Dagblaðið Vísir - DV - 29.12.1995, Blaðsíða 6

6
FÖSTUDAGUR 29. DESEMBER 1995
Neytendur
Flugeldar:
Leiðbeiningar
um notkun
Nú, þegar áramótin eru rétt
handan við hornið, fara menn
að birgja sig upp af flugeldum tO
þess að kveðja gamla árið með
stæl og fagna því nýja á viðeig-
andi hátt. Hjálparsveit skáta í
Reykjavik gaf út Flugeldablað
og þar er að finna leiðbeiningar
um notkun skotelda. Rétt er fyr-
ir fólk að taka mark á leiðbein-
ingunum því fjöldi slysa verður
um hver áramót vegna þess að
menn hafa farið óvarlega með
þessa hluti.
Gos
Notið aðeins utandyra. Látið
standa á sléttum fleti. Berið eld
að kveiknum og víkið strax frá.
Flugeldar
Skjótið flugeldinum utandyra
úr stöðugri undirstöðu. Berið eld
að kveiknum með útréttri hendi
og víkið strax frá.
Handblys
Notið aðeins utandyra. Haldið
um handfangið og beinið frá lík-
amanum. -sv
Útsölutíminn fer í hönd:
Skilið vörum fyrir áramót
- segir formaður Neytendasamtakanna
„Það er ekkert til í lögum sem
kveður á um skilarétt á ógölluðum
vörum og þess vegna er verslunum
því stætt á því að taka hana inn á
því verði sem hún er seld á i það og
það skiptið. Þess vegna ráðleggjum
við fólki að skila vörum fyrir ára-
mót ætli það sér að gera það á ann-
að borð. I fjölmörgum verslunum
byrja útsölurnar strax eftir áramót-
in og þá fæst vitaníega minna verð
fyrir hlutinn," segir Jóhannes
Gunnarsson, hjá Neytendasamtök-
unum, í samtali við DV. Jóhannes
sagði að varðandi skil á gallaðri
vöru væri annað uppi á teningnum
því þá bæri versluninni að endur-
greiða hana á fullu verði.
„Þetta á ekki síst við um fata-
verslanirnar en varðandi bækurnar
gildir það að verslanir geta krafist
kassakvittunar. Þá fæst það verð
sem þar er upp gefið. Bækur voru
seldar á ólíku verði eftir verslunum
fyrir jólin og hér er það undir
hverri og einni komið hvernig skila-
málum er háttað,“ sagði Jóhannes.
DV leitaði til þriggja stórra bók-
arverslana á höfuðborgarsvæðinu
og spurði hvaða reglur giltu varð-
andi skil á bókum þar sem þær gátu
verið á ólíku verði milli verslana.
Hjá Pennanum, Máli og menningu
og Eymundsson fæst bókum skilað
þótt viðkomandi viðskiptavinur
hafi ekki kassakvittun undir hönd-
um. Verð bókarinnar miðast siðan
við það sem hún kostar í hverri
búð. -sv
Mikil áfengissala í desember
íslendingar innbyrða mikið magn
af áfengi í desember og samkvæmt
upplýsingum DV er salan í þeim
mánuði tvöföld á við það sem hún
er í venjulegum nóvembermánuði.
„Við höfum engar heildartölur
fyrir árið eða mánuðinn og ekki
heldur samantekt á seldu magni
allra tegunda. Síðustu vikuna fyrir
jól seldum við um níu þúsund ein-
ingar (kippur) af bjór, mest af
þriggja lítra kippum og um 8.500
flöskur af rauðvíni. Rauðvínið er
alltaf vinsælast fyrir jólin,“ segir
Einar Jónatansson, verslunarstjóri
hjá ÁTVR í Kringlunni. Einar sagði
alltaf vera brjálað að gera á milli
jóla og nýárs en að salan færi þó ró-
legar af stað en í fyrra. Hann sagði
söluna dreifast yfir desembermán-
uðinn þegar góð færð væri eins og
verið hefði framan af mánuðinum.
Verslanir ÁTVR á höfuðborgar-
svæðinu verða opnar til 19 í kvöld
en á milli 10 og 12 á morgun, laugar-
dag. -sv
Flugeldar:
Leiðbeiningar
um notkun
Þegar eldur hefur veriö bor-
inn að kveikjuþræði skotelds,
sem af einhverjum ástæðum
tekur ekki við sér, má ekki
snerta hann í langan tíma. Jafn-
vel þótt enginn eldur sjáist get-
ur glóð leynst lengi og skoteld-
urinn brunnið upp þegar
minnst varir.
í ábendingu frá lögreglunni
segir að skotelda megi ekki selja
yngri en 16 ára og að blys og
aðra skrautelda megi ekki selja
börnum yngri en 12 ára. Sala á
flugeldum sem eru eldri en
tveggja ára er alveg bönnuð.
