Dagblaðið Vísir - DV - 16.07.1996, Qupperneq 15

ÞRIÐJUDAGUR 16. JULI 1996
Wlveran
Eva segist hafa lært heilmikið á námskeiðinu. Hún dvaldist í eitt ár á íslandi
fyrir 12 árum og hitti hér þýskan eiginmann sinn.
Marti leiðbeinir hér einni norsku konunni og kennir henni handbrögðin.
DV-mynd JAK
Marti Michell, frægur bandarískur bútasaumskennari:
Bútasaumur þarf ekki
að vera tímafrekur
- leggur áherslu á fljótlega og einfalda tækni
„Mér fmnst mjög sérstakt að vera
að kenna bútasaum á tveimur
tungumálum á jafn litlu landi og ís-
landi. Ég hef ferðast viða, þó aðal-
lega um Bandaríkin, og tel konurn-
ar hér vera vel samkeppnishæfar
við þær bandarísku. Bútasaumur er
þó auðvitað miklu þekktari og út-
breiddari í Bandaríkjunum, enda
upprunninn þaðan,“ sagði Marti
Michell, einn þekktasti bútasaums-
kennari Bandaríkjanna, sem hingað
er komin til að kenna íslenskum og
norskum konum handbrögðin.
Marti, sem hefúr gefið út 13 bæk-
ur um bútasaum, hannar einnig
munstur fyrir stóra og þekkta fram-
leiðendur. Sjálf byrjaði hún að
sauma 8-9 ára gömul. „Ég er fædd í
sveit og byrjaði mjög snemma að
sauma mín eigin fót. Það er ekki
síður gaman að sauma fatnað með
bútasaumi þó teppin séu alltaf vin-
sælust.“
Hún lætur vel af íslenskum kon-
um sem nemendum og segir þær t.d.
skilja ensku mun betur en þær
norsku. „Og hér er mjög gott úrval
af efnum. Það eru e.t.v. 10-20 versl-
anir í öllum Bandaríkjunum með
sambærilegt úrval og Virka svo ís-
lendingar eru mjög vel settir."
Aðspurð sagði Marti bútasaum
ekki endilega þurfa að vera mjög
tímafrekan. „Sú bókin sem ég hef
einmitt selt mest af er bókin þar
sem ég kenni þeim að sauma búta-
saum sem ekki hafa tíma til að
sauma bútasaum. Hún hefur selst í
milljón eintökum um allan heim.
Lykillinn er að notfæra sér ákveðna
tækni sem gerir saumaskapipn
bæði einfaldan og fljótlegan en læt-
ur hann jafnframt líta vel út,“ sagði
Marti. Til útskýringar sagði hún að
konurnar saumuðu ekki saman
einn og einn bút í einu heidur gerðu
lengjur af bútasaumi sem þær síðan
klipptu niður i ákveðin munstur.
-ingo
15 norskar konur á bútasaumsnámskeiði íVirku:
Komu með sauma-
vélarnar sínar til íslands
- fara í skoðunarferðir um ísland eftir að námskeiðinu lýkur
„Ég hef lært heilmikið á þessu og
kem örugglega til með að nýta mér
það. Maður getur sjálfsagt líka lært
þetta annars staðar en Marti er al-
veg einstaklega skemmtilegur kenn-
ari,“ sagði Eva Mahlo, norskur
skrifstofumaður sem reyndar hefur
búið í Þýskalandi sl. 12 ár. Eva er
ein 15 norskra kvenna sem eru
hingað komnar til að læra búta-
saum í Virku af þekktum banda-
rískum kennara, Marti Michell.
Þær höfðu fyrir því að koma hingað
með sínar eigin saumavélar til þess
að sóa ekki tímanum í að læra á
nýja vél.
Aðdragandinn var sá að ein
kvennanna kom til íslands í fyrra-
sumar og kom i Virku. Þegar hún
heyrði að þar væru haldin búta-
saumsnámskeið með erlendum
kennurum skrifaði hún um það í
norskt bútasaumsblað og hvatti til
þess að fjölmennt yrði á slíkt nám-
skeið á íslandi. Maðurinn hennar
var þeim innan handar því hann
hefur áður komið hingað með hópa.
Hann skipulagði skoðunarferðir í
lok námskeiðsins, sem var stíft
þriggja daga prógramm, og raunin
var sú að færri komust að en vildu.
Saumar mikð
Eva segist sauma mikið og nær
eingöngu fyrir sjálfa sig, en sumar
konurnar á námskeiðinu ætla sjálf-
ar að halda námskeið þegar heim er
komið. „Hér er miklu meira úrval
af bútasaumsefnum en ég hef áður
séð og þau eru líka miklu ódýrari.
Það munar um það því þetta er
mjög dýrt áhugamál," sagði Eva.
Eva hitti núverandi eiginmann
sinn reyndar á íslandi fyrir 12
árum. „Þá var ég au-pair í Reykja-
vík í heilt ár. Eftir að ég hitti mann-
inn minn ferðuðumst við mikið um
landið með Ferðafélaginu og Útivist
en náðum aldrei að heimsækja ísa-
fjörð. Við ætlum því að bæta úr því
núna en maðurinn minn kemur
hingað þegar námskeiðinu lýkur og
við ætlum að eyða 4-5 dögum fyrir
vestan.“
Konurnar læröu alls kyns tækni tengda bútasaumi og hugsuðu sér margar gott til glóöarinnar að notfæra sér hana
þegar heim væri komið. DV-myndir JAK
gtóí vs;r,R?ff t5 í r 1
1
■flfeíyF V |gý;1
Aukablað um FERÐIR
INNANLANDS
Miðvikudaginn 24. jútí mun aukablað um
ferðir innanlands fylgja DV.
í þessu blaði verður fjallað um útihátíðir um verslunar-
mannahelgina. Efni blaðsins verður að öðru leyti tengt
flestu því sem er á boðstólum vegna ferðalaga innanlands.
Fjallað verður um afþreyingarvalkosti, viðlegu- og annan
ferðabúnað ogýmsa athyglisverða staði og ferðamöguleika.
Umsjón efnis hefur Ingibjörg Óðinsdóttir blaðamaður.
Þeir auglýsendur sem hafa áhuga á að auglýsa íþessu
aukablaði eru vinsamlega beðnir að hafa samband við
Guðna Geir Einarsson í síma 550 5722
á auglýsingadeild DV.
Vinsamlega athugið að síðasti skiladagur auglýsinga er
fimmtudagurinn 18.jútí.
ATH! Bréfsími okkar er 550 5727
V
Auglýsingar
Sími 550 5000, bréfasími 550-5727.
_____________________