Dagblaðið Vísir - DV - 26.05.2003, Blaðsíða 4

4
MÁNUDAGUR 26. MAÍ 2003
DV
Fréttir
Forstöðumaður upplýsinga- og kynningarmála Símans um fjárdráttinn í fyrirtækinu:
Vitum ekkert hvar
þessar tölur enda
Endurskoðendur
munu hefja yflrferð
á öllum verkferlum
í bókhaldi og fjár-
málum Símans nú í
vikunni. Tilefnið er
fjárdráttur fyrrum
aðalgjaldkera fyrir-
tækisins, Svein-
björns Kristjáns-
sonar, úr sjóðum
þess. Eins og fram hefur komið hef-
ur hann nú verið úrskurðaður í
gæsluvarðhald. Einnig eru komnir
undir manna hendur vegna þessa
máls þeir Ámi Þór Vigfússon, fv.
sjónvarpsstjóri SkjásEins og Krist-
ján Ra Kristjánsson, fv. fjármála-
stjóri stöðvarinnar, en hann er
einmitt bróðir Sveinbjöms. Gæslu-
varðhaldsúrskurðurinn hefur verið
kæröur til Hæstaréttar.
Efnahagsbrotadeild Ríkislögreglu-
stjóra fer með rannsókn þessa máls.
Fram hefur komiö í fréttum að
Sveinbjöm Kristjánsson hafði játaö
fjárdráttinn og verið samstaifsfús
við lögreglu. Einnig að Ámi Þór
Vigfússon og Kristján Ra bæra að
hér væri um að ræða lán Símans til
þeirra. Helgi Jóhannesson hrl., sem
er lögmaður Sveinbjöms, vildi ekki
tjá sig um málefni skjólstæðings
síns þegar DV leitaði eftir því í gær-
kvöld.
Ekki trúverðugt
„Það er ekki trúverðugt ef þeir
menn sem nú sitja inni vegna þessa
dapurlega máls bera því við að þeir
fjármunir sem þeir höfðu af Síman-
um hafi verið lánveiting. Slíka lána-
starfsemi stundar Síminn ekki,“
segir Heiörún Jónsdóttir, forstööu-
maður upplýsinga- og kynningar-
mála Símans, í samtali við DV.
„Þessir ungu athafnamenn í við-
skiptalífmu, sem hér um ræðir, eiga
að vita slíkt. Aðalgjaldkeri Símans
hefur, eðli málsins samkvæmt, enga
heimild til þess að afgreiða lán til
utanaðkomandi aðila - hvað þá til
bróður síns. Athafnamenn í at-
vinnulífmu þekkja allir hvernig lán-
veitingar ganga fyrir sig; þær eru
ekki afgreiddar af almennum starfs-
í gæsluvarðhaldi
Kristján Ra Kristjánsson þegar hann
kom fyrir Héraösdóm þar sem hann
var úrskuröaöur i gæsluvaröhald.
mönnum og þaðan af síður eigi ná-
kominn aðili í hlut. Þeim ætti að
vera Ijóst að háttsettir starfsmenn
hafa svona mál með höndum og
svona lán væru ekki afgreidd nema
með skuldaviðurkenningu og trygg-
ingum fyrir upphæðinni. í þessu til-
viki hefur heldur aldrei verið samið
um endurgreiðslu lánsins. Það ætti
öllum að vera ljóst að hér gæti
aldrei verið um eðlilega lánveitingu
aö ræða, einkum athafnamönnum í
viðskiptalíflnu.“
Verulega brugðið
Heiðrún segir að starfsmönnum
Símans hafi verið, þegar þetta mál
kom upp, „verulega brugðið", eins
og hún komst að orði. Hún segir
Ríkisendurskoðun og innri endur-
skoðanda hafa til þessa annast end-
urskoðun á rekstri Símans.
PriceWaterhouseCoopers hafi farið
yfir rekstur fyrirtækisins og áætlan-
ir þess þegar unnið var að sölu Sím-
ans fyrir tæpum tveimur árum. Það
fyrirtæki hafi þó ekki framkvæmt
endurskoðun hjá fyrirtækinu.
Að öðru leyti kvaðst Heiðrún ekki
vifja tjá sig um málið, enda væri það
í rannsókn lögreglu. „Ég get engar
tölur staðfest í þessu sambandi,
enda vitum við ekkert hvar þær
munu enda,“ sagði Heiörún. Þó má
geta þess að í fréttum af þessu máli
hafa gjaman verið nefndar tölur um
og í kringum 150 milljónir króna -
og jafnvel hærri í sumum tilvikum.
-sbs
Árni Þór Vigfússon:
í góðri tpú um
að peningapnip
væpu lán
Hæstiréttur mun í dag taka til
umfjöllunar kæru þá sem lögð var
fram á föstudag vegna gæsluvarð-
haldsúrskurðar yfir Sveinbirni
Kristjánssyni, fyrrum aðalgjald-
kera Símans, og Áma Þór Vigfús-
syni og Kristjáni Ra Kristjáns-
syni, löngum kenndum við Skjá-
Einn. Það er Einar Hálfdánarson
sem er lögmaður Árna en Ásgeir
Þór Árnason fer með mál Krist-
jáns Ra. Eins og fram kemur ann-
ars staðar í blaðinu er Helgi Jó-
hannesson lögmaður Sveinbjörns.
Samkvæmt heimildum DV mun
Árni Þór lítið kannast við þetta
mál. Hann er sagður hafa alla tíð
verið í góðri trú um að peningarn-
ir frá Símanum væru lánveiting
og ekkert annað. Því er haldið
fram að hann hafi ekki að öðru
leyti haft sýn yfir þetta mál, enda
voru fjármálin að mestu leyti í
umsjón Kristjáns Ra á þeim tíma
sem þeir félagar voru í forsvari
fyrir SkjáEinum.
