Dagblaðið Vísir - DV - 29.01.1999, Blaðsíða 7

FÖSTUDAGUR 29. JANÚAR 1999
7
sandkorn
Fréttir
Kári skellti á
Ástralska ríkisútvarpsstöðin í Sydn-
ey var í vikunni með útvarpsþátt um
gagnagrunnsmálið og var búin að
stefna saman á símafund í beinni út-
sendingu yflr þveran
hnöttinn þeim Kára
Stefánssyni, Tómasi
Zoega yfirlækni og hin-
um þekkta breska sér-
fræðingi, Ross Ander-
son. Útsendingin byij-
aði kl. 11.30 að íslensk-
um tíma, en þegar
hún var rétt að hefjast aftók Kári
með öllu að ræða við þá flandvini sína
tvo heldur bara halda einræðu. Meðan
á samningaviðræðum við hann stóð
var spilað rapplag sem var lengt ákaf-
lega með tæknibrellum og loks þegar
sflómandinn taldi sig hafa talað Kára
til og opnaði á útsendinguna og þre-
menningamir vora komnir í loftið
varð ljóst að allt var unnið fyrir gýg.
Kári skellti á. Það var því aðeins talað
við andstæðinga gagnagrunnsins en
Áströlum var illa brugðið....
Enn yfirkennari
Hið sameiginlega kynningarblað
ídlra frambjóðenda í prófkjöri Samfylk-
ingarinnar í Reykjaneskjördæmi er
loks að líta dagsins ljós, um viku síðar
en áætlað var. Tafimar
eru einkum vegna þess
að margir koma að
hinni sameiginlegu
kynningu Samfylking-
arinnar á frambjóð-
endum sem telja sig
hafa. vit á útgáfumál-
um og hefur aOt þetta
mikla hugvit á tvist og bast taflð fram-
kvæmdir. Þannig hefur Sandkorn
spumir af því að einir fimm prófarka-
lesarar hafi krafist þess að lesa alian
texta yfir, hver með sína eigin réttu
stafsetningu. Ekki hefur það þó dugað
alveg því að í endanlegri útkomu er
Magnús Jón Árnason aðstoðarskóla-
stjóri titlaður yfirkennari. Það er
starfstitill sem aflagður var í skólakerf-
inu fyrir allmörgum áram...
Tómleiki Halldórs
Nokkrir alþingismenn hafa komið
sér upp heimasíðum á Netinu til að
kynna sig, sjónarmið sín og áhugamál.
Af þeim tenglum sem menn sefla á
heimasíður sínar út á
aðra vefi má nokkuð
ráða um persónuleika
þeirra, áhugamál og
víðsýni. Hjá Hjörleifi
Guttormssyni eru
þannig tenglar á vefi
eins Evrópusam-
bandsins, ESB, evr-
ópskra þingmannasamtaka um um-
hverfisvemd o.fl. slíkt., Svavar Gests-
son hugar meir að því smáa og því sem
nær honum er. Hann vísar á vefi þjóð-
þinga Færeyinga og Grænlendinga og
Sósialska þjóðarflokksins í Danmörku.
Af heimasíðu Jóns Kristjánssonar,
formanns flárveitinganefndar er hægt
að tengjast Framsóknarflokknum,
Framsóknarblaðinu Austra á Egilsstöð-
um og heimasíðu Halldórs Ásgríms-
sonar, formanns Framsóknarflokks-
ins, þó á síðastnefndu heimasíðunni sé
reyndar ekki eftir neinu að slægjast.
Hún er nefnilega galtóm...
Bryndís styður Össur
Það vakti nokkra athygli fólks sem
nennti að plægja í gegnum langa
nafnarunu stuðningsmanna í auglýs-
ingu frá Össuri Skarphéðinssyni,
frambjóðanda í prófkjöri
Samfylkingar í Reykja-
vík, að rekast á nafti
Bryndísar Hlöðvers-
dóttur þar. Þetta er þó
ekki Bryndís alþingis-
maður sem keppir við
Össur um fyrsta sætið
á væntanlegum lista Samfylking-
arinnar heldur alnafna hennar, nem-
andi í Menntaskólanum við Hamrahlíð.
En það eru fleiri athyglisverð nöfn á
þessum lista. Eitt þeirra er Kristján
Torfi Einarsson. Sá er að líkindum
sonur sjálfstæðisþingmannsins Einars
Odds Kristjánssonar af Vestflörðum
nema um sé að ræða alnafna...
Umsjón Stefán Ásgrímsson
Netfang: sandkom @ff. is
Heilbrigðisráðuneytið rekur á eftir Gagnalind:
Samstarfsörðugleikar
- vinnubrögðin hafa batnað, segir ráðuneytisstjórinn
Heilbrigðisráðuneytið hefur fund-
að með sflóm hugbúnaðarfyrirtækis-
ins Gagnalindar vegna seinagangs
fyrirtækisins við gerð hugbúnaðar-
kerfis fyrir heilbrigðisstofnanir. Dav-
íð Á. Gunnarsson ráðuneytisstjóri
segir, að enn sé ekki búið að uppfylla
ákveðna þætti sem reiknað hafi ver-
ið með að yrðu í kerfinu. „Þetta hef-
ur verið í skoðun hjá eftirlitsaðila
okkar. Við áttum í ákveðnum sam-
starfsörðugleikum við Gagnalind og
vorum ekki mjög ánægðir með sam-
skiptin. Við ræddum það mál við
sflóm fyrirtækisins og eftir þær við-
ræður hafa samskiptin og vinnu-
brögðin hjá þeim batnað. Vonandi
verður þetta í lagi þegar upp er stað-
ið. En vissulega hefði verið ákjósan-
legra að kerfið hefði fengið fulla vott-
un.“
Ráðuneytið samdi fyrir allmörgum
árrnn við Gagnalind um að setja upp
kerfi fyrir heilsugæsluna í landinu.
Þrátt fyrir að ráðuneytið hafi greitt
fyrirtækinu stóran hluta umsamins
verðs fyrir kerfið hefur ekki gengið
sem skyldi að koma því á laggirnar.
Vottimamefnd hefur enn ekki vottað
kerfið endanlega, en gaf bráðabirgða-
leyfi í desember 1997 og leyfði dreif-
ingu á því. Að sögn Davíðs gerir
bráðabirgðaáætlun ráðuneytisins ráð
fyrir því að kerfið verði fullbúið í
september-október nk.
Einn af göllum kerfisins er talinn
sá að það getur ekki unnið með gaml-
ar upplýsingar úr eldri tölvukerfum.
„Menn hafa ekki verið á einu máli
um hvort skynsamlegt væri að taka
allar upplýsingar úr gömlum kerfum
inn í það nýja og hvemig þær yrðu
samkeyrðar með nýjum upplýsing-
um. Kerfið var ekki gert til að miðla
upplýsingum í miðlægan gagna-
grunn. Nú þegar hann er kominn inn
í umræðuna munu menn væntanlega
athuga hvort skynsamlegt sé að nota
þetta kerfi eða hvort annað nýtt verð-
ur sett upp. Það hefur engin umræða
farið fram í ráðuneytinu um það enn
sem komið er, né ákvörðun tekin þar
að lútandi. Val á kerfi mun að sjálf-
sögðu fara fram i samráði við vænt-
anlegan leyfishafa, enda kostar hann
framkvæmdina, svo og viðkomandi
heilbrigðisstofnanir. Ráðuneytið er
ekki að láta prófa þetta kerfi nú með
það fyrir augum að safna upplýsing-
um í miðlægan gagnagrunn. Það var
og er fyrst og fremst hugsað fyrir
heilsugæsluna.“ -JSS
Útselskópurinn á hafnarbakkanum í Stykkishólmi. DV-mynd ÓJ
Útselskópur kom í
höfnina í Stykkishólmi
Minkur
gerir usla
í kanínubúi
DV, Sauöárkróki:
Nýlega gerði minkur sig heima-
kominn í kanínuhúsi Jakobs Ein-
arssonar, bónda á Dúki, og drap 34
dýr en það var rúmlega helmingur
af bústofninum.
