Dagblaðið - 13.04.1976, Blaðsíða 8

DAGBLAÐIÐ. ÞRIÐJUDAGUR 13. APRlL 1976.
8
íbúð í Þingholtunum stór-
skemmd í skemmdarœði
,,Ef þú klárar ekki þín mál út
af þessari íbúð munt þú hafa
verra af.” Þetta var hótunin
sem íbúðareigandi nokkur í
Þingholtunum fékk í gegnum
síma á fimmtudagskvöldið.
Málavextir eru þeir að maður
þessi, sem er trésmiður, hefur
atvinnu af því aó kaupa gamlar
íbúðir og illa farnar, gera þær
upp og selja. Keypti hann þessa
ibúð i ársbyrjun í gegnum fast-
eignasala hér í borg af lög-
fræðingi nokkrum. Seljandi gat
ekki útvegað afsal af íbúðinni
vegna skulda sem á henni
hvíldu en lofaði að gera það
fljótlega í janúar, enda yrði þá
síðasta greiðsla af íbúðinni innt
af hendi.
Afhending
afsals dregst
Dróst afhending afsalsins
þrátt fyrir að eigandinn væri
stöðugt að ganga eftir því
gegnum lögfræðing sinn sem
hann hafði afhent peningaupp-
hæðina fyrir síðustu greiðslu.
Svo var það á fimmtudaginn
var að fasteignasalinn, sem selt
hafði íbúðina á sínum tíma,
hringir og segir seljandann nú
Svona var aðkoman í baðherberginu.
v____
vilja ganga endanlega frá kaup-
unum. Hafði þá lögfræðingur
eigandans haldið austur á Nes-
kaupstað og hugðist dvelja þar
yfir helgina, svo útilokað var að
nálgast greiðsluna. Tjáir eig-
andinn fasteignasalanum
hvernig málum þessum sé
háttað og því geti ekki orðið
neitt af greiðslu fyrr en eftir
helgi.
Sama kvöld, eða um níu-
leytið, hringir svo síminn
heima hjá íbúðareigandanum
og fær hann þá hina ógnvekj-
andi hótun sem fyrr var getið.
Seinna að kvöldi fimmtudags-
ins, eða um hálftólf þegar
eigandinn er kominn upp í
rúm, er enn hringt og segist
maður i símanum nú endilega
vilja sjá íbúðina því hann sé
mikið að hugsa um kaup á
henni. Segir eigandinn að hann
komi alls ekki til að sýna
íbúðina, það geti vel beðið.
Skemmdarverk
ó íbúðinni
Líður nú föstudagurinn og
um sexleytið síðdegis er hringt
heim til fbúðareigandans. Er
það eigandi verzlunar í. húsinu
við hliðina sem hefur lager á
hæðinni fyrir neðan marg-
nefnda íbúð. Segir hann vatns-
flaum mikinn hafa streymt úr
ibúðinni og skemmt fyrir sér
hluta lagersins. Þegar svo
eigandinn kemur á staðinn sér
hann hinar alvarlegustu
skemmdir á ibúðinni. Skrúfað
hafði verið frá öllum krönum í
íbúðinni en pappír fyrst troðið í
niðurföllin (fimmtudags-
kvöldið hafði Hitaveitan lokað
fyrir heita vatnið í húsinu svo
mikið mildi var að þarna skyldi
aðeins flóa kalt vatn), brotinn
niður vaskur á baðinu, rist á
veggklæðningar, sem nýbúið
var að setja yfir gamlar og allar
hellur á eldavélinni settar á
hæsta straum (til allrar
hamingju voru öryggin að elda-
vélinni ekki í henni svo hún
hitnaði ekki). Timburgólf er í
húsinu öllu svo þar hefði getað
farið illa ef eldavélin hefði náð
að hitna að ráði.
Var búinn að
selja íbúðina
Strax á föstudagskvöld
Helgi Hóseasson trésmiður virðir fyrir sér rifna klæðninguna.
Rist var á alla veggi
íbúðarinnar.
hringir íbúðareigandinn á
rannsóknarlögregluna og
kynnir henni málavexti, m.a.
það að íbúðin hefði verið opnuð
með lykli en ekki brotizt inn.
