Dagblaðið Vísir - DV - 13.11.1995, Blaðsíða 16
Menning
MÁNUDAGUR 13. NÓVEMBER 1995
Oryggismiðstöð
íslands
Öryggiskerfi. Vaktgæsla.
Knarrarvogi 2, Sími 533-2400
DV býður öllum landsmönnum í afmæli
hringinn í kringum landið
TÍGRI verður í afmælisskapi
4 HOPPKASTALI fyrir fjörkálfa
’Z SAGA DAGBLAÐSINS í máli og myndum
’Z ALLIR HRESSIR krakkar fá blöðrur,
stundatöflur og annan glaðning
Egílsstadir
DV og Kvenfélagið Bláklukkan
bjóða bér og fjolskyldunni til
afmælisnátíðar í íþrottahúsinu á
Egilsstöðum þriðjudaginn 14. nóvember,
klukkan 17-19.
Skemmtiatriði:
>/Jón Arnrímsson leikur af
fingrum fram
'/Atriði frá Tónlistarskóla
Fellahrepps
/Vítakeppni í körfuknattleik -
glæsileg verðlaun
Gómsætt í gogginn:
\f Kaffi
yf Afmælisveitingar
/ Ópal sælgæti
/ Tomma og Jenna ávaxtadrykkir
FRABÆR SKEMMTUN FYRIR ÞIG
OG ALLA FJÖLSKYLDUNA!
Ólafur Árni Bjarnason og Bergþór Pálsson í hlutverkum sínum.
íslenska óperan frumsýndi óperuna Madömu Butter-
fly, eftir Puccini, í leikstjóm Halldórs E. Laxness á
fostudagskvöldið var. Hljómsveitarstjóri var Robin Stap-
leton, leikmynd sáu J. Michael Deegan og Sarah G. Con-
ly um, búninga hannaði Huida Kristín Magnúsdóttir og
ljósahönnun var á höndum Johns Michaels Deegans.
Aðalhlutverkið, Cio-Cio-San, eða madömu Butterfly,
syngur Ólöf Kolbrún Harðardóttir og Pinkerton sjóliðs-
foringja syngur Ólafur Árni Bjamason. Fara þau bæði
Tónlist
Áskell Másson -
fram úr sjálfum sér í þessum hlutverkum og skila hér
bæði betri söng og leik en áður hefur til þeirra sést og
heyrst. Má tvimælalaust tala hér um óperusigur hjá
þeim báðum svo geysivel sem þau túlkuðu hin erfiðu
hlutverk sín. Sharpless var sunginn af Bergþóri Páls-
syni og Suzuki söng Rannveig Fríða Bragadóttir. Fóru
þau frábærlega með hlutverk sín, bæði hvað söng og
leik snertir, náðu að gæða persónurnar dýpt og voru á
allan hátt mjög sannfærandi.
Það em fyrst og fremst áðurnefndar fjórar persónur
leiksins sem halda uppi verkinu. Þegar svo vel tekst til
með þessi hlutverk sem hér hefur gerst og við bætist að
samstarf leikstjóra, leikmynda-, ljósa- og búningahönn-
uðar er með ágætum, þá er víst að komin er góð sýning.
En nú er gert enn betur.
Minni hlutverkin voru einnig öll í góðum höndum og
má þar t.d. nefna Goro hjúskaparmiðlara sem Sigurður
Björnsson söng, Prins Yamadori sem Loftur Erlingsson
söng, Keisaralegan fulltrúa sem Eiður Á. Gunnarsson
fór með, Kate Pinkerton, sem Ásrún Davíðsdóttir 'söng
og Bonze og Yakusidé sem þeir Sigurður Skagfjörð
Steingrímsson og Valdimar Másson sungu.
í þessu meistaralega skrifaða verki er dramatísk
framvinda ekki minnst í framvindu tónlistarinnar
sjálfrar og eru sönglínurnar þar aðeins hluti stærri
heildar, nefnilega hljómsveitarvefjarins alls. Túlkun
hljómsveitarstjórans Robins Stapletons var yfirleitt vel
mótuð, utan að forspilið að þriðja þættinum þyrfti að
vera þrungnara. Hljómsveitiri lék annars með besta
móti og vil ég þakka það m.a. góðri frammistöðu
konsertmeistarans, Sigurlaugar Eðvaldsdóttur, en auk
hennar voru í burðarhlutverkum og áttu jafnframt fal-
legar einleiksstrófur, þeir Daði Kolbeinsson á óbó og
Ingvar Jónasson á víólu.
