Dagblaðið Vísir - DV - 26.02.2001, Blaðsíða 30

Dagblaðið Vísir - DV - 26.02.2001, Blaðsíða 30
50 MÁNUDAGUR 26. FEBRÚAR 2001 x>v ^Ættfræði_________________________________ Umsjön: Kjartan Gunnar Kjartansson EB 90 ára_______________________________ Guöleif Einarsdóttir, Víkurbraut 29, Höfn. i ~85 ára________________________________ 5 Björg Jóhannsdóttir, Bólstaðarhlíö 13, Reykjavík. Gestur Guöjónsson, Skjólvangi, Hrafnistu, Hafnarfirði. Sigurborg Ólafsdóttir, Furugerði 1, Reykjavík. 75_ára_______________________________ Róslaug Þóröardóttir, Mýrargötu 18, Neskaupstaö. 70 ára_______________________________ ; Bjarni Jakobsson, "Njálsgötu 106, Reykjavlk. Engilráö Óskarsdóttir, Suöurbraut 2, Hafnarfirði. Erla Guömundsdóttir, Þorsteinsstöðum, Eyjafjarðars. Sigríöur Eiriksdóttir, Heiöarvegi 1, Reyðarfirði. 60 ára_______________________________ Jónas Skaftason, Blöndubyggð 9, Blönduósi. 50 ára_______________________________ Eövald H. Magnússon, Garðavegi 23, Hvammstanga. Elín Þóra Geirsdóttir, Kirkjubraut 23, Akranesi. Jón M. Benediktsson, ■ ■*Urriðakvísl 16, Reykjavík. Ómar Þór Guömundsson, Þórunnarstræti 104, Akureyri. 40 ára_______________________________ Börkur Gíslason, Norðurvangi 7, Hafnarfirði. Helgi Már Reynisson, Eyrarholti 14, Hafnarfirði. Hjördís Bergsdóttir, Arnarhrauni 21, Hafnarfirði. Jón Rúnar Gunnarsson, Háaleitisbraut 47, Reykjavik. Sigfús Aöalsteinsson, ^Miðhúsum 12, Reykjavík. Steinvör Kristín Viggósdóttir, Fífulind 13, Kópavogi. Persónuleg, alhliða útfararþjónusta. Sverrir Olsen Sverrir Einarsson útfararstjóri útfararstjóri Útfararstofa íslands Suðurhlfö35 • Simi 581 3300 allan sólarhringinn. wv/w.utfararstofa.ehf.is/ s IJrval góður ferðafélagi — til fróðleiks og skemmtunar á ferðalagi eða bara heima í sófa Andlát Guöný Magnúsdóttir Öfjörö, frá Skógs- nesi er iátin. Sigríöur Magöalena Jónsdóttir frá Úlf- arsfelli, Skólastíg 14A, Stykkishólmi lést á St. Fransiskuspítala þriðjudaginn 20. febrúar. Olga Fanney Konráösdóttir, Miðtúni 16, Reykjavík, lést á hjartadeild Landspítal- ans við Hringbraut miðvikudaginn 21. íebrúar. Kristín Ágústsdóttir Houhoulis, 204 Snowden CT. S. W., Leesburg, Virginíu 20175 - 2542, lést aðfaranótt fimmtu- dagsins 22. febrúar. maEEsmmam Jóhanna Sigurðardóttir, alþingismaður Jóhanna Sigurðardóttir, alþingis- maður og fyrrv. félagsmálaráð- herra, hefur verið áberandi í frétt- um að undanfórnu þar sem hún hef- ur gagnrýnt bankakerfið vegna yfir- dráttarlána. Starfsferill Jóhanna fæddist í Reykjavik 4. október 1942 og ólst þar upp. Hún lauk prófl frá VÍ 1960. Jóhanna var ílugfreyja hjá Loftleiðum 1962-71, stundaði skrifstofustörf 1971-78, hef- ur verið alþingismaður frá 1978 og var félagsmálaráðherra 1987-88, 1988-91 og 1991-94. Jóhanna var for- maður Flugfreyjufélags íslands 1966-69, sat í stjórn Svalanna 1974-76 og formaður þar 1975, í stjórn VR 1976-83, var formaður stjórnarnefndar um málefni þroska- heftra og öryrkja 1979-83, sat í Tryggingaráði 1978-87 og formaður þess 1979-80, var varaforseti neðri deildar Alþingis 1979 og 1983-84 og sat á þingi Alþjóðaþingmannasam- bandsins 1980-85. Jóhanna sat i flokksstjóm Alþýðuflokksins 1978-94, var varaformaður Alþýðu- flokksins 1984-93 og var formaður Þjóðvaka frá 1995. Fjölskylda Fyrrv. eiginmaður Jóhönnu er Þorvaldur Steinar Jóhannesson, f. 3.3. 