Efnahagsbrotadeild Rikislögreglu-
stjóra annast rannsókn þessa máls,
sem er eitt umfangsmesta fjársvika-
mál sem upp hefur komið hér á landi.
Engar yfirheyrslur vegna málsins
vora haldnar um helgina. -sbs
Yfirlýsing frá SkjáEinum:
Hafa ekki lagt félaginu
til fé síðan árið 2001
íslenska sjónvarpsfélagið hf.,
sem á og rekur SkjáEinn, hefur
sent frá sér tilkynningu í kjölfar
þess að tveir af fyrram forsvars-
mönnum SkjásEins sitja nú í
gæsluvarðhaldi vegna gruns um
hlutdeild í stórfelldum auðgunar-
brotum innan Landssímans. í til-
kynningunni segir að rekstur ís-
lenska sjónvarpsfélagsins hf. hafi
verið stokkaður upp frá grunni í
september 2001 og endurskipu-
lagður. Nýir eigendur hafi þá
komið aö félaginu og lagt því til
nýtt hlutafé en að eldra hlutafé
hafi verið niðurskrifað að lang-
mestu leyti. í september 2001 hafi
þáverandi fjármálastjóri látið af
störfum hjá félaginu. Afskiptum
sjónvarpsstjóra af daglegum
rekstri félagsins hafi einnig lokið
á þessum tíma en hann hafi starf-
að við dagskrárgerð hjá SkjáEin-
um þar til um síðustu áramót.
Segir svo að mennirnir tveir hafi
ekki lagt félaginu til nýtt hlutafé
né annað rekstrarfé frá árinu 2001.
Núverandi eignarhlutur þeirra í
félaginu sé nú samtals 4,89%.
Kristinn Þ. Geirsson hefur verið
framkvæmdastjóri Islenska sjón-
varpsfélagsins hf. og prókúruhafi
síðan haustið 2001 en stjómarfor-
maður félagsins frá sama tíma er
Gunnar Jóhann Birgisson hæsta-
réttarlögmaður. -EKÁ
DV-MYND SIGURÐUR JOKULL
Genglð úr dómsal
Árni Þór Vigfússon gengur úr dómsai á föstudag eftir aö hann haföi veriö úr-
skuröaöur í tíu daga gæsluvaröhald vegna Landssímamálsins. Fremst á
myndinni er Einar Hálfdánarson, lögmaöur hans.
DV-MYND SIGJOKULL
Þarf ekki handfrjálsan búnaö
Kosturinn viö símanotkun um leiö
og barnavagni er ekiö er sá aö ekki
þarf handfrálsan búnaö. Þessi
móöir nýtti sér þægindin á göngu í
góöa veörinu.
Samskip:
Kaupa belgískt
flutningafyrirtæki
Samskip hafa keypt belgíska félag-
ið Belgo-Ruys NV í Antwerpen sem
undanfarin ár hefur verið umboðs-
aðili Samskipa í Benelúxlöndunum.
Félagið hefur fyrst og fremst sinnt
umboösþjónustu og flutningsmiðlun.
Samningurinn tekur gildi 1. júní
n.k. og verður nafni Belgo-Ruys þá
breytt í Samskip NV. Framkvæmda-
stjóri verður Bjöm Einarsson sem
jafnframt er framkvæmdastjóri Sam-
skipa BV í Rotterdam.
Samskip NV munu halda áfram
að sinna hlutverki Belgo-Ruys á sigl-
ingaleiðum milli Belgiu, Skandinav-
íu og Rússlands. JaMramt verður
fyrirtækið áfram umboðsaðili Sam-
skipa á svæðinu, sem og eistneska
skipafélagsins ESCO sem Samskip
eiga helmingshlut í.
Með kaupunum skapast tækifæri
fyrir Samskip til að styrkja enn
frekar stöðu sína á þessu markaðs-
svæði. -VB
Sjö ára drengur
fyrir strætisvagni
Sjö ára drengur varð fyrir stræt-
isvagni um klukkan fjögur í gær.
Hann var að hjóla í Norðurfelli við
Feflaskóla þegar slysið varð. Að
sögn lögreglunnar virðist sem
drengurinn hafi sloppið með mar
og skrámur en hann var fluttur
með sjúkrabíl á slysadeild til frek-
ari athugunar. Drengurinn var
ekki með hjálm á höfðinu. -EKÁ
Tiltölulega róleg helgi:
Nokkuð um ölvun-
ar- og hraðakstur
Helgin var tiltölulega róleg hjá
lögreglunni um land allt. Mikifl
mannskapur safhaðist saman í mið-
borg Reykjavíkur aöfaranótt sunnu-
dags en fólk hagaöi sér almennt vel
að sögn lögreglunnar. Þrir ökumenn
voru teknir í Kópavoginum í nótt
þar sem þeir vora grunaðir um ölv-
un við akstur. Þá var mikið um
hraðakstur á Selfossi í nótt og voru
fjórir ökumenn teknir þar vegna
gruns um ölvunarakstur. -EKÁ
Borgarneslögregla:
Þm'p handteknir
vegna kannabisefna
Lögreglan í Borgamesi fann fjög-
ur grömm af kannabisefhum í bíl
sem var stöðvaður á Vesturlands-
veginum í reglubundnu eftirliti lög-
reglunnar um klukkan fimm í nótt.
Fimm ungmenni, á aldrinum 16 til
23 ára, voru í bílnum og voru þrjú
þeirra handtekin og færð á lög-
reglustöðina. Þeim var síðan sleppt
að yfirheyrslum loknum og telst
málið upplýst. -EKÁ