Dagblaðið Vísir - DV - 08.10.2001, Blaðsíða 12

12
MÁNUDAGUR 8. OKTÓBER 2001
Skoðun I>V
Spurning dagsíns
Trúirðu á drauga?
Vignir Már Eiðsson nemi:
Nei, ég trúi ekki á drauga.
Una Dögg Evudóttir nemi:
Já, ég myndi segja það.
Stefán Þór Hannesson nemi:
Nei, ég trúi ekki á drauga.
Kristín Helen nemi:
Já, eða kannski frekar á einhvers
konar anda.
Kristín María Ingvadóttir nemi:
Já, ég trúi að það sé fólk
í kringum okkur.
Sonja Leifsdóttir nemi:
Nei, alls ekki.
Auðlindir og óréttlæti
Burt meö gjafakvótann.
Samfylkingin vill afnema gjafakvótann og opna fyrir nýliðun í greininni með þvi að
fyrna ákveðið magn aflaheimilda á ári.
Kvótakerfið er
smánarblettur á
íslensku samfé-
lagi, þar átti sér
stað mesta eigna-
tilfærsla íslenskr-
ar stjórnmála-
sögu. Þjóðin
missti lögsögu yfir
fjöreggi sínu; sam-
eiginlegri auðlind
fiskimiðanna. Um
þetta makalausa
óréttlæti stendur forysta Sjálfstæðis-
flokksins dyggan vörð, en yfirskinið
um sáttina er nú úti í veðri og vindi
eftir að endurskoðunarnefndin um
stjórnkerfi fiskveiða margklofnaði í
afstöðu sinni. Sjávarútvegsráðherra
mistókst að ná sátt um réttlæti í
stjórnun fiskveiða. Á því prófi kolféll
ráðherrann.
Samfylkingin vill afnema gjafa-
kvótann og opna fyrir nýliðun í
greininni með því að fyrna ákveðið
magn aflaheimilda á ári. Veiðiheim-
ildirnar verða síðan leigðar út á
markaði þannig að dugmiklir menn
geti haslað sér völl í útgerð með eðli-
legum hætti. Þannig hættir braskið
með veiðiheimildir manna í millum
og þjóðin fær greitt sanngjarnt og hóf-
legt gjald fyrir afnot af auðlindinni.
Sama á að sjálfsögðu að gilda um
aðrar auðlindir íslensku þjóðarinn-
ar. Hóflegt gjald skal innheimt fyrir
afnotin um leið og eignarhald rétt-
mætra eigenda er tryggt. Með þessu
móti er komið á réttlæti í umgengni
við auðlindir landsins. Upptaka
auðlindagjalds og fullt aðhald í rík-
isfjármálum hefði einnig i fór með
sér að unnt yrði að lækka skatta og
álögur á almenning.
„Með þessu móti er komið á
réttlœti í umgengtii við
auðlindir landsins. Upp-
taka auðlindagjalds og fullt
aðhald í rikisfjármálum
hefði einnig í för með sér að
unnt yrði að lœkka skatta
og álögur á almenning. “
Samfylkingin er eini stjórnmála-
flokkurinn sem hefur sett fram full-
mótaðar tillögur um s'tjórnkerfi
fiskveiða. Þær veita öllum íslend-
ingum sömu tækifæri til að hasla
sér völl í sjávarútvegi; strandbyggð-
irnar fá að njóta nálægðar sinnar
við miðin; og tekið er á vanda
byggðarlaga sem eiga við atvinnu-
vanda að etja vegna skorts á hrá-
efni; þá tryggja þær smábátaútgerð-
inni sérstaka möguleika. Auk þess
tryggja þær að þeir sem fá að nýta
auðlindina greiða samfélaginu gjald
fyrir afnotin.
Jóhann Ársælsson, þingmaður
Samfylkingarinnar, var fulltrúi
flokksins í endurskoðunamefnd-
inni. Kjarninn í tillögum hans og
flokksins er að til nýtingar á tima-
bili fiskveiðiáranna 2002-2003 til og
með 2007-2008 verði gefnir út og
seldir á opnum almennum markaði
samningar um aflahlutdeild sem
svarar 5% allra aflahlutdeilda hvert
ár. Sá grundvöllur sátta sem Jó-
hann leggur til er að á fyrrnefndu
tímabiii fái handhafar þeirra afla-
hlutdeilda sem ekki hafa áður verið
gerðir samningar um til sín and-
virði samninganna en andvirði end-
urseldra samninga falli til ríkis-
sjóðs. Með þessu móti og með aðferð
jafnaðarmanna yrði komið á rétt-
læti í stjórnun fiskveiða og nýtingu
annarra auðlinda.
R-listinn á kafi í rusli:
Flosi flúði borgina
Það kom hér um
daginn góður gestur
til bæjarins, hann á
heima uppi í Reyk-
holtsdal í Borgar-
flrði. Hann er fæddur
og upp alinn í Kvos-
inni í Reykjavík, eng-
inn þekkir bæinn
sinn betur, enginn
hefur lofað Kvosina oftar en hann,
enginn hefur skrifað meira um Kvos-
ina, meira að segja gefið út hljóð-
snældur um herlegheitin. Allt sem
kemur frá honum á prenti og tali er
drepfyndið, þetta er að sjálfsögðu
Flosi Ólafsson, leikari með meiru.
