Dagblaðið Vísir - DV - 13.11.2000, Blaðsíða 2

2
MÁNUDAGUR 13. NÓVEMBER 2000
Tn-y
Fréttir
Valsmaðurinn Lárus Sigurðsson ræddi við Einar Örn Birgisson „undir fjögur augu“:
Einar Orn talaði
um mikla hamingju
- var hress og hlæjandi með handboltafélögum sínum í Val á þriðjudagskvöldið
DV-MYND KK
Óskjuhlíöin var fínkembd
Leitarfólk fóryfir Öskjuhiíóina alla í gær þegar verið var að leita að Einari Erni Birgissyni.
„Ég kynntist Einari Erni í iþrótt-
unum og lék með honum í meistara-
flokki Vals í knattspyrnu þegar
hann var þar. Svo vorum við saman
í hinni svokölluðu Hraðlest, C-liði
Vals í handknattleik, í léttum fé-
lagsskap sem kom saman einu sinni
á ári, aðallega til að taka þátt í bik-
arkeppninni. Þess vegna var ég bú-
inn að vera óvenjumikið með Einari
rétt áður en hann hvarf,“ sagði
Valsmaðurinn Lárus Sigurðsson,
bróðir Dags, sem var íþróttafélagi
Einars Arnar Birgissonar sem leit-
að hefur verið að frá því á miðviku-
dag. Lárus segist með engu móti
geta skilið hvarf Einars Arnar -
trausts og lifsglaðs manns.
“Við hittumst á æfingum dagana
fyrir leikinn sem fór fram á þriðju-
dagskvöldið. Ég var þvi talsvert bú-
inn að spjalla við Einar Örn. Eftir
leikinn fóru liðsmenn út og við
fengum okkur einn bjór. Ég held að
Einar Örn hafi bara fengið sér kók
því hann er stakur bindindismaður.
Allt var í góðu og allir hlæjandi eins
og venjulega. Einar Örn er alltaf
léttur og skemmtilegur maður,
alltaf hress og hlæjandi - léttur per-
sónuleiki. Ekkert í fari hans gaf til
kynna nokkra breytingu á því. Ég
var meira að segja búinn að spjalla
við Einar Örn undir fjögur augu. Ég
man að þá sagði hann orðrétt: „Það
er allt í bullandi hamingju.“ Þá átti
hann við nýju verslunina sína og
konuna sína lika. Þetta kemur því
gríðarlega á óvart. Maður er alveg
orðlaus yfir þessu. Manni finnst að
fyrst þetta getur komiö fyrir Einar
Órn þá getur slíkt komið fyrir alla
aðra líka. Þar sem við vorum saman
eftir leikinn á þriðjudagskvöldið
var ég einn af þeim síðustu sem sáu
hann. Hann fór eins og aðrir heim
klukkan ellefu eða hálf tólf um
kvöldið. Það var allt í góðu lagi,“
sagði Lárus.
Síðast spurðist til Einars Arnar
klukkan rúmlega tiu á miðviku-
dagsmorgun þegar hann hringdi í
Atla Helgason, félaga sinn, og
kvaðst vera á leiðinni til hans. Ein-
ar Örn kom hins vegar aldrei. Farið
var að leita hans á miðvikudags-
kvöldið eftir að unnusta hans kom
heim.
-Ótt
Hundruð manna og kvenna leituðu í gær:
Ekki talinn hafa
farið úr landi
- slökkt á GSM hans klukkan 13.47 á miðvikudag
Litlar líkur eru taldar á að Einar
Örn Birgisson, sem leitað hefur verið
að frá því á miðvikudagskvöld, hafi
farið úr landi. Þó er ekki hægt að úti-
loka þann möguleika. Enginn kannast
við að hafa séö Einar Örn i Leifsstöð
og hann sést hvergi á myndböndum
frá Keflavíkurflugvelli sem lögreglan
hefur farið yfir.
Þegar unnusta Einars Arnar kom
heim úr skóla á miðvikudag fór hún
að hringja og athuga hvar hann væri.
