Dagblaðið Vísir - DV - 07.02.2000, Blaðsíða 17

Kjaraumræður snúast ekki eingöngu um krónur og aura. Vinnudagur á íslandi
er með því lengsta sem þekkist í heiminum. VR vill endurskoða dagvinnutíma
félagsmanna til að tryggja launafólki aukin lífsgæði. Þannig aukum við einnig
framleiðni í fyrirtækjum - til hagsbóta fyrir alla.
• VR vill að félagsmenn fái greidd viðunandi laun fyrir dagvinnu sína svo
þeir þurfi ekki að sækjast eftir yfirvinnu til að hækka launin.
• VR vill að félagsmönnum verði gert kleift að tvinna saman einkalíf og
vinnu með styttri vinnuviku, sveigjanlegri vinnutilhögun, jöfnum rétti
foreldra til fæðingarorlofs og rétti beggja foreldra til að sinna börnum
sínum. Rannsóknir sýna einmitt að sveigjanlegur vinnutími og svigrúm
til að sinna einkalífi eru nátengd almennri starfsánægju og vinnuafköstum.
• Þrátt fyrir óhóflega langan vinnudag á íslandi er framleiðni minni hér
á landi en í nágrannalöndum okkar. Aukin framleiðni er ein helsta
forsenda almennrar hagsældar í landinu.
Þú færð nánari upplýsingar á www.vr.is
Verzlunarmannafélag Reykjavíkur wp

;> .

■ 5g*mMsnB