En nú var Bleik brugðið: Sic
transit gloria mundi.
Þegar Flosi hafði ráfað um bæinn
sinn gamla gat hann ekkert sagt
annað og kom ekkert annað i hug
„Um Austurstrœti segir Flosi:
„Austurstrœti er hreint út
sagt alveg viðbjóðslegt, ég
flúði úr bænum upp í sveit,
Borgarfjörð. “
en að segja: allur miðbærinn er orð-
inn eins og einn allsherjar sorp-
haugur, (Fréttablaðið þann 25.
sept.). Flosi er alltaf sami vinstri-
maðurinn þó hann segist ekkert
vita hvað hann er, hann viðurkenn-
ir ekki alveg af hverju bærinn er
svona en segir að þetta hafi stór-
versnað undanfarin ár.
Um Austurstræti segir Flosi:
„Austurstræti er hreint út sagt al-
veg viðbjóðslegt, ég flúði úr bænum
upp í sveit, Borgarfjörð.“
Þetta er þungur áfellisdómur yfir
R-listanum og hans liði. Ég held að
R-listinn sé farinn að horfa á þetta
sem eitthvert náttúrulögmál að
þurfa aö hafa þetta svona. En Flosi
gleymdi að nefna allan þann viðbjóð
sem rekstur á annaö hundrað bjór-
búllna veldur í bænum og allt sem
þeim fylgir, jafnvel fólk sem hent
hefur verið út á götu og á hvergi
höfði sinu að að halla.
Alltaf er þeim að fjölga sem
blöskrar stjórnleysi R-listans jafn-
vel þótt þeir sömu hafi komið þess-
ari óværu til valda í borginni vorið
1994. Það er svo sannarlega kominn
tími til að koma þessu fólki frá völd-
um svo hægt sé að koma skikk á
borgina, laga og fegra það sem R-
listinn hefur af sér gert í nær átta
ár. Látum ekki erlenda fréttamenn
og ferðafólk koma hingað til að sjá
þetta fyrirbæri og hlæja að okkur
lengur.
Karl Ormsson
skrifar:
Stjáni blái
Garri hefur verið að dást að kjarki Kristjáns
Þórs Júlíussonar á Akureyri en fyrir helgina
hrinti hann úr vör heilmikilli auglýsingaherferð
um ágæti Akureyrar sem bæjarfélags. Kristján
er slíkt kjarkmenni að það minnir einna helst á
pólitískan Stjána bláa, enda hafa útilegur og
skútuhark vissulega sett á Kristján mark. Eftir
því sem skilja mátti á fréttum DV af málinu
verður þessi herferð öll á jákvæðu nótunum og
til þess fallin að sýna höfuðborgarbúum og öllu
hinu landsbyggðarliðinu að Akureyri sé nútíma-
bær þar sem allt sé í fullum gangi. Enda munu
auglýsingamar vera fullar af fallegu fólki við
leik og störf þar sem nokkrum vel völdum slag-
orðum um ágæti bæjarfélagsins og bæjarstjórn-
arinnar er bætt inn á myndina. Mikilvægast af
öllu er þó að auglýsingarnar verða sýndar á Ak-
ureyri líka - m.a. í bæjarsjónvarpinu sem hvergi
sést nema í bænum. Rökin fyrir því - sem í
sjálfu sér eru ekki verri en hver önnur - eru að
það þurfi ekki hvað sist að sannfæra þá sem séu
að hugsa um að flytja úr bænum um að þeir eigi
að vera um kyrrt.
Mikill fögnuður
Allt þetta ætla skattborgarar á Akureyri að
borga og samkvæmt fréttum munu herrlegheitin
kosta um 6 milljónir í þess-
um áfanga. Garri fagnar
þvi að sjálfsögðu ef þetta
verður til þess að opna
augu einhverra fyrir því að
á Akureyri og víðar á
landsbyggðinni er lífið ekki
endilega einhæfur saltfisk-
ur, ekki slor og svefn, eins
og svo margir virðast
halda. Ekki veitir nú af að
leiðrétta ranghugmyndir í
hvaða formi sem þær birt-
ast. En fógnuðurinn yfir
þeirri sannleiksopinberun
er þó ekki nema smámunir
hjá fógnuði Garra yfir því
að hafa loksins fundið ís-
lenskan stjórnmálamann,
Sjána bláa, sem fær djarfar
hugmyndir og þorir að
framkvæma þær. Kristján Þór eða Stjáni blái er
maður Garra eftir þessa uppákomu.
Fram að kosningum
í staðinn fyrir endalaust væl stjórnmálamanna
um hvað það sé dýrt að standa í kosningabaráttu
er hér nú kominn maður
sem finnur nýjar leiðir.