1944. Þau skildu. Foreldrar Þor- valds: Jóhannes Eggertsson, hljóð- færaleikari i Reykjavik, og k.h., Steinunn G. Kristinsdóttir húsmóð- ir sem er látin. Böm Jóhönnu og Þorvalds Stein- ars eru Sigurður Egill, f. 31.5. 1972, en kona hans er Ragnheiður Elías- dóttir og eiga þau tvo syni, Elias Björgvin, f. 19.1. 1997, og Kristófer Dag, f. 19.7. 1998; Davíð Steinar, f. 22.3.1977, í sambúð með Önnu Örnu Oddgeirsdóttur og eiga þau einn son, Markús Steinar f. 26.8. 2000. Systkini Jóhönnu eru Anna María, f. 4.10. 1942, gift Bemhard Petersen; Hildigunnur, f. 19.5.1950, gift Lárusi Ögmundssyni lögfræðingi; Gunnar Egill, f. 19.5. 1950, hagfræðingur í Reykjavík, kvæntur Guðfinnu Theó- dórsdóttur. Foreldrar Jóhönnu: Sig- urður Egill Ingimundarson, f. 10.7. 1913, d. 12.10.1978, alþingismaður og forstjóri Tryggingastofnunar ríkis- ins, og k.h., Karitas Guðmundsdótt- ir, f. 19.12. 1917, d. 26.8. 1997, hús- móðir. Ætt Sigurður var sonur Ingimundar, daglaunamanns í Reykjavik, Ein- arssonar, b. á Egilsstöðum í Ölfusi, Jónssonar. Móðir Einars var Sól- veig Þorvarðardóttir, b. á Vötnum i Ölfusi, bróður Þorbjörns Garðars, föður Guðmundar H., fyrrv. alþm., og langafa Vals leikara, fóður Vals bankastjóra. Þorvarður var sonur Jóns, silfursmiðs og ættföður Bílds- dalsættar, Sigurðssonar. Móðir Sól- veigar var Guðbjörg Eyjólfsdóttir, b. á Kröggólfsstöðum i Ölfusi, Jóns- sonar. Móðir Ingimundar var Vil- borg Jónsdóttir, systir Jóns á Þor- grímsstöðum, langafa Hannesar Jónssonar sendiherra, föður Hjálm- ars, skrifstofustjóra alþjóðadeildar utanríkisráðuneytisins. Móðir Sigurðar var Jóhanna verkakvennaforingi Egilsdóttir, b. í Hörgslandskoti á Síðu, Guðmunds- sonar. Móðir Egils var Sigríður Eg- ilsdóttir, b. í Jórvík í Álftaveri, Gunnsteinssonar, bróður Runólfs, langafa Margrétar, ömmu alþingis- mannanna Jóns Helgasonar og Hjörleifs Guttormssonar. Karítas er dóttir Guðmundar, kaupmanns í Reykjavík, Guðjónssonar, sjómanns i Reykjavík, Björnssonar, bróður Guðrúnar, ömmu Alberts Guð- mundssonar ráðherra. Móðir Guð- mundar var Steinunn Þorsteinsdótt- ir, b. í Breiðamýrarholti, Þorsteins- sonar, garðyrkjumanns í Úthlíð í Biskupstungum, Þorsteinssonar, b. á Hvoli í Mýrdal, hálfbróður Bjarna Thorsteinssonar amtmanns, föður Steingríms skálds. Þorsteinn var sonur Þorsteins, b. í Kerlingardal, Steingrímssonar, bróður Jóns „eld- prests". Móðir Þorsteins í Úthlíð var Þórunn Þorsteinsdóttir, b. á Vatnsskarðshólum í Mýrdal, Eyj- ólfssonar. Móðir Steinunnar var Guðlaug Stefánsdóttir, b. á Brekku í Biskupstungum, Gunnarssonar, af Víkingslækjarætt ráðherranna Dav- íðs Oddssonar, Ingólfs Jónssonar, Eggerts G. Þorsteinssonar, og Guð- laugs Tryggva Karlssonar hagfræð- ings, Guðrúnar Helgadóttur