Kom rannsóknarlögreglan á
staðinn og leit á verksum-
merki en tók hvorki myndir
né athugaði fingraför. Kváðust
þeir liðfáir 1 rannsóknarlög-
reglunni og yrði hún að sinna
fyrst alvarlegri málum en þess-
um.
í gær hafði lögreglan enn
ekki gert mikið i málinu en
von var á henni á þriðjudags-
morgun samkvæmt góðum
heimildum sem íbúðareigánd-
inn hafði aflað sér. Var hann
búinn að ganga frá sölu íbúðar-
innar fyrir helgina en eftir
þennan fyrirgang og skemmdir
í íbúðinni hvarf fyrirhugaður
kaupandi frá kaupunum þar
sem aldrei væri að vita nema
þeir hinir sömu óboðnu gestir,
er verið höfðu þarna á ferðinni,
kæmu aftur.
Tilboð óskast í smíði á stálgrindarhúsi
ásamt klæðningu, hurðum o.fl.
Útboðsgögn eru afhent á skrifstofu
vorri gegn 3.000.- kr. skilatryggingu.
Tilboð verða opnuð á sama stað 26.
apríl 1976 kl. ll.f.h.
INNKAUPASTOFNUN RÍKISINS
BOHGAKTUNI 7 SÍMI 7.6844
ÓSKEMMTILEG NÆTURHEIMSÓKN
Eiginmaðurinn, eiginkonan
og tvö stálpuð börn þeirra voru
nýgengin til náða í húsi einu
við Blikanes á Arnarnesi
skömmu eftir miðnættið á
sunnudagskvöldið þegar eitt-
hvert þrusk heyrðist innan úr
stofunni. Húsbóndinn fór þá
fram úr til að aðgæta hvað þar
væri á seyði og sér þá þrjá
menn, líklegast um tvítugt,
bogra yfir skrifborði sínu. Spyr
hann hvað þeir séu þar að vilja,
bregður mönnúnum allmjög,
segjast vera að leita einhvers
vinar en stökkva þvínæst út um
dyr sem liggja út í garðinn og
hverfa út í myrkrið.
Við eftirgrennslan kom í ljós
að 5 þúsund kröna var saknað
úr skrifborðinu auk buddu með
skilríkjum frúarinnar. Talsvert
hafði verið rótað í skúffum svo
þarna var greinilega um
peningaleit að ræða. Höfðu inn-
brotsmenn komizt inn með því
að spenna upp glugga.
Ekki hefur enn tekizt að hafa
uppi á hinum bíræfnu innbrois-
mönnum en þeir, sem kynnu að
hafa orðið varir við ókennilegar
mannaferðir á Arnarnesi upp
úr miðnæui a sunnudagskvöld,
eru beðnir að láta lögregluna í
Hafnarfirði vita.
—BH
BREYTÍNGAR A LOGUM
UM ÆTTLEIÐINGU
Leyfi til ættleiðingar verður
nú aðeins veitt þeim sem er 25
ára að aldri hið minnsta. Hjón-
um má þó veita slíkt leyfi þótt
þau séu yngri en 25 ára, ef
sérstaklega stendur á, þó svo að
þau skulu vera 20 ára að
minnsta kosti. Þetta er meðal
breytinga, sem felast í stjórnar-
frumvarpi um ættleiðingu, sem
komið er fram á Alþingi.
Horfið verður frá þeirri til-
högun að ættleiðingarleyfi sé
gefið út af dómsmálaráðherra í
umboði forseta íslands og skal
dómsmálaráðherra nú veita
leyfið.
Samþykki foreldra þarf til
ættleiðingar ef barn er undir 18
ára. Hér hefur verið miðað við
20 ár að undanförnu. Nákvæm
ákvæði eru um hvernig sam-
þykkið skal úr garði gert.
Heimilt er þó ef ..alveg sérstak-
lega stendur á" að veita leyfi til
ættleiðingar ef þarfir barns
niæla eindregið með því þótt
samþykki liggi ekki f.vrir enda
fallist barnaverndarráð þá á þá
skipun mála.
—HH
Wallys gallabuxur — Wallys gallabuxur — Wallys gallabuxur