Dagblaðið Vísir - DV - 18.06.2001, Blaðsíða 2

2
MÁNUDAGUR 18. JÚNÍ 2001
Fréttir I>V
Geysilegur erill var hjá lögreglunni í Reykjavík aðfaranótt 17. júní:
Fólskulegar árásir
og fjöldaslagsmál
- hundrað útköll og 20 manns gistu fangageymslur
Geysilegur erill var hjá lögregl-
unni í Reykjavík í fyrrinótt. Voru
útköll rétt tæplega hundrað talsins
og þeir sem gistu fangageymslur um
nóttina voru yfir 20.
Þrír menn gerðu mjög fólskulega
árás á mann fyrir utan veitingastað-
inn Kaffi Thomsen í Hafnarstræti í
Reykjavík í gærmorgun. Þeir slógu
hann í götuna og gengu síðan í
skrokk á honum og spörkuðu í
hann ítrekað. Árásin náðist á
myndavél og voru þremenningamir
handteknir skömmu síðar og færðir
til yfirheyrslu. Fómarlambið var
hins vegar flutt meðvitundarlaust
og illa slasað á slysadeild.
Þessi árás var hluti íjöldaslags-
mála fyrir utan veitingastaðinn og
virðist sem óvenju illa hafi legið á
mörgum höfuðborgarbúanum í
fyrrinótt og menn hafi þurft að fá
útrás með fólskuverkum. Þannig
var einn laminn í andlitið með bjór-
flösku á veitingastað og skarst hann
illa. Árásarmaðurinn komst undan
en lögregla vissi hver átti í hlut og
hugðist heimsækja hann í gær. Þá
var í gærmorgun tilkynnt um að
nokkrir menn hefðu gengið í skrokk
á einum á Laugavegi. Tveir voru
handteknir vegna þess máls en fóm-
arlambið flutt á sjúkrahús.
Þá lagðist drukkinn maður til
sunds i Reykjavíkurhöfn og þurfti að
sækja hann á gúmmíbát og flytja á
slysadeild. Þrír bílar voru rispaðir og
skemmdir við Hverfisgötu og í Túna-
hverfi. Tveir voru teknir með flkni-
efni, annar á skemmtistað en hinn í
miðborginni. Maður var staðinn að
innbrotstilraun skammt frá lögreglu-
stöðinni og handtekinn. Kveikt var í
ruslagámi við Bústaðaveg og loks má
minnast á unga konu sem lögreglan
hafði afskipti af fyrir utan veitinga-
stað og hugðist aka heim svo hún
gæti hvílt sig. í stað þess að þiggja
hjálpina brást konan ókvæða við og
lauk samskiptum hennar og lögreglu
á þann veg að hún „fékk“ aö sofa á
lögreglustöðinni.
Loks má geta þess að hópur ung-
linga veittist að ferðafólki frá S-Am-
eríku í miðbæ Reykjavíkur og voru
m.a. brotin gleraugu í þeim rysking-
um. Ástæða þeirrar árásar mun
hafa verið sú að unglingarnir héldu
að ferðafólkið væri hópur nýbúa frá
Taílandi. -gk
Mælskusnillingur dúxaði:
Aðeins 29
prósent
stúdenta MA
karlmenn
Menntaskólanum á Akureyri
var slitið 17. júní í íþróttahöllinni
að venju. 127 nemendur settu upp
hvítu kollana. Þaö vekur athygli
að meirihluti stúlkna var stærri
en nokkru sinni fyrr í sögu skól-
ans sem spannar á aöra öld, 90 af
127.
Þrátt fyrir það kom dúx MA í ár
úr röðum karlpeningsins, það var
Hjálmar Stefán Brynjólfsson frá
Reykhúsum 1 í Eyjafjarðarsveit
með einkunnina 9,2. Hjálmar Stef-
án varð landsþekktur í vetur fyrir
þátttöku sina í spurningakeppni
framhaldsskólanema og það aö
verða útnefndur ræðusnillingur
ársins í mælsku- og rökræðu-
keppni framhaldsskólanna en MA
bar sigur úr býtum í þeirri keppni.
