Dagblaðið Vísir - DV - 29.12.2003, Qupperneq 11

MÁNUDAGUR 29. DESEMBER 2ÖÖ3 Yí
DV Fréttir
Fækkar enn á
Vestfjörðum
Vestfirðingum hefur
fækkað um 95 frá því í
fyrra, þrátt fyrir fjölgun
landsmanna, samkvæmt
bráðabirgðatalningu Hag-
stofunnar 1. desember.
Annar hver maður sem
flutti burt fór frá Vestur-
byggð, það er Patreksfirði,
Bfldudal og nágrenni, en í
bæjarfélaginu fækkaði um
47. Á sama tíma árið 1992
voru Vestfirðingar 9.681en
nú eru þeir 7.835. Haldi
sama mannfjöldaþróun
áfram óbreytt og fækkar ár-
lega um 95 flytur síðasti
Vestfirðingurinn burt eftir
82 ár, eða í maí árið 2086.
Hins vegar hefur hægt á
fækkuninni allra síðustu ár
og er ekki útilokað að svo
verði áfram.
Óhappahrina
í snjóléttri tíð
Hreppsnefnd Vopnaijarð-
arhrepps telur óeðlilega
mörg umferðaróhöpp hafa
orðið í vetur á Vopnafjarðar-
heiði og Mývams -og Möðm-
dalsöræfum þrátt fyrir að
veturinn hafi verið afburða
snjóléttur. Ástæðan sé sú að
Vegagerðin leggi ekki næga
áherslu á hálkuvamir.
Hreppsnefndin vill því að
Vegagerðin breyti fram-
kvæmd sinni við snjómðn-
ing og hálkueyðingu. „Sér-
staklega er bent á nauðsyn
fyrirbyggjandi aðgerðavið
snjómðninginn og einnig að
meiri áhersla verði lögð á
hálkueyðingu en gert hefur
verið fram að þessu," segja
Vopnfirðingar í bókun á
hreppsnefndarfundi.
Jón sinnir
neyðarkalli
Jón Kristjánsson fiski-
fræðingur hefur verið kall-
aður til Danmerkur af
sveitarstjórnum fiskveiði-
bæja sem sent hafa út
neyðarkall vegna vandræða
í sjávarútvegi, að því er
fram kemur á skip.is. Jón er
sérfræðingur f fiskveiði-
stjórnun og er á öndverð-
um meiði við Hafrann-
sóknastofnunina. Hann vill
veiða meira en ráðgjöf
fræðinganna kveður á um,
og hefur meðal annars ver-
ið ráðinn til ráðgjafar í Fær-
eyjum og á írlandi.
Bannað er að skjóta upp flugeldum við brennur og má þar aðeins tendra blys og
stjörnublys. Ekki má nota skotelda innan 200 metra frá skóglendi og lynggrónu
landi og ekki má skjóta upp innan 100 metra frá timburhúsi. Ný reglugerð herðir
eftirlit með skoteldum og gerir kleift að fangelsa menn í Qögur ár fyrir brot.
Skoteldar víða
bannaðir með
reglum
„Efmenn brjóta þetta
verður þeim refsað.
Reglugerðin kveðurá
um hámarksrefsingu
upp á fjögurra ára
fangelsi og svo er það
dómstólanna að
dæma innan þeirra
marka."
Eldar á lofti Fólki getur verið refsað með fjögurra ára fangeisisvist á grundvelli vopnalaga fyrir að brjóta hertar reglur um
meðferð flugelda.
Með nýrri reglugerð dómsmálaráðuneytisins
um skotelda er íslendingum sniðinn þrengri
stakkur en nokkurn tímann fyrr.
Bannað er að tendra flugelda innan við 200
metra frá skóglendi, lynggrónu landi og öðrum
viðkvæmum gróðri. Þetta virðist útiloka fjölda
fólks frá því að skjóta upp flugeldum frá heimili
sínu.
