Dagblaðið Vísir - DV - 01.12.2003, Page 19
DV Fókus
MÁNUDAGUR 1. DESEMBER 2003 19
0 Leikkonunni Nicole Kid-
man fannst það mikill heið-
ur að fá að leika þernu í
nýjustu mynd sinni, The
Human Stain, þar sem hún
leikur á móti Anthony Hop-
kins. I myndinni þrífur hún
m.a. klósett sem hún segir
frábært og minni
hana á þann
tíma þeg-
ar hún
sem ung
stúlka vann
við þá iðju.
„Þetta er akkúrat
hlutverk sem ég
vildi leika,"
sagði leikkonan í viðtali við
ComingSoon.net. „Það var
mér mikill heiður að fá að
leika þetta hlutverk þar
sem ég vann sem herberg-
isþerna á árum áður í
Sydney."
• Söngkonan Brimey Spe-
ars hefur oft á tíðum leitað
til Madonnu til að fá ráð-
leggingar um poppstjörnu-
feril sinn. „Ég lít á hana
sem litlu systur mína. Hún
biður mig oft um ráðlegg-
ingar og reyni ég að hjálpa
henni eins og ég
get,“ sagði
Madonna í
spjallþætti Jay
Leno. „Ég reyni
að leiða hana
inn á rétta
braut og
kem henni
í skilning
um að
hún getur
ekki tekið
mark á öllu
sem hún heyr-
ir. Ég skil vel allt sem hún
er að ganga í gegnum og
hjálpa henni af eigin
reynslu," sagði söng- og
leikkonan að lokum. En til
gamans má geta þess að
þær „systur“ fóru í sleik á
MTV-tónlistarverðlauna-
hátíðinni núna nýverið, því
reltir maður því fyrir sér
hvernig er í fjölskylduboð-
um hjá Madonnu.....
• Kynlífsmynd með
Strandvarðagellunni Genu
Lee Nolin gengur nú um á
Netinu. Ljósk-
an Gena fækk-
ar fötum í
myndbandinu
fyrir Greg
Fahlman og
fullnægir hon-
um kynferðislega. Mynd-
bandið var tekið upp af
þeim tveimur á tíunda ára-
tugnum. Myndbandsfram-
leiðandinn Greg og Gena
Lee skildu árið 2001. Hann
hafði þetta að segja: „Ef ég
gerði einhvern tímann
myndband myndi ég aldrei
selja það". Hin 32 ára Gena
hefur ekki enn tjáð sig um
málið. Þessar fréttir minna
óneitanlega á frægt mynd-
band Pamelu Anderson og
Tommy Lee og verður for-
vitnilegt að sjá hvort þetta
myndband nær viðlíka út-
breiðslu.
• Meira en sex milljónir
manna horfðu á sjónvarps-
þáttinn Top Of The Pops í
Bretlandi á
föstudags-
kvöldið. Þátt-
urinn hafði
verið í pásu
um nokkurt
skeið vegna
dalandi áhorfs en var nú
hleypt aftur af stokkunum
með þessum líka hvelli.
Það voru Kylie Minogue og
Will Young sem voru aðal-
númerin í þættinum þetta
kvöld en einnig mátti sjá
Elton John, Robbie Willi-
ams, Victoriu Beckham og
The Darkness.
Myndasöguhöfundurinn Neil Gaiman er einn sá virtasti á sínu sviði. Hann er
talinn sá fyrsti sem sameinar heim teiknimyndasagna og fagurbókmennta og sækir
að auki innblástur til íslands.
Gaiman er ef til vill fyrsti höfundurinn til að
sameina heim teiknimyndasagna og fagurbók-
mennta á sannfærandi hátt, og teiknuðu bæk-
urnar um Sandman, sem komu fyrst út árið 1989
hafa höfðað jafnt til bókmenntafræðinga og fag-
urkera sem og unglinga. Jarðvegurinn hafði þó
verið undirbúinn, því árið 1986 hafði maður að
nafni Frank Miller skrifað sögurnar The Dark
Knight Returns, sem fjalla um tiivistarkreppu
Batmans á efri árum. Spurningum um siðferði
manns sem starfar utan laganna er velt upp, og
sögurnar þóttu myrkari og fullorðinslegri en
áður þekktist í myndasöguheimum. Sama ár
komu út sögurnar Watchmen eftir Alan Moore,
sem einnig gáfu aðra sýn á hina hefðbundnu
hetjuímynd, og þegar fyrsta Sandman-sagan
birtist voru teiknimyndasögur því í þann mund
að verða viðurkenndar sem lesefni íyrir full-
orðna.
Reynt að handsama dauðann
Sögumar segja frá hóp galdramanna sem
reyna að handsama Dauðann sjálfan, en í stað
þess klófesta þeir bróður hans, Draum. Draumur
er fangi þeirra mestalla 20. öldina, en sleppur
svo og þarf að takast á við þær breytingar sem
hafa orðið í ijarveru hans. Sögurnar urðu geysi-
vinsælar og seldust í milljón eintökum á ári,
ásamt því að verða fyrsta myndasagan sem vann
til bókmenntaverðlauna. Eftir sjö ára sigurgöngu
urðu lesendur blaðana fyrir miklu áfalli þegar
tilkynnt var í 75. tölublaði að serían væri hætt að
koma út, þrátt fyrir stöðugar vinsældir.
