Dagblaðið Vísir - DV - 07.02.2000, Síða 2

2
MÁNUDAGUR 7. FEBRÚAR 2000
Fréttir
Stuttar fréttir i>v
Enn mikil campylobactersýking í kjúklingum á höfuöborgarsvæöinu:
Býst við söluhruni
- segir Jón Magnússon, varaformaður Neytendasamtakanna
„Það er óskaplega slæmt að tíðni
campylobactersýkingar skuli vera
að aukast aftur. Það hlýtur að vera
metnaðarmál framleiðendanna að
losa sig við þetta því tíðnin hefur
bein áhrif á sölu á þessum afurðum
og það má búast við því að í kjölfar-
ið hrynji sala á kjúklingum,“ segir
Jón Magnússon, varaformaður
Neytendasamtakanna, en 8 af 29
ferskum kjúklingum sem heilbrigð-
iseftirlit sveitarfélaganna á höfuð-
borgarsvæðinu könnuðu dagana 17.
til 25. janúar reyndust vera sýktir af
campylobacter. Hins vegar var eng-
inn kjúklinganna 29 með salmon-
ellu.
„Það sem mér finnst ámælisverð-
ast og mjög alvarlegt er það að þeg-
ar liggur fyrir að mikill
fjöldi af ferskum kjúkling-
um er sýktur af
campylobacter skuli ekki
settar mjög áberandi með-
höndlunar- og viðvörunar-
merkingar á kjúklingana.
Það hlýtur að vera krafan
núna því þótt miðað sé við
það sem nú liggur fyrir að
ekki sé beint hægt að segja
að þessi vara sé gölluð er hún hins
vegar hættuleg ef hún er ekki með-
höndluð rétt,“ segir Jón.
Holtakjúklingi stefnt vegna
veikinda
Tekin voru sýni frá þremur
framleiðendum. Hæsta
sýkingarhlutfallið var í
fuglum Reykjagarðs hf. en
þar reyndust 5 af 13 fugl-
um sýktir. Campylobacter-
sýking fannst i 3 fuglum af
11 frá Ferskum kjúkling-
um ehf. og ekkert fannst í
5 kjúklingum frá ísfugli og
er það i samræmi við fyrri
kannanir heiibrigðisnefnd-
anna.
Könnunin nú, ein og sér, er ekki
tölfræðilega marktæk en nefndim-
ar hafa gert þrjár sams konar kann-
anir áður og sýna niðurstöður
kannananna fjögurra að einn af
hverjum þremur kjúklingum er
sýktur af campylobacter. í samtals
42 sýnum sem tekin hafa verið úr
framleiðslu Reykjagarðs reyndust
22, eða 52%, vera sýkt en
campylobacter fannst í 8 sýnum af
29, sem svarar til 28%, í kjúklingum
Ferskra kjúklinga. Engin sýking
hefur fundist í kjúklingum ísfugls í
þessum könnunum.
Á næstu dögum munu Neytenda-
samtökin stefna Holtakjúklingi til
greiðslu miskabóta og útlagðs
kostnaðar sem ungt par telur sig
hafa orðið fyrir vegna campylobact-
ersmits sem það telur sig hafa orð-
ið fyrir eftir neyslu á framleiðslu
fyrirtækisins. Holtakjúklingur hef-
ur hafnað allri ábyrgð á málinu.
-GAR
Jón Magnusson.
Flutningaprammi:
Fékká
sig gat
Þrír hráefnistankar sem flytja
átti frá Seyðisfirði tO Sandgerðis
lentu í hrakningum í kjölfar
óveðurs sem gekk yfir Austfirði á
dögunum.
Að sögn Óskars Friðrikssonar
hafnarvarðar var ákveðið að flytja
fimm hráefnistanka og einn
lýsistank í eigu Síidarvinnslunnar
á Norðfirði burtu frá Seyðisfirði.
Þrír fóru til Noröfjarðar i haust og
búið var að lesta þrjá á pramma
sem draga átti til Sandgerðis. í
óveðri á dögunum lamdist pramm-
inn með tönkunum á utan í
bryggjuna sem hann var bundinn
við svo hún eyðilagðist. Gat kom á
prammann og var honum því
rennt upp á leirur í fjarðarbotnin-
um th að gera við skemmdirnar.
Vonast er til að hægt verði aö
halda áfram með tankana þegar
veður leyfir. -HKr.
Óheppinn leigubílstjóri endaði ferö sína á hvolfi á Miklubrautinni um fimmleytið á sunnudagsmorgun. Þegar Ijós-
myndara DV bar að var verið að flytja ökumanninn burt með sjúkrabifreið en hann hafði veriö á leiö vestur Miklu-
braut og misst stjórn á bifreiöinni rétt austan við Grensásveg. Mikii hálka var á götunni þegar óhappiö átti sér staö.
DV-mynd KK
Bakslag í áform Bjarkar um kaup á Elliðaey því fleiri vilja kaupa:
Ráðuneyti verður að auglýsa
„Fjárlaganefnd lagði til við Alþingi
að selja eyjuna sem var samþykkt
eins og gefur að skilja og ástæðan var
sú að Björk nokkur Guðmundsdóttir
hafði ágirnd á eyjunni. Við fengum
þessar skýringar þegar við vorum að
fara yfir þetta í þingflokknum," segir
Kristinn H. Gunnarsson, formaður
þingflokks framsóknarmanna, en
Björk hefur sóst eftir því að fá Elliða-
ey á Breiðafirði keypta. Kristinn seg-
ir að þingmönnum hafi þótt það fynd-
in tilhugsun að leyfa Björk að einka-
væða náttúrperluna Elliðaey í ljósi
baráttu söngkonunnar fyrir verndun
Eyjabakka.
„Ég kannast ekki við að þetta hafi
verið kynnt sem sala til einhvers
eins aðila í þinginu," segir Sturla
Böðvarsson samgönguráðherra, aft-
ur á móti, en Elliðaey er ein vita-
jarða Siglingastofnunar og er því á
forræði samgönguráðuneytis.
Starfsmenn sviptir sumarhýsi
Auk Elliðaeyjar veitti Alþingi
heimild til sölu Málmeyjar á Skaga-
firði við afgreiðslu fjárlaga nú fyrir
jólin. „Það eru tveir aðilar sem hafa
sýnt áhuga á að kaupa Málmey.
Annars vegar er það sveitarfélagið
Skagafjörður og hins vegar einstak-
lingur sem ég get ekki greint frá
hver er. Ég get ekki staðfest neitt
um hverjir hafa óskað eftir að fá Ell-
iðaey keypta en fjölmargir hafa haft
samband við mig og sýnt áhuga. Ég
veit það hins vegar að Björk mun
hafa samband vegna áhuga á þessu
Elliðaey |
Elliöaey á Breiðafiröi er fáeinar sjó-
mílur undan Stykkishólmi.
en málið er ekki komið á neinn rek-
spöl,“ segir Sturla.
Sturla segir engan samning hafa
verið gerðan um sölu eyjanna né
ákvarðanir verið teknar um það
hvemig staðið verður að sölunni en
að það verði gert á næstunni. „En ef
það verður mikill áhugi á kaupum á
þessum eyjum er úr vöndu að ráða
að gera upp á milli aöila," segir
hann og gerir því ráð fyrir því að
jarðirnar verði auglýstar.
f Elliðaey er viti sem Sturla segir
að væntanlegur kaupandi þurfi að
leyfa umsjónarmanni aðgang að eft-
ir þröfum. Auk vitans er á eyjunni
íbúðarhús sem Sturla segir heldur
lélegt en það hefur verið notað sem
sumardvalarstaður fyrir starfs-
menn Siglingastofnunar. „Það er
gert ráð fyrir því að sú aðstaða víki
ef eyjan verður seld,“ segir sam-
gönguráðherra. -GAR
Breskar hrossatryggingar:
Helmingi lægri iðgjöld
Ekki virðist miklum vandkvæð-
um bundið að tryggja hross í hest-
húsum ef marka má orð Vals Arn-
órssonar hjá tryggingamiðluninni
fSVÁ. Hann segir breskar hesta-
tryggingar ódýrar og hefur einnig
boðið upp á brunatryggingar um
árabil i gegnum íslensk tryggingafé-
lög.
Eftir að 19 hestar brunnu inni í
hesthúsi í Mosfellsbæ í síðustu viku
hafa tryggingamál á hrossum verið
mjög til umræðu. Gagnrýnt hefur
verið að íslensk tryggingafélög séu
treg til að tryggja hesta og þær
tryggingar séu jafnframt dýrar.
Valur Arnórsson hjá trygginga-
miðluninni ÍSVÁ segir að fyrirtæk-
ið hafi frá árinu 1997 boðið upp á
dánartryggingar á hestum í gegnum
breskt tryggingafélag. „f gegnum
þetta félag er um helmingslækkun á
tryggingum hrossa að ræöa sem eru
þá bæði tryggð gagnvart sjúkdóm-
um og slysum. Fyrir milljón króna
hest er verið að tala um 30-40 þús-
und krónur í iðgjald sem hefur ver-
ið frá 50-100 þúsund hjá íslenskum
tryggingafélögum. Þá er hægt að fá
víðtækari tryggingaskilmála ef um
sérstaka hesta er að ræða. Þar eru
m.a. tryggingar vegna ófrjósemi
sem orsakast af völdum slysa eða
sjúkdóma. Hestamenn hafa ekki
hugað nógu vel að þessum málum,"
segir Valur.
Hann bætir við að mönnum hafi
um árabil staðið til boöa að tryggja
hesta gagnvart bruna í hesthúsum
og slikar tryggingar hafi verið
seldar í gegnum íslensk tryggingafé-
lög. Þar er um að ræða tryggingar
sem eru áþekkar venjulegum inn-
bústryggingum. -HKr.
Nóg af lóðum
fngibjörg Sólrún Gísladóttir
borgarstjóri vís-
ar því á bug að
lóðaskortur í
Reykjavík sé or-
sök hækkandi
fasteignaverðs.
Borgarstjóri seg-
ir að nóg fram-
boð sé af lóðum.
Fasteignasalar hafa sagt að ein
helsta ástæðan fyrir háu fasteigna-
verði í Reykjavík sé skortur á lóð-
um í borginni. Stöð 2 greindi frá.
Göng nyrðra
Margt bendir til þess að göng
milli Siglufjarðar og Ólafsfjarðar
verði efst á blaði í langtímaáætl-
unum um jarðgangagerð sem
Vegagerðin skilar á næstu dögum
tU samgönguráðherra. Ríkis-
stjórnin fjaUar um málið í næstu
viku. RÚV greindi frá.
Viðræður
Forystumenn framboða sem eiga
fulltrúa í bæjarstjóm Homafjarðar
hafa óskað eftir að eiga viðræður
við Albert Eymundsson, skóla-
stjóra Hafnarskóla, um aö hann
verði bæjarstjóri á Hornafirði.
Grafin niður
Skipulagsyfirvöld í Hafnarfirði
vUja aö Reykjanesbraut verði
grafin niður og byggt yfir hana
þar sem hún liggur í gegnum bæ-
inn. Framkvæmdin er talin
mundu kosta um tvo og hálfan
mUljarð króna. Stöð 2 greindi frá.
Vildi
Ástæða þess
að Alþingi
veitti heimild
tU þess að ríkis-
eignin EUiðaey
á Breiðafirði
yrði seld er sú
að Björk Guð-
mundsdóttir
söngkona viU kaupa eyna. RÚV
greindi frá.
Framtölin sein
Skattframtöl verða borin út um
miðjan mánuðinn og er það tals-
vert seinna en á fyrri árum.
Skattstjórinn í Reykjavík sagði í
samtali við Bylgjuna að færslur
upplýsinga inn á framtalið
tímafreka vinnu.
2. sæti
ísland er í 2. sæti svokaUaðrar
umhverfisvísitölu sem unnin er í
samvinnu við háskólana Yale og
Columbia í Bandaríkjunum og
samtökin Alheimsleiðtoga morgun-
dagsins. Niðurstöðurnar voru
kynntar á heimsráðstefnunni um
efnahagsmál í Sviss í síöustu viku.
Siv Friðleifsdóttir umhverfisráð-
herra segir þetta sýna að Island sé
í fararbroddi í umhverfismálum á
alþjóðavettvangi. RÚV greindi frá.
Sushi á íslandi
Framleiðsla hófst í nýrri sushi-
verksmiðju á ísaflrði í síðustu
viku. Samningar hafa verið gerðir
um dreifingu framleiðslunnar til
Bretlands. RÚV greindi frá.
Englar verðlaunaðir
Rithöfundurinn Einar Már Guð-
mundsson hlaut verðlaun fyrir
handritið að kvikmynd Friðriks
Þórs Friðrikssonar, Englar al-
heimsins, á kvikmyndahátíðinni í
Gautaborg.
Engin afstaða
Framsóknarflokkurinn hefur
ekki tekið af-
stöðu til þess
hvort selja skuli
Landssímann,
segir Kristinn
H. Gunnarsson,
formaður þing-
flokksins.
Næsta skref í
málinu segir hann vera að setja
nýja löggjöf um þetta svið og að
því loknu verði menn að spyrja
sig þeirrar spumingar hvort
menn vilji selja fyrirtækið. Þeirri
spumingu hafi ekki enn verið
svarað. RÚV greindi frá. -hdm
eyna