Jón Þór Ólason, lögfræðingur dómsmálaráðu-
neytisins, segir að reglurnar verði ekki túlkaðar
eftir bókstafnum. .Ætlunin er ekki að beita fólk
einhverri forræðishyggju. Ef einhver tendrar skot-
eld innan 200 metra frá litlum bletti af lynggrónu
landi verður honum varla refsað. Við verðum að
túlka þetta af ákveðinni skynsemi og sanngirni.
Lögreglustjórar framfylgja þessu. Þetta á við um
skógrækt og annað slíkt, eða lynggróið land þar
sem veruleg hætta er á að geti kviknað mikill eld-
ur," segir hann.
Auk þess segir í reglugerðinni að fólk megi ekki
tendra flugelda innan 100 metra frá mannvirkjum
sem gerð eru úr sérstaklega eldfimum efnum,
stöðum þar sem þau eru geymd, timburgeymsl-
um, brennanlegum umbúðum og þess háttar.
Sama gildir um fjarlægð frá geymslustöðum eld-
fimra vökva og gaskúta.
Jón Þór segir að mannvirki úr sérstaklega eld-
fimum efnum innifeli timburhús og hús með
plastkiæðningu, svo eitthvað sé nefnt. Þá ber fólki
að halda sig 100 metra frá bensínstöðvum með
flugelda sína. Hann segir mörg dæmi um að
menn hafi sýnt mikið tillitsleysi eða stuðlað að
hættu með skoteldum. „Sumarhús sem eru gerð
úr viði eru oft lökkuð og þá er mikil eldhætta, líka
þegar plast er utan á húsum. Menn hafa skotið
þessu upp fyrir framan bensínstöðvar og annað
slfkt. Niðri í miðbæ hefur það gerst að menn hafi
verið að skemmta sér og einhver tekið skoteld og
skotið á hópinn. Menn hafa skotið skoteldum út á
götu á bfla. Það hefur án efa verið víða rfkjandi
Jón Þór Ólason Sérfræðingurdómsmálaráðuneytisins í
skoteldum hefur sjálfur orðið fyrirskakkaföllum afvöldum
skemmdarverka þar sem flugeldar komu við sögu. Ein ára-
mótin var rafmagnskassi sprengdur upp við heimili hans og
rafmagnið fór afhálfri götunni.
stjórnleysi og tryllingur sem verður hjá vissum
hópi sem skýtur þessu út um allt. Síðasta áratug-
inn hefur sala og meðferð skotelda aukist gífur-
lega. íslendingar toppa sig á hverju ári og það
vantaði reglugerð sem miðaði að því að auka
neytendavernd og öryggi fólks, ekki síst í ljósi
fjölda slysa," segir Jón Þór.
Víða í Evrópu er bannað að skjóta upp flugeld-
um í ákveðnum hverfu, þar sem byggð er þétt og
mikið um gömul timburhús. í Bretlandi kveður ný
reglugerð á um að flugeldar megi ekki fara yfir viss
hávaðamörk í desibelum. Fari þeiryfir mörkin eru
þeir sjálfkrafa bannaðir. Eldri reglugerð hérlendis
var mun rýrnri og óljósari, en nú eru tekin af öll
tvímæli.
Brot á nýju reglugerðinni varðar sektum eða
fangelsi allt að fjórum árum samkvæmt vopnalög-
um, nema þyngri refsing liggi við eftir öðrum lög-
um.
„Ef menn brjóta þetta verður þeim refsað.
Reglugerðin kveður á um hámarksrefsingu upp á
fjögurra ára fangelsi og svo er það dómstólanna
að dæma innan þeirra marka. Vísast verður fyrst
og fremst beitt sektum en mjög alvarleg brot geta
leitt til fangelsisvistar," segir Jón Þór.
jontrausti@dv.is
.★
★
★
★
★
★
★
★
Tilboð 1. Rafmagnsgítartilboð.
Rafmagnsgítar, magnari, ól og
snura.
Tilboðsverð
27.900,-
stgr.
€5«S£

Opið alla daga til jóla til kl. 22
Gítarinn ehf.
Stórhöfða 27
sími 552-2125 og 895 9376
www.gitarinn.is • gitarinn@gitarinn.is
Tilboð 2. Kassagítar.
Tilboðsverð 15.900,- stgr.