Dagblaðið Vísir - DV - 29.01.1999, Blaðsíða 2

2
FÖSTUDAGUR 29. JANÚAR 1999
Fréttir
Stuttar fréttir i>v
Afskipti utanríkisráðuneytis af málaferlum vegna Varnarliðsflutninga:
Dómarinn endursendi
- og tilkynnti Jóni Baldvin sendiherra að hann stæði ekki í slíkum skrifum
íslenska utanríkisráðuneytið hef-
ur haft afskipti af málaferlum sem
Eimskip stendur í gegn bandarísk-
um stjórnvöldum og freistað þess að
hafa áhrif á dómarann sem hefur
með málið að gera í Washington,
Thomas F. Hogan. í þessum tilgangi
boðsendi Jón Baldvin Hannibals-
son, sendiherra í Washington, bréf
til dómarans. í bréfmu, sem dagsett
er 13. janúar sl., er fullyrt að
ákveðnar staðhæflngar fulltrúa rík-
islögmanns Bandaríkjanna fyrir
réttinum þann 6. janúar sl. gætu
hafa gefið réttinum alranga mynd af
málinu og staðreyndum þess.
Hogan dómari virðist hafa tekið
erindi sendiherrans óstinnt upp því
að í svarbréfi sem aðstoðarmaður
hans, Elise Crawford lögfræðingur,
skrifaði Jóni Baldvin, segir að dóm-
arinn geti ekki staðið í bréfaskipt-
um um mál sem hann er að fjalla
um hverju sinni. „Þess vegna hefur
dómarinn beðið mig að endursenda
bréf yðar og fylgir það hér með,“
segir í bréfi fulltrúans til íslenska
sendiherrans.
Þetta sérkennilega mál snýst um
það að Eimskip hefur annast hluta
flutninga fyrir varnarliðið á Kefla-
víkurflugvelli en beið lægri hlut í
Bréfið sem undirritað var af sendi-
herranum var endursent með skýr-
um skilaboðum.
útboði á þessum flutningum í upp-
hafi síðasta árs. í bandarískum lög-
um eru ákvæði um að þeir sem ann-
ist sjóflutninga fyrir herinn skuli
sigla undir bandarískum fána. Þó
hefur ríkt samkomulag milli þjóð-
anna um að fyrirtæki frá báðum
löndum mættu bjóða í þessa flutn-
inga og hefur þeim verið skipt upp
þannig að lægst-
bjóðandi hefur
fengið 65%
flutninganna.
Það fyrirtæki
frá hinu land-
inu sem bauð
lægst fékk síðan
35% þeirra.
Undanfarin ár
hefur Eimskip
hefur annast
35% flutning-
anna en banda-
risk félög, nú
síðast Van
Ommeren, 65%.
Nýtt íslenskt-
bandarískt skipafélag, Transatlant-
ic/Atlantsskip, sem var stofnað í
upphafi árs 1998, bauð í varnarliðs-
flutningana í upphafi síðasta árs,
bæði hlut Van Ommeren og Eim-
skips og hreppti báða hlutana og
hefur annast flutningana alla síðan
í október sl. Eimskip missti þar með
mikilvægan spón úr aski sínum og
höfðaði mál á hendur bandarískum
stjórnvöldum vegna þessa missis.
Forráðamenn Eimskips telja að for-
ráðamenn flutningadeildar Banda-
ríkjahers hafi ekki við úthlutun á
flutningunum fylgt ákvæðum í
milliríkjasamningi íslands og
Bandaríkjanna né heldur hafi þeir
farið eftir bandarískum lögum og
reglum um meðferð útboða.
í fyrrnefndu bréfi Jóns Baldvins
til Hogan dómara kemur fram að ut-
anríkisráðuneytið hefur áður gert
tilraunir til að fá bandarísk stjórn-
völd til að rifta flutningasamningn-
um við Transatlantic-skipafélagið. í
því segir að óformlegar viðræður
hafi átt sér stað, en einnig viðræður
eftir formlegum diplómatískum
leiðum og að íslenska ríkisstjórnin
hafi farið fram á það að samningn-
um við Transatlantic yrði rift. Því
hafi bandarísk stjómvöld hins veg-
ar skýrt og skorinort hafnað.
