Dagblaðið Vísir - DV - 18.02.1997, Qupperneq 6

6
ÞRIÐJUDAGUR 18. FEBRÚAR 1997
Fréttir
Fjölmargt starfsfólk hefur veikst af hættulegum gufum í kúfiskvinnslu á Þórshöfn:
Ófremdarástand þar sem
heilsa fólks er í hættu
- segir formaður verkalýðsfélagsins - framkvæmdastjóri HÞ lofar úrbótum
„Þetta er auðvitað algert ófremd-
arástand og margt starfsfólk hér
hefur veikst og fengið mikil óþæg-
indi. Við erum í sambandi við
Vinnueftirlitið og það hefur gert út-
tekt á þessu. Hraðfrystistöðin hefur
lofað úrbótum og það verður að ger-
ast á næstu dögum. Það gefur auga-
leið að ekki er hægt að láta fólk
vinna í starfsumhverfi þar sem
heilsa þess er í hættu,“ segir Sæ-
mundur Jóhannesson, formaður
Verkalýðsfélagsins á Þórshöfn.
Fjölmargir starfsmenn Hrað-
frystistöðvar Þórshafnar hafa veikst
eftir að hafa unnið við kúfiskvélar í
hraðfrystistöðinni. Tilraunakeyrsla
á kúfisksvinnslu hefur staðið yfir
undanfarna 3 mánuði hjá HÞ. Veik-
indi fólksins eru aðaUega í öndunar-
færum og talið er að því valdi
hættulegar gufur sem myndast þeg-
ar kúfiskurinn er soðinn.
Svipað ástand kom upp á Flateyri
sl. sumar þegar fjölmargt starfsfólk
hjá Vestfirskum skelfiski hf. veikt-
ist af hættulegum gufum í vinnslu-
sal fyrirtæksins. Starfsmenn HÞ
sem DV ræddi við voru sammála
um að ástandið væri afleitt. Allir
starfsmennimir sem DV ræddi við
höfðu unnið við kúfiskvinnsluna og
veikst í kjölfarið.
Asmaköst á nóttinni
„Þetta byijaði fljótlega eftir að
kúfiskvinnslan fór af stað. Flestallir
sem hafa verið í kúfiskvinnslusaln-
um hafa veikst. Sjálf er ég búin að
vera mjög slæm í öndunarfærunum
og hef tekið marga veikindadaga. Ég
hef fengið asmaköst á nóttinni og
ekki getað sofið vegna hósta og sær-
inda í öndunarfærum. Við höfum
mörg þurft að fara til læknis út af
þessu og við fáum lyf þar sem halda
okkur góðum í smátíma. Síðan
byrja veikindin aftur þegar við for-
um í kúfiskvinnsluna. Starfsfólk
gafst endanlega upp á miðvikudag
og það var rétt hægt að klára vinnsl-
una á fimmtudag með hjálp útlend-
inga,“ segir starfsmaður HÞ sem
unnið hefur við kúfiskvinnsluna.
Starfsmaðurinn vildi ekki láta
nafns síns getið af ótta við yfirmenn
sína. Aðrir starfsmenn HÞ, sem unn-
ið hafa í kúfiskvinnslunni, tóku í
sama streng og þessi starfsmaður og
sögðu að enginn heimamanna ætlaði
að vinna áfram við kúfiskvinnsluna.
Því mætti búast við að yfirmenn HÞ
myndu reyna að fá útlendinga til að
vinna við kúfískinn en um 30 Pól-
verjar og Rússar eru á Þórshöfn og
flestir þeirra vinna hjá HÞ.
Þarf aö gera ráðstafanir
„Ég get staðfest að starfsmenn
sem unnið hafa við kúfiskinn í
Hraðfrystistöðinni, hafa fengið of-
næmiseinkenni í öndunarfærum.
Það á eftir að rannsaka nánar
hversu alvarleg þessi einkenni eru
og hvort þau tengjast beint kúfisk-
vélum í verksmiðjunni. Það er hins
vegar alþekkt vandamál að þeir sem
vinna við kúfisk eiga á hættu að fá
ofnæmiseinkenni, m.a. asmaein-
kenni. Við erum í sambandi við
Vinnueftirlit ríkisins og það er í at-
hugun hvemig skuli bregðast við
þessum vanda. Það er ljóst að gera
þarf ráðstafanir í verksmiðjunni og
mér sýnist að þar séu menn sér full-
komlega meðvitandi um það,“ segir
Páll Matthíasson, heilsugæslulækn-
ir á Þórshöfn og Raufarhöfn.
