Dagblaðið Vísir - DV - 28.08.2001, Side 11

11
ÞRIÐJUDAGUR 28. ÁGÚST 2001_______________________________________________________________________________________________
I>V Útlönd
Marita Petersen
lést á sunnudag
Marita Petersen, fyrrum lögmað-
ur Færeyja, er látin aðeins 60 ára að
aldri. Hún greindist með krabba-
mein í sumar og lést sl. sunnudag
eftir stutta legu á Landssjúkrahús-
inu í Þórshöfn.
Marita tók við af Atla Dam sem
lögmaður Færeyja árið 1993 og var
fyrsta konan til að gegna því emb-
ætti sem hún gegndi fram í septem-
ber árið 1994. Þá gerðist hún forseti
lögþingsins og gegndi þeirri stöðu
til ársins 1995 en var eftir það al-
mennur þingmaður til ársins 1998.
Marita var fyrst kjörin á þing fyr-
ir Jafnaðarmannaflokkinn árið 1988
og fór með mennta- og dómsmál í
stjórnartíð flokksins með Fólka-
flokknum í byrjun níunda áratugar-
ins. Hún tók við formennsku í Jafn-
aðarmannaflokknum af Atla Dam
árið 1993 og gengdi formennsku til
ársins 1996. Marita var kennari að
mennt og stundaði kennslu fyrst i
Danmörku á árunum 1964-67 og
síðan heima í Færeyjum í 22 ár.
Onnur kosning
hjá Eistum
Eistneska þingið kemur aftur sam-
an í dag þar sem gerð verður önnur
tiiraun til að kjósa forseta landsins
sem fær það erfiða hlutverk að leiða
þjóðina inn í ESB og hugsanlega
einnig í NATO.
Kosið var á milli þeirra Andresar
Tarnad, fyrrum forsætisráðherra
landsins, og þingmannsins Peeter
Kreitzberg í fyrstu umferð sem fram
fór í gær en hvorugur þeirra náði 68
atkvæðum sem til þurfti.
Búist er við að Kreitzberg haldi
slagnum áfram í annarri umferðinni
og muni þar mæta háskólaborgaran-
um Peeter Tulviste sem meirihluta-
flokkarnir í þinginu höfðu heitið
stuðningi ef ekki næðist að klára
kosninguna í fyrri umferðinni.
Áfram er búist við spennandi kosn-
ingu i dag og ef til þriðju umferðar
kemur fer hún fram síðdegis.
Þingið í Perú á einu máli:
Fujimori lýstur ábyrgur
fyrir 2 fjöldamorðum
Colin Powell
Bandaríska utanríkisráðherranum
hugnast ekki kröfur arabaríkja á ráð-
stefnu SÞ um kynþáttahyggju.
Powell mætir
ekki á ráðstefnu
SÞ um rasisma
Colin Powell, utanríkisráðherra
Bandaríkjanna, ætlar ekki að sækja
ráðstefnu Sameinuðu þjóðanna um
kynþáttafordóma sem hefst i Suður-
Afríku í þessari viku vegna gagnrýni
á ísrael í ráðstefnugögnunum. Þar er
því haldið fram að ísrael láti kyn-
þáttafordóma ráða ferðinni í sam-
skiptum sinum við Palestínumenn.
Richard Boucher, talsmaður
bandaríska utanríkisráðuneytisins,
sagði fréttamönnum í gær að ekki
lægi ljóst fyrir hver yrði fulltrú
Bandarikjanna á ráðstefnunni.
Hugsanlega færi enginn.
Arabaríkin hafa krafist þess að í
lokayfirlýsingu ráðstefnunnar verði
sérstaklega vikið að ísrael.
Bondevik telur
allgóðar líkur á
stjórnarskiptum
Kjell Magne Bondevik, fyrrum
forsætisráðherra Noregs, telur
helmingslíkur á að hann komist aft-
ur til valda eftir kosningarnar í
næsta mánuði. Helsta baráttumál
kosninganna er hvernig megi end-
urskipuleggja velferðarkerfið.
Stjómmálaskýrendur segja að svo
kunni að fara að Bondevik verði í
lykilstöðu, enda þótt þriggja flokka
bandalagi hans takist ekki að fella
minnihlutastjóm Jens Stoltenbergs.
„Ég myndi segja aö það væru
helmingslíkur,“ sagði Bondevik í
gær í viðtali við Reuters fréttastof-
una. „Líkumar á að skipt verði um
ríkisstjóm eru jafnvel enn meiri.
Kosið verður 10. september.
