Þjóðviljinn - 28.07.1989, Blaðsíða 18
Ungmennahreyfingin
Ekki bara
íþróttafélög
Dagana 10. og 11. júní síð-
astliðinn fór fram hreinsunar-
átak meðfram þjóðvegum lands-
ins á vegum Ungmennafélags Is-
lands. Vfir 8000 manns tóku þátt í
þessu átaki og hreinsuðu á milli
400 og 500 tonn af rusli á um 6000
km. leið meðfram vegunum. Hafi
einhver haldið að ungmenna-
hreyfingin sé að líða undir iok þá
sýnir þátttakan í þessu átaki svo
ekki verði um villst að það er hinn
mesti misskilningur.
- Þátttakan í hreinsunarátak-
inu endurspeglar virknina og
kraftinn í félögunum um land
allt. Árum saman hafa ung-
mennafélög á hverjum stað
skipulagt hreinsun í sínu
sveitarfélagi án þess að það hafi
mikið farið fyrir því. Það sem er
sérstakt við þessa hreinsun í ár er
að nú tóku allir til hendinni á
sama degi sagði Þórir Haraldsson
varaformaður UMFÍ. Auk þess
er fólk út á landi vant því að gera
hlutina sjálft á meðan Reykvík-
ingar leggja sinn skerf fremur
fram í formi gíróseðla, sagði Þór-
ir.
í ungmennafélagi íslands eru
19 héraðssambönd og innan
þeirra eru um 240 ungmennafé-
lög út um allt land. Um 38 þúsund
einstaklingar taka virkan þátt í
starfsemi ungmennafélaganna og
er Ungmennafélag íslands án efa
ein fjölmennustu félagasamtök í
landinu. Það hefur verið mikil
uppsveifla í starfi ungmennafé-
laganna undanfarin ár og fjöldi
félaga hefur vaxið ört. árið 1984
voru félagsmenn um 27 þúsund
en það má segja að allt frá árinu
1970 hafi félagafjöldi vaxið
stöðugt en á þeim tíma voru þeir
um 9 þúsund.
Ungmennafélag íslands rekur
þjónustumiðstöð fyrir ung-
mennafélög og héraðssambönd í
landinu. Fyrir þremur árum
keypti félagið stórt hús við Öldu-
götu 14. Þar er skrifstofan til húsa
en auk þess er þar gistiaðstaða
fyrir 50 til 60 manns. Þar er boðið
upp á svefnpokapláss og eldhús
og önnur aðstaða er fyrir hendi.
Þar geta ungmennafélög fengið
ókeypis inni á ferðum sínum til
Reykjavíkurog hefursú þjónusta
verið vel nýtt. Félagsmenn utan
af landi segja að þessi aðstaða
lækki ferðakostnað þeirra um allt
að 40%.
Ritstjóri Skinfaxa hefur líka
aðstöðu í húsinu en þetta tímarit
UMFf hefur verið gefið út óslitið
í 80 ár. Það kemur út 6 sinnum á
ári og flytur fréttir og greinar úr
starfi hreyfingarinnar, svo og
greinar um þjóðmál og önnur
áhugamál félagsmanna.
- Þrátt fyrir að starfsemi
UMFÍ hafi vaxið mikið á undan-
förnum árum hefur okkur tekist
að halda yfirbyggingunni í
skefjum. Á skrifstofunni vinna 2
starfsmenn, framkvæmdastjór-
inn og ritsjóri Skinfaxa. Einungis
10% af því fjármagni sem rennur
til hreyfingarinnar í gegnum
Lottóið fer til reksturs bessarar
starfsemi, sagði Hörður Óskars-
son starfsmaður á skrifstofunni.
Ólympíuleikar íslands
Landsmót UMFÍ eru fjöl-
mennustu íþróttamót sem haldin
eru hér á landi og hafa stundum
verið nefnd “Ólympíuleikar fs-
lands“. Þau eru haldin þriðja
hvert ár. Næsta landsmót verður
haldið í Mosfellsbæ næsta sumar
og er undirbúningur ung-
Fyrir utan hús Ungmennafólags Islands á Öldugötu 14. Á myndinni eru Sigurður Þorsteinsson, framkvæmdastióri UMFÍ,
Jóhanna Leópoldsdóttir og Hörður Óskarsson starfsmenn fólagsins og Ingólfur Hjörleifsson ritstjóri Skinfóixa. Mynd-Jirri
UMFl heldur uppi samstarfi við ungmennafélög á hinum Norðurlöndunum. Á
myndinni er hópur af ungu fólki frá Noregi sem er í heimsókn hér um þessar
mundir. Mynd-Jim Smart
mennafélaga alls staðar kominn í
fullan gang nú þegar enda má
segja að hann byrji í lok hvers
landsmóts. Á landsmótinu 1984
voru í kringum 21 þúsund manns
en metið frá árinu 1965 hefur
ekki enn verið slegið. Þá mættu
yfir 25 þúsund manns á mótið
sem haldið var að Laugarvatni.