„Við fylgjumst grannt með þessu
máli. Það er samdóma álit allra að-
ila að laga aðstöðuna því það er auð-
vitað öilum fyrir bestu. Forsvars-
menn HÞ hafa verið allir af vilja
gerðir að leysa þetta mál. Menn
þurfa fyrst og fremst að gera sér
grein fyrir hvar vandinn liggur og
síðan er þá hægt að grípa til að-
gerða. Þeir hafa tjáð mér að það
verði engin kúfiskvinnsla fyrr en
búið er að laga þetta vandamál,"
segir Helgi Haraldsson hjá Vinnu-
eftirliti Eyjafjarðar.
Öflugra loftræstingarkerfi
„Ég vil nú ekki meina að ástand-
ið sé svo slæmt í verksmiðjunni.
Það er rétt að það hafa komið upp
veikindi hjá starfsfólki en ég veit
ekki til þess að þau hafl verið alvar-
leg. Ég hef sjálfur fengið eymsl í
hálsinn eins og getur fylgt þessari
vinnslu. Við munum gera ráðstafan-
ir til að minnka þessar gufur eins
mikið og hægt er. Stefnan er að
setja upp öflugra lofræstingarkerfi
nú á næstu dögum. Við erum með
tilraunastarfsemi í gangi og erum
að kynnast þessari starfsemi og það
tekur auðvitað sinn tíma ,“ segir Jó-
hann A. Jónsson, framkvæmda-
stjóri HÞ. -RR
Miklu hættulegri starfsemi en virðist á pappírunum
- segir Vilhjálmur Rafnsson ofnæmissérfræðingur
„Það er greinilegt að þama hefur
farið af stað starfsemi sem er miklu
hættulegri en virðist á pappírunum.
Þama er starfsfólk í miklum vand-
ræðum og við reynum að hjálpa því
eins og mögulegt er og gera ráðstaf-
anir til þess að starfsumhverfi þess
verði bætt. Ég er alveg sammála for-
manni verkalýðsfélagsins að þetta
er ófremdarástand þar sem verið er
að leggja heilsu starfsfólksins i
hættu," segir Vilhjálmur Rafnsson,
ofnæmissérfræðingur og yfirlæknir
á Reykjalundi. Vilhjálmur starfar
einnig sem læknir hjá Vinnueftirliti
ríkisins.
„Þarna eru á ferðinni ofnæmis-
valdandi gufur sem leggjast aðal-
lega á öndunarfæri fólks með
þrengsli í berkjmn og asmalíkum
einkennum. Ef fólk er á kröftugum
lyflum þá slakar það á þessum
óþægindum en svo ef að slakað er á
þeim þá koma óþægindin aftur.
Þetta eru ekki lyf sem er hægt að
láta fólk taka í langan tíma. í flest-
um tilfellum er um að ræða tíma-
bundin einkenni og þá nær jölk
fullri heilsu aftur ef það hættir í
þessari vinnu. Það sem ég óttast
mest er að ef þetta stendur lengi þá
geti komið upp varanlegur asmi
sem er miklu erfiðara að eiga við.
Því er mjög brýnt að ná stjóm á
þessu vinnuumhverfi sem fyrst.
Þetta er vandamál sem er þekkt
bæði í kúfisk- og rækjuvinnslu.
Mér sýnist þetta vera það sama og
kom upp á Flateyri í fyrra. Eggja-
hvítuefnin virðast losna auðveld-
lega frá kúfisknum og það veldur
þessum hættulegu efnum sem ber-
ast út í andrúmsloftið,“ segir Vil-
hjálmur. -RR
Kvenfélagið á Patró hélt langþráð þorrablót á Tálknafirði:
Kvenfélagskonur kættust á flöskuballi
í nágrannasveitarfélaginu
DV, Tálknafirði:
Þær deyja ekki ráðalausar kon-
urnar í kvenfélaginu Sif á Patreks-
firði þegar halda á þorrablót. Sem
kunnugt er hafa staðið yfir deilur
um afnot af félagsheimili Patreks-
íjarðar undanfarið og fyrirséð að
þeim ljúki ekki fyrir þorralok. Þær
brugðu á það ráð að halda sitt 49.
