Dagblaðið Vísir - DV - 10.08.1999, Blaðsíða 7
ÞRIÐJUDAGUR 10. ÁGÚST 1999
7
Fréttir
Koli veiðist oft við bryggjur og hér hampar Kristofer Rodriguez tveimur vænum sem hann veiddi á bryggjunni á Þing-
eyri á dögunum. Þorskarnir sem hún Þóra Björg Andrésdóttir heldur á eru hins vegar heldur rýrir. DV-mynd S
Uppsagnardeilan í Hafnarfirði:
Munum taka
á málinu
- segir forseti bæjarstjórnar
„Við munum að
sjálfsögðu fjalla um
þetta mál og taka á
því,“ sagði Valgerður
Sigurðardóttir, forseti
bæjarstjórnar Hafnar-
íjarðar, um bréf lög-
manns Mörtu Berg-
mann, fyrrverandi fé-
lagsmálastjóra, til bæj-
aryfírvalda. Þar er far-
ið íram á að þau dragi
uppsögn Mörtu til
baka, ella verði höfðað
mál til að hún nái fram
rétti sínum. Starfs-
mannafélag Hafnarfjarðar muni
reka það mál.
Valgerður sagði ástæðu þess að
bréfmu hefði enn ekki verið svarað
þá að nú stæðu yfir sumarleyfi. Bæj-
arráð hefði verið í sumarleyfi og nú
væri bæjarstjórinn f|ar-
verandi af þeim sökum.
Bréfið hefði því ekki
verið tekið fyrir á bæj-
arráðsfundi enn sem
komið væri. Lögmanni
Mörtu hefði verið
greint frá, að svar gæti
ekki borist fyrr en um
miðjan mánuðinn
vegna sumarleyfa.
„Það voru gerðar
ákveðnar skipulags-
breytingar á félags-
Marta Bergmann. málastofnun samkvæmt
stjórnskipuriti og það er
enginn félagsmálastjóri inni í því.
Ég lít svo á að rétt hafi verið að
þeim breytingum staðiö," sagði Val-
gerður. „Það hefði enginn lagt út í
að breyta heilu skipuriti til þess að
losna við eina manneskju.“ -JSS
Eru skólpræsi Reykvíkinga farin að valda fiskdauða?
Sveppasýktur
koli í Faxaflóa
— ekki ástæða kvótaniðurskurðar, segir Hrafnkell Eiríksson
„Þetta er mengun í sjónum frá
skolpræsum sem liggja út í Faxaflóa
frá Reykjavíkursvæðinu og við
Reykjanesið. Þessi veiki þekkist
ekki við Vestflrði og fyrir austan,"
segir Óskar Gíslason, skipstjóri á
Patreksfirði, um eina ástæðu þess
að ástæða þess að kolakvótinn er nú
skorinn niður. Hann kallar þetta
„klóakveiki".
Hrafnkell Eiríksson hjá Hafrann-
sóknastofnun segir rétt að töluvert sé
um það sem menn kalla sveppasýk-
ingu i kola í flóanum. Hann segir
hins vegar að sér sé alls ekki kunnugt
um að þessi sýking tengist skolpi í
Faxaflóa. Hrafnkell segir þó að þessi
sýking leiði fiskinn oft til dauða.
„Þetta kann að vera ein ástæðan
fyrir því að ástand skarkolastofns-
ins í flóanum er eins slakt og það er.
Sýkingin er langsamlega mest í
Faxaflóa, en finnst með lægri tíðni
víða annars staðar."
Hrafnkell segir þessa sveppasýk-
ingu þekkta í fleiri fisktegundum,
eins og síld sem veiðist langt frá öll-
um skolplögnum. Þar af leiðandi
segist hann ekki vita um nein bein
tengsl sýkingarinnar við skolpræsi
við Faxaflóann. Niðurskurðurinn á
kvóta á næsta fiskveiðiári segir
hann að sé eingöngu vegna lélegs
ástands skarkolastofnsins við land-
ið í heild.
-HKr.
E-töflumálið:
Lögreglan segir
þá hollensku
ekki tálbeitu
Vai'ðandi frétt DV á laugardag
um hollenska dansmær sem lög-
reglan sendi með falin upptöku-
tæki inn í Þórscafé þann 16. júli
vegna e-töflumáls vill lögreglan
koma eftirfarandi athugasemd á
framfæri:
Lögreglan mótmælir því eins
og fram kom i fréttinni að konan
hafi verið notuð sem tálbeita.
