Dagblaðið - 09.06.1976, Blaðsíða 7

D.V5BLAÐ1Ð — MIÐVIKUDA(JUR 9. JUNÍ 1976
7
Lokaumferð forkosninganna í gœr:
Ford og Carter útnefndir
í fyrstu umferðá flokks-
þingunum
Ford Bandaríkjaforseti og
fyrrum ríkisstjóri Georgíu,
Jimmy Carter virtust snemma
i morgun hafa unnið glæsilega
sigra í forkosningunum, sem
geta fært þeim útnefningu
flokksþinganna sem forseta-
frambjóóendur í fyrstu umferð.
Talning var langt komin í
Ohio-ríki og þar var augljóst,
að Ford og Carter höfðu tryggt
sér sigur.
í New Jersey fylki, þar sem
kosið var um hvern einstakan
kjörmann, en ekki alla eða
engan, eins og í hinum
fylkjunum tveimur, Ohio og
Kaliforníu hafði Ford tryggt
sér a.m.k. 60 af 67 kjörmönnum
repúblikana.
Carter átti greinilega mestu
fylgi að fagna í New Jersey, en
sumir kjörmanna géta reynzt
honum þungir í skauti þar eð
þeir hafa lýst yfir stuðningi við
Humphrey og Jerry Brown.
Kjörstöðum var lokað klukkan
þrjú í nótt að íslenzkum tíma í
Kaliforníu og var því talning
skammt á veg komin. Þá spáði
NBC sjónvarpsstöðin því aðeins
nokkrum mínútum eftir að
kjörstöðum hafði verið lokað,
að Jerry Brown myndi sigra þar
hjá demókrötum, en forverí
hans í embætti ríkisstjóra,
Reagan myndi sigra hjá repú-
blikönum.
Fréttaskýrendur töldu, að
Carter myndi ekki ganga eins
vel í New Jersey og búizt hafði
verið við, en honum gekk mun
betur í Ohio en menn höfðu
þorað að vona og hafði tryggt
sér a.m.k. 80 kjörmenn í
Kaliforníu, sem þýðir, að hann
er nú mjög nálægt því marki að
tryggja sér fylgi 1505
kjörmanna, sem nægilegt er til
þess að hann hljóti útnefningu
flokksþingsins. Því hélt hann
a.m.k fram i viðtali við blaða-
menn í Atlanta. Sagði hann þar
ennfremur að hann væri alls
ekki sár þó að honum hefði
ekki gengið vel í New Jers-
ey og lét í það skína, að
hann ætti „leynda stuðnings-
menn" meðal þeirra
kjörmanna, sem enn hafa ekki
gert upp hug sinn þar.
Jimmy Carter sagði
blaðamönnunum, að honum
hefði tekizt það, sem hann
hefði ætlað sér í
forkosningunum, — að tryggja
sér 1200-1300 kjörmenn.
Sá er næstur kemur Carter í
kapphlaupinu um útnefningu
í forkosningunum er Morris
Udall, sem aðeins hefur um
350 kjörmenn. Hann hefur nú
lýst því yfir, að hann sé að
berjast i orrustu, sem ekki sé
hægt að vinna, og hyggst hann
draga sig til baka, enda getur
hann ekki tryggt sér fleiri
kjörmenn. Eftir er þá að sjá,
hverjum stuðningsmenn hans
koma til með að fylgja á flokks-
þinginu.
Ford Bandaríkjaforseti fagnar nú sigri eftir að hafa skotið
Reagan, helzta mótframbjóðanda sínum, ref fyrir rass. Eru ummæli
Reagans þess efnis, að Bandaríkjamenn ættu að senda herlið til
Ródesíu til þess að miðla þar málum, talin hafa orðið honum
dýrkeypt.
Carter hefur einnig bætt verulega við sig fylgi, enda þótt honum
hafi gengið töluvert erfiðlega í New Jersey.