þorrablót á Tálknafirði, í íþrótta- og
félagsheimili þar, 15. febrúar.
Nýjasti angi Felgumálsins er sá að
fyrir helgina beit hundur eiganda
Felgunnar gjaldkera kvenfélagsins í
lærið og var kærður fyrir vikið.
Gjaldkerinn komst þó á þorrablótið
ásamt öðrum kvenfélagskonum.
Alls mættu um 210 þorrablótsgest-
ir og skemmtu sér vel yfir góðum
mat og skemmtiatriðum sem kvenfé-
lagskonumar sömdu og sáu um þar
sem gert var góðlátlegt grín að at-
burðum síðasta árs og af nógu var að
taka. Að borðhaldi loknu var stiginn
dans og sáu Heiðursmenn um að
halda uppi fjörinu. Boðið var upp á
rútuferðir til og frá Patreksfirði.
Höfðu sumir á orði að þar rifjaðist
upp gamalkunn stemning þegar farið
var á sveitaböllin áður fyrr í rútu.
Kvenfélagið Sif var stofnað 1915
og eru nú 80 konur í félaginu. Ekki
var annað að heyra á gestum en að
þeir skemmtu sér vel í nágranna-
sveitarfélaginu og voru Sifjar-konur
ánægðar með hvemig til tókst og
ekki síst hvað vel var tekið á móti
þeim af forráðamönnum félagsheim-
ilisins á Tálknafirði. Margir vona
að framtakið leiði til meiri sam-
vinnu í framtíðinni. -KA
Eftir deilur við eiganda Felgunnar á Patreksfiröi afréöu kvenfélagskonurnar
að færa þorrablót sitt í næsta byggðarlag. Blótið var haldiö með pompi og
prakt í félagsheimilinu á Tálknafirði og má búast viö aö þar hafi samskiptin
við eiganda Felgunnar og hund hans borið á góma. Hér eru þær Adda, Guð-
rún, Gróa og Ragnheiöur í eldhúsi blótsins. DV-mynd Kristjana
Nemendur í Stýrimannaskólanum voru viöstaddir eldvarnaæfingu sem haldin var á vegum Slysavarnafélags íslands
á dögunum. Æfingin þótti takast mjög vel og fannst nemendunum mjög fróölegt að fylgjast með réttum handtökum
í þessum kringumstæðum. DV-mynd Hilmar Pór
Akureyri:
Um 60 íbúðir byggðar
á miðbæjarsvæðinu
- bílastæðum fjölgar mjög í sumar
DV, Akureyri:
Samkvæmt samþykktu skipulagi
fyrir miðbæjarsvæðið á Akureyri er
gert ráð fyrir að í miðænum verði
byggðar um 60 íbúðir og er reiknað
með að ekki líði langur tími þar til
framkvæmdir geti hafist.
Byggingarsvæðið í miðbænum er
aðaÚega á „Sjallareitnum" svokall-
aða en hann afmarkast af Strand-
götu, Geislagötu, Gránufélagsgötu
og Glerárgötu en þetta er svæðið frá
Ráðhústorgi og að Sjallanum í
norðri.
Einnig er gert ráð fyrir byggingu
íbúða í Hofsbót, austan Nýja bíós.
Skipulagsnefnd hefur afgreitt þetta
nýja skipulag til byggingamefndar
og framkvæmdanefndar bæjarins og
er reiknað með að gengið verði frá
auglýsingu lóðanna áður en langt
um líður.
í vor eða sumar munu fram-
kvæmdir hefjast við um 120 ný bíla-
stæði í miðbæ Akureyrar. Um er að
ræða svæðið frá Gránufélagsgötu að
húsi Landsbankans við Ráðhústorg.
Hólabraut verður flutt til austurs að
hluta og munu nýju bílastæðin
verða á svæðinu vestan Hólabrautar
að brekkunni þar fyrir ofan. -gk