Ekki náðist í Halldór Ásgrímsson
utanríkisráðherra, Helga Ágústs-
son, ráðuneytisstjóra utanríkisráðu-
neytisins, né Jón Baldvin Hanni-
balsson sendiherra vegna þessa
máls í gær þrátt fyrir ítrekaðar til-
raunir. -SÁ
Rán í Reykjavík:
Barði og baðst
afsökunar
Hettuklæddur maður réðst inn í
verslun við Stórholt í Reykjavík í gær-
kvöldi og rændi þar nokkur þúsund
krónum. Fimmtán ára afgreiðslustúlka
í versluninni lýsir atvikinu þannig að
hún hafi orðið vör við manninn inni í
versluninni og þótt hann einkennilega
tfl fara en hann var með hettu og húfu
og lítið sást i andlit hans. Hann hafi
skömmu síðar ógnað henni með leik-
fangabyssu og þá hafi hún skipað hon-
um að fara út úr versluninni því hún
hafi haldið að ræninginn væri að grín-
ast. Þá hafi hann lamið hana í höfuðið
og skipað henni að leggjast í gólflð og
tæma peningaskúfíúna. Hún tæmdi pen-
ingaskúffuna, en í henni voru um 8-10
þúsund krónur sem ræninginn hirti.
Hann sagði við stúlkuna að hann yrði
að ræna verslunina þar sem hann
skuldaði öðrum og ef hann borgaði það
ekki yrði hann drepinn. Hann baðst af-
sökunar og hljóp svo í burtu með pen-
ingana. Allt tiltækt lið lögreglunnar var
kallað á staðinn og voru m.a. vegatálm-
ar settir upp á nokkrum stöðum í ná-
grenni verslunarinnar. Lögreglan leit-
aði árangurslaust í kjöllurum húsa og
viðar í grennd við verslunina. -hb/HH
Hér er afgreiðslustúlkun að gefa iögreglunni skýrslu. Afgreiðslustúlkan gat gefið greinargóða lýsingu á rseningjan-
um en hann fannst ekki þrátt fyrir leit lögreglu og hafði ekki enn fundist í morgun. DV-mynd HH
Akureyri:
Bílvelta í gilinu
DV, Akureyri:
Ung kona missti vald á jeppabif-
reiö á mótum Kaupvangsstrætis
og Eyrarlandsvegar á Akureyri í
gær eða í Gilinu eins og það er
kallað þar í bæ. Bifreiðin hafnaði
á snjóruðningi og valt síðan út á
götuna og hafnaöi á toppnum.
Einn farþegi var í bifreiðinni og
sakaði hvorki hann né ökumann
en bílbelti sem voru notuð eru tal-
in hafa bjargað þeim frá meiðsl-
um. -gk
Loðnuskipin úti af AustQörðum:
Ágætis loðnuveiði
DV, Akureyri:
Ágætis loðnuveiði var á Reyðar-
tjarðardýpi í gær og skipin að fá
allt upp I 500 tonna köst. Heldur
dró úr veiðinni í nótt en þó voru
sum skipanna að fá sæmileg köst.
Bjarni Bjarnason, skipstjóri á
Súlunni EA, sagði í morgun að
þeir væru komnir með 400 tonn
eftir nóttina og loðnan væri greini-
lega á leið upp á landgrunnið. Það
þýddi að menn yrðu að koma sér í
land og sækja „grynnri" nætur og
einnig væri veðurspá þannig að
ekki mundi gefa til veiða um helg-
ina.
-gk
Ólga innan Samfylkingar á Reykjanesi:
Alþingi greiðir póstkostnað
Nokkur ólga er komin upp í
prófkjöri Samfylkingarinnar á
Reykjanesi. Sigríður Jóhannes-
dóttir, alþingismaður Alþýðu-
bandalagsins, hefur sent flokks-
bundnum alþýðubandalags-
mönnum bréf sem er stimplað
frá Alþingi og eru póstgjöldin
greidd af sömu stofnun. „Þetta I
er afar misjöfn aðstaða sem |
menn búa við,“ sagði Valþór
Hlöðversson, frambjóðandi í
prófkjöri Alþýðubandalagsins.
„Ég sendi bréf til 2000 manna fyrir
stuttu og það kostaði mig 70.000 krón-
ur. Þannig að það sér hver maður að
ef þingmenn nota sér þessa aðstöðu þá
spara þeir sér stórfé. Ég er þeirrar
skoðunar að það sé ekki siðlegt að láta
skattborgara greiða póstgjöld fyrir sig
í prófkjöri," sagði Valþór. Hann sagði
enn fremur að hann væri mjög hissa
á því að Sigríður sendi bréfin á kostn-
að Alþingis þar sem bannað væri að
auglýsa í baráttunni sem hann væri
mjög sáttur við. „Sigríður Jóhannes-
dóttir sagði í samtali við DV að hún
sæi ekkert athugavert við bréfasend-
ingarnar: „Alþingismenn hafa leyfi
til að senda ákveðið magn af bréf-
um á mánuði á kostnað stofnunar-
innar og ég hef aldrei farið upp í
þann fjölda. Hluti af bréfunum mín-
um var sent í gegnum Alþingi og
hluti borinn út,“ segir Sigríður.