-GG
DV-MYND BRINK
Frá útskriftarhátíð Menntaskólans á Akureyri
Alls settu 127 nemendur upp hvítu kollana í íþróttahöllinni á Akureyri
á þjóðhátíöardaginn.
Hátíðarræða forsætisráðherra á Austurvelli:
Ræðan er óábyrgt tal
- segir formaður BSRB
Davíð Oddsson forsætisráðherra
sagði á Austurvelli að morgni þjóðhá-
tíðardagsins að siðan þjóðhátíðardag-
inn árið 2000 hefði gefið á bátinn í
efnahagslífi þjóðarinnar en flestir erf-
iðleikarnir nú væru heimatilbúnir.
„Tveggja mánaða kennaraverkfall,
lengsta sjómannaverkfall í síðari
tíma sögu og erfið lagasetning til að
binda enda á það, niðurskurður á
aflaheimildum og gengisveltingur
með tilheyrandi verðbólguhviðu er
varla sérstakt fagnaðarefni og óþarfi
að gera of lítið úr því. Það er á hinn
bóginn varasamt að gera of mikið úr
því tímabundna andstreymi sem við
höfum mætt. Orðtakið segir: „Ef þú
ert kominn ofan í holu, hættu þá að
moka.“ Með öðrum orðum, gerðu
ekki illt verra, málaðu ekki skrattann
á vegginn," sagði forsætisráðherra,
Davíð Oddsson, m.a. á Austurvelli.
Ögmundur Jónasson, þingmaður
VG og formaður BSRB, segir að for-
sætisráðherra hafi talað með léttúð
og á óábyrgan hátt um verkfallsbar-
áttu fólks. „Ríkisstjómin á að líta sér
nær þegar talað er um tíð verkfóll.
Staðreyndin er sú að stórir hópar
hafa nánast farið ránshendi um ís-
lenskt efnahagslíf og þar vísa ég til
braskaranna sem hafa starfað í skjóli
ríkisstjórnar Davíðs Oddssonar. Þeg-
Davíö Oddsson
flytur 17. júní
ávarp sitt til
þjóöarinnar á
Austurvelli.
Ögmundur Jón-
asson, þingmaö-
ur Samfylkingar-
innar og formaö-
ur BSRB.
ar hann beinir nú spjótum sínum að
láglaunahópum á Islandi er ég ekki
alveg viss um hvaða orð eru nógu
sterk um það,“ segir Ögmundur Jón-
asson. -GG
DV-MYND NG
Daníel G. Ingimundarson á Grænu þrumunni
Prolong-umboðiö í Skútuvogi hélt kynningu á smurbætiefni sínu í Skútuvogin-
um sl. laugardag. Við það tækifæri ók Daníel á Grænu þrumunni sinni yfir
fjóra fólksbíla en flestir torfærujepparnir í DV-torfærunni nota þetta smur-
bætiefni á bílana.
Nýsköpun í evrópsku samhengi:
Hólar miðstöð
umræðunnar
Leiðir til nýsköpunar i evrópsku
samhengi og miðlun tækni og þekking-
ar og möguleikar á fjármögnun verða
ræddar á ráðstefnu að Hólum í Hjalta-
dal sem hefst í dag, 18. júní, kl. 13.00.
Fyrirlesarar verða Paul Sarson, sem
fjallar um hagnýtingu nýjunga og leiðir
í þróunar- og markaðsstarfi í Bretlandi,
Dennis Mason, sem fjallar um fjármögn-
un nýjunga og samstarfsverkefni fyrir-
tækja í Evrópu. Tomas Olofsson kynnir
nýsköpunarumhverfi og ráðgjöf fyrir
frumkvöðla í Svíþjóð auk þess að Qalla
sérstaklega um stuðning við fyrirtæki á
Evrópska efnahagssvæðinu og mögu-
leika á styrkjum til nýsköpunar.