rithöf- undar og Jóns Helgasonar skálds. Móðir Karítasar var Anna María Gisladóttir sjómanns Jónssonar frá írafelli í Kjós. Móðir Önnu Maríu var Vilborg, systir Salvarar, langömmu Sigurðar Sigurjónssonar leikara. Vilborg var dóttir Frí- manns, b. að Kirkjuvogi, Gíslason- ar. Móðir Vilborgar var Margrét Þórðardóttir, b. á Bakka í Höfnum, Þorkelssonar, bróður Ögmundar, afa Tómasar Guðmundssonar skálds. Sextugur Jónas Skaftason bifreiðarstjóri Jónas Skaftason, bifreiðarstjóri, Veghúsum 1, Reykjavik, er sextugur i dag. Starfsferill Jónas fæddist á Fjalli í Skaga- hreppi á Skagaströnd. Hann fór til sjós 16 ára gamall og var lengst af sem kokkur. 1970 byrjaði hann í vörubílarekstri sem stóð í 25 ár og var hann jafnframt á sjó. Jónas rak líka gistiheimilið Blönduból á Blönduósi í 4 ár. Einnig átti hann og rak hópferðabíla og var aðallega í hálendisferðum. Jónas starfar núna sem bifreiðarstjóri hjá Teiti Jónassyni ehf. Einnig starfar hann sem leigubílstjóri. Fjölskylda Jónas kvæntist írisi Sveinbjörns- dóttur og eiga þau saman fjögur börn. Þau er Jóna Sveinbjörg, Elín íris, Skafti Fanndal og Magnús. Jónas og íris skildu. Sonur Jónasar með Helgu Sigurjónsdóttur er Sig- urður Jóhann. Önnur eiginkona Jónasar var Guðbjörg Björgvins- dóttir. Þau skildu. Þriðja kona Jónasar var Ingunn Guðmundsdótt- ir og eiga þau tvo syni, Róbert Vigni og Jónas Inga. Jónas og Ingunn skildu. Systkini Jónasar eru: Hjalti, bú- settur í Hafnarfirði; Vilhjálmur Kristinn, búsettur á Skagaströnd; Anna Eygló, búsett í Reykjanesbæ og Þorvaldur Hreinn, búsettui* í Hafnarfirði. Foreldrar Jónasar eru Skafti Fanndal Jónasson sjómaður og k.h., Jóna Guðrún Vilhjálmsdóttir hús- móðir. Þau er búsett á Skagaströnd. Merkír íslendingar Björn Kristjánsson, ráðherra og alþingis- maður, var fæddur á Hreiðurborg í Flóa 26. febrúar 1858. Hann var sonur hjón- anna Kristjáns Vernharðssonar, bónda á Hreiðurborg, og k.h., Þórunnar Hall- dórsdóttur. Bjöm nam skósmíði og stundaði hana á árunum 1876 til 1882. Á árun- um 1878 til 1879 og 1888 til 1910 dvald- ist hann í Kaupmannahöfn þar sem hann stundaði meðal annars nám í tónfræði. Bjöm var einnig bókhald- ari, kaupmaður og bæjargjaldkeri i Reykjavík. Þann 1. október 1909 varð hann bankastjóri Landsbankans og gegndi því starfi til ársins 1918. Frá 4. jan. til 28. ágúst 1917 var hann fjármálaráðherra og hafði síðan ævilangt sérstök eftirlaun. Bjöm átti einnig sæti í nokkrum nefnd- um og má þar nefna velferðarnefnd, orðunefnd, matsnefnd íslandsbanka og árið 1928 var hann kosinn í lands- bankanefhd en sagði af sér á miðju sumri það ár. Bjöm ritaði marga ritlinga og rit- gerðir um bankamál, viðskipti, járn- brautarmál og verslunarmál. Hann var mikill áhugamaður um efna- fræði og stundaði sjálfsnám i þeim fræðum. Auk gerði hann efnarann- sóknir á steintegundum og fleiru um langt skeið. Bjöm lést í Reykjavík 13. ágúst árið 1939. Björn Kristjánsson DV © 550 5000 visir.is FAX 550 5727 Þverholt 11, 105 Reykjavík

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.