„Það má segja að þetta sé ójöfn að-
staða en öll höfum við einhvern
tímann byrjað,“ sagði hún.
-hb
Fjör í hlutabréfum
Mikil hlutabréfaviðskipti voru
á Verðbréfaþingi í gær eða alls
fyrir um 259 milljónir króna.
Mest viðskipti með bréf einstakra
félaga voru með hlutabréf FBA
fyrir tæpar 80 m.kr.,íslandsbanka
fyrir 35 m.kr. og með SÍF fyrir 30
m.kr. Úrvalsvísitala aðallista
lækkaði um 0,39%. í heild námu
viðskipti á Verðbréfaþingi 754
miUjónum króna.
Á29% í TM
Sigurður Einarsson, útgerðar-
maður í Vestmannaeyjum og fyr-
irtæki honum
tengd, eiga
29,2% í Trygg-
ingamiðstöð-
inni eftir sam-
einingu við
Tryggingu hf.
Áður var hlut-
ur Sigurðar
37,3%. Hjónin Geir Zoéga og Sig-
ríður E. Zoéga eiga eða hafa yfir-
ráð yfir 5,9% af hlutafé félagsins.
Sameining út um þúfur
Samningaviðræður sem hafa
verið í gangi frá því í nóvember
1998 á mifíi Lykilhótela og Foss-
hótela um að Fosshótel taki við
rekstri Lykilhótela hafa ekki bor-
ið árangur og telur hvorugur aðU-
inn grundvöll fyrir áframhald-
andi samningaviðræðum, að sögn
Ólafs Þorgeirssonar, fram-
kvæmdastjóra Fosshótela. Þetta
kemur fram á Viðskiptavef VB á
Visir.is.
Útilokun
Harvardprófessorinn heims-
kunni, Richard Lewontin, lagði op-
inberlega tU á
síðasta ári að ís-
iendingar yrðu
útilokaðir frá al-
þjóðlegu vísinda-
samstarfi ef Al-
þingi íslendinga
samþykkti laga-
frumvarp um
miðlægan gagnagrunn á heilbrigð-
issviði sem varð að lögum 17. des-
ember sl. Þetta kemur fram í grein
um gagnagrunnsmálið i nýjasta
hefti tímaritsins The New Yorker.
Uppbyggingu ólokiö
Umtalsverðar fjárhæðir vantar
svo unnt sé að ljúka flutningi
byggðarinnar í Súðavík. Uppbygg-
ingu Súðavíkur eftir náttúruham-
farirnar í janúar 1995 er langt í
frá lokið.
20 mánuðir fyrir brugg
Hæstiréttur hefur dæmt Bjart-
mar Vigni Þorgrímsson í 20 mán-
aða fangelsi fyrir mörg og ítrekuð
brot á áfengislögum eftir að hafa
oftsinnis verið staðinn að bruggi
á miklu magni spíra og gambra.
Ár fyrir nauðgun
Hæstiréttur hefur dæmt mann í
12 mánaða fangelsi fyrir kynferð-
isbrot með því að hafa notfært sér
ölvunarástand unglingsstúlku til
að hafa við hana samræði gegn
viija hennar í bíl mannsins.
Lára Margrét varaforseti
Lára Margrét Ragnarsdóttir
var kjörin varaforseti Evrópu-
ráðsþingsins siðastliðinn mánu-
dag. Hún var jafnframt endur-
kjörin fyrsti varaformaður heil-
brigðis- og félagsmálanefndar
Evrópuráðsþingsins.
Fyrsta sætið eða ekkert
Árni Johnsen alþingismaður,
sem sækist eftir
fyrsta sæti á
framboðslista
Sjálfstæðis-
flokksins á Suð-
urlandi, telur
að nái hann
ekki nefndu
sæti séu það
„mjög kurteisisleg skilboð" til sín
að hætta í pólítík. Hann segir að
nái hann aðeins öðru sætinu
muni hann hugleiða að hætta af-
skiptum af stjórnmálum. Sunn-
lenska fréttablaðið sagði frá.
-SÁ