Dagblaðið Vísir - DV - 05.03.1997, Blaðsíða 9

Dagblaðið Vísir - DV - 05.03.1997, Blaðsíða 9
MIDVIKUDAGUR 5. MARS 1997 Utlönd Verkamanna- flokkurinn eykur forskot á íhaldið Verkamannaflokkurinn breski, undir forustu Tonys Blairs, hefur nú aukið forskot sitt á íhaldsflokk Johns Majors forsætisráðherra, ef marka má niðurstöðu skoðanakönn- unar sem birtist í gær. Samkvæmt könnuninni, sem gerð var fyrir blaðið Guardian, nýtur Verkamannafiokkurinn stuðnings 48 prósenta kjósenda, sem er jafn mikið og í síðasta mánuði. Fylgi íhaldsflokksins hef- ur hins vegar minnkað um tvö stig, er nú 30 prósent. Frjálslynd- ir demókratar hafa stuðning sext- án prósenta. Könnunin var gerð eftir stór- sigur Verkamannaflokksins í aukakosningum í íhaldskjördæmi í norðvesturhluta Englands um daginn. Fylgi Verkamannaflokksins hefur hins vegar dalað aðeins í Skotlandi og er nú 46 prósent. Reuter Umdeild lög gegn reykingum í Toronto: Stjörnurnar hlýða ströngu banni I Toronto í Kanada hafa nú verið sett ein ströngustu lög gegn reykingum í allri N-Am- eríku. Meira að segja kvik- myndaleikkonan Demi Moore, sem þykir gott að totta vindla, gat ekki kveikt í þegar hún opnaði nýjan veitingastað sinn í borginni. í hófi á mánudagskvöld í til- efni opnunar Planet Hollywood, sem Moore á ásamt Arnold Schwarzenegger, sem reyndar er forfallinn vindlaá- hugamaður, lét kvikmynda- leikkonan sér ekki bregða þeg- ar hún var minnt á reykinga- bannið. „Ég held ég sleppi því að reykja þar sem ég vil ekki brjóta lög," sagði Moore við fréttamenn í veislunni. Aðrir reykingamenn eru ekki ánægðir með lögin sem banna reykingar á öllum börum og Vindlaáhugamaöurinn Arnold Schwarzenegger. veitingastöðum. Rosie Dimanno, dálkahöfundur við stærsta dag- blað Kanada, The Toronto Star, hefur ráðist harkalega á lögin. „Reykingalöggan getur farið í rass og rófu," skrifaði hún með- alannars. Lögin, sem voru sett til að vernda fólk fyrir áhrifum óbeinna reykinga, voru sam- þykkt i október og tóku gildi á mánudaginn. Eigendur veitingastaða segja að gengið sé of langt með því að annað hvort banna reykingar á börum og veitingastöðum eða fyrirskipa að byggð séu sérstök lofræst herbergi fyrir reykinga- menn sem ekki taki fleiri en fjórðung gesta. Þeir sem brjóta reykinga- bannið eiga á hættu að þurfa að greiða allt að 190 þúsund króna sekt. Reuter Clinton bannar einræktun manna fyrír skattpeningana Bill Clinton Bandaríkjaforseti bannaði í gær að fjármunir al- ríkisstjórnarinnar yrðu notaðir til einræktunar manna og hann fór þess jafn- framt á leit við vísinda- menn í einka- geiranum að þeir tækju ekki þátt í slíku á meðan nefnd á veg- um stjórn- valda færi yfir siðfræðilegar hliðar málsins. Bannið er víðtækara en þaö sem sett var á rannsóknir á fóst- urvísum manna fyrir almannafé árið 1994. Clinton sagði að það væri ætlun sín að loka öllum smugum á meðan endurskoðun siöanemdarinnar færi fram. Frá því skoskir vísindamenn skýrðu frá einræktun sinni á kindinni Dolly á dögunum er einræktun manna ekki jafh fjar- læg og áður þótt hún sé kannski ekki alveg á næsta leiti. Reuter Kjarnorkuandstæöingar í Þýskalandi gripu m.a. til þess ráös aö kasta eldsprengjum aö lögreglu sem stóö vörö um kjamorkuúrgang á leiö ( geymslu. Slmamynd Reuter Kjarnorkuúrgangur að nálgast leiðarenda: Vatni sprautað á mótmælendurna Lögregla beitti öflugum vatns- byssum gegn hópi mótmælenda fyr- ir utan járnbrautarstöð í bænum Dannenberg í norðurhluta Þýska- lands í morgun til að tryggja að hægt yrði að flytja umdeilda gáma með kjarnorkuúrgangi á nærliggj- andi geymslustað. Lögreglan reyndi í fyrstu að hreinsa leiðina til geymslustaðarins í Gorleben, sem er í um 20 kíló- metra fjarlægð, með því að bera mótmælendurna fjögur þúsund í burtu, einn af öðrum. Síðan var gripið til vatnsbyssunnar og mót- mælendur voru varaðir við því að aðgerðir lögreglunnar mundu halda áfram nema þeir létu af mótmælum sínum. Mótmælendur brugðust við með því að púa og flauta á lögregluna en leiðtogar þeirra hvöttu fólk til að sýna stillingu. Ekki kom til neinna átaka við laganna verði. Þrjátíu þúsund lögregluþjónar hafa verið kallaðir út til að sjá til þess að kjarnorkuúrgangurinn kom- ist á leiðarenda. Hann kom með lest til Dannenberg frá suðurhluta Þýskalands snemma í gærmorgun. Þetta eru mestu lögregluaðgerðir í sögu Þýskalands frá styrjaldarlok- um. Búist er við að pallbílar muni flytja gámana sex með kjarnorkuúr- ganginum til Gorleben einhvern tíma í dag. Mótmælendur hafa reynt að spilla vegunum til bæjarins með því að skemma klæðninguna, grafa undir þá eða með því að koma upp vegatálmum. Hundruð mótmælenda vörpuðu eldsprengjum og steinum að lög- regluþjónunum sem stóðu vörð um sendinguna í gær. Tveir lögreglu- þjónar slösuðust í átókunum og mikill fjöldi þeirra umkringdi 250 mótmælendur, tók fingraför þeirra og skráði persónulegar upplýsingar. Reuter Þú gætir eignast þessa Macintosh tölvu ásamt mótaldi með því að fylgjast með ÍDV! Taktu þátt í laufléttri og skemmtilegri getraun meb DV og Apple-umbobinu og þú gætir eignast PERFORMA 6320/120 Macintosh tölvu meo mótaldi, ab verbmæti 150.000. Næstu vikuna munu birtast 7 þátttökuseolar í DV, síðasti sebillinn birtist mibvikudaginn 12. mars en þann dag fylgir hin árvissa og glæsilega fermingargjafahandbók blabinu. ^» n: Safnabu öllum 7 þátttökuseblunum saman, fylltu þá út og sendu til okkar og þú ert kominn í pottinn! 2*- ÞVERHOLTI 11 - SIMI 550 5000 £j? Apple-umboðið hf SKIPHOLTI21 -SIMI511 5111 Heimasioa: http://www.apple.is Spurning nr. 1 Hvar er Apple-umboöib til húsa? ( ) Skipholti 21 ( ) Laugavegi 302 ( ) Skúlagötu 95 Nafn:. Heimilisfang: Póstnúmer: _ Kennitala: Sími: Sendist til DV - Þverholti 11 Merkt: Makki - 105 Reykjavík Skilafrestur er til 19. mars.

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.