- Markmiðið er að taka þátt en
ekki nauðsynlega að sigra, sagði
Þórir og vildi ekki viðurkenna að
samkeppnisandinn hefði borið
þessa hugsjón ofurliði, þó ekki
væri hægt að neyta því að sigurinn
væri markmið margra.
- Það er þessi sérstaki andi
sem svífur yfir mótinu sem gerir
þáttökuna svona sérstaka. Þarna
hittist ótrúlegur fjöldi fólks sem
er að sinna sömu málum, hver í
sinni sveit, og úr þessu verður
eithvað miklu meira en stór
íþróttaviðburður, samstaðan og
samkenndin verður næstum
áþreyfanleg, sagði Hörður.
Lítið um óvænt úrslit
Fyrsta sveitin til að tryggja sér
sæti í 8 sveita úrslitum Bikar-
keppni Bridgesambandsins að
þessu sinni varð sveit Sigmundar
Stefánssonar Reykjavík, en hún
sigraði sveit Guðlaugs Sveins-
sonar Reykjavík sl. mánudag.
Með Sigmundi eru í sveitinni:
Ágúst Helgason, Hallgrímur
Hallgnmsson, Jón Stefánsson og
Sveinn Sigurgeirsson.
í síðustu viku áttust við sveitir
Sigmars Jónssonar Reykjavík og
Ásgríms Sigurbjörnssonar Siglu-
firði. Sú síðarnefnda sigraði
nokkuð örugglega, og daginn
eftir mætti sú sveit Modern Ice-
land. Sá leikur var vel útspilaður
af beggja hálfu, en sveit Modern
Iceland hafði leikinn, á hörk-
unni. Og sveit Sameind úr Kópa-
vogi sigraði sveit Brynjólfs Gests-
sonar Selfossi örugglega í síðustu
viku. Sá leikur var í 1. umferð,
sem átti að vera lokið fyrir síð-
ustu mánaðamót, sem leiðir af
sér að næstu andstæðingar sveitar
Sameindar, sveit Estherar Jak-
obsdóttur er komin í mikil vand-
ræði þessa dagana, útaf geysilegri
seinkun leiks þeirra fyrrnefndu.
Svo mikil eru vandræðin, að sveit
Estherar virðist hafa „sprungið"
og liðsmenn komnir út og suður.
Sveit Estherar hefur skrifað
BRIDDS
mótanefnd BSÍ og kvartað yfir
framkomu landsliðsfyrirliðans,
Hjalta Elíassonar í sveit Sam-
eindar. Hjalti neitaði að „hugsa“
um Bikarkeppni BSÍ fram yfir
Evrópumótið í Finnlandi, sem
einsog kunnugt er lauk fyrir
skemmstu. Slæmt þegar hags-
munir rekast á, svo ekki sé meira
sagt. Mótanefnd BSÍ mun taka
þetta mál fyrir í vikunni.
Nú, sveit Samvinnuferða/
Landsýnar sigraði sveit Gylfa
Baldurssonar nokkuð örugglega
og sveit Sigurðar Vilhjálmssonar
Reykjavík sigraði sveit Austur-
Skaftfellinga einnig nokkuð ör-
ugglega.
116 liða úrslitum eru því þessir
leikir:
Sigfús Örn Árnason R.-Sameind/ ‘
Esther Jakobsdóttir
Valtýr Jónasson Siglufj.-Sigurður
Vilhjálmsson R.
Pólaris R.-Stefán Ragnarsson Akur-
eyri.
Samvinnufrðir-Tralla Sveitin R.
Bragi Hauksson R.-Trésíld Reyðar-
firði.
Modern Iceland R.-Logi Þormóðs-
son Keflavík.
Jón Baldursson-Guðmundur Eiríks-
son R.
Þáttaka í Evrópumóti í sveita-
keppni einsog málin standa í dag,
með þátttöku 25 þjóða, er ákaf-
lega erfitt verkefni fyrir „venju-
lega“ áhugamenn eins og okkur.
