Dagblaðið Vísir - DV - 26.02.1999, Blaðsíða 13

FÖSTUDAGUR 26. FEBRÚAR 1999
13
Fréttir
Aukin umsvif hjá höfnum ísafjarðarbæjar:
Aflaaukning
11.700 tonn
í skýrslu hafnarstjóra ísafjarðar-
bæjar árið 1998 kemur fram að
veruleg aukning varð á lönduðum
afla í höfnum sveitarfélagsins: ísa-
fjaröarhöfn, Suðureyrarhöfn, Flat-
eyrarhöfn og Þingeyrarhöfn. Nemur
aukningin 11.737 tonnum og munar
þar mest um kúskelina. Landaður
afli í höfnum ísafjarðarbæjar var
46.114 tonn á síðasta ári, á móti
34.377 tonnum árið 1997.
Árið 1998 var gott aflaár, bæði hjá
litlum og stórum bátum, þó úthafs-
rækjuveiðin hafi verið frekar rýr
seinni hluta ársins. Skipakomum
fjölgaði og komu 1.148 skip til ísa-
fjarðar, samtals 1.400.448 brúttólest-
ir að stærð. Það er aukning um
233.238 brúttólestir. Inni í þessum
tölum eru einungis þau skip sem
skráð eru yfir 50 tonn. Komur
skemmtiferðaskipa voru 5 - samtals
með 3.724 farþega og áhafnarmeð-
limi.
Þegar skoðaðar eru nánar tölur
um flutninga um hafnir bæjarfé-
lagsins, kemur í ljós að aukning er í
lönduðum afla í öllum fjórum höfn-
um ísafjarðarbæjar. Lang mest er
aukningin hjá Flateyrarhöfn, eða
tvöfoldun, úr 6.553 tonnum í 12.813
tonn, sem er að verulegum hluta
kúfískur. Aukningin á Þingeyri er
þó óveruleg, eða 22 tonn.
Vöruflutningar hafa verulega
aukist á síðasta ári frá árinu áður.
Virðist þar sem verkfallið mikla
vorið 1997 hafi haft umtalsverð
áhrif, bæði á vöruflutninga og land-
aðan afla. Þannig voru vöruflutn-
ingar skipafélaganna Eimskips og
Samskipa 47.855 tonn árið 1996, en
duttu niður í 39.467 tonn verk-
fallsárið 1997. Á síðasta ári voru
vöruflutningar komnir vel upp úr
lægðinni og orðnir 55.605 tonn. Svip-
að mynstur er í lönduðum afla í
höfnum ísafjarðarbæjar á þessu
tímabili. Árið 1997 var þar veruleg-
ur samdráttur frá árinu 1996. Þetta
er vegið upp á síðasta ári og gott
betur og er aukninginn á lönduðum
afla á milli áranna 1996 og 1998 sam-
tals 7.112 tonn. -HKr.
Grétar Mar Jónsson, formaður Skipstjóra- og stýrimannafélagsins Vísis:
Væri nær að taka
til hjá sjálfum sér
DV, Akureyri:
„Það er nú þannig með þessa
menn sem stýra sjávarútvegsfyrir-
tækjum sem eru á hlutabréfamark-
aðnum að þeir þurfa að réttlæta það
þegar reksturinn hjá þeim gengur
ekki sem skyldi og þá fmnst þeim
liggja beint við að ráðast á laun sjó-
mannanna," segir Grétar Mar Jóns-
son, formaður Vísis, skipstjóra- og
stýrimannafélagsins á Suðumesj-
um, um þau ummæli Guðbrands
Sigurðssonar, framkvæmdastjóra
Útgerðarfélags Akureyringa, að
taka þurfi hlutaskiptakerfi sjó-
manna til endurskoðunar.
„Útgerðarfélag Akureyringa er
illa rekið fyrirtæki. Fiskverð hjá
ÚA er helmingi lægra en gengur og
gerist á fiskmörkuðum og þá er ég
að tala um ísfisktogarana, sem segir
auðvitað það að aflaverðmætið er
helmingi lægra en það gæti verið ef
selt væri gegnum markaðina. Þegar
Grétar Mar Jónsson.
aflaverðmætið er helmingi lægra þá
er afkoman auðvitað miklu lakari.
