Dagblaðið - 13.04.1976, Blaðsíða 3

DAGBLAÐIÐ. ÞRIÐJUDAGUK 13. APRÍL 1976.
N
Sjáðu sóma þinn Bretadrottning
í að stoðva níðingsverkin!
Kristinn Traustason skrifar:
• „Sjórinn, og það sem hann
gefur af sér, er undirstaða
íslenzks þjóðfélags. Því er
mikilvægt fyrir íslendinga að
varðveita þessa auðlind, því al'.t
sem tekið er af lætur á sjá
nema í hófi sé gert.
Við íslendingar höfum ekki
borið nógu mikla virðingu
fyrir þeim verðmætum sem
sjórinn hefur að geyma og ekki
síður á þetta við um Breta.
Meðal annars vegna þessa
höfum við íslendingar orðið að
færa út fiskveiðilögsögu okkar
í 200 mílur. Bretar hafa ekki
virt þessa útfærslu. Þeir hafa
haft í frammi ofbeldi og
níðingsverk svo að með
eindæmum er.
Frammi fyrir hinum stóra
heimi láta þeir líta svo út sem
á þá sé ráðizt — þeir séu
ofbeldi beittir. En hvaða
heilvita manni dettur í hug, að
varðskip, tæplega 1000 tonn,
ráðist á margfalt stærra skip?
Skip sem eru búin fallbyssum,
eldflaugum, djúpsprengjum og
hvað þetta nú allt heitir. Að
ekki sé minnzt á ganghraða
skipanna. Litlu íslenzku skipin
sem hafa aðeins um helming
ganghraða hinna brezku dreka.
Lítill byssubátur með gamla
byssu gegn fallbyssum brezka
heimsveldisins!
Svo bera áróðursmeistarar
brezka heimsveldisins þessa
vitleysu á borð fyrir brezkan
almenning. Halda þeir
virkilega að almenningur í
Bretlandi trúi þessu? Ef svo er
þá er brezk alþýða illa að sér og
dómgreind lítil.
Því finnst mér að þar sem
forfaðir Bretadrottningar er
norrænn maður og hafði búsetu
á Norðurlandi þá ætti drottning
að sjá sóma sinn í því að stöðva
ofbeldisverk flota „hennar
hátignar” á íslandsmiðum.”
RUKKURUM
Karen Gestsdóttir úr Kópavogi
hringdi:
„Nú fyrir skömmu fór ég
snemma að sofa eftir erilsaman
dag. Þegar ég er rétt að festa
svefn hringir dyrabjallan. Ég
hrekk upp og fer til dyra og
haldið þið ekki að rukkari frá
innheimtudeild Ríkisút-
varpsins hafi staðið þarna í
dyragættinni og klukkan orðin
10. t annað sinn var komið að
rukka mig frá sömu stofnun og
þá á laugardagskvöldi um hálf
áttaleytið.
Eru það fyrirmæli
innheimtudeildarinnar til
starfsmanna sinna að ganga í
hús á þessum tíma? Þegar ég
Einkennileg verðlagning:
H vers vegna er dýrara að
kaupa í meira magni?
bað viðkomandi starfsmann
um skilríki til að sanna
mér að hann væri frá
innheimtudeildinni, þá átti
hann þau ekki til. Eftir þær
sögur sem heyrzt hafa um
misnotkun á slíkum innheimtu-
aðferðum sem þessari getur
maður ekki annað en orðið
dálítið tortrygginn. Mér er næst
að halda að fæstir greiddu tugi
þúsunda einhverjum sem kæmi
með reikning án þess að vera
vissir um að upphæðin færi þá
á réttan stað.”
Dagblaðið hafði samband við
Axel Ó. Ólafsson hjá
innheimtudeild Ríkis-
útvarpsins. Hann kvaðst
leiður yfir því ef starfsfólk
raskaði ró viðskiptavina
stofnunarinnar. Æskilegt væri
að innheimtufólk færi ekki í
hús eftir kl. 9 á kvöldin og það
hefði þeim verið beint á.
Innheimtumenn hafa
gíróseðla ásamt kvittanahefti
frá stofnuninni undir höndum
og það ætti að vera nægilegt.
Fólk getur svo auðvitað snúið
sér beint til stofnunarinnar og
greitt sína reikninga ogkomizt
þáhjá öllum heimsóknum.
Rósinkrans’hringdi:
„Eg brá mér inn í verzlun fyrir
stuttu og keypti kaffipoka frá Melitta.
Það er nú ekkert sögulegt i sjálfu sér
en ef verðið er uthugað er annað uppi a
teningnum. í öðrum pakkanum voru 40
stykki og hann kostaði 190 kr., en í
hinum voru 100 stykki og hann kostaði
870 kr. Það er nærri helmings munur á
hverjum poka. Maður hefði haldið að
það væri ódýrara að kaupa i meira
magni. Þegar ég l að urn skýringar á
þessum mun var mér sagt að sá dýrari
hefði komið með flugi en hinn með
skipi. Ilvers vegna í ósköpunum eru
verzlanir að flytja vöruna í flugi ef það
þarf að muna helntingi fyrir
neytendur? Er hægt að gefa þessa
skýringu í tíma og ótíma? Hvernig geta
neytendur vitað að svo sé? Mér finnst
að verzlanir verði að hugsa svolítið um
hag viðskiptavina sinna. Eg vildi að
lokunt skora á innflyijcndur að hafa
þetta í huga og panta ekki vöru í flugi
nema mikið liggi við."
Hringið i síma
83322
kl. 13-15
eða skrifið
Raddir lesenda
Dagblaðið
Síðumúla 12
Reykjavik
- ^
ENGINN SVEFN-
FRIÐUR FYRIR

Spurning
dagsins
Lestu erlend
blöð?
Anna Hallgrímsdóttir af-
grciðslustúlka: Nei, yfirleitt geri
ég lítið af því. Ég skoða þó
stundum útlend blöð ef ég kemst
einhvers staðar í þau.
Arngrímur F. Ólafsson
verkamaður: Nei, alls engin, þó
lítur maður stundum í þau þegar
maður sér þau á læknastofum eða
rakarastofum.
Jóna Ragnarsdóttir skrif-
stofustúlka: Nei ég geri nú lítið af
því, það er helzt ég lesi grín- og
poppblöð eða þessháttar.
Helgi Þorkelsson sjómaður: Já,
en mjög lítið af því, það er þá
helzt dönsk blöð sem ég kaupi af
og til og þykja mér þau ekki dýr
miðað við íslenzk.
Hallbjörn Oddsson afgreiðslu-
maður: Nei, ekki útlend blöð.
Hinsvegar les ég afar mikið af
íslenzkum blöðum daglega.
Helga Rósa Seheving símamær:
Nei, ég má aldrei vera að þvi. Það
er helzt ef ég þarf að biða
einhvcratitaðar að ég hef tíma til
að lesa þau.