Mikil sigurvíma ríkti í her-
búðum stuðningsmanna Fords
forseta og þar voru menn sagðir
mjög kátir. Þar eru því nú
gerðir skórnir, að hann muni
hljóta útnefningu í fyrstu
umferð, en fylgistap Reagan
hefur verið mikið að undan-
förnu, eftir að hann hélt því
fram í sjónvarpsviðtali nú um
helgina, að réttast væri að
Bandaríkjamenn sendu herlið
til Ródesíu til þess að miðla
málum.
Erlendar
fréttir
REUTER
FINNSK
STÚLKA
KJÖRIN
„MISS
EVRÓPA
1976"
Riitta Vaisanen frá
Finnlandi varð hlutskörpust í
fegurðarsamkeppni evrópskra
kvenna á eyjunni Rhodos fyrir
árið 1976 nú um helgina:
Ungfrú Sviss, Isabell
Wiawahair varð númer tvö,
ungfrú Holland, Lucie Visser,
þriðja, ungfrú Grikkland,
Melina Michailidou, fjórða og
ungfrú Skotland, Marie Kirk-
wood varð fimmta.
Stúlkur frá 22 Evrópulönd-
um slógust um titilinn Ungfrú
Evrópa í Riddarakastalanum
fræga frá miðöldum, sem
þarna er.
Ungfrú Noregur og ungfrú
Kýpur voru meðal þeirra sjö,
er lengst náðu i keppninni.
Ulrike Meinhof við handtökuna f.vrir rúmum fjórum árum.
Baader-Meinhof réttarhöldin:
KRAFIZT VITNALEIÐSLA
UM STARFSEMICIA
í VESTUR-ÞÝZKALANDI
— við aðra líkskoðun Ulrike
Meinhof komu í Ijós áverkar
Að sögn eins verjanda þeirra
sem eftir lifa af Baader-Meinhof
samtökunum, Heinz Heldmann,
sagði í yfirlýsingu við réttar-
höldin í Stuttgart, að læknir sá, er
gert hefði seinni líkskoðun á frú
Meinhof, hefði fundið þess merki,
að hún hefði orðið fyrir líkamlegu
ofbeldi áður en hún lézt. Ulrika
Meinhof fannst sem kunnugt er
hengd í klefa sínum I síðasta
mánuði.
Eins hefur lögræðingurinn
krafizt þess, að til verði kallaðir
fimm menn frá Bandaríkjunum
og Bretlandi til þess að bera vitni
um starfsemi bandarísku
leyniþjónustunnar í Vestur-
Þýzkalandi. Nöfn mannanna hafa
ekki verið birt opinberlega enn
þá. Þáttur leyniþjónustunnar á að
vera tengdur birgðum sem
geymdar voru í Vestur-
Þýzkalandi og notast áttu í styrj-
öldinni í Víetnam.
Elizabeth Ray skrífar
bók um ástalíf þing-
mannanna í Washington
— útkomu bókarínnar flýtt um tvo mánuði
Elizabeth Ray, sem segir að
bandariski þingmaðurinn
Wayne Hays hafi greitt sér
laun úr ríkiskassanum fyrir að
vera hjákona hans, mun síðar í
þessum mánuði senda frá sér
skáldsögu um svefnherbergislíf
stjórnmálamanna í Washing-
ton.
Talsmaður Dell-bókaút-
gáfufyrirtækisins i New
York skýrði frá því um helgina,
að fyrirtækiö byggist við að
bókin — sem ber titilinn „The
Washington Fringe Benefit" —
seljist i allt að sjö milljónum
eintaka. Upphaflega stóð til að
bókin kæmi út í ágúst.
Elizabeth Ray kom af stað
miklum umræðum og deilum í
Washington fyrir nokkru þegar
hún sagðist hafa þegið laun úr
ríkissjóði fyrir að veita Hays
þingmanni blíðu sína.
Hays, sem er valdamikill
demókrati frá Ohio, hefur játað
að hafa staðið i „nánu" sam-
bandi við ungfrú Ray, sem er 33
árá, en hann neitar þvi að hafa
greitt henni fjórtán þúsund
dala árslaun úr ríkissjóði fyrir
það eitt að vera honum til reiðu
í myrkum svefnherbergjunt.
Hin greiðvikna Elizabeth Ray