Þyrla
Notið aðeins utandyra. Leggið
þyrluna á þurran flöt á opnu
svæði. Berið eld að kveiknum og
víkið strax frá áður en þyrlan
flýgur upp í loftið.
Kyndlar
Notið aðeins utandyra. Haldið
úm handfangið og beinið frá lík-
amanum svo heitt vax leki ekki
á hendur.
Innibomba
Látið innibombuna standa
upprétta á diski. Berið eld að
kveiknum og víkið strax frá.
Skotkaka
Notið aðeins utandyra. Skýtur
eldkúlum og neistaregni. Látið
standa á þurrum og sléttum fleti
á opnu svæði. Berið eld að
kveiknum með útréttri hendi og
víkið strax frá.
Notið aðeins utandyra. Festið
ekki á eldfimt efni. Berið eld að
kveiknum og víkið strax frá.
Tíðir brunar í heimahúsum:
Standblys
Notið aðeins utandyra. Stingið
þessum enda i jörðu. Kveikið á
kveiknum og víkið strax frá.
Aðvorun
Sé þessi aðvörunarmiði á skot-
eldinum er óráðlegt að börn eða
unglingar undir 16 ára aldri
meðhöndli hann. -sv
Sjónvörp og seríur
„Það er alþekkt að sjónvörp með
fjarstýringum geta verið hættuleg ef
straumurinn er aðeins rofinn með
fjarstýringunni. Sjónvarpstæki
safna í sig miklu magni af ryki og í
því getur kviknað sé straumurinn
ekki rofinn af tækinu sjálfu," segir
Þráinn. Hann segir að nauðsynlegt
sé að hreinsa gömul tæki og draga
þar með verulega úr íkveikjuhættu.
Aðspurður hvort ástæða væri til
að taka seríur úr sambandi á meðan
fólk væri í vinnu t.d. segist Þráinn
ekki hafa vanið sig á það fyrr en
hann hafi heyrt fréttir af því að ser-
íur gætu kveikt í jólatrjám. Hann
segist þó telja hættuna af því hverf-
andi, svo fremi reyndar að allt sé í
lagi með seríuna.
„íkveikjuhætta er mikil á
gamlárskvöld og ég mæli eindregið
með því við fólk að það loki hjá sér
gluggum þegar líða fer að miðnætti.
Flugeldur sem flýgur inn um opinn
glugga getur hæglega kveikt í. Ég
ráðlegg fólki að fara með gát því
einn vanhugsaður verknaður getur
haft alvarlegar afleiöingar," segir
Þráinn Tryggvason, varðstjóri
Slökkviliðsins í Reykjavík.
Auðvelt að hreinsa
Samkvæmt upplýsingum frá
Heimilistækjum hf. er afskaplega
auðvelt að hreinsa sjónvarpstæki.
Hér vinnur Slökkviliðið í Reykjavík að því að slökkva eld sem kviknaði í húsi
að Laugavegi 24b í október síðastliðnum. Logandi kerti kveikja of oft í
skreytingum og gömul sjónvörp geta verið varasöm séu þau ekki hreinsuð.
DV-mynd S
Slökkvið á tækinu og takið það úr
sambandi. Skrúfið síðan bakið úr
því og hreinsið með málning-
arpensli og ryksugu. Varist að reka
stútinn harkalega í því auðvelt er
að taka hluti úr sambandi og
skemma þar méð tækið. Sé tækið
hreinsað á verkstæði hjá Heimilis-
tækjum kostar það 1.500-2.000 kr.,
allt eftir því hvort huga þarf að
lóðningum og slíku í leiðinni. -sv
Kerti kveikja of
oft 1 skreytingum
- segir Þráinn Tryggvason, varðstjóri Slökkviliðsins í Reykjavík
„í nokkrum tflvikum hefur verið
hægt að koma í veg fyrir mikinn
skaða en það er allt of algengt að
logandi kerti kveiki í skreytingum
og valdi stórbruna. Það er erfitt að
ráðleggja eitthvað í þessu sambandi
því fólk þarf einfaldlega að hafa var-
ann á og gleyma ekki logandi kerti
ef það fer út úr húsi, að ég tali nú
ekki um að sofna út frá því,“ segir
Þráinn Tryggvason, varðstjóri
Slökkviliðsins í Reykjavík. DV sló á
þráðinn til hans til að kanna hvort
hægt væri að gefa fólki einhver al-
menn ráð í sambandi við bruna-
vai'nir.
Þráinn segist stundum verða
vitni að því að fólk fari með eld á
afar kæruleysislegan hátt, t.d. þegar
það væri með stór útikerti, svoköll-
uð friðarkerti, inni í íbúðum hjá
sér. Það næði ekki nokkurri átt.