Þjóðviljinn - 06.04.1990, Blaðsíða 2

SYSTIR SKAÐA SKRIFAR:
Ég
stofnasamtök!
Mér líður einsog ég hafi étið uppúr ösku-
bakkanum. Og ég tek fram að það er ekki par
þægileg tilfinning (sona ef einhverjum skyidi
hugsanlega detta það í hug). Ég er með ógeð
og það ekki af minni sortinni. Og vegna þess
að ég hef eftir áreiðanlegum heimildum að
það sé launóhollt að brenna inni með ógeð af
þessari sort gerði ég það eina sem vit var í.
Ég stal nefnilega pistlinum hans Skaða
bróður og setti hann (það er pistilinn) þar
sem hann hefði alltaf átt að vera, sumsé í
ruslið. Svo lauma ég bara mínum í staðinn og
enginn tekur eftir neinu fyrr en Skaði er
skeður (assvíti get ég nú verið orðheppin
stundum). Flott, ekki satt? Og mér er alveg
sama þó allt verði vitlaust (sem er náttúrlega
óhjákvæmilegt en ég segi ekki hvers vegna).
Ég vil barasta svona áður en ég kem mér
að efninu benda á að ég er hér að vinna
þjóðþrifaverk og ekki bara að bæta heilsu
mína heldur líka heilsu Blaðsins Ykkar með
því að næra ruslafötuna með Skaða. Það
sem ég hef að segja er miklu merkilegra. Og
það er hvort eð er alltof mikið af þessu fjárans
karlremburausi í fiölmiðlum, sama hvaða
nafni þeir nefnast. Ég er því enn eina ferðina
komin í klassíska stöðu konunnar sem tekur
tii hendinni, líknar þjáðum (blaðalesendum)
og breytir og bætir hlutina öllum til góðs og
það án þess að taka eyri fyrir það. Ég vildi
bara vekja athygli á þessu.
Og þetta er nefnilega mál málanna. Hvers
vegna gerir kvenfólk svona nokkuð? Og
hvers vegna er hreinlega ætlast til þess? Mér
hefur sveimérþá dottið í hug að sumir (nefni
engin nöfn) líti á suma (nefni heldur engin
nöfn) einsog gólfmottu. (Gjörið svo vel að
þurrka af fótunum.) Og afþví ég er nú alltaf að
lenda í þessu. Endalaust að þrífa eftir aðra,
taka að mér að redda málunum, hlusta á
vandamál heimsins og skilja þau. Bjarga
þessu öllu fyrir horn fyrir pétur og pál, - og
siggu líka. Svo ég ætla að stofna grátaxla-
samtökin. Eða öllu heldur samtök gegn grát-
öxlum. Eins konar sjálfshjálparhóp og stuðn-
ingsgrúppu fyrir þá sem eru orðnir svo ofsótt-
ir og þjáðir af vandamálum annarra að þeim
líður eins og mér: Einsog þeir hafi étið uppúr
öskubakkanum.
Þetta verða vitanlega kvennasamtök og
allir vita hvernig stendur á því, en það fá ekki
allar konur að vera með, ónei. Engar klögu-
skjóður takk (og enn nefni ég engin nöfn þó
mér detti ýmsir í hug) þetta er nefnilega ekki
sona almennur tilvistarvandi kvenna (sem
væri náttúriega alveg gasalega þægilegt) en
hinsvegar alveg rosalega algengt hjá þeim.
Að vera eins konar alheimssamviskur (al-
heimsklóökk kallaég þettanú. Mérfinnst það
réttara).
Mottó samtakanna verður Sjálfsvernd og
sjálfsánægja, og það verður bannað að hafa
{ 'V'iVv
)M}

samúð með klöguskjóðum og að vinna skít-
verkin fyrir aðra, - það er að segja kauplaust.
Það verður sérstakur taxti, ha ha (ég sé
gullna tíma framundan). En það verður nátt-
úrlega refsivert að vorkenna genetískum
karlrembusvínum fyrir að geta ekki gert að
því hvað þeir eru vitlausir.
Afklæðumst búningi hins kvenlega sam-
viskubits! Hættum að taka við úrgangi ann-
arra og ég segi það alveg satt, ef einhver
vogar sér að kenna mér um það enn eina
ferðina hvernig komið er í þjóðfélaginu og
hinum og þessum hjónaböndum útí bæ svo
ekki sé minnst á annars konar stofnanir, þá
barasta æli ég. Því afklæðist ég hér með
búningi samúðarinnar (kvenlegu), hengi
hann upp og sný mér að því sem skiptir máli í
lífinu.
"\r
Ég er frá fjármála L
ráðuneytinu. Hvar '
er stimpilkassinn
með virðisauk-
amum,
Okkar virðisauki safnast á
lendarnar og kviðinn ef þú vilt
mæl'ann!

I ROSA-
GARÐINUM
FRESTUR ER
Á ILLU BESTUR
Hamingjan er ekki fólgin í því
sem við höfum gert - afrekað.
Hamingjan er fólgin í því sem við
ætlum að gera, eigum í vændum.
DV
VESALINGS ÁLVERIN
Ég held það sé ekkert hollt fyrir
tvö álver að bítast um sama
markaðinn í Hafnarfirði.
Steingrímur Hermansson í
DV
STALÍN ER
LOKSINS HÉR!
Járntjaldið hefur verið dregið
frá og Austur-Evrópulöndin hafa
kvatt stefnumið heimsyfirráða.
Hins vegar er Björn Th. (Björns-
son) trúr gamalli köllun. Einhver
annar en Jónas (Hallgrímsson)
hvílir í þjóðargrafreit íslendinga.
Garri Tímans
MEÐ ÖÐRUM ERTU
MINNIEN ÞÚ SJÁLFUR
Hvers kyns fundir eru að verða
ein af helstu plágum nútímans.
Morgunblaðið
HVAR ERU MJUKU
GILDIN?
ímynd konunnar í steinsteypu
og kristninnar á járnplötum.
Lesbók Morgunblaðsins
HELGISPJÖLL
Það er i mínum huga sorgleg
staðreynd að þessar þrjár konur
sem hafa tekið að sér jafnvanda-
samt verk og að skrifa dálk undir
nafni í Morgunbiaðið, blað allra
landsmanna, skuli nýta plássið
sem þeim er ætlað til þess að
standa í einkabréfaskriftum sín í
milli um hugðarefni sín.
Morgunblaðið
HVERNIG A ÖÐRUVÍSI
AÐ VERA?
Ef einhver embættismaður er
ósammála mér lýsi ég því fyrst
yfir að hann sé asni.
Alþýðublaðið
NEI ÞAÐ GETUR
EKKI VERIÐ!
Ja.gæti hugsast að ráðamenn
hefðu sumir hverjir glatað tilfinn-
ingunni fyrir þjáningum
náungans?
Fjölmiðlarýnir
Morgunblaðsins
SVEITAMENNSKA ER
ÞETTA!
Hér á íslandi starfar ekki opin-
bert félag áhugamanna um fljúg-
andi furðuhluti eins og víða ann-
arsstaðar.
Morgunblaðið
2 SIÐA - NÝTT HELGARBLAÐ Föstudagur 6. apríl 1990