á
Sveaborg?
- Það er erfitt að segja, þær eru
um tíu til fimmtán, en annars eru
þær alltaf að verða fleiri. Það eru
líka alltaf að bætast við vinnustof-
ur víðs vegar um Norðurlöndin,
til dæmis nýlega í Björgvin í Nor-
egi, í Quaqortoq, eða Juliane-
haab á Grænlandi og í Hafnar-
borg í Hafnarfirði. Starfsemin er
þannig smám saman að vaxa og
eflast.
Hvert verður þitt verksvið?
- Það er að standa skil á og sjá
um allar sýningar á vegum Svea-
borgar, hvort sem það er á
eyjunni, í landi eða á Norður-
löndunum. Þar kemur inn í
skipulagning, bókhald og fleira,
ég á með öðrum orðum að bera
ábyrgð á öllu heila klabbinu. Þar
t
'tl
Háskólamenntaður
starfsmaður óskast
til að sinna mælingum á
loftmengun
Heilbrigðiseftirlit Reykjavíkur starfar í 2 deildum, heilbrigðis- og
umhverfisdeild. í umhverfisdeild er einkum unnið að eftirliti með
umhverfismengun, mengun frá fyrirtækjum og mengunarvörnum
þeirra, sölu og notkun hættulegra efna og eiturefna. Búast má við
að starfsemi deildarinnar aukist smátt og smátt á komandi árum,
sérstaklega ef lögbundnar reglur um mengun og mengunarvarnir
verða gefnar út.
I lok þessa árs hyggst heilbrigðiseftirlitið festa kaup á sérbúnum
vagni með sjálfvirkum tölvustýrðum mælitækjum til stöðugra
efnagreininga á köfnunarefnisoxíði (NOx), kolsýrlingi (CO) og
svifryki ásamt mælingum á veðurþáttum. Vagninum er ætlað að
fylgjast með loftmengun í Reykjavík og verður aðallega notaður til
reglubundinna mælinga. Leitað er að stafsmanni til að annast
þessar mælingar.
Viðfangsefni:
Starfsmanni þessum er ætlað að sjá um rekstur
og viðhald mælibúnaðarins, vinnslu og túlkun á
mæliniðurstöðum, og sinna öðrum verkefnum
eftir þörfum, aðallega tengdum loftmengun.
Kröfur:
Starfsmaðurinn þarf að vera fær um að vinna
með flókin rafeindatæki og annast tölvuvinnslu
gagna. Hann þarf að vera nákvæmur í vinnu-
brögðum og eiga auðvelt með að tjá sig skrif-
lega og munnlega.
Viðkomandi þarf að vera háskólamenntaður og
hafa góða undirstöðuþekkingu í efnafræði.
Starfið krefst ennfremur þekkingar á sviði töl-
fræði, mælitækni, umhverfisheilsufræði og vist-
fræði.
Starfið veitist frá 1. september nk. eða eftir nán-
ara samkomulagi.
Laun verða samkvæmt kjarasamningum borg-
arinnar við viðkomandi stéttarfélag.
Nánari upplýsingar um starfið gefa fram-
kvæmdastjóri Heilbrigðiseftirlits Reykjavíkur
eða deildarstjóri umhverfiseftirlitsdeildar þess,
Drápuhlíð 14 í síma 623022.
Umsóknum ásamt upplýsingum um menntun
og starfsreynslu skal skilað til Heilbrigðiseftirlits
Reykjavíkur, Drápuhlíð 14, fyrir 20. ágúst n.k.
Heilbrigðiseftirlit Reykjavíkur
MENNTAMÁLARÁÐUNEYTIÐ
Laust embætti er
H ■ 11 lCJJ utlyi i forseti íslands veitir
í Lögbirtingablaði nr. 89/1989 auglýsti menntamálaráðuneytið
laust til umsóknar prófessorsembætti í uppeldis- og sálarfræði við
Kennaraháskóla íslands með umsóknarfresti til 1. september n.k.
Hér er hins vegar um að ræða prófessorsembætti í uppeldissálar-
fræði og leiðréttist þetta hér með. Jafnframt framlengist umsókn-
arfresturinn til 15. september 1989. Að öðru leyti vísast til áður-
nefndar auglýsingar.
Útboð
Tæknideild Kópavogs fyrir hönd bæjarsjóðs
Kópavogs óskar eftir tilboðum í jarðvinnu,
grunnlagnir, undirstöður og botnplötu fyrir 600
fm. dagheimili við Álfaheiði í Kópavogi.
Helstu magntölur eru:
Gröftur 1900 m3
Fylling 1700 m3
Mót 590 m3
Bendistál 3,8 t
Steinsteypa 120 m3
Regn- og skólplagnir 318 m
Verkinu skal lokið 1. nóvember 1989. Útboðs-
gögn verða afhent á Tæknideild Kópavogs,
Fannborg 2 frá og með mánudeginum 31. júlí
1989 gegn 10.000 kr. skilatryggingu sem er
einungis endurgreidd þeim sem skila inn tilboð-
um.
Tilboðum skal skila á sama stað miðvikudaginn
9. ágúst 1989 kl. 11 og verða þá opnuð að
viðstöddum þeim bjóðendum sem þar mæta.
Tæknideild Kópavogs