Stöðug spilamennska í rúmar 2
vikur við erfiða andstæðinga (það
sýndi sig að flestar þjóðirnar voru
betri en við) hlýtur að taka sinn
toll. Fyrir venjulega fjölskyldu-
menn er það orðin stór spurning í
dag, hvort það sé þess virði að
standa í þessu, með tilheyrandi
æfinga„prógrammi“ fyrir mót í
einhverja mánuði. Að ekki sé tal-
að um það, að eiginkonur séu
óæskilegar á mótsstað og liðs-
mönnum sé bannað a líta í móts-
blaðið. Áþað er jú að líta, að það
eru áhugamenn sem skipa ÖLL
landslið okkar í dag og vonandi
um einhverja framtíð. Þegar og
ef að því kemur, að við tökum
upp atvinnumennsku í greininni,
getum við farið að gera kröfur til
þeirra sem skipa úrvalslið okkar
hverju sinni. Fram að þeim tíma
getum við treyst því, að menn
geri sitt besta. Því miður dugir
það ekki alltaf. Einhverjar
hundakúnstir í stjórnun, hvort
sem það er fyrir mót eða á mót-
sstað, hafa að mínu áliti takmark-
að giidi. Þú breytir ekki skapandi
spilara í stigavél eða ungum ný-
liða í þrautreyndan spilara, bara
með því að velja hann í liðið.
Ólafur
Lárusson
Fyrir næstu þátttöku okkar í
viðlíka móti og Evrópumótið er
orðið, tel ég heppilegast að
mynda tímanlega gildan kjarna
spilara, sem innbyrðis styddu
hvor annan með reglubundnum
æfingum eða yfirferð, með það í
huga að í raun væri sama hverjir
spiluðu endanlega, öruggt væri
að sá hópur yrði allur á sömu
línu. Þetta teldi ég breikka hóp
bestu spilara landsins og um leið
styrkja landsmótin okkar. Gera
þau meir aðlaðandi jafnt fyrir
spilarana sjálfa sem áhorfendur.
Þessa dagana er unnið að við-
gerðum á húsnæðinu að Sigtúni 9
og veitir þeim ekki af. Þakið er á
mörkum þess að teljast vatnshelt
og á sumum stöðum innanhúss er
gólfið orðið þannig, að klæðning-
in flaðrar upp um mann, ef þau
mistök eru framkvæmd að stíga á
hana. Eigum við nokkuð að
minnast á hvað gerist, ef hitnar í
veðri?
Og sama góða þátttakan er í
Sumarbridge. Sl. fimmtudag
mættu um 90 manns til spila-
mennsku og sl. þriðjudag mættu
108 manns. Spilamennsku í
Sumarbridge lýkur væntaniega
um miðjan september.
í síðasta þætti sáum við nokk-
uð snúið spil,sem Jón Stefánsson
otaði að umsjónarmanni. Þetta
spil mun Hallur Símonarson hafa
tekið fyrir í bridgeþætti í útvarpi,
fyrir einhverjum áratugum.
Höndin er svona:
S:x
H:ÁKDxx
T:K932
D:Áxx
S:KGx S:xx
H:xxx H:G10xx
T:D876 T:G
L:KGx L:Dxxxxx
S:ÁD10xxxx
H:x
T:Á10xx
L:x
Norður er sagnhafi í 6 tíglum
og útspil Austurs er smár spaði, í
gegn um ás/dömu í borði. Spum-
ingin var, er hægt að vinna 6 tígla
og þá hvernig?
Þó ótrúlegt sé, er til lausn í
þessu spili. Hún er þessi:
1. slagur Tekið á spaðaás.
2. slagur Spaði trompaður heim.
3. slagur Laufaás tekinn.
4. slagur Lauf trompað í borði.
5. slagur Tekinn trompkóngur.
6. slagur Lauf trompað með tíu í
borði.
7. slagur Spaði trompaður.
8. slagur Hjartaás tekinn.
9. slagur Hjartakóngur tekinn.
10. slagur Hjartadaina tekin.
í þessari stöðu spilar sagnhafi
enn hjarta, trompar með ás í
borði og læðir út spaða úr borði.
Enn passant kalla Frakkar þessa
stöðu, sem einhverjir góðhjart-
aðir landar vorir hafa þýtt sem
„framhjáhlaup". Sjaldgæf staða í
bridgespilinu, en kemur þó öðru
hverju fyrir. í þessu spili verður
því trompnían 12. slagur sagn-
hafa, þarsem millihöndin í Vest-
ur er með drottningu/áttu í trom-
pi og reynist varnarlaus.
Fleiri snepla, takk.
18 SÍÐA - NYTT HELGARBLAÐ