Dagblaðið Vísir - DV - 27.01.1997, Blaðsíða 2
2
MÁNUDAGUR 27. JANÚAR 1997
Fréttir
Mesta magn anabólskra stera sem fundist hefur á Keflavíkurflugvelli:
32 þúsund steratöflur
fundust í farangri
- eigandinn tengist rekstri líkamsræktarstöðvar á höfuðborgarsvæðinu
Fíkniefnadeild tollgæslunnar á
Keflavíkurflugvelli lagði hald á um
32 þúsund steratöflur sem fundust í
Mackintoshdósum í farangri konu í
reglubundnu eftirliti á flugfarþeg-
um í síöustu viku. Þetta er mesta
steramagn sem tollgæslan á Kefla-
víkurflugvelli hefur lagt hald á,
samkvæmt upplýsingum DV.
Karlmaður sem tengist líkams-
ræktarstöð á höfuðborgarsvæðinu
kom með sömu flugvél og konan.
Hann var einnig handtekinn þegar
böndin fóru að berast að honum og
er hann grunaður um að eiga þetta
mikla magn efnis sem hafði fundist.
Fólkið var að koma frá London.
í fyrstu vildu maðurinn og konan
ekki viðurkenna að þau könnuðust
hvort við annað. Steramir fundust
undir lagi af Mackintoshsælgæti í
dósum í farangri konunnar. í far-
angri mannsins fundust hins vegár
þeir molar sem upp á vantaði í því
plássi sem steramir tóku í dósum
konunnar. Þar var einnig brjósta-
haldari hennar. Þegar þetta lá fyrir
viðurkenndi fólkið að hafa verið
saman.
Rannsóknarlögregla ríkisins fékk
málið í sínar hendur og það er nú
talið að miklu leyti upplýst. Fólkinu
var sleppt eftir að fyrir lá hver hefði
átt efhið og staðið að innflutningi
þess, það er maðurinn. Steratöflum-
ar sem tollgæslan fann vógu rúm
fjögur kíló.
Ekki litiö á stera sem
ftkniefni
Hér á landi er ekki litið á stera
sem fíkniefni ef mið er tekið af ís-
lenskum lögum. Innflutningur stera
er reyndar ekki óheimiU með öllu.
Þetta er ólíkt því sem tíðkast ann-
ars staðar, t.a.m. í Danmörku. Þetta
hefur verið umdeilt og hafa ýmsir
forsvarsmenn tollayfirvalda og full-
trúar í löggæslukerfinu m.a. lýst
yfir vonbrigðum sinum með þessa
staðreynd. Dæmi em um að Hæsti-
réttur íslands hafi lækkað refsingar
sem héraðsdómarar hafa dæmt inn-
flytjendur mikils magns af steratöfl-
um í. -Ótt/ÆMK
Ólafsfjörður:
Sæunn Axels
leigir hrað-
frystihúsið
DV, Ólafsfirði:
Hraðfrystihús Ólafsfjarðar hef-
ur veriö tekið á leigu til næstu
fimm ára og er leigutaki saltfisk-
verkunin Sæunn Axels ehf. í
Ólafsfiröi. Hraðfrystihúsið hefur
sem kunnugt er veriö lokað um
skeið en forráðamenn Sæunnar
hyggjast koma rekstrinum í gang
aftur í breyttri mynd. Gert er ráð
fyrir að starfsmenn verði ráðnir á
næstu vikum.
„Við höfum tröllatrú á þqssum
rekstri og viljum láta gott af okkur
leiða. Að sjálfsögðu verða áherslu-
breytingar á rekstrinum en núna er
fullsnemmt að segja nákvæmlega til
um það, enda blekið varla orðið
þurrt á samningnum. Ég viður-
kenni þó að við erum með fastmót-
aðar hugmyndir en eigum eftir að
fínpússa þær. Þetta kemur allt í ljós
innan tíðar,“ sagði Ásgeir Logi Ás-
geirsson hjá Sæunni Axels í samtali
við DV aö lokinni undirskrift á
laugardag.