Þingið í Perú var á einu máli í gær
um að ákæra Alberto Fujimori, fyrr-
um forseta landsins, fyrir að bera
ábyrgð á tveimur fiöldamorðum sem
dauðasveit hersins framdi. Stjórn-
völd sögðu að ákvörðun þingsins yki
líkurnar á því að Fujimori yrði
þvingaður til að snúa heim frá Japan
til að svara til saka fyrir meinta
glæpi sína gegn mannkyninu.
Þingheimur lýsti stuðningi sínum
við rannsókn þingsins þar sem Fu-
jimori er sakaður um að hafa haft
vitneskju um morð á fimmtán
manns árið 1991 og um drápin á níu
háskólastúdentum og einum pró-
fessor árið 1992.
Þingmenn ræddu ákærurnar á
hendur Fujimori í margar klukku-
stundir í gær og þegar kom að al-
varlegustu ákæruatriðunum
greiddu menn atkvæði þvert á
flokkslínur. Fujimori var forseti
Perús á árunum 1990 til 2000 og
stjórnaði landinu með harðri hendi.
Alberto Fujimori segist saklaus
Fyrrum forseti Perús, sem hér sést ræða við fréttamenn í Tokyo, segist sak-
laus af ákærum um aö bera ábyrgð á tveimur fjöldamorðum á tíu ára valda-
tíma sínum. Þing Perús lýsti hann ábyrgan í gær.
Fujimori flúði til Japans í nóvem-
ber á síðasta ári þegar hneykslismál
sem kennt er við Vladimiro
Montesinos, fyrrum yfirmann leyni-
þjónustunnar, var í hámarki. Fu-
jimori hefur notið verndar jap-
anskra stjórnvalda sem líta á hann
sem japanskan þegn, auk þess sem
ekki er í gildi framsalssamningur
milli Japans og Perús.
Saksóknari í Perú hefur þegar
lagt fram ákærur á hendur Fujimori
fyrir fiöldamorðin 1991, eitthvert
mesta grimmdarverkið á tíu ára
valdaferli Fujimoris.
Fujimori segist saklaus og hann
heldur því fram að réttarhöld yfir
honum heima í Perú yrðu ekki
sanngjörn.
Vladimoro Montesinos dúsir í
fangelsi þar sem hann bíður þess að
réttað verði yfir honum fyrir stjóm
dauðasveita og fíkniefnasmygl, svo
fátt eitt sé nefnt.
Kjötkveðjuhátíðin í Notting Hiil
Nei, þetta er ekki geimvera heldur prúöbúin ung stúlka sem tók þátt í kjötkveöjuhátíöinni í Notting Hill hverfinu í Lund-
únum i gær. Talið er að hátt í tvær milljónir manna hafí tekið þátt í hátíðahöldunum sem eru þau mestu sinnar teg-
undar í gjörvallri Evrópu. Nokkrir tugir manna voru handteknir fyrir minniháttar yfirsjónir, að sögn lögreglu.
Lennart Meri
Lennart Meri, fráfarandi forseti
Eistlands, bíður spenntur eftir
úrslitum í kosningum eistneska
þingsins um það hver muni leiða
þjóðina inn í Evrópusambandið.
I kosningaham
Frelsishetja Austur-Timora, Xanana
Gusmao, tók þessa mynd af landa
sínum í kosningaham.
Kosningabaráttan á Austur-Tímor á lokasprettinum:
SÞ vara við tilraunum til
að spilla kosningunum
Sameinuðu þjóðirnar vömðu við
því í morgun að friðarspillar gætu
reynt að eyðileggja fyrstu lýðræðis-
legu kosningamar í sögu Austur-
Timors. Fulltrúar SÞ sögðust þó
fullvissir um að ekki myndi koma
til meiriháttar átaka þegar lands-
menn ganga að kjörborðinu á
fimmtudag.
Mikið var um dýrðir í Dili, höfuð-
borg Austur-Tímors, í morgun, á
lokastundum kosningabaráttunnar.
Kjósendur flykktust í miðborgina í
morgun, margir hverjir með andlit-
ið málað í litum flokka sinna, og
veifuðu kosningaborðum.
Kosningabaráttan hefur farið
friðsamlega fram þrátt fyrir ótta
manna um að stuðningsmenn
indónesiskra stjórnvalda, sem halda
til á Vestur-Tímor, kynnu að efna til
blóðbaðs. Grjótkast aö bíl er það al-
varlegasta sem upp á hefur komið.
Xanana Gusmao, sjálfstæðishetja
Austur-Tímora og frambjóðandi til
forsetaembættisins, og fulltrúi SÞ,
Sergio Vieira de Mello, hvöttu
landsmenn til aö tryggja að ekki
kæmi til ofbeldisverka. Kosið verð-
ur um 88 þingsæti.
Hí-
SUZUKI BILAR
Skeifunni 17. Sfmi 568 51 00.