Stjáni blái lætur auðvitað
skattborgarana sjá um að
kosta sína kosningabar-
áttu með því að auglýsa
þann glæsilega bæ sem
hann hefur skapað síðast-
liðin fjögur ár. Enda stend-
ur til að sýna auglýsing-
arnar í allan vetur og
fram í mars á næsta ári.
Þetta mætti náttúrlega
orða með þeim hætti að
það á að sýna þessar aug-
lýsingar nánast fram að
kosningum. Svona eiga
menn að tækla hlutina og
slá margar flugur í einu
höggi - spara sér kosn-
ingabaráttu og verða vin-
sæll frumkvöðull í byggða-
stefnu í leiðinni! Það verð-
ur svo alltaf tími til að
leysa leiðindasmámál sem
upp kynnu að koma eftir kosningarnar ef auglýs-
ingarnar virka vel. Smámál eins og það hvar
nýja fólkið sem vill koma og lifa i þessum fallega
framúrstefnubæ á að búa og við hvað það á að fá
vinnu. Stjáni reddar þvi bara
þegar þar að kemur. GðlTI
Hvers vegna?
Ég var að horfa
á Akureyrarsjón-
varpið þar sem
sýnt var frá kynn-
ingarfundi á Ak-
ureyri þar sem
kynnt var sala á
Landssímanum.
Þegar ég var að
hlusta á Hrein
Loftsson og Þórar-
in Viðar lýsa
ágæti Landssímans sem fyrirtækis
þá varð mér á að hugsa hvers vegna
ríkissjóður mætti ekki eiga þetta
ágæta fyrirtæki áfram og hafa af því
tekjur sem væri hægt að nota til
þess að greiða niður skuldir rikis-
sjóðs. Einmitt það virðist vera gul-
rótin sem er lögð fyrir almenning til
að fá hann til þess að samþykkja
söluna á þessu ágæta fyrirtæki
sínu. Ég skil ekki þessa pólitík að
rétta þessi fyrirtæki til manna sem
virðast eiga nóga peninga fyrir.
Skiptu um flokk,
Einar Oddur!!
Áfram, áfram,
Einar Oddur,
ílyttu þig um
flokk. Farðu í
Framsókn og
fylgdu eftir þinni
skoðun á sparnaði
í ríkisrekstri, að-
allega í ríkisveisl-
um og utanlands-
ferðum ríkisstarfs-
manna sem við al-
mennir borgarar erum oft að
hneykslast á. Allur sá fjáraustur
sem fer í þetta bruðl sem við,
óbreyttir borgarar, þurfum að borga
úr eigin vasa, er til háborinnar
skammar. Sæktu þvi fram, Einar
Oddur. Og við aðra þingmenn vil ég
segja: Fylgiði Einari Oddi eftir, sjá-
ið til þess að veislu- og ferðaglaðir
ráðherrar og þingmenn opni veskin
sín og borgi sjálfir fyrir skemmtan-
ina eins og aðrir gera.
íslensk leyniþjón-
usta
Sjgþrúöur^Friöriksdóttir hringdb
Nú er komið í ljós að hryðju-
verkamenn fara um allan heim, setj-
ast að i löndum og undirbúa illvirki
sín. Hér á landi þarf að fylgjast náið
með fólki sem hingað kemur og sest
að á íslandi, ekki síst úr arabaheim-
inum. Ég segi þetta ekki vegna þess
að ég hafi horn í síðu erlends fólks
sem sest hérna að. Ég segi þetta að
gefnu tilefni og vegna þess að vitað
er að lögreglan leitar að tengslum
hryðjuverkamanna við erlent fólk
sem hér býr. íslendingar eiga víst
enga leyniþjónustu, aðeins illa
mannaða lögreglu, en vissulega er
þörf á því að fylgjast vel með þeim
sem hér vilja búa og lifa. Kannski
þurfum við að stofna vísi að leyni-
þjónustu. Aldrei er að vita hvernig
fólk slæðist með annars ágætu fólki
sem hér hefur sest að.
Bin Laden og Bush
Sigurjón Jónsson skrifar:
Ragnar Stefáns-
son skrifaði nýlega
blaðagrein þar sem
hann fjallaði meðal
annars um hryðju-
verk. í greininni
leggur hann að jöfnu
bin Laden annars
vegar og forseta Bandaríkjanna
hins vegar. Sá samanburður er væg-
ast sagt kyndugur. Enn eru til menn
sem eru svipaðs sinnis og þeir voru
fyrir fall járntjalds og Berlínar-
múrs. RS verður tíðrætt um
sprengjur, stórar og smáar, og er ég
sammála því að varlega beri að fara
með sprengiefni sem finnst á ólík-
legustu stöðum.
DVl Lesendur
Lesendur geta hringt allan sólarhring-
inn í síma: 550 5035.
Eöa sent tölvupóst á netfangiö:
gra@dv.is
Eöa sent bréf til: Lesendasíða DV,
Þverholti 11, 105 Reykjavík.
Lesendur eru hvattir til aö senda mynd
af sér til birtingar meö bréfunum á
sama póstfang.
Kristjana
Vagnsdöttir
hringdi:
Brynjóifur
Brynjölfsson
skrifar: