Dagblaðið - 12.08.1976, Síða 7
D.UiBLAÐIÐ. FIM.MTUDAGUR 12. AGU'ST 1976.
7
Erlendar
fréttir
REUTER
SPÍNÓLA
SllPPT
Antonio de Spinola, fyrrum
hershöfðingi og forseti Portú-
gals, sem handtekinn var við
heimkomuna sl. sunnudag,
hefur verið látinn laus úr fang-
elsi.
Æðsta ráð hersins segir, að
engin ástæða sé til þess að
„halda Antonio de Spinola,
óbreyttum borgara. i fangelsi
og að hann hafi endurheimt
frelsi sitt .
Segir I tilkynnngu frá
hernaðaryfirvöldum, að hers-
höfðinginn fyrrverandi hafi
verið handtekinn um leið og
hann kom frá New York sl.
sunnudag, vegna þess að fyrir
löngu hefði verið gefin út hand-
tökuskipun i sambandi við
meintan þátt hans í misheppn-
aðri byltingartilraun hægri
sinnaðra herforingja í marz á
siðasta ári.
Þá segir í tilkynningunni, að
eftir að Spinola hafi verið yfir-
heyrður I Caxias fangelsinu,
skammt frá Lissabon, hafi hann
verið látinn laus, enda engar
sannanir fyrir hendi um aóild
hans að byltingartilrauninni.
Þó eigi hann yfir höfði sér
rannsókn á því hvort hann hafi
verið aðili að vopnakaupum
Frelsishreyfingar Portúgals er-
lendis, en hreyfing þess hafði
sig mikið í frammi fyrir síðustu
kosningar i landinu. Spinola
stofnaði samtök þessi, eftir að
hann flúði land og settist að í
Brasilíu. Kommúnistar hafa
alla tíö sakað samtök þessi um
að hafa staðið fyrir hermdar-
verkum í landinu til þess að
reyna að auka á óreiðuna, sem
þar hefur rikt.
í janúar sl. tilk.vnnti svo
Spinola, að hann hefði sagt sig
úr samtökum þessum og
hygðist snúa heim á leið, enda
væri lýðræði tryggt meðal
þjóðarinnar.
Argentína:
Lanusse
laus
Alejandro Lanusse, fyrrum
forseta Argentínu, var sleppt
úr fangelsi í Buenos Aires í
gærkvöld eftir að hafa verið-I
haldi í fimm sólarhringa.
Honum var gefið að sök að
hafa brotið agareglur hersins.
Lanusse fór frá herstöðinni,
þar sem hann hafði verið í
haldi skv. skipun Videla for-
seta. í f.vlgd eiginkonu sinnar
og nokkurra vina. Hann vildi
ekki tala við blaðamenn.
Skotið á systiir
Mexíkóforseta
Fjórir biðu bana og fjórir
aðrir særðust hættulega í gær
þegar borgarskæruliðar í
Mexíkó City hófu skothríð á
systur verðandi forseta
Mexíkó, Margaritu Lopez
Portillo. Hún slapp ómeidd úr
skothríðinni. sem tveir skæru-
liðar hófu skyndilega á bíl
hennar á fjölförnu götuhorni
i úthverfi boruannnar.
Fórnarlömbin voru saklaus-
ir vegfarendur.
Þoka myndast á Alars
eftir sálarupprás
Ljósmyndir frá geimfarinu
Víkingi I. á Mars sýna gretnileg
merki þess að þoka myndist á
yfirborði plánetunnar strax
eftir dögun, að því er vísinda-
menn i Pasadena skýrðu frá I
gærkvöld.
,.Við höfum fundið greinileg
merki þess, að vatn stígur upp
af yfirborðinu," sagði dr.
William Baum, einn vísinda-
mannanna sem rannsaka ljós-
myndirnar frá Víkingi I., við
fréttamenn í Pasadena í gær.
„Þetta getur verið mjög mikil-
vægt fyrir hverja þá lífrænu
starfsemi, sem fer fram við
yfirborðið.“
Dr. Baum sagði myndirnar
sýna að nokkurra metra þykkt
þokulag sæist myndast í
dældum og lægðum, til dæmis
gigum, liðlega klukkustund
eftir sólarupprás á Mars.
Gröfuarmurinn á geimfar-
inu, sem bilaði í annað sinn
fyrir viku síðan hefur nú hlotið
viðgerö og mun síðar I dag skila
af sér yfirborðssýninu, sem
hefur beðið í skóflunni í viku.
Blóðugar óeirðir í
17 blökkumenn féllu
A.m.k. 17 blökkumenn létu lífið
og 50 eru alvarlega særðir eftir
mjög harða bardaga milli blökku-
manna og lögreglu í blökku-
mannahverfum umhverfis
Höfðaborg í S-Afríku í gærkvöldi
og nótt.
Eru þetta blóðugustu óeirðir,
sem orðið hafa I S-Afríku síðan
þær hófust fyrir tveim mánuðum.
Blökkumenn fóru með eldi um
þrjú borgarhverfi, brenndu
a.m.k. 15 byggingar, réðust inn i
áfengisverzlanir og létu grjót ríða
Öeirðir hafa legió lengi í ioftinu i líoiðabotg ug nu má búast við, að
þær breiðist út um alla S-Afríku.
Höfðaborg
á bifreiðum og gluggarúðum
verzlana.
Öeirðalögreglan lét til skarar
skriða og skömmu síðar mátti
heyra skothvelli um allt, sér-
staklega nálægt lögreglustöðinni i
blökkumannahverfinu Guguletu.
Ekki vildi lögreglan láta uppi,
hversu margir hefðu látið lífið, en
samkvæmt talningu í sjúkra-
húsum hafa 17 manns látið lífið,
langflestir með skotsár.
Seint I nótt bárust þær fréttir,
að kyrrð væri komin á en menn
óttast samt, að óeirðirnar kunni
að brjótast út að nýju í dag.
Eldar loga víðs vegar um
blökkumannahverfin og enn má
heýra skothvelli hljóma í gegnum
sírenuvæl sjúkrabifreiða og
slökkviliðs, sem fara verða um
hverfin í lögreglufylgd.
Ekki var vitað um neitt eitt
atvikrsem valdið hefðu óeirðum
þessum.en ókyrrt hefur verið í
Höfðaborg undanfarnar vikur.
Talið er, að með þessu hafi
blökkumenn viljað sýna samstöðu
með blökkumönnum við Jóhann-
esarborg.
Upp úr sauð I gærmorgun, er
skólanemendur yfirgáfu skóla og
gengu út á götur, syngjandi
sálma. Lögreglan var kölluð til og
þá hófust átökin.
Frá menntamálaráðuneylinu
Óskað er eftir fósturforeldrum fyrir fjölfötluð börn
sem stunda nám við Öskjuhliðarskóla.
Jafnframt eru þeir aðilar sem höfðu börn í f.vrra
beðnir að hafa samband við ráðuneytið, séu þeir fúsir til
að taka að sér börn á komandi hausti.
Menntamálaráðuneytið
verk- og tæknimenntunardeild.
MARKAÐURINN
Grettisgötu 12—18