Gianluca Salvatori ræðir um þróun og
miðlun tækniþekkingar á Ítalíu og sam-
starfsnet fyrirtækja og Bjami Jónsson,
verkefhisstjóri TEURPIN hjá Hólaskóla,
kynnir verkefni um samstarf Evrópu-
þjóða um miðlun og hagnýtingu þekk-
ingar og tækni á milii rannsóknarstofn-
ana og fyrirtækja. -GG

Undirskriftasöfnun
Hafin er undir-
skriftasöfhun þar sem
Ámi Sigfússon, fyrr-
um borgarstjóri I
Reykjavík og nú fram-
kvæmdastjóri Tækni-
vals, er hvattur til
framboðs í næstu for-
setakosningum:
„Þetta er ekki gert með mínu sam-
þykki,“ sagði Ámi Sigfússon í gær-
kvöldi en neitaði því ekki aðspurður að
hann hefði heyrt af tilburðum í þessa átt
áður. „Ef um væri að ræða forseta Hins
íslenska bókmenntafélags kæmi þetta ef
til vill til greina."
Síðasta fórnarlambið látið
Jón Börkur Jónsson lést sL laugar-
dagskvöld, 18 ára að aldri. Hann var
einn þeirra sex sem voru um borð í flug-
vélinni sem hrapaði í Skerjafirði um
síðustu verslunarmannahelgi. Nú eru
allir látnir sem vora i flugvélinni, fimm
farþegar og flugmaðurinn.
Bílvelta við Jökulsárbrú
Bílvelta varð á þjóðvegi 1 skammt frá
Jökulsárbrú á áttunda tímanum á laug-
ardagskvöldið. Þrennt var í bflnum og
var ökumaður fluttur á Fjórðungs-
sjúkrahúsið á Akureyri til aðhlynning-
ar. Bíllinn er mikið skemmdur.
Borgarlistamaður
Kristján Davíðsson
myndlistarmaður var
útnefndur borgarlista-
maður Reykjavíkur
árið 2001 við hátíðlega
athöfn i Höfða í gær.
Viðurkenningin er
veitt árlega reykvísk-
um listamanni sem
með listsköpun sinni hefur skarað fram
úr og markað sérstök spor í íslensku
listalífi.
Bílvelta við Hafravatn
Þrír vom fluttir á slysadeild í Reykja-
vík eftir að bíll, sem þeir vom i, valt við
Hafravatn snemma í gærmorgun. Þegar
lögregla og sjúkralið kom á staðinn var
einn þremenninganna fastur í bifreið-
inni en honum tókst að bjarga út án
þess að kaila til tækjabíl. Fólkið var
nokkuð slasað en ekki talið í lífshættu.
Krækti í síma og úr
Bíræfnir þjófar geta verið á ferðinni
jafnt að degi sem nóttu eins og sýndi sig
í austurhluta Reykjavíkur um helgina.
Þar sat húsráðandi i stofú sinni þegar
hann sá hönd koma skyndilega inn um
opinn glugga og hrifsa til sín farsíma og
úr sem vom innan seflingar. Húsráð-
andi brást við og reyndi að hafa uppi á
hinum biræöia þjófi en hafði ekki er-
indi sem erfiði.
Ungur ökuþór í bílveltu
Þrettán ára gamail ökumaður, sem
lögreglan á Selfossi hafði gefið merki
um að stöðva bifreið sína á Eyrarbakka-
vegi skammt frá Litla-Hrauni í fyrri-
nótt, gerði það ekki en velti þess í stað
bílnum skömmu síðar. Hann slapp
ómeiddur úr veltunni en bifreiðin, sem
er nýleg jeppabifreið, er talin ónýt. Bif-
reiðin var í eigu foreldra drengsins og
hafði hann skiljanlega tekið hana
ófrjálsri hendi, enda ekki fermdur.
Bílvelta á Öræfum
Kona á ferð með tvö börn varð fyrir
því að velta bifreið sinni á Mývatnsör-
æfum á laugardag, skammt frá brúnni
yfir Jökulsá. Konan var flutt með
sjúkrabifreið til Akureyrar en var ekki
talin mjög alvarlega slösuð. Bömin sak-
aði hins vegar ekki. -W/gk/EIR