Dagblaðið Vísir - DV - 12.03.2001, Page 11
MÁNUDAGUR 12. MARS 2001
11
Utlönd
Al Gore
Fékk 784 ný atkvæöi í Palm Beach.
Ný endurtalning:
Al Gore hefði
sigrað í forseta-
kosningunum
Bandaríska dagblaðið Palm Beach
Post, sem er einn margra flölmiðla er
endurtalið hafa atkvæðin i Flórida,
greindi frá því í gær að A1 Gore, fyrr-
verandi varaforseti Bandaríkjanna og
frambjóðandi demókrata í forseta-
kosningunum í nóvember síðastliðn-
um, hefði sigrað George W. Bush,
frambjóðanda repúblikana, hefðu öll
atkvæði sem kjósendur höfðu óvart
merkt við tvo frambjóðendur á verið
talin gild. Samkvæmt Palm Beach
Post fékk Gore 784 ný atkvæði í Palm
Beach. Bush sigraði i Flórída með 573
atkvæða mun.
Blaðið Miami Herald birti í síðast-
liðnum mánuði niðurstöðu endurtaln-
ingar sinnar í Miami Dade-sýslu. Þar
fékk Gore 49 ný atkvæði. Demókratar
segja að þetta hafi þá grunað allan
tímann en repúblikanar benda á að ný
niðurstaða fáist eftir hverja endur-
talningu og að ekki sé hægt að komast
að lokaniðurstöðu.
Serbneska öryggislögreglan:
Með hálft tonn af
dópi í bankahólfi
Poul Nyrup Rasmussen
Færeyingar ætla ekki aö láta hótanir
hans stýra stjórnmálum sínum.
Hunsa hótanir
Pouls Nyrups
Landstjórnin í Færeyjum ætlar
ekki að breyta sjálfstæðisáætlun
sinni þó að Poul Nyrup Rasmussen,
forsætisráðherra Danmerkur, muni
enn ítreka að ríkisstyrkurinn verði
afnuminn í áföngum á aðeins 4 árum
verði áætluninni hrint í fram-
kvæmd. „Við getum ekki látið efna-
hagshótanir frá Danmörku stýra
færeyskum stjórnmálum," segir fær-
eyski stjórnmálamaðurinn Hogni
Hoydal. Nyrup ætlar greina frá af-
stöðu sinni til nýrrar sjálfstæðis-
áætlunar Færeyinga í þessari viku.
RAFVER
SKEIFUNNI 3E-F • SÍMI 581 2333 ■ FAX 568 0215
rafver@simnet.is
Hálft tonn af heróíni og öðrum
fíkniefnum hefur fundist i banka-
hólfi öryggislögreglunnar sem var
undir stjórn Slobodans Milosevics,
fyrrverandi Júgóslavíuforseta. Nýr
innanrikisráðherra Júgóslavíu, Dus-
an Mihajolovic, greindi frá þessu um
helgina um leið og hann skýrði frá
starfsemi öryggislögreglunnar í tið
Milosevics. Öryggislögreglan var
undir innanrikisráðuneytinu.
Serbneska öryggislögreglan veitti
einnig eftirför og hleraði ólöglega
ýmsa þekkta menn í Serbíu, meðal
annars þrjá sem sýnt var tilræði.
Tveir þeirra voru myrtir. Stjórnar-
andstöðuleiðtoginn Vuc Draskovic
lifði af banatilræði.
Stjórnarandstaðan í Serbíu, sem
nú hefur tekið við völdum, hafði
lengi haldið því fram að öryggislög-
reglan tengdist pólitískum morðum.
Fyrrverandi yfirmaður lögreglunn-
ar, Rade Markovic, hefur harðneit-
að þessu.
Nú eiga fjórir fyrrverandi lög-
regluforingjar að koma fyrir rétt.
Þeir eru ákærðir fyrir ólöglegar
hleranir á síma fjölda manns. Fjór-
menningarnir eru nánir samstarfs-
menn Markovics. Hann var hand-
tekinn í febrúar síðastliðnum fyrir
að hafa fyrirskipað morðtilræðið
gegn Draskovic 1999. Innanríkisráð-
herrann hefur staðfest að sími
Draskovics hafi verið hleraður.
Sími blaðaútgefandans Slavkos
Curuvija var einnig hleraður. Curu-
Fíkniefni öryggislögreglunnar
Innanríkisráðherra Serbíu greinir frá fundi fíkniefnanna.
vija, sem hafði gagnrýnt Slobodan
Milosevic, var myrtur í apríl 1999.
Einnig var fylgst með stríðsherran-
um Arkan sem var skotinn til bana
í anddyri hótels í Belgrad í janúar í
fyrra.
Lögregluforingjunum Qórum
tókst að eyðileggja gögn um hleran-
irnar. Lnnanrikisráðherrann segir
þá hins vegar hafa játað og að mörg
vitni geti staðfest það sem fór fram.
Rade Markovic, fyrrverandi yfir-
maður öryggislögreglunnar, verður
einnig ákærður fyrir ólöglega hler-
un, að því er innanríkisráðherrann
greindi frá.
raustur
kraftmikill
- LANGAR ÞIG í NÝJAN?
Hann er kraftmikill en 1.8 I WT-i vélin er 126 hö. og 2.0 I WT-i vélin er 144 hö. Þrátt fyrir
mikið afl og snerpu er hann einnig mjög sparneytinn. Avensis er einstaklega öruggur bíll í
akstri. Hann er búinn ABS hemlunarkerfi en auk þess hemlunaraðstoð (BAS) og rafeindastýrðri
hemlunardreifingu (EBD). Þetta ásamt frábærri hönnun veitir Avensis afburða stöðugleika á
vegi. Annar öryggisútbúnaður Avensis fer fram úr ströngustu kröfum sem gerðar eru.
Avensis er hannaður með fjölbreytilegar þarfir í huga. Þótt giæsiieiki og kraftur séu áberandi
eiginleikar stendur hann ekki síður undir nafni sem fjölskyldubíll. Avensis er sérstaklega
rúmgóður bíll en það er eiginleiki sem ekki einungis er nauðsynlegur fjölskyldufólki heldur
öllum þeim sem hafa yndi af að ferðast og njóta lífsins. www.toyota.is