Dagblaðið Vísir - DV - 18.11.2003, Blaðsíða 18

78 ÞRIÐJUDAGUR 18. NÓVEMBER 2003
Sport DV
„Við höfðum fullan metnað
til þess að mæta með okkar
hesta lið og við töldum
okkur trú um að
leikmennirnir hefðu það
líka en því miður varð
raunm onnur.
//
Eggert Magnússon segir
leikmenn islenska landsliðsins
skorta metnað til þess að spila
vináttulandsleiki.
Eggert Magnússon, formaður KSÍ, ræðir um forföllin í
íslenska landsliðinu fyrir leikinn gegn Mexíkó:
Vorum oi linir við
ákveðna leikmenn
íslenska landsliðið í knattspymu leikur
aðfaranótt flmmtudags vináttulandsleik gegn
Mexíkó í San Francisco. Mikið hefur gengið á
í aðdraganda leiksins. Ásgeir Sigurvinsson
landsliðsþjálfari sagðist ætla að fara með sitt
sterkasta lið og KSÍ sagðist leggja mikla
áherslu á að fá bestu leikmenn liðsins f
ferðina. Þeir fengu staðfestingu á því frá
alþjóðaknattspyrnusambandinu, FIFA, að
þeir hefðu fulían rétt á því að fá alla þá
leikmenn sem þeir vildu. Þrátt fyrir það
vantar 14 fastamenn í hópinn og því verður
stillt upp varaliði gegn Mexikóum. Hver er
eiginlega ástæðan fyrir þessu? Er
Knattspyrnusamband íslands of lint í
samskiptum við félög leikmannanna í Evrópu
eða hafa íslensku atvinnumennirnir
hreinlega ekki áhuga á því að taka þátt í
vináttulandsleikjum? Þvf svarar formaður
KSÍ, Eggert Magnússon, í yfirheyrslu DV
Sport.
Hvað varð um þrýstinginn sem þið sögðust
ætla að beitafélögin til þess að fá leikmennina
lausa?
„Það var ekki á hreinu í byrjun að við
hefðum rétt á að fá þessa leikmenn í leikinn,
en við fengum staðfestingu á því frá FIFA síðar
að rétturinn væri okkar megin. Ég er ekki
ánægður með hvernig þessi mál þróuðust og
YFIRHEYRSLAN
Henry Birgir
Gunnarsson
henry@dv.is
við verðum að skoða það í kjölfar þessa leiks
og setja skýrar vinnureglur sem auðvelt verður
að fara eftir í framtíðinni."
Er KSÍoflint í samskiptum sínum viðfélög
leikmanna íEvrópu?
„Ég vil ekki segja að við séum linir í
samskiptum við félögin en kannski má segja
að við höfum verið of linir í samskiptum við
ákveðna leikmenn. Það er allt annað mál og
það verður að skoða líka. Þetta er því miður
þróunin sem hefur verið í gangi undanfarin ár.
Þarfir leikmanna hafa verið teknar fram yfir
landsliðið, en ef það er metnaður til þess að
standa sig og ná árangri í stórkeppnum þá
verðum við að vera tilbúnir að grípa til þeirra
ráða sem við höfum til þess að fá okkar bestu
menn í vináttulandsleiki. Þetta verður skoðað
á næstunni í sambandi við einstaka
leikmenn."
Telja lið í Evrópu að þau geti gengið yfir KSÍ
íþessum málum?
„Nei, þvert á móti held ég að liðin skilji það
að við munum ekkert gefa eftir. Þau voru
skjálfandi á beinunum yfir því að við myndum
leita réttar okkar og beita þau sektum. Einnig
hefðum við getað farið fram á að
leikmennirnir leiki ekki með sínum liðum
næstu helgi og verið í fullum rétti með það.
Þannig að liðin skilja það betur nú en áður
hvaða alvara er að baki og við munúm í
framhaldinu skrifa þessum félögum bréf og
útskýra okkar hlið, því við sættum okkur ekki
við að þau séu að beita okkar leikmenn
þrýstingi. Með þessu vita liðin nákvæmlega
hvar við stöndum."
Áðuren hópurinn var valinn fengu nokkrir
leikmenn frí. í kjölfarið hefur farið afstað sá
orðrómur að fleiri leikmenn hafi dregið sig út
úr hópnum því þeir nenntu ekki að fara þar
sem leikurinn vœri livort eð er orðinn
marklaus án þessara leikmanna. Er það
ásœttanlegt?
„Þetta hef ég ekki heyrt. Mér finnst það
engu að síður ekki bera vott um mikinn
karakter ef rétt er. Ég vil líka benda á að ég var
mikið gagnrýndur fyrir nokkrum misserum
síðan þegar ég sagði að æfmgaleikir ættu ekki
lengur rétt á sér. Mér flnnst þetta dæmi enn
frekar sanna það því þegar við náum
æfingaleik gegn liði sem er á topp tíu á FIFA-
listanum þá virðast margir okkar leikmanna
ekki hafa metnað til þess að mæta á leikinn,
því þetta er æfmgaleikur. Þegar það var samið
um þennan leik höfðum við metnað til þess að
mæta með okkar besta lið og við töldum okkur
trú um að leikmennirnir hefðu það líka en því
miður varð raunin önnur. Það er alltaf hægt að
skamma félögin en á endanum er þetta líka
undir leikmönnunum komið. Við gefum eftir
gagnvart leikmönnunum en ekki gagnvart
félögunum."
Arnar Grétarsson gaf upphaflega ekki kost á
sér í leikinn vegna meiðsla en sá sér engu að
síður fœrt að leika með Lokeren á
laugdardaginn í bikarnum gegn neðri
deildarliði. Hvað finnstþér um það?
„Arnar tjáði landsliðsþjálfurunum að hann
væri meiddur á nára en léki samt eitthvað með
liðinu. Þetta er mál sem er á ábyrgð þjálfarans
og ég treysti honum til þess að taka ábyrga
afstöðu í því.“
Hefðu leikmenn liðsins skilað sér mjög seint
aftur til síns lands sökum þess hve leikurinn er
langt í burtu?
„Við vorum búnir að gera allt sem í okkar
valdi stóð til þess að leikmenn sem leika á
meginlandi Evrópu kæmust heim seint á
fimmtudeginum. Við áttum að fá
lögreglufylgd beint eftir leik út á flugvöll svo
menn kæmust með fyrstu vél heim. Því hefðu
allir átt að komast í sitt rúm á
fimmtudagskvöldinu. Með því hefðu
leikmenn ekki verið að skila sér mikið seinna
en ef þeir hefðu verið að spila í Evrópu en að
sjálfsögðu spilar inn í langt flug sem þreytir
menn. Svo má ekki gleyma hinni hliðinni því
að ef við hefðum beitt öllu okkar afli til þess að
fá mennina á leikinn þá hefðu þeir kannski
misst sæti sitt hjá félagsliðinu og það er ekki
gott fyrir landsliðið því við þurfum á því að
halda að okkar bestu menn séu að spila."