Kom þá í ljós að hann hafði ekki kom-
ið í vinnuna allan daginn og heldur
ekki komið á fund með Atla Helga-
syni, félaga sínum um morguninn.
Einar Örn hafði heldur ekki verið í
sambandi við fjölskyldu sína. Slökkt
var á GSM-síma Einars Arnar klukk-
an 13.47 á miðvikudeginum. Nokkrum
sinnum hafði verið hringt í hann
fram að því en ekki var svarað. Að-
standendur Einars Arnar fóru strax
að leita hans á miðvikudagskvöldið.
Það sem fólki finnst einkennilegast
er að bíll Einars Arnar fannst við Hót-
el Lofteiðir klukkan níu á fimmtu-
dagsmorgun. Ljóst þykir að bílnum
var lagt við hótelið einhvern tímann á
tímabilinu frá þrjú um nóttina til níu
um morguninn. Bíllinn var læstur
þegar hann fannst. Leitarhundar
fundu ekki spor við bílinn og var því
eftir litlu að fara.
Furðulegt
„Þetta er mjög furðulegt. Bíllinn
virðist ekki hafa verið á þessum stað
um kvöldið og fram eftir aðfaranótt
miðvikudagsins þegar verið var að
svipast um eftir Einari Erni,“ sagði
Hjalti Ástbjörnsson, talsmaður að-
standenda Einars Arnar, við DV í
gærkvöld. Hundruð manna og
Aðalfundur LIU:
Sundraðir sjómenn
- með lítinn samningsvilja
Aðalfundur Landssambands is-
lenskra útvegsmanna samþykkti álykt-
un þar sem fundurinn lýsir óánægju
sinni með stöðu samningamála við sjó-
menn.
„Útvegsmenn hafa lagt sig alla fram
um að ná sátt við samtök sjómanna um
nýjan kjarasamning en forysta þeirra
er sundruð og sýnir lítinn samnings-
vilja,” segja útgerðarmenn og telja
ekki forsendur til þess að hækka frek-
ar launahlutfall á fiskiskipum, sem nú
sé að meðaltali um 40 prósent af heild-
artekjum útgerðarinnar.
“Laun sjómanna eru með því hæsta
sem gerist í samfélaginu. í öðru lagi er
meginforsenda fyrir bættum hag út-
gerðar og sjómanna rýmkun mönnun-
arákvæð,” segir í samþykkt LlÚ.
-rt

DV-MYND KK
Hundruö manna leituöu
Björgunarsveitarmenn og aðstandendur og vinir Einars Arnar voru um alla
helgina að leita hans. Leit heldur áfram í dag.
kvenna, björgunarsveitarmenn og
vinir og vandamenn Einars Amar
leituðu um alla helgina.
Hjalti segir að búið sé að flnkemba
svæði bæði utan og innan borgar-
markanna. „Öll strandlengjan var tek-
in frá Garðabæ og alla leið upp að
Korpuósum. Einnig var farið yfir
vatnasvæðin hjá Hafravatni, Reynis-
vatni, Langavatni og Rauðavatni. Síð-
an var Öskjuhlíðin fíknkembd. Sú ít-
arlega leit var skipulögð af björgunar-
sveitarmönnum sem við vorum í mjög
nánu samstarfi við um helgina. Að
siðustu var farið yfir Fossvogsdalinn
og Vatnsmýrina," sagði Hjalti. Þegar
DV fór í prentun í gærkvöld höfðu
engar visbendingar fundist sem skýrt
gætu hvarf mannsins.
