Dagblaðið Vísir - DV - 18.11.2003, Blaðsíða 3

DV Fréttir
ÞRIÐJUDAGUR 18. NÓVEMBER 2003 3
Gætirðu sent mig til helvítis?
Ég er kannski einn af fáum af
minni kynslóð sem veit að það er
ljótt að sparka í liggjandi mann. En
einu sinni er allt fyrst og ég bara get
ekki staðist mátið. Omega er frábær
stöð, og nú vitið þið að ég er að
ljúga. Rennum aðeins yfir dag-
skrána. Ég held að það sé bara ein
kona sem flytur messur á stöðinni
og það gerir hún með svo miklum
kanahreim að henni liggur við
köfnun. Svo er það feiti gaurinn
sem ég hef horft á tímunum saman
og það eina sem ég man er að hann
er mjög feitur. Næst er það falski
hressi náunginn sem mætir með
falskan gítar og fölsk börn. Greyj-
unum er ekkert nema vorkunn og
maður veltir fyrir sér hvar Guð sé á
augnablikum sem þessum?
Hinir frelsuðu fyrrverandi kyn-
villingar, dópistar, spilafíklar, of-
beldismenn og alkóhólistar sem
virðast hafa gert um það bil allt
rangt í lífinu ausa síðan málhöltum
en heilögum fordæmingum hins
réttsýna og guðsblessaða yflr fólk
sem elskar rangt, elskar fólk af eigin
kyni. Ósjaldan er sýnt frá samkom-
um hinna smurðu í miðfylkjum
Bandaríkjanna þar sem nóg er af
Eiríkur Sigurbjörnsson
Sjónvarpsstjóri Omega
boðskapsþyrstu fólki til að fylla upp
í gríðarstóra leikvanga og sali.
Gaman þegar svipaðar útsendingar
eru frá „samkomum" á íslandi. Þá
er myndavélin bara á þrífót, graf-
kyrrt sjónarhorn með þröngan
ramma á Gunnar í Krossinum og
pontu hans. Maður fær strax á til-
fmninguna að það sé alls enginn í
salnum.
Líklega er enginn salur
Og það er sennilegast vegna þess
að það er enginn í salnum. Líklega
er heldur enginn salur.
En Gunnar kann ræðumennsku-
listina og að hljóma þannig að þú
gætir á einhverjum tímapunkti
haldið að hann væri hugsanlega að
tala um eitthvað í alvörunni. Þetta
lið hefur ekki bara ræðutækni til að
bera heldur einkennir bjartsýni
boðunarstarfið. Því djöfull þarftu
að vera bjartsýnn til að kynna
nunnuklaustur í. Þýskalandi sem
spennandi valkost fyrir ungar stúlk-
ur.
Svo er það uppáhaldið mitt, þeg-
ar félagið Vinir ísraels eða hvað það
nú heitir leggja undir sig sófann.
Litlir ísraelskir fánar hanga á þræði
í loftinu eins og í barnaafmæli. En
mikið andskoti er þetta súrt afmæli.
Það er fátt afmælislegt við það ann-
að en að stjórnandi þáttarins er bú-
inn að eiga mjög mörg afmæli. Og
áróðurinn er stórkostlegur. Allt sem
miður fer virðist vera Palestínu-
mönnum að kenna, allt. Þegar ísra-
elskir hermenn skjóta palestínsk
börn til bana fyrir að kasta grjóti (í
eitt skipti var mikið talað í sófanum
um hvað það gæti nú verið vont að
fá svona grjót í sig) þá er að sjálf-
sögðu við foreldra barnanna að
sakast sem senda þau vísvitandi
gegn byssum ísraelska hersins og
misnota þau þannig í þágu mál-
staðarins.
Frábær strategía það, eignast
barn, ala það upp í 12 ár og senda
það svo í grjótkast í von um að ísra-
elsk „viðvörunarskot" nái að plaffa
það niður. Já svona vinnur maður
stríð!?