Þá væri Guðbrandi nær að reyna að
fá hærra verð út úr frystihúsinu
sínu því afurðaverð ÚA er 20%
lægra en hjá öðrum fiskvinnslum.
Hann talaði hins vegar ekkert um
vaxtakjör sem eru 2-3% lægri en
hjá samkeppnislöndunum en það er
auðvitað erfitt fyrir Guðbrand að
fara að gera athugasemdir við
stjórn bankakerfisins, t.d. við Krist-
ján Ragnarsson sem er stjórnarfor-
maður íslandsbanka. Þegar skuldir
sjávarútvegsins voru um 100 millj-
arðar fyrir 2-3 árum þá lágu um 2-3
milljarðar í óhagstæðari vaxtakjör-
um en þekkjast i samkeppnislönd-
unum.
Ég fæ ekki séð að þegar menn eru
að reyna að verja slæma stöðu sé
rétta leiðin að höggva til sjómanna.
Mönnum væri nær að taka til hjá
sjálfum sér, skoða afurðaverðið og
fiskverðið til sjómanna áður en þeir
fara að höggva á báða bóga,“ segir
Grétar Mar. -gk
Breytmg á hlutaskiptakerfi sjómanna:
Þaö veröur aö
ræöa málin
- segir framkvæmdastjóri ÚA
DV, Akureyri:
Þau ummæli Guðbrands Sigurðs-
sonar, framkvæmdastjóra Útgerðar-
Guðbrandur Sigurðsson, fram-
kvæmdastjóri Útgerðarfélags Akur-
eyringa.
félags Akureyringa, á aðalfundi fé-
lagsins, að taka þurfi hlutaskipta-
kerfi sjómanna tU endurskoðunar,
hafa vakið mikla athygli og hörð
viðbrögð sjómannaforustunnar.
Guðbrandur segir að með ummæl-
um sínum hafi hann viljað fá fram
umræður um þessi mál.
„Það er ekki hægt að afgreiða
þessi ummæli þannig að þetta sé
einhver gömul lumma sem ekki
megi ræða. Menn verða að setjast
niður og ræða það hvemig þeir vilji
sjá þessi mál þróast og í hvaða far-
vegi þau eigi að vera t.d. eftir 10 ár.
Vilja menn að samskipti aðila verði
bara stál í stál og harkan sex áfram
eða komast að einhverri niður-
stöðu?
Sjómönnum er að fækka og krafa
þeirra um Kvótaþing hefur beinlín-
is ýtt undir þá þróun. Breytingin á
veiðiskyldunni hefur hins vegar
haft miklu meiri áhrif. Nú þurfa
menn að veiða helminginn af sínum
veiðiheimildum og það minnkar
framboðið sem verið hefur á kvóta
bara um 75%. Það er það sem hefur
gerst,“ segir Guðbrandur. -gk
Guömundur Gunnarsson, skóla-
stjóri Brunamálaskóla ríkisins.
DV-mynd Ragnar
Höfn:
Slökkviliðsmenn
í endurmenntun
DV, Höfn:
Slökkviliðsmenn á Hornafirði
sóttu á dögunum endurmenntunar-
námskeið hjá Brunamálaskóla rík-
isins. Góð þátttaka var á námskeið-
inu og voru slökkviliðsmenn staðar-
ins mjög ánægðir með að fá skólann
á staðinn.
Kennarar á endurmenntunar-
námskeiðinu voru Guðmundur
Gunnarsson skólastjóri, Pétur
Valdimarsson, Þórður Bogason og
Friðrik Þorsteinsson. -JI
Frá ísafjarðarhöfn.
DV-mynd Hörður
Gæðarúm á
góðu verði
Ragnar Björnsson ehf.
Dalshrauni 6, Hafnarflröi, síml 555 0397, fax 565 1740

Al.þjÓÐTÆO
kATTASyNÍNG
27 og 28 febrúar
í RjEIÐhÖLL Gusts í
Dómarar fra
Tekklandi,
Englandi og
Hollandi
A kgangseyrir:
Fullor&nir
OO kr.
Srn 100 kr.
Oþib kl.
10-18
Purina
H PROPIAN