-Ótt
Vesturlandsvegur:
Grjót og möl yfir dýralækninn
DV, MOSFELLSBÆ: _____________
A föstudagsmorguninn gerðist
það, þegar Helgi Sigurðsson dýra-
læknir var að aka á Vesturlands-
vegi í Kollafirði á eftir malarflutn-
ingarbíl frá sandnámunni í Kolla-
flrði, að skjólborð á gafli pallsins
opnaðist skyndilega. Út þeyttist
mikið af grjóti og möl umhverfis
bíl dýralæknisins. Malarflutnings-
bíllinn stöðvaði ekki við óhappið,
en Helgi dýralæknir ók fram úr og
náði aö stöðva hann. Bílstjóri mal-
arflutningsbílsins brást ókvæða
við, en dýralæknirinn hringdi þá í
lögregluna, sem kom fljótlega á
staðinn. BUl Helga mun hafa slopp-
ið að mestu óskemmdur. Mjög mik-
il brögð eru að því að flutningabíl-
ar með jarðefni séu illa útbúnir og
missi efnin á vegina, sem getur
valdið mikiUi slysahættu.
-GG
Tilboð í Valhöll
Howard Kruger, enskur athafna-
maður, hefur boðið Jóni Ragnars-
syni, eiganda Hótel Valhallar, um
470 milljónir króna
fyrir hótelið. Jón
hyggst gefa sér
mánuð til að velta
tilboðinu fyrir sér.
Guðni Ágústsson
landbúnaðarráð-
herra. sagði í við-
tali við fréttastofu
RÚV að sér þætti ekki ráðlegt að
breyta hótelinu í sumarbústað, en
litlu máli skipti hverrrar þjóðar sá
sem stundar þar hótelrekstur sé.
Guðni á sæti í Þingvallanefnd.
RÚV greindi frá.
Sáttafundur í dag
Sáttafundur hefur verið boðaður í
deilu framhaldsskólakennara og
ríkisins klukkan 16 í dag. Síðast var
fundur haldinn á laugardag. Þá kom
ekkert nýtt fram í viðræðunum,
þannig að deilan er enn í hörðum
hnút.
Annað móðurmál
Rúmlega 25.000 íslendinga, eða
um 10%, eiga sér annað móðurmál,
að sögn Ingibjargar Hafstað, sem
flutti erindi á Málræktarþingi i
gær. Hún segir ísland standa
frammi fyrir svipuðu vandamáli og
önnur lönd Norður-Evrópu gerðu í
upphafi áttunda áratugarins, þegar
fólk var flutt inn í stórum stíl sem
vinnuafl en náði ekki að aðlagast
samfélaginu. Lausnina telur Ingi-
björg felast í að bjóða upp á meira
íslenskunám fyrir nýbúa. Stöð 2
greindi frá.
Tveir sjómenn slösuðust
Tveir sjómenn slösuðust um borð
í togaranum Hrafni Sveinbjarnar-
syni GK 255 um miðnætti á föstu-
dag. Festing gaf sig á dekkinu og
slóst í andlit annars sjómannsins og
síðu hins. Togarinn var á veiðuin
við Seyðisfjarðardjúp en kom til
hafnar i Neskaupstað um klukkan
fjögur. Þeir voru fluttir til Egils-
staða og þaðan fluttir flugleiðis til
Reykjavikur.
Kvörtun á dag
Talsvert hefur verið um að kvart-
að hafi verið til Landlæknis vegna
læknamistaka. Það sem af er þessu
ári hafa borist 330 kvartanir eða
sem nemur rúmlega einni kvörtun á
dag að meðaltali. Kvartanirnar eru
misjafnlega alvarlegar, allt frá því
að vera mjög lítilfjörlegar í það að
vera mjög alvarlegar. Stöð 2 greindi
frá.
Pharmaco kaupir
Pharmaco er búið að festa kaup á
búlgarska lyfjaframleiðandanum
Balkanpharma. Sindri Sindrason,
forstjóri Pharmaco,
sagði í viðtali við
fréttastofu RÚV að
þetta byði upp á
mikla vaxtarmögu-
leika fyrir fyrirtæk-
ið. Með í kaupunum
eru þrjár verk-
smiðjur. Fram-
kvæmdastjóri Balkanpharma spáir
því að Pharmaco verði ráðandi
lyflaframleiðandi í Austur-Evrópu,
en nokkurrar óánægju gætir hjá
starfsmönnum vegna uppsagnar
2000 starfsmanna.
-ES/JSS