Endalaust er síðan talað um að
maður sé hvergi óhultur í ísrael fyr-
ir sjálfsmorðsárásum en svo er boð-
ið upp á hópferðir til Jerúsalem
með þáttastjórnandann sem leið-
sögumann. Já, hljómar frábærlega,
best að skella sér!? Að það sé rangt
að skjóta börn fyrir að kasta grjóti
kemur málinu ekkert við, það sem
skiptir máli er að í Biblíunni stend-
ur einhvers staðar að það megi ekki
hallmæla ísrael. Sá sem það stund-
ar fer rakleiðis til Lúsífers. Já, ég
verð að segja eins og er að ef
himnaríki er á svipuðum nótum og
Omega þá veit ég sannarlega ekki
hversu spennandi staður það er.
Farið þið til himnaríkis?
Mig langar að lokum að vitna í
Hatuey nokkurn sem var seinasti
frumbyggi Kúbu til að leiða mót-
spyrnu gegn spænsku landnáms-
mönnunum. Hann náðist að lokum
og var sem heiðingi dæmdur til að
vera brenrídur á báli. Af einstöku
kristnu umburðarlyndi var honum
boðið að taka blessun klerks til að
bjarga sinni trúlausu sál frá logum
Vítis og til að fá vist í himnaríki
Guðs almáttugs. Þar sem Indíáninn
hangir bundinn á bálkestinum spyr
hann klerkinn: „Farið þið allir til
himnaríkis?" og vísaði þar til þeirra
sem höfðu drepið fólkið hans og
rænt af þeim landinu. Klerkur svar-
aði: „Að sjálfsögðu, við erum menn
guðs". Án þess að hugsa sig lengi
um segir Hatuey eitthvað á þessa
leið: „Já heyrðu, sendu mig þá frek-
ar bara til helvítis" - og ég tek und-
ir.
ErpurÞ. Eyvindarson
Spurning dagsins
Myndir þú kjósa Árna aftur?
Ég getekki
svaraðþessu
„Ég hefaldrei kosið í Suð-
urlandskjördæmi og það
stendur ekki til."
Stefán Baldursson, þjóð-
leikhússtjóri
Fyrir þoö
fyrsta hefég f' 11:
aldrei kosið
Árna, en byði m*\ '
hann sig fram
fyrir Framsókn
kæmi slíkt al-
veg til greina.
Almennt talað
fmnst mér ekk- Wmrk,
ert í hans sögu
vera þannig að hann ætti ekki að geta
hafið stjórnmáiaafskipti að nýju."
Sr. Baldur Kristjánsson, sóknarprestur.
"Því ekki það.
Svo fremi að
Árni hafi bætt
ráð sitt og lært
afmistökum
sínum kæmi
slíkt fullkom-
lega tilgreina
mætti ég kjósa
I Suðurkjör-
dæmi. Vestan afSnæfellsnesi veit ég að
menn hafa dáðst að dugnaði og atorku
Árna - og fyrir kappsama menn er hvar-
vetna þörfhaldi þeir sig innan ramma
laga samfélagsins."
Jóhannes Sigurjónsson, biaðamaður
"Mér finnst
varla vera
hægt að svara
þessu með jái
eða nei. Við
verðum að
horfa til þeirra
aðstæðna sem
uppi eru hverju sinni, en að sjálfsögðu
styð ég minn mann í blíðu jafnt sem
stríðu."
Sigurður Karlsson, verktaki á Selfossi.
"Nei, það eru
alveg skýrar
línurog ég
myndi ekki
kjósa hann.
Mér hreinlega
líkar ekki við
þennan
mann."
Páll Óskar Hjáimtýsson, söngvari.
Prýðisgóðar
pizzur
Lesendur
Elínhringdi:
Ég var sársvöng á ferð í borginni
um daginn og ranglaði þá inn á
Pizza Hut
við Suður-
landsbraut. Fékk þar kviðfylli og vel
það. Þurfti ekki að borða neitt fyrr en
næsta dag. Það sem uppúr stendur
er þó hversu sérlega bragðgóðar
pitsurnar voru. Að vísu er þetta dýr
veitingastaður, en verðmunurinn er
hinsvegar hverrar krónu virði.