Hins vegar neitar hún þvi ekki að
konan hafi farið með falið upp-
tökutæki á sér inn á skemmtistað-
inn eins og fram kom í fréttinni.
Varðandi ummæli fyrrum
rekstrarstjóra Þórscafés sem ætl-
ar í skaðabótamál vegna 22ja daga
gæsluvarðhalds segir lögreglan að
bæði Héraðsdómur og Hæstirétt-
ur hafi úrskurðað það gæsluvarð-
hald sem talið var hæfa vegna
rannsóknar málsins. -Ótt
Óskar Gíslason skipstjóri, vegna niðurskurðar á skarkolakvóta:
Vill banna kolaveiðar fyrir 15. júní
- í stað kvótaniðurskurðar og mokveiði á grindhoruðum hrigningarfiski
Óskar Gíslason, skipstjóri á Pat-
reksfirði, segir að nú sé verið að
taka alranga stefnu í kolaveiði hér
við land. Hafrannsóknastofnun hef-
ur lagt til að skera niður skarkola-
kvótann úr sjö þúsund tonnum í
þrjú þúsund tonn á næsta fiskveiði-
ári.
„Þetta er allt of mikill niður-
skurður og ég vil heldur að kola-
veiðar verði bannaðar fyrri hluta
árs og fram til 15. júní. Eins og
ástandið er núna eru menn að veiða
gjörsamlega grindhoraðan, verð-
lausan kola í sérstök kolanet í febr-
úar og mars. Þessi koli er veiddur á
hrigriingarstöðum í Breiðafirði,
Faxaflóa og við Vestmannaeyjar
rétt á meðan hann er að hrigna. Ein
helsta hrigningarstöðin er i svoköll-
uðu Kolaporti i Breiðafirði. Þar er
hægt að kasta trekk í trekk og moka
upp tómum beinagrindum á þessum
árstíma. Þá þykir gott að fá 200
krónur fyrir kílóið sem hrinur svo
niður í 150 krónur, í stað þess að fá
upp í 340 krónur fyrir kílóið seinni
parts sumars. Þá er hann líka orð-
inn feitur og góður og því tel ég að
það ætti ekki að leyfa þessar veiðar
fyrr en í fyrsta lagi 15. júni. Þannig
var þetta í gamla daga. Þannig
myndu menn líka veiða færri ein-
staklinga úr stofninum miðað við
óbreyttan kvóta. Þá má líka benda á
að innarlega í fjörðum, eins og í
Dýrafirði, Patreksfirði og eins í Að-
alvík og víðar, er verið að veiða
verðlausan smákola. Þessum svæð-
um ætti skilyrðislaust að loka alveg
fyrir kolaveiði.
Við sem nú búum við það að
leigja kolakvóta til að veiða, fáum
sennilega ekkert að veiða á næsta
ári. Ástæðan er sú að þá verða
menn búnir að hirða hann allan
upp sem beinagrindur í net.
Óskar segir ýmislegt í ólagi við
kolaveiðarnar. Nefnir hann sem
dæmi óhóflegar veiðar á hrigning-
arstöðvum og að mikið hafi skilað
sér af merkjum úr kola til Hafrann-
sóknastofnunar. Segist hann þekkja
dæmi þess að bátur sem verið hafi
að merkja kola, hafi kastað á sama
svæði daginn eftir og fengið merkin
þannig til baka. „Það væri eins
hægt að senda Hafró merkin beint
eins og að vera að þessari vitleysu,"
segir Óskar. -Hkr.
TILBOÐSDAGAR
15% afsláttur af öllum AEG, Indesit, TEFAL og Husqvarna heimilistækjum
ÞVOTTAVÉLAR, ÞURRKARAR, ELDAVÉLAR, OFNAR, KÆLISKÁPAR, FRYSTIKISTUR, KAFFIVÉLAR, BRAUÐRISTAR, STRAUJÁRN, HRADSUÐUKÖNNUR, HLJÓMTÆKI,
MYNDBANDSTÆKI, SJÓNVÖRP, LEIKJATOLVUR, LEIKIR, RAFMAGNSVERKFÆRI OG MARGT FLEIRA
AEG GAMEBOY OYAMAHA Jarnp QinDesit FINLUX ÖHusqvarna ONKYO OLYMPUS Nikon nokia L0EWL nKD m nintindo.m Pionwr SHARR