Dagblaðið Vísir - DV - 10.04.2000, Qupperneq 17
17
MÁNUDAGUR 10. APRÍL 2000
DV_______________________________________________________________________________________________________________________Menning
Urnsjón: Silja Aðalsteinsdóttir
Reykj avíkurdagar, Reykj avíkurnætur
Það er gaman að láta lesa fyrir sig, ekki síst
ef það er gert vel og textinn góður sem lesinn
er. Þá verður maður aftur glatt og þakklátt
barn og situr prúður og tekur á móti. Það
gerðu líka áheyr/horfendur í Borgarleikhús-
inu á fimmtudagskvöldið þegar Rithöfunda-
samband Islands og Menningarborgin buðu
borgarbúum til dagskrár sem Pétur Gunnars-
son tók saman. Hann skírði hana „Mig minnti
að þessi borg væri brosandi kona“ og krækti í
það hnyttna heiti úr fyrstu ljóðabók Sigurðar
Pálssonar félaga síns, Ljóð vega salt. Úr þeirri
dýrindisbók kom líka hið undurfagra nætur-
ljóð (Smámunir III) sem Valgeir Skagfjörð
hafði gert nýtt lag við og Guðlaug Elísabet
Ólafsdóttir söng af heitri tilfmningu.
Fluttar voru þetta kvöld sögur, frásagnir og
ljóð eftir um þrjátíu skáld og áttu sum fleiri en
eitt innslag. Þau sem gáfu mest af sér voru
Reykjavíkurbörnin Dagur Sigurðarson og
Ingibjörg Haraldsdóttir og kær fóstursonur
borgarinnar, Steinn Steinarr. Textar hans í
lausu máli, svo einkennileg blanda af einlægni
og tvíræðni, minntu mann enn á hve leitt var
að hann skyldi ekki skrifa meira af því tagi.
Myndin af Reykjavik varð smám saman
furðu víð; við fengum til dæmis hina spilltu
borg (Sigurjón Jónsson), ömurlega borg at-
vinnuleysis og eymdar (Þórbergur Þórðarson),
borg andstæðnanna (Jón úr Vör, Ásta Sigurð-
ardóttir, Tómas Guðmundsson), borg ástar og
yndis (Tómas), hlæjandi borg (Matthías
NIENNING AR BORG
EVRdPU ARIÐ 2 000
Johannessen), borgina sem miðju heimsins
(Kristján Þórður Hrafnsson), borgina í lands-
laginu (Vilborg Dagbjartsdóttir), borg ævin-
týra (Dagur), borg veðra og næturfrosta (Linda
Vilhjálmsdóttir, Steinunn Sigurðardðttir),
söguborgina (Einar Már) og borg mína borg
frá Vilhjálmi frá Skáholti og Hauki Morthens.
Næturmyndir af borginni voru teknar af Sig-
urði Pálssyni, Megasi, Elisabetu Jökulsdóttur,
Kristjóni Kormáki syni hennar, Bubba og
Diddu - og með þeim síðastnefndu vorum við
komin hringinn, borgin aftur orðin viðsjár-
verð. Það eina sem hægt væri að finna að var
að þessi borg náði varla austur fyrir Rauðará
nema í brag Bubba sem Jóhann Sigurðarson
söng. Ekki náði hann Bubba eins vel og Meg-
asi.
Flytjendur efnisins þetta kvöld voru vel
valdir og mörg atriðin vöktu mikla kátínu í
salnum. Dásamlegur var flutningur Bjöms
Inga Hilmarssonar á Haustharmi Steins og
dagbókarkafla Þórbergs úr Ljóra sálar minnar
(hávær hrollur fór um salinn þegar fram kom
hve langt var síðan nærfötin hans höfðu verið
þvegin!). ískrandi fyndinn var lestur Amars
Jónssonar úr Tómasi Jónssyni metsölubók eft-
ir Guðberg Bergsson. Flutningurinn á Fröken
Reykjavík eftir Jónas og Jón Múla Árnasyni
var dillandi skemmtilegur - þar sungu Guð-
laug Elísabet og Edda Heiðrún Backman en
piltarnir þrír léku frökenarnar! Leigubílaat-
riðið úr Adolf og Evu eftir Steinunni Sigurðar-
dóttur var drepfyndið í meðfórum alls hópsins
og Reykjavíkurnætur Megasar sömuleiðis frá-
bærar í flutningi Jóhanns og hópsins. Edda
Heiðrún las af innlifun Leiðinda uppákomu
Vilborgar og ögrandi ljóð Diddu um dráttinn
með þeim hjólbeinótta og söng Reykjavíkur-
blús Magnúsar Eiríkssonar svo vel að jöklar
bráðnuðu. Óvenjulegur flutningurinn á sonn-
ettunni 1933 eftir Kristján Þórð og ýmislegt
fleira sem of langt er upp að telja sýndi að leik-
stjórinn, Þórarinn Eyfjörö, hafði lagt alúð og
hugkvæmni í verk sitt.
Hljómsveitina skipuðu vanir menn, Jóel
Pálsson, Kormákur Geirharðsson, Valgeir
Skagfjörð og Þórður Högnason og tóku virkan
þátt í öllu saman þótt einkum léku þeir með
söng. Þetta var yndislegt kvöld og meira að
segja ókeypis inn. Kærar þakkir. -SA
Hver myrti
Tarf frá Iðu?
Hinn góðkunni
rithöfundur
Steinunn Sigurð-
ardóttir skrifar
upphaf að
spennusögu úr
landbúnaðargeir-
anum á heima-
síðu Borgarbóka-
safns Reykjavík-
ur í viku bókar-
innar sem hefst á
morgun og stend-
ur til 17. apríl. í
sögunni segir frá
Tarfi frá Iðu, efni-
legasta gæðingi landsins, sem hefur verið valinn
til að vera í fararbroddi íslenskra hesta við mót-
töku erlendra þjóðhöfðingja. Áður en til þess
kemur flnnst hann dauður og er greinilega eitt-
hvað dularfullt við þann dauðdaga. Hvað gerð-
ist?
Það getur þú ákveðið því gestum á heimasíðu
Borgarbókasafns www.borgarbokasafn.is gefst
kostur á að ljúka við sögu Steinunnar. Verðlaun
verða veitt fyrir besta niðurlagið.
Ýmislegt annað verður á dagskrá safnsins
þessa bókaviku. Meðal annars segir Helga Arn-
alds söguna um Gosa í Seljasafni á morgun, dag-
inn eftir lesa Ágúst Borgþór Sverrison og Elín
Ebba Gunnarsdóttir smásögur í Sólheimasafni
og leikhúsið Tíu fingur sýnir Sólarsögu í Bú-
staðasafni.
Aukabúnaður á mynd: Álfelgur og vindskeiðar.
BMW 316 Compact er ótrúlega vel búinn bíll. Meðal staðalbúnaðar eru fullkomin
Hi-Fi hljómtæki með geislaspilara og 10 hátölurum, M-sportpakki, leðursæti,
ABS, 4 loftpúðar, ASC+T rásvörn og spólvörn (Automatic Stabiiity Control + Traction)
og margt margt fleira. Komdu og prófaðu þennan frábæra bíl!
Grjótháls 1
sími 575 1210
Engum líkur
BMW Compact kostar kr. 1.948.000.
eiSAMV