Strákarnir á
spjallvefjunum
Kristrún Jónsdóttir skrifar:
Fyrir nokkrum vikum komu af
því fréttir að stúlku hefði verið
nauðgað af pilti sem hún kynntist á
spjallsíðum vefsins. Tóninn í frétt-
inni var sá að stórlega varasamt
væri fyrir stúlkur að leggja lag sitt
við pilta sem væru í leit að félags-
skap á netslóðum. Sjálf fer ég oft
inn á spjallvefina og hef þar kynnst
mörgum dáðadrengjum. í manns-
ins eðli býr að við þurfum félags-
skap annars fólks. Öll erum við
kynverur og þurfum að sinna kalli
hvata okkar. Og hver er þá eðlis-
munurinn á að finna sér förunauta
á Netinu eða á skemmtistöðum,
þar sem fólk er gjarnan illa drukkið
og fólk sér varla handa sinna skil í
reykjarkófinu. Kosturinn við Netið
er sá að þar getur fólk fyrst spjallað
nafnlaust saman til að byrja með
og kannað hvort samhljómur
finnst..
Því bið ég fólk lengstra orða um
að fara varlega við að fella dóma
um að fólk stofni til kynna fyrir til-
stilli Netsins. Reynsla mín er góð.
Gefum föngum
tækifæri
Halldór Gunnarsson skrifar:
Þegar refsifangi hefur lokið af-
plánunarvist í fangelsi hefur hann
greitt sanifélaginu til fullnustu þá
skuld sem hann stofnaði til. Óheið-
arlegt er að núa mönnum um nasir
eða láta þá gjalda þess að hafa lent
á villigötum með þeim afleiðingum
að þeir hafi lent undir manna
höndum. Samt sem áður eru for-
dómarnir gagnvart þessum mönn-
um ótrúlega miklir. Engum ofsög-
um er um það sagt að þeim mæti
samfélag úr grjóti. Til þess að ná
fram sjálfsögðum réttindum, fá
vinnu, öðlast virðingu fólks og svo
framvegis - þurfi þeir með berum
höndum að berja á grjótinu.
Árni Johnsen er laus frá Kvía-
bryggju. Þegar hann fór í bæinn á
sunnudag þurfti alls fimm vörubíla
til að flytja á brott listaverkin fal-
legu sem hann hefur mótað og
meitlað úr fjörugrjótinu. Ljóst er af
þeim að Árni er ekki aðeins atorku-
maður heldur hefur hann einnig
listræna taug. Veröldin er sjaldnast
eins og við viljum hana. En öll get-
um við hinvegar kostað kapps að
bæta hana - og lagt hvert og eitt of-
urlítinn skerf þar af mörkum. Til
dæmis með því að gefa ógæfu-
mönnum sem hafa misstigið sig
tækifæri til að komast aftur á beinu
brautina. Slíkt er beinlínis skylda
okkar.
Árni Johnsen er laus af Kvíabryggju. Hann stefnir hraðbyri inn í sam-
félagið á ný.
„Mín sérstöku leyndarmdl
voru fdtœkt, móðurleysi og geðveiki.
Þrjú bannorð
„Dásamlega
manneskjuleg."
Sigmundur Ernir Rúnarsson
MORQUNBLAÐIÐ
„Eftirminnilegt
listaverk."
Sofffa Auöur Birgisdóttir
KISTAN.IS
„Yndisleg bók."
Siguröur G. Tómasson
ÚTVARPSAGA
„Frábær, mjög fyndin."
Gisli Marteinn í þætti sfnum
„Fágæt lesning.
Þórbergur samtímans.
FRÉTTABLAÐIÐ
„Frábær, hlýleg,
manneskjuleg
og skemmtileg."
Bubbi Morthens / STÖÐ 2
„Meiriháttar bók
sem óhætt er að mæla með."
Guöríöur Haraldsdóttir / VIKAN
prentun komin
METSOLULISTI
MOKGUNBLADID
XTÍiðgnr i. nóv.