Dagblaðið Vísir - DV - 26.03.1997, Síða 14

14
MIÐVIKUDAGUR 26. MARS 1997
DV
Útgáfufélag: FRJÁLS FJÖLMIÐLUN HF.
Stjórnarforma&ur og útgáfustjóri: SVEINN R. EYJÓLFSSON
Framkvæmdastjóri og útgáfustjóri: EYJÓLFUR SVEINSSON
Ritstjóri: JÓNAS KRISTJÁNSSON
Aöstoöarritstjóri: ELÍAS SNÆLAND JÓNSSON
Fréttastjóri: JÓNAS HARALDSSON
Auglýsingastjóri: PÁLL STEFÁNSSON
Ritstjórn, skrifstofur, auglýsingar, smáauglýsingar, blaðaafgreiösla, áskrift: ÞVERHOLTI11,105 RVÍK,
SÍMI: 550 5000
FAX: Auglýsingar: 550 5727 - RITSTJÓRN: 550 5020 - Aðrar deildir: 550 5999
GRÆN númer: Auglýsingar: 800 5550. Áskrift: 800 5777
Stafræn útgáfa: Heimasíða: http://www.skyrr.is/dv/
Ritstjórn: dvritst@centrum.is - Auglýsingar: dvaugl@centrum.is. - Dreifing: dvdreif@centrum.is
AKUREYRI: Strandgata 25, sími: 462 5013, blaðam.: 462 6613, fax: 4611605
Setning og umbrot: FRJÁLS FJÖLMIÐLUN HF.
Filmu- og plötugerð: ÍSAFOLDARPRENTSMIÐJA HF. - Prentun: ÁRVAKUR HF.
Áskriftarverð á mánuði 1700 kr. m. vsk. Lausasöluverð 150 kr. m. vsk., Helgarblað 200 kr. m. vsk.
DV áskilur sér rétt til að birta aðsent efni blaðsins í stafrænu formi og í gagnabönkum án endurgialds.
Friður enn fjariægur
Það er harla ófriðlegt á sumum helstu söguslóðum Nýja
testamentisins í þessari dymbilviku. Hörð átök eiga sér
stað dag eftir dag bæði í Hebron og Betlehem, þar sem
ungir Palestínumenn takast á við ísraelska hermenn og
palestínsku lögregluna.
Það sem kveikti eldana að þessu sinni var sú hrokafulla
ákvörðun ísraelskra stjórnvalda að heíja miklar fram-
kvæmdir í austurhluta Jerúsalem, á hæð sem liggur á
milli þessarar umdeildu borgar og Betlehem, en hæðin er
hluti þess landsvæðis sem ísraelsmenn hertóku í sex-
daga-striðinu árið 1966. Þar er þegar farið að ryðja fyrir
grunni nýrrar byggðar sem ætluð er fyrir tugþúsundir
gyðinga. Arabar hafa snúist öndverðir gegn þessum
áformum, enda líta þeir á það sem lokatakmark sjálfstæð-
isbaráttu Palestínumanna að Jerúsalem verði höfuðborg
þeirra engu síður en ísraelsmanna.
Friðarsamningarnir í Mið-Austurlöndum hanga á blá-
þræði, ekki aðeins vegna þessara áforma ísraelsmanna
heldur einnig vegna hryðjuverka sem framin hafa verið í
ísrael að undanförnu að undirlagi samtaka á borð við
Hamas, en þau hafa aldrei sætt sig við þá stefnu sem felst
í Óslóarsamkomulaginu frá árinu 1993. Margir óbreyttir
borgarar, þar á meðal böm, hafa látið lífið í þessum
hryðjuverkum og það hefur að sjálfsögðu valdið reiði með-
al ísraelsmanna. ísraelskir ráðamenn eru einnig æfir
vegna þess að Arafat, leiðtogi Palestínumanna, lét suma
leiðtoga Hamas-hreyfingarinnar lausa fyrir skömmu - þar
á meðal þann foringja sem sagður er hafa lagt á ráðin un
nýjustu hryðjuverkin.
Saga ísraels og Palestínu síðustu árin er að sjálfsögðu
stráð hörmulegum atburðum af því tagi sem nú hafa ver-
ið og eru að gerast, án þess að stjórnmálamennirnir hafi
gefist upp við að tala saman. Spurningin nú er hversu
mikið þanþol friðarferlið hefur. Meirihluti ríkisstjórnar
ísraels er þannig háður hægrisinnuðum öfgamönnum sem
vilja helst slíta öllum viðræðum við Palestinustjórn
Arafats. Innan palestínsku sjálfstjórnarsvæðanna fer and-
staða við frekari eftirgjöf af hálfu Arafats líka vaxandi.
