Dagblaðið Vísir - DV - 21.05.2003, Qupperneq 15

15
MIÐVIKUDAGUR 21. MAÍ 2003
P'V_________________________________________________________________________________________ Menning
Leiðin á tindinn
Tónmenntaskóli Reykjavíkur á fimmtíu ára
afmæli um þessar mundir og af því tilefni voru
haldnir tónleikar á sunnudaginn og mánu-
dagskvöldið í Salnum í Kópavogi. Á efnis-
skránni voru nokkrar af helstu perlum tónbók-
menntanna og voru flytjendur nánast allir
gamlir nemendur úr skólanum. Þó voru þetta
ekki nemendatónleikar heldur er tónlistarfólk-
ið allt í fremstu röð íslenskra listamanna.
Þarna voru fiðluleikararnir Sigrún og Sigur-
laug Eðvaldsdætur, Gunnar Kvaran sellóleik-
ari, Ásdís Valdimarsdóttir víóluleikari, Nína
Margrét Grímsdóttir píanóleikari og fleiri og
fleiri. Segir þetta ýmislegt um gæði skólans og
kennslunnar sem þar fer fram; hvar væri ís-
lensk tónlistarmenning og það frægðarorð sem
af henni fer ef tónlistarkennsla hér væri léleg
eða ekki fyrir hendi? Það kemst enginn á tind-
inn án góðrar leiðsagnar, ekki einu sinni
Björk Guðmundsdóttir, enda stundaði hún
nám í Tónmenntaskólanum á sínum tíma.
Tónleikarnir á mánudagskvöldið hófust á
því að Gunnar Kvaran lék þrjá kafla úr Svítu
nr. 1 í G-dúr eftir Bach. Var það vel við hæfl
því Gunnar var einn af fyrstu nemendum dr.
Heinz Edelsteins, stofnanda skólans og fóður
Stefáns, sem hefur verið skólastjóri undanfar-
in fjörutíu ár. Gunnar spilaði ákaflega fallega,
túlkim hans var yfirveguð en einnig einlæg og
fékk flæðið, sem einkennir tónlistina, að njóta
sín óáreitt.
Næst á dagskrá var Serenaða fyrir strengi í
C-dúr op. 48 eftir Tchaikovsky sem sextán
manna strengjasveit spilaði. Flestir í sveitinni
voru einu sinni „litlu bömin hennar Gígju Jó-
hannsdóttvu:“, eins og maður nokkur orðaði
það við mig í hléinu á eftir, en Gígja er fiðu-
leikari og kennir enn við skólann. Nú eru litlu
börnin orðin stór og var leikur þeirra afburða-
góður; tæknilega gat maður ekki heyrt eina
einustu misfellu. Samspilið var hámákvæmt
Gunnar Kvaran
. Túlkun hans varyfirveguö en einnig einlæg.
og allar nótur á sínum stað. Túlkunin var
þrungin spennu og dramatískum andstæðum,
stígandin var úthugsuð og hápunktamir - sem
nóg var af - voru ávallt sannfærandi. Þetta er
sérlega fagurt verk, laglínurnar hrífandi og
ómuðu í höfðinu á manni lengi eftir að síðasti
tónninn dó út.
Eftir hlé spilaði Sigurbjörn Bernharðsson
stutta tónsmíð, Rezitativo og Scherzo eftir
Fritz Kreisler, grípandi tónlist sem er stútfull
af háskalegum heljarstökkum á milli strengj-
anna. Leikur Sigurbjörns var kraftmikill og
vandaður í senn og nánast fullkominn tækni-
lega.
Sömu sögu er að segja um lokaatriði efnis-
skrárinnar, píanókvintett í Es-dúr op. 44 eftir
Sigurbjörn Bernharösson
Leikur hans var kraftmikill og vandaöur í senn.
Schumann. Sigurbjöm var þar einn af fimm-
menningunum, hinir voru Sif Tulinius fiðlu-
leikari og Sigurður Bjarki Gimnarsson selló-
leikari auk fyrmefndrar Ásdísar Valdimars-
dóttir og Nínu Margrétar Grímsdóttur. Leikur
þeirra allra var stórglæsilegur, samspilið hnit-
miðað og heildarhljómurinn sérstaklega falleg-
ur. Upphafín manía tónskáldsins (sem taldi sig
vera í beinu sambandi við erkiengla ef hann
var í þannig skapi) komst prýðilega til skila í
magnaðri túlkuninni og var heildarútkoman
alveg eins og hún átti að vera.
Þetta voru frábærir tónleikar með
framúskarandi tónlistarfólki; megi tónlistar-
kennsla í íslandi halda áfram að blómsta um
ókomna tíð. Jónas Sen
Milljón holur í bíó
Unglinga-
skáldsagan Milljón
holur eftir Louis
Sachar hreppti öll
helstu bama- og
unglingabókaverð-
laim þegar hún
kom út í Banda-
ríkjunum 1999 og
hér heima fékk
þýðing Sigfríðar Björnsdóttur og
Ragnheiðar Erlu Rósarsdóttur
Barnabókaverðlaun Fræðsluráðs
Reykjavíkur sem besta þýdda bók-
in á árinu 2002. Nýlega var frum-
sýnd kvikmynd vestra eftir sög-
unni undir stjóm Andrew Davis.
Höfundur samdi sjálfur handritið
en framleiðandi er Disney.
Kvikmyndagagnrýnendur hæla
myndinni fyrir að vera trú hnyttn-
um anda sögunnar og snúinni at-
burðarás. Umsögnin í New York
Times bar yfirskriftina: Ekki bara
fyrir börn - Spennandi dæmisaga
um græðgi, örlög og rasisma. Þar
stóð m.a. að óslökkvandi löngun
stálpaðra krakka í bókina bæri
ekki að vanmeta, þetta væru
kröfuhörðustu lesendurnir. Og
fullorðnir sem hefðu lesið hana
líka skildu hvers vegna: Boðskap-
ur bókarinnar er skýr, persónurn-
ar flóknar, tónninn einstakur þar
sem saman fer lotningarlaus
húmor og innilegustu tilfinningar
og - það sem mestu skiptir - pott-
þétt flétta.
Aðalhlutverkið er í höndum
hins unga Shia LaBeouf en einnig
fara með hlutverk í myndinni
Sigoumey Weaver, Jon Voight,
Tim Blake Nelson, Eartha Kitt og
Patricia Arquette.
Slóðin
http://disney.go.com/disneypictures/holes/
vísar á skemmtilega umfjöllun um
myndina.
IMMBflBI

AUGLYSTU SLÁTTUVÉLAR, GASGRILL, TIMBUR,
GARÐÁHÖLD, HEITA POTTA, TRJÁFELLINGAR,
HELLULAGNIR EÐA HVAÐEINA SEM TENGIST
GRÓÐRI OG GÖRÐUM FYRIR...
950 kr.
Esa 5505ooo smáaugl lýsingar
SÍMI550 5000 • RAFPÓSTUR:smaauglysingar@du.is • www.smaauglysingar.is