Dagblaðið Vísir - DV - 29.01.1999, Blaðsíða 4
4
FÖSTUDAGUR 29. JANÚAR 1999
Fréttir
Stuttar fréttir i>v
Örsmáum Rússafiski landað í Hafnarfirði:
Þetta er glæpur
- segir Oddmund Bye, formaður Norges Fiskarlag
DVi Ósló:
„Þetta eru skelfllegt tíðindi. Það
var búið að tala við Rússana og
semja við þá um að hætta þessu
smáfiskadrápi eftir að þeir fóru út
fyrir öll velsæmismörk við Sval-
barða í fyrra. En hver veit hvort
Forsíðufrétt um örsmáan Rússaþorsk í Hafnarfirði í DV í gær kallaði á hörð
viðbrögð t Noregi.
þeir taka mark á samningum,”
sagði Oddmund Bye, formaður Nor-
ges Fiskarlag, þegar DV bar undir
hann fréttirnar af rússneska smá-
fiskinum í Hafnarfirði. Eins og DV
sagði frá og sýndi á myndum er um
örsmáan þorsk að ræða. Talið er að
Rússarnir veiði hann í botnvörpur
sem búið er að klæða og bent er á að
þorskur af þessari stærð sjáist ekki
í afla íslenskra togara. Þetta er ekki
í fyrsta sinn sem slíkum afla er
landað hérlendis og DV greindi frá
svipuðum kóðum sem landað var á
ísafirði í desember. Þetta þykir
Norðmönnum sönnun þess að
rányrkja af vesta tagi eigi sér stað
hjá rússneskum togurum í Barents-
hafi. Þeir hafa ítrekað mótmælt við
Rússa en án sjáanlegs árangurs.
„Ég er bara svo saklaus að ég
neita að trúa þessu. Getur ekki ver-
ið að þetta sé fiskur frá því í fyrra
og úr sama aflanum og Rússarnir
tóku við Svalbarða? Það þarf að
ganga úr skugga um það. Annars
verða norsk stjórnvöld að fara aftur
á stúfana og ræða við Rússana um
hvort þeir taka bara hvaða fisk sem
Oddmund Bye, formaður Norges
Fiskarlag.
er. Þetta er glæpur,” sagði Odd-
mund.
-GK
Reykingar í Ráðhúsinu:
Harkalegar
tóbaksvarnir
- segir borgarstjóri
„Eftir því sem ég best fæ séð eru
þetta heldur harkalegar tóbaksvarn-
ir,“ segir Ingibjörg Sólrún Gisladótt-
ir borgarstjóri um nýja reglugerð
heilbrigðisráðherra um takmarkan-
ir á reykingum á vinnustöðum.
Samkvæmt þeim geta atvinnurek-
endur bannað starfsfólki að reykja á
svölum og jafnvel á lóð fyrirtækis-
ins. Sektum verður beitt vegna
brota á reglugerðinni eftir 1. maí.
í Ráðhúsinu í Reykjavík reykir
starfsfólk úti á svölum en þar mun
vera skjólgott og útsýni fallegt. Þá
er sérstakt reykingaherbergi í Ráð-
húsinu og er það vel loftræst og hin
besta vistarvera, að sögn borgar-
stjóra.
„Ég vil sjá þessa reglugerö áður
en ég fer að tjá mig frekar um
hana,“ segir borgarstjóri og neitar
að ræða um eigin tóbaksreykingar á
opinberum vettvangi.
-EIR
Betri tíð í vændum fyrir sjúklinga á göngum.
Loforð forstjóra Ríkisspítalanna:
Gangasjúklingar
inn á stofurnar
Sjúklingar sem hafa verið látnir
liggja frammi á göngum sjúkrahúsa
á meðan stofur hafa staðið auðar,
eiga betri tíð í vændum. Magnús
Pétursson, nýráðinn forstjóri Ríkis-
spítalana, hefur gefið þeim loforð:
„Ef sjúklingar liggja frammi á
göngum á deildum þar sem stofur
standa auðar þá verða þeir fluttir
inn á þær. Sjúklingamir þurfa
sömu umönnun hvort sem þeir em
frammi á gangi eða inni á stofum,"
segir Magnús en loforð hans kemur
i kjölfar fréttar DV þar sem heil-
brigðisráðherra undraðist fyrr-
greint verklag; sagðist ekki skilja
hagkvæmnina í þvi.
Vandinn sem forstjóri Ríkisspít-
alanna stendur frammi fyrir í þessu
efni er tvíþættur. Annars vegar
ákvarðanir yfirvcdda um að loka
deildum að hluta eða alveg í sparn-
aðarskyni og svo skortur á hjúkrun-
arfræðingum.
„Hjúkrunarfræðingarnir sem
okkur vantar eru annaðhvort í
framhaldsnámi erlendis eða þá ein-
faldlega ekki til,“ segir Magnús Pét-
ursson.
-EIR
Frambjóðendur Samfylkingar á Reykjanesi sem ekki
fengu af sér mynd með fréttaljósi DV sl. miðvikudag.
Bírna Sigurjónsdóttir
varabæjarfulltrú.i
Kópavogi.
Ragna B. Björnsdóttir
verkakona, Hafnar-
firði.
Þórunn Sveinbjarnar-
dóttir blaðakona,
Kópavogi.
Valdimar Leó Friðriks-
son framkvæmda-
stjóri, Mosfellsbæ.
Álfheiður Jónsdóttir
kennari, Reykjanes-
bæ.
Gestur Páll Reynis-
son, formaður Félags
ungra jafnaðarmanna
í Reykjanesbæ.
Trausti Baldursson
sameindalíffræðingur
Hafnarfirði.
Samfylkingin í Reykjaneskjördæmi:
Myndirnar eru
loksins komnar
Með fréttaljósi DV sl. miðvikudag
um framboö Samfylkingarinnar í
Reykjaneskjördæmi vantaði myndir
af um þriðjungi þeirra sem gefa
kost á sér prófkjöri hennar. Ástæð-
an var sú að þrátt fyrir mikla eftir-
gangsmuni tókst fulltrúum tveggja
af þremur stjórnmálaflokkum sem
að Samfylkingunni standa ekki að
koma myndum af frambjóðendun-
um til blaðsins í tæka tíð.
Samfylkingin í Reykjaneskjör-
dæmi hefur gert með sér samkomu-
lag um að einstakir frambjóðendur
auglýsi ekki sjálfa sig og veröleika
sína í fjölmiðlum, heldur verði á
vegum fylkingarinnar gefið út sér-
stakt kynningarrit sem nú er verið
að vinna að en útgáfu þess hefur
seinkað miðað við það sem upphaf-
lega var áætlað. Teknar hafa verið
einstaklings- og hópmyndir af fram-
bjóðendum til nota í sameiginlegu
kynningarefni Samfylkingarinnar
sem og fyrir fjölmiðla sem ijalla um
málefni hennar.
DV leitaði til tveggja frambjóð-
enda Samfylkingarinnar á þriðju-
dag og falaðist eftir þessum mynd-
um til að birta með fréttaljósinu. í
gegn um annan þeirra náði blaðið
sambandi við staifsmann hins sam-
eiginlega framboðs sem lofaði að út-
vega myndirnar og kom blaða-
manni auk þess í samband við
prentsmið sem hannar hið sameig-
inlega kynningarblað framboðsins.
Báðir lofuðu að myndirnar bærust á
þriðjudagskvöldið, ef ekki á geisla-
diski, þá símleiðis. Þær yrðu í öllu
falli komnar til ljósmyndadeildar
DV í siðasta lagi kl. sjö á miðviku-
dagsmorguninn. Þetta stóðst hins
vegar ekki. Engar myndir bárust og
af þeim sökum vantaði myndir af
um þriðjungi þeirra sem gefa kost á
sér í prófkjörinu á Reykjanesi.
Það var svo skömmu eftir hádegi
i gær að myndimar bárust loks rit-
stjóm blaðsins, þegar Svala Jóns-
dóttir, starfskona Kvennalistans og
stuðningskona Þómnnar Svein-
bjarnardóttur, eins frambjóðanda
Kvennalistans, kom með þær.
-SÁ
Fá ekki þorskkvóta
Þorsteinn Pálsson sjávarútvegs-
ráðherra segir
að ekki komi til
greina að út-
hluta rækju-
skipum þorsk-
kvóta þar sem
rækjuafli hafi
stórminnkað.
Fyrir fimm
árum hefðu menn gengið út frá
þvi að rækjuaflinn kynni að
minnka um helming vegna upp-
byggingar þorskstofnsins. Sjón-
varpið greindi frá.
Samkeyrsla upplýsinga
Tölvunefnd hefur samþykkt
áform Samtaka viðskiptabanka og
sparisjóða um samkeyrslu upplýs-
inga þannig að hægt verði að búa
til allsherjaryfirlit yfir allar
skuldir, vanskil og sjálfskuldará-
byrgðir einstaklinga i bankakerf-
inu, við greiðslukortafyrirtæki og
í opinbera húsnæðislánakerfinu.
Ríkisútvarpiö greindi frá.
í tvö kjördæmi
Borgarráð hefur óskað eftir við-
ræðum við fulltrúa Alþingis um
þær athugasemdir sem fram hafa
komið um að Reykjavík veröi
skipt í tvö kjördæmi. Morgun-
blaðið greindi frá.
Leiörétting
Heilbrigðis- og tryggingamála-
ráðuneytið sendi frá sér fréttatil-
kynningu þar sem segir að frétta-
stofa Sjónvarpsins hafi síðustu daga
flutt fréttir um lyfjakostnað þar
sem því hefur ranglega verið haldið
fram, beint og óbeint, að hið opin-
bera hafi ekkert sparað síðan breyt-
ingar voru gerðar á lyfjalögum og
að kostnaður Tryggingastofnunar
ríkisins vegna lyfja hafi aukist um
120 milljónir króna á mánuði frá
1993. Væru fullyrðingarnar réttar
næmi kostnaðarauki Trygginga-
stofnunar ríkisins einn og sér um
8,6 milljörðum króna frá 1. janúar
1993.
Eftirlitsmyndavélar
Hjá Fræðsluráði Reykjavíkur
er verið að kanna hvort koma eigi
upp eftirlits-
myndavélum
viö grunnskóla
borgarinnar til
að fyrirbyggja
rúðubrot og
önnur skemmd-
arverk. Eftirlits-
myndavélar
hafa verið settar upp við tvo skóla
i tilraunaskyni. Sigrún Magnús-
dóttir, formaður Fræðsluráðs,
segir að myndavélarnar, sem
voru settar upp við Rimaskóla,
hafi gefið góða raun. Morgunblað-
ið greindi frá.
Leysist ekki
Nú er orðið ljóst að sú lausn
sem foreldrar bama í 6. bekk
M.H. í Austurbæjarskóla höfðu
vonast til að fyndist á vanda
bekkjarins er ekki innan seiling-
ar. Morgunblaðið greindi frá.
Danskir
hjúkrunarfræöingar
Þrír danskir hjúkrunarfræðing-
ar hófu störf á Landspítalanum
um áramótin. Von er á fimm til
viðbótar frá Norðurlöndum. Rík-
isútvarpið greindi frá.
Norræn samkeppni
Tveimur hópum íslenskra arki-
tekta hefur verið boðið að taka
þátt í norrænni samkeppni á veg-
um Grönlandsbankens Erhevs-
fond um skipulag og hönnun
íbúða á Grænlandi. íslensku hóp-
amir eru Batteríið ehf. - arkitekt-
ar og er ffamkvæmdastjóri Sig-
urður Einarsson arkitekt. Hinn
hópurinn er Skipulags-, arkitekta-
og verkfræðistofan ehf. i sam-
vinnu við Architecten en Ingenie-
ursburau Kristinsson B.V. Morg-
unblaðið greindi frá. -SJ