Jafnvel er látið að því liggja að hann kunni að reynast
valtur í sessi á næstu mánuðum, enda finnst mörgum að
lítið hafi breyst til batnaðar við valdatöku Arafats á sjálf-
stjómarsvæðunum. Arabar em enn sem fyrr efnahagslega
háðir ísrael, þangað sem mikill fjöldi þeirra sækir atvinnu
— ef þeim er ekki meinuð innganga af ísraelsmönnum sem
loka landamænmum þegar henta þykir.
Bandaríkjamenn leggja nú eina ferðina enn hart að
Palestínumönnum og ísraelum að setjast niður og ræða
málin. Hvorugur leiðtoganna, Arafat eða Netanyahu, hafa
útlokað fund sín á milli, en áherslur þeirra eru gjörólíkar.
ísraelsstjórn vill ræða um hertar lögregluaðgerðir á sjálf-
stj ómarsvæðunum og fangelsun þeirra sem grunaðir eru
um að vera virkir í Hamas-hreyfingunni. Síðustu dagana
hafa bandarísk stjórnvöld reyndar líka þrýst á Arafat og
ríkisstjórn hans að sýna meiri hörku í viðskiptum við lík-
lega hryðjuverkamenn.
Efst í huga Palestínumanna er hins vegar að stöðva
framkvæmdirnar á hæðunum við Jerúsalem. Arafat hefur
leitað stuðnings Sameinuðu þjóðanna, en þar komu
Bandaríkjamenn í veg fyrir fordæmingu ísraelsmanna í
Öryggisráðinu með því að beita neitunarvaldi. Það sýnir
auðvitað að engin breyting hefur orðið á þeirri hefð
bandarískra stjómvalda að standa alltaf með ísrael á al-
þjóðavettvangi þegar í harðbakkann slær. Það hlýtur að
draga úr möguleikum þeirra til að miðla málum.
Elías Snæland Jónsson
Stöövum unglingadrykkju ...10 þúsund krónur fyrir aö koma upp um bruggverksmiðjur - nafnleynd heitiö.
Barnaheill
... Sá er munur á barni og
UÍolloNnn fullorðnum að hinn full-
njaiiannn orðni getur lesið en
barnið ekki fyrr en á
vissum aldri. Fjölmiðl-
ar ættu þess vegna að
hafa fyrir reglu að færa
ekki i töluð orð fréttir
sem eru síst við þeirra
hæfi.
Oft hafa þeir sem ráða
kynlegt viðhorf til
barna og unglinga, jafnt
foreldrar sem aðrir. Hér
eru nokkur íslensk
dæmi:
Kynlegt viðhorf
Fyrir tveimur árum til-
kynnti Valdimar Jó-
„Það er ekkert nýtt aö hræsnarar
og kynferðislega krumpað fólk
stjórni hjálparstofnunum. Sá er
munur á fortíö og samtíð að áður
voru þær í hóndum hreinna meyja
og munka en núna stjórna þeim
utanheimilismæður, félagsráð-
gjafar og sérmenntað fóik.....u
Guðbergur
Bergsson
rithöfundur
Ef Jesú hefði
ekki fæðst fyrir
nær tvö þúsund
árum og fæddist
núna, jafn undar-
legur maður og
hann kvað hafa
verið í augum sam-
landa sinna, og
segði: „Leyfið börn-
unum að koma til
mín ...“ yrði þeim
ekki bara bannað
að koma til hans
heldur myndu
mömmur og flöl-
miðlar vara við
honum.
Dulbúiö
barnaklám
Sú umhyggja
fyrir börnum sem
maður heyrir í ijöl-
miðlunum er
stundum furðuleg.
Þeir lýsa nákvæm-
lega hvernig þeim
er nauðgað, aðferð-
um, aldri barnsins
og öðru í þeim dúr
sem áður hefði þótt
óeðlilegt i þessu
samfélagi. - Núna
heitir þetta „frelsi
til fréttaflutnings
og þess að upplýsa fólk“.