Þessi sýning er að mati undirritaðs fallegasta og best
unna óperusýning íslensku óperunnar til þessa.
Grafík, olía og hvalir
í Nýlistasafninu
- Guðný B. Richards, Thomas
Nýlistasafnið býður upp á marga möguleika í sýn-
ingahaldi, enda skiptist það i raun upp í fimm rými. Um
helgina var opnuð þar samsýning tveggja listamanna
sem tekur yfir fióra sali, auk sýningar þriðja lista-
mannsins í setustofu. Þau Thomas Ruppel og Guðný
Björk Richards sýna grafik og málverk í sölunum fiór-
um og hafa valið þá leið að blanda verkum sínum sam-
an utan þess að Guðný sýnir ein í anddyrinu og Thom-
as einn í Súm-sal. Sú leið gengur ágætlega upp, nema á
pallinum þar sem grisja hefði mátt verkin. í setustof-
unni sýnir Martin Leiensetter hálíbernskar og lúmskt
skoplegar myndir af hvölum og öðru sjávarfangi.
Lífrænar uppsprettur
Verk Guðnýjar Bjarkar Richards á sýnirigunni eru 26
talsins, 14 olíumálverk, 11 grafíkverk og eitt verk málað
meö akrýl á bakhlið glers að hætti þýskra alþýðulista-
manna. í verkum Guðnýjar eru áberandi ýmiss konar
mynstur sem hafa í flestum tilvikum skírskotanir í nátt-
úruna, grafiska ásýnd snjóskafla í fialllendi, uppþornað-
an leir í árfarvegi eða aðrar lífrænar uppsprettulindir. í
olíumálverki nr. 27 er engu líkara en skóglendi sé fyrir-
myndin en Guðný heldur sig þó jafnan innan marka
hugsæisins og lætur hið hlutvakta ekki ráða ferðinni
heldur heildarmynd sem er á mörkum hins þekkjanlega.
Grafikverkin eru ýmist þurrnálarmyndir eða ætingar
og eru á sömu nótum og málverkin. Þar koma jafnframt
fram hæfileikar Guðnýjar til að nýta möguleika hverrar
tækni til að gera einfaldar en áferðarfallegar myndir
sem gefa í skyn fremur en að birta konkret hugmynd.
Fínleg tækni og strangir fletir
Thomas Ruppel sýnir 36 verk, 14 olíumálverk og 22
grafikmyndir, flest ætingar. Thomas er mun meiri til
konkretsins en Guðný. Verk hans eru öll í strangflatar-
Ruppel og Martin Leiensetter
stílnum og þar er leikið á þanþol lita og forma og leitast
við að skapa heildir úr ólíkum ferstrendum flötum.
Stundum birtist þessi viðleitni sem leikur að kubbum,
eins og í olíumálverkum nr. 12 til 15 þar sem svo virð-
ist sem hægt sé að breyta uppröðun hinna mislitu flata
innan rammans. í grafíkverkunum er víða um að ræða
Myndlist
ÓlafurJ. Engilbertsson
flnlega tæknilega úrvinnslu á möguleikum flatarins þar
sem ekki liggur í augum uppi hvaða tækni er beitt. T.d.
er engu líkara en vatnslitur sé uppistaðan í mynd nr. 57
þar sem ætingu og akvatintu er beitt á japanskan papp-
ír. Sömuleiðis eru ætingar/akvatintur nr. 48 og 49 harla
langt frá hinni viðteknu ímynd aðferðarinnar. Þar hef-
ur Thomas notað eir með stálþynnu til að skapa litrík-
ar og athyglisverðar samsetningar.
Hvalir í setustofu
Loks ber að nefna málverk Martins Leiensetters í
setustofunni. Þar er bæði um að ræða úm tug lítifla mál-
verka af hvölum og fiskum og tvær lágmyndir bak við
gler er sýna annars vegar í iður hvals og hins vegar
augnlit hans. Hér er léttleikinn í fyrirrúmi og vangavelt-
ur um grænfriðungaáróður fara fyrir lítið við slíkar
kringumstæður. Leiensetter tekur þannig á viðfangsefn-
inu að það kemur skoðandanum við. Einlægni og alþýð-
leiki virðast vera útgangspunktar hjá listamanninum í
þessari smámyndaröð.
Sýningarnar í Nýlistasafninu standa til 26. nóvember.