Neil Gaiman var þó hvergi nærri horfinn.
Hann hélt áfram að gefa út margvíslegar mynda-
sögur og gaf líka út sína fyrstu barnabók, The Day
I Swapped my Dad for Two Goldflsh. Eitt stærsta
verkefni hans Var BBC þáttaröðin Neverwhere,
sem kom út árið 1996, og varð að bók ári síðar.
Eftir að hafa átt stóran þátt í að gera myndasögur
að virtu listformi var Gaiman nú farinn að undir-
búa jarðveginn fyrir að brjóta sér leið inn í skáld-
sagnaheiminn. Arið 1997 kviknaði hugmynd að
annarri bók, en þó gekk erfiðiega fyrir hann að
koma henni niður á blað.
Lausnin finnst á íslandi
Það var ekki fyrr en að hann kom til Islands
ári síðar sem hann loks náði áttum. Á heimasíðu
sinni segir hann svo frá: „í júlí 1998 hafði ég farið
til Islands, á leiðinni til Noregs og Finnlands.
Kannski var það vegalengdin frá Bandaríkjunum,
eða kannski var það svefnleysið sem tilheyrði
ferðalagi til lands miðnætursólarinnar, en skyndi-
lega, einhvers staðar í Reykjavík komst bókin í
fókus...ég skrifaði útgefanda mínum og stakk upp
Kannski var það vegalengdin
frá Bandaríkjunum, eða
kannski varþað svefnleysið
sem tilheyrði ferðalagi til
lands miðnætursólarinnar,
en skyndilega, einhvers stað-
ar í Reykjavík komst bókin í
fókus..."
á að American Gods yrði vinnuheitið."
Bókin American Gods kom svo út árið 2001.
Hún fór á toppinn á New York Times metsölulist-
anum, og vann til fjölda verðlauna. Teiknimynda-
söguhöfundinum hafði tekist að vinna virðingu
bókmenntaheimsins. Norræn goðafræði kemur
við sögu, en bókin fjallar um Shadow sem nýkom-
inn er úr fangelsi aðeins til að komast að því að
kona hans og besti vinur fórust saman í bflslysi,
hún með lim hans í munninum á dánarstundu.
Shadow hefur nú ekkert til að lifa fyrir lengur, en
dularfullur maður að nafni Wednesday býður
honum vinnu. Miðvikudagur er kenndur við Óð-
inn á öflum germönskum málum nema íslensku,
og það kemur á daginn að þetta er enginn annar
en æðsta goðið sjálft sem þarna er á ferð.
Guðirnir drekka Jack Daniels
Óðinn er reyndar ekki eina goðsagnapersónan
sem er mætt til leiks, því að í fyrstu köflum bókar-
innar nrætir Skuggi einnig írskum búálfi, sem er
ölvaður og ofbeidisfullur eins og þeirra er siður,
og rússneska vetrarguðinum Czernobog, sem
hann þarf að tefla við upp á líf og dauða. Bókin er
byggð á vangaveltum um hvað verður um þjóð-
sögur þegar þær flytjast á milli landa, og að hvaða
leyti þær verða fyrir áhrifum frá nýja landinu. Goð
Gaimans eru orðin heldur ameríkaníseruð, til
dæmis drekkur Óðinn Jack Daníels frekar en mjöð
2. Sandman, drottinn drauma í samnefndum sögum.
3. Kápan af bókinni Coraline, sem nú er verið að
þýða á íslensku.
og búálfurinn drekkur Southern Comfort og kók
frekar en Guinness. Ein ástæðan þess að þetta
sögusvið höfðaði til Gaimans'er ef til vill sú að
hann er Breti búsettur í Bandaríkjunum, og hefur
vafalaust orðið fyrir talsverðum áhrifum af búsetu
sinni þar.
Gaiman er væntanlegur aftur til íslands og ætl-
unin er að hann haldi fyrirlestur fyrir landsmenn,
en Mál og menning er nú að þýða barnabók hans
Coraline yfir á íslensku og mun hún koma út á
næsta ári. Gaiman aðdáendur þurfa þó ekki að
sitja auðum höndum þangað til, því í ár hafa þrjú
ný verk litið dagsins ljós. Ásamt hinni áðurnefndu
Endless Nights hefur komið út ný barnabók, The
Wolves in the Walls og einnig ný Gaiman teikni-
myndaserfa sem nefnist 1602, og gerist á tímum
Elísabetar Englandsdrottningar. Verður hún gefin
út í átta hlutum, og eru fyrstu fjórir þegar komnir
út. Reynt var að ná tali við Gaiman, en okkur var
tjáð að hann væri upptekinn við skriftir, og myndi
ekki veita nein viðtöl það sem eftir væri árs. Verð-
ur því spennandi að sjá hvað lifnar við á lykla-
borði meistarans næst.
vaiur@dv.is