-HJ
Slasaðist á Raufarhöfn:
Sjúkrabíllinn
ónegldur og van-
hæfur til flutn-
ings
Kona á sjötugsaldri datt illa í
hálku fyrir utan íbúð sína á Raufar-
höfn sl. laugardag og handleggs-
brotnaði. Það sem vekur athygli við
þetta óhapp er að ekki var hægt að
flytja konuna burtu af staðnum á
sjúkrahús á Húsavík þar sem
sjúkrabíllinn á Raufarhöfn var van-
búinn til vetraraksturs, á ónegldum
dekkjum.
Segja má að það hafi veriö kon-
unni til happs að áætlunarflug á
föstudag frestaðist til laugardags
sökum veðurs og var konan flutt
með flugi til Akureyrar. Frá slys-
stað á heilsugæslustöðina og þaðan
á flugvöllinn var konunni ekið í
venjulegum skutbíl.
Raufarhafnarbúar sem DV ræddi
við í gær voru mjög óánægðir meö
ástand sjúkrabílsins sem rekinn er
af Rauða-kross deildinni á staðnum.
Ökumaöur bilsins sagði við DV að
hann hefði fyrir löngu verið búinn
aö benda yfirmönnum sínum á
þetta. Það yrði hins vegar sitt fyrsta
verk í dag að koma negldum vetrar-
dekkjum undir bilinn.
-bjb
íslenski togarinn frá Siglufiröi losnaöi úr kyrrsetningu:
Laumufarþeginn bað um
vinnu á Siglfirðingi
- voru í „rjómablíðu og 20 stiga hita“ út af Máritaníu í gærkvöldi
Það var 23 ára atvinnulaus fjöl-
skyldumaður af spænskum upp-
runa, sem ætlaði að sjá sjáifum sér,
konu og sjö ára syni farborða meö
sjómennsku, sem reyndist vera
laumufarþeginn um borð í togaran-
um Siglfirðingi í síðustu viku. Skip-
ið lét úr höfn á föstudagskvöld eftir
að utanríkisráöuneytið hér heima
hafði „barist með kjafti og klóm“
við að losa skipiö úr kyrrsetningar-
prísundinni, eins og Gunnar Júlíus-
son útgerðarmaður orðaði það í
samtali við DV. í gærkvöldi barst
honum skeyti frá togaranum - allir
voru mjög glaðir í „rjómablíðu og 20
stiga hita“. Togarinn var staddur
vestur af Cape Timirs i Máritaníu á
leiðinni til fyrirheitna landsins -
Namibíu. Siglingin tekur 22 daga.
Gunnar sagði að togarinn hefði
komið til Las Palmas á Kanaríeyj-
um á þriðjudagskvöld til aö taka
vistir á leiðinni frá íslandi til
Namibíu þar sem skipið verður gert
út á rækjuveiðar a.m.k. næstu sex
mánuði. Kostur var tekinn um borð
og fóru skipverjar í land um kvöld-
ið. Á hádegi á miðvikudag var síðan
látið úr höfn.
Á miðnætti sama kvöld fannst
síðan framangreindur fjölskyldufað-
ir sem hafði falið sig undir spili úti
á dekki. Hann bað um vinnu og
sagðist hafa komið um borð i þeim
tilgangi. íslendingamir tóku at-
vinnuumsókninni hins vegar held-
ur fálega.
Nú var ákveðið að snúa skipinu
við til Las Palmas en þegar þangað
kom á fimmtudag kom babb í bát-
inn*- maðurinn var vegabréfslaus
og neituðu yfirvöld að taka við hon-
um. Skipið var kyrrsett og var ætl-
unin að hafa réttarhöld í málinu í
dag, mánudag. íslenska utanríkis-
þjónustan hafði síðan veg og vanda
af því fyrir helgi að hiutast til um
að hafa samband viö landstjóra eyj-
anna og fékkst diplómatísk lausn í
málinu á fóstudag. Stjómvöld tóku
við manninum og hélt togarinn síð-
an til Namibíu um kvöldið.