Stundum grunar mann samt að
í skjóli frelsis til fréttaflutnings
séu fréttamenn ekki aðeins að
velta sér upp úr atburðunum held-
ur beinlínis að æsa upp hvatir sín-
ar og samfélagsins með lýsingun-
um. Böm hljóta að heyra þetta
margtuggna efni sem hljómar eins
og dulbúið bamaklám.
hannesson, fyrir hönd átaksins
Stöðvum unglingadrykkju, að
reynt yröi að greiða unglingum 10
þúsund krónur fyrir að koma upp
um bruggverksmiðjur og var heit-
ið nafnleynd. Sjá Morgunblaðið 3.
mars 1995.
Þetta svipar til þess þegar böm-
um í Sovét var heitið umbun ef
þau kæmu upp um hættulega and-
kommúnista.
Yfirvöld í Reykjavík ætluðu
ekki alls fyrir löngu að koma upp
myndbandstökuvélum til að fylgj-
ast með unglingum og hegðun
þeirra í miðbænum um helgar svo
hægt yrði að refsa sekum.
Ekki fyrir löngu hugðust skólar
skrá nöfn nemenda sem uppvísir
yrðu um að hafa neytt áfengis og
annarra efna sem foreldrar og
jafnvel kennarar neyta um hverja
helgi.
„Giftur maður í góðri
stöðu"
Ekki er þetta betra í útlöndum.
í Frakklandi hóf lögreglan um
daginn aðgerðir gegn þeim sem
misnota börn. Fimmtudaginn 13.
mars birti Le Figaro frétt um
hverjir hafi verið handteknir:
kennarar, fréttamenn, verslunar-
menn, barnavemdarar, dagmæður
og telpur sem gæta á kvöldin. Lýs-
ing blaðsins á dæmigerðum söku-
dólg var þannig: „Giftur maður í
góðri stöðu.“
Með lærdómskjaftinn á
réttum stað
Það er ekkert nýtt að hræsnarar
og kynferðislega krumpað fólk
stjórni hjálparstofnunum.
Sá er munur á fortíð og samtíð
að áður voru þær í höndum
hreinna meyja og munka en núna
stjórna þeim utanheimilismæður,
félagsráðgjafar og sérmenntað
fólk, ekki með guðsorð á vör held-
ur með lærdómskjaftinn á réttum
stað.
Guðbergur Bergssson
Skoðanir annarra
Kjarasamningarnir
„Öll þjóðin hefur vafalaust andað léttar, þegar þau
tíðindi spurðust út í gærmorgun, að heildarkjara-
samningar væru í burðarliðnum.... Nýju kjarasamn-
ingamir sýna, að verkalýðshreyfingin náði fram
meginkröfu sinni um 70 þúsund króna lágmarks-
laun. Sú krafa virðið njóta almenns stuðning og
einnig meðal margra vinnuveitenda, enda sanngjörn
krafa. ... Mikilvægur þáttur i nýrri kjarasátt á
vinnumarkaði er ákvörðun ríkisstjórnarinnar um
skattalækkanir á næstu þremur árum, þær mestu
sem hér hafa orðið um langt árabil."
Úr forystugrein Mbl. 25. mars.
Páskaupprisa Júlíusar
„Þeir segja að hinn eini sanni Ólympíuandi felist
í slagorðinu: Það skiptir ekki öllu máli að sigra,
aðalatriðið er að vera með.... Og nú hefur enn sann-
ast að ólympíuandinn um mikilvægi þess að vera
með er hvergi sterkari en hjá sjálfri Ólympíunefnd-
inni, þar sem átök og illdeilur hafa einkennt starfið
upp á síðkastið. ... Og nú um helgina kom í ijós að
búast má við talsverðri eldsprengingu eftir þessa
páskaupprisu Júlíusar Hafstein í ólympíunefndinni.
Júlíus er kominn í hvíta búninginn og orðinn for-
maður Júdósambandsins albúinn í slaginn við knatt-
spyrnukónginn Ellert B. Schram.
Garri í Degi-Tlmanum 25. mars.
Upplýsingaskortur lögreglu
„Baráttan gegn fikniefnum snýst um upplýsingar.
Okkur vantar stöðugt upplýsingar. Þær eru blóðið
sem heldur okkur gangandi. Þess vegna höfum við
til dæmis opinn sérstakan síma, þar sem menn geta
hringt inn upplýsingar um fikniefni. Það hefur gef-
ist vel. ... Ég kem hér árið 1985 og hef sem lögreglu-
stjóri skrifað upp á það, að upplýsingar skuli keypt-
ar. I mínum huga hefur endurgjaldið verið lágt og af-
raksturinn drjúgur miðað við það.“
Böðvar Bragason í Alþbl. 25. mars.