„Þetta var vægast sagt hrikaleg
aðkoma," segir Jakob. „Það var
mikill atgangur í dýrinu þegar ég
kom í húsið. Hann var búinn að
klóra augun og bíta ofan af höfuð-
skelinni á nokkrum kanínum sem
þó voru lifandi."
Ágúst Bentsson meindýraeyðir
var kallaður á vettvang og tókst
honum að skjóta minkinn þar sem
hann var staddur í einu búranna.
Ágúst telur fullsýnt að um búrmink
sé að ræða.
Kanínumar voru svokallaðar
pelskanínur sem fluttar voru inn
fyrir um einu og hálfu ári og voru í
einangrun í Laugardal í Lýtings-
staðahverfi. Jakob fékk fyrstu dýrin
í mars í fyrra og hefur verið að
byggja upp bústofn. Hann segist
ekki vita hvort hann fær tjónið bætt
að einhverju leyti en búið sé
ótryggt, enda skiljist honum að
tryggingar nái ekki yfir þessa bú-
grein. -ÞórhaHur Ásmundsson
Úlpumaður
stelur úr
kápum
Maður í grænni úlpu stal úr
kápuvösum í fatahengi hjá fyrirtæk-
inu Litbrá í Höfðatúni í Reykjavík
skömmu eftir hádegi í gær.
„Ég sá á eftir manninum hér út
og reyndi að elta hann en án árang-
urs,“ segir Rafn Hafnflörð, forstjóri
í Litbrá. „Hann var dökkur yfirlit-
um og í grænni úlpu.“
Úlpumaðurinn komst í vasa á
tveimur kápum og náði fimm þús-
und krónum úr annarri. Úr hinni
hafði hann þúsund krónur upp úr
krafsinu.
„Fólk ætti að gæta sin í fatahengj-
um,“ segir Rafn í Litbrá. -EIR
40 tillögur að
byggðarmerki
DV, Dalvik:
Ellefu aðilar sendu inn um 40 til-
lögur að byggðarmerki fyrir Dalvík-
urbyggð en skilafrestur rann út 15.
janúar. Að sögn Kristjáns Ólafsson-
ar, formanns íþrótta-, æskulýðs- og
menningarráðs, eru smnar tillög-
urnar í ýmsum afbrigðum bæði
hvað snertir liti og form. Sérstök
dómnefnd mun nú fara yfir tillög-
urnar og mun hún síðan skila áliti
til bæjarstjómar um hvaða tillaga
skuli valin. hiá
DV, Vesturlandi:
Mönnum brá heldur betur í brún
við Stykkishólmshöfn síðastliðinn
sunnudag þegar útselskópur gerði
sig heimakominn á hafnarbakkan-
um. Útselskópurinn, sem heima-
menn telja vera um mánaðargaml-
an, hefur að öllum líkindum sloppið
frá móður sinni. Menn gripu tU þess
ráðs að henda kópnum í sjóinn í
þeirri von að hann myndi spjara sig
og finna móðurina. Hann kom hins
vegar aftur og kunni greinilega vel
við triUukarlana og aðra áhuga-
menn sem fylgdust með honum.
Þegar menn ætluðu að skoða
hann nánar daginn eftir var hann á
bak og burt og hefur hann sennUega
komist tU móður sinnar. Hver veit
nema hann heimsæki triUukarlana
í Stykkishólmi aftur með fjölskyld-
unni, þar sem honum leið svo vel
hjá þeim, og gleðji ferðamenn sem
leið eiga um Stykkishólm í vor og
sumar. -DVÓ