15 menn eru i áhöfn Siglfirðings,
flestir fjölskyldumenn frá Siglufiröi.
Gunnar útgerðarmaður sagði að
verið gæti að skipið yrði 2-3 ár við
rækjuveiðar í Namibíu. Næstu sex
mánuðir mundu skera úr um fram-
haldið. Gert verður út frá Walvis
Bay.
-Ótt
Árekstur við
Gullinbrú
Tveir bílar lentu í hörðum
árekstri við Gullinbrú í Grafarvogi
síðdegis á laugardag. Ökumaður
annars bílsins og farþegi í hinum, 3
ára stúlka, vora flutt á slysadeild.
Stúlkan hlaut höfuðhögg og hnykk á
háls og bak. Bílstóll sem hún sat í
forðaði henni frá frekari meiðslum.
Betur fór en á horfði í þessum
árekstri en bílamir era báðir mjög
mikið skemmdir. -bjb
Ekið á dreng á Akureyri:
Ökumaður fór
af vettvangi
Síödegis í gær var ökumaður bif-
reiðar enn ófundinn sem fór af vett-
vangi eftir að hafa ekið á 13 ára
gamlan dreng sem var á gangi á
Þingvallastræti, milli Mýrarvegar
og Byggðavegar, um kl. 20 á laugar-
dagskvöld. Drengurinn fótbrotnaði
en bilnum var ekið utan í hann.
Rannsóknardeild lögreglunnar á
Akureyri biður þá sem voru á ferð um
Þingvallastræti á þessum tima, svo og
hugsanleg vitni að atburðinum, að
hafa samband við lögreglu. -bjb
Húsfyllir var f Keflavíkurkirkju f gær þegar minningarathöfn fór fram um félagana Júlíus Karisson, sem fæddur var
óriö 1979, og Öskar Halldórsson, sem fæddur var árib 1980. Þrjú ár eru nú iibin frá því ab þeir hurfu. Einnig var far-
ib meb krans ab minnlsvarba horfinna f kirkjugaröinum f Keflavík. Þar var haldin bænastund. Prestarnir séra Ólafur
Oddur Jónsson, sóknarprestur f Keflavfk, og Sigfús B. Ingvarsson abstobarprestur sáu um minningarathöfnina.
DV-mynd Ægir Már
Stuttar fréttir
Brot a Akraborg
Sex bílar skemmdust lítils hátt-
ar þegar brot kom á Akraborgina
í gær á leiöinni til Reykjavikur í
ólgusjó. Farþega sakaði ekki og
engar skemmdir urðu á skipinu.
200 ó Felgunni
Um 200 manns komu saman í veit-
ingahúsinu Felguimi á Patreksfirði
um helgina. Samkvæmt frétt Bylgj-
unnar lék vertinn, Sigurður Pálsson,
á hljóðfæri ásamt tónlistarkennar-
anum á staönum við góðar undir-
tektir. Sigurður fer enn ekki úr húsi,
samkvæmt ráði lögmanns síns.
Flug lá niðri
Sökum óveðurs og ókyrrðar í
lofti lágu flugsamgöngur niðri í
gær. Reiknað er með að flugið
komist í samt lag í dag ef marka
má veðurspá.
Ný verksmiðja HB
Ný og fuUkomin fiskimjölsverk-
smiðja í eigu Haraldar Böðvars-
sonar hf. á Akranesi var tekin í
notkun á laugardag. Samkvæmt
RÚV er þetta afkastamesta verk-
smiðja sinnar tegundar á landinu.
Iðnó enn ónotað
Iðnó stendur enn autt og ónot-
að, sjö árum eftir aö Leikfélag
Reykjavíkur flutti þaðan í Borgar-
leikhúsið. Samkvæmt Stöð 2 hef-
ur ný byggingamefnd hússins
ekki enn komið saman. -bjb