Dagblaðið - 02.09.1976, Blaðsíða 24
D VITAMINI BEITT TIL UT-
RÝMINGAR ROTTUM Reykjavikur
„Rottueitur þetta, sem nefn-
ist Calciferol, er hættulaust
mönnum og stærri dýrum en
hefur þau áhrif á nagdýr—og
þar meö rottur — að þau drep-
ast þegar þau éta það.“ Þannig
svaraði Pétur Hannesson yfir-
maður hreinsunardeildar
Reykjavíkurborgar spurningu
Dagblaðsins um rottueitur sem
hefur fundizt á fjörum í
Laugarnesinu að undanförnu.
Ástæðan fyrir því, að spurzt
var fyrir um þetta eitur, er sú,
að maður nokkur hafði sam-
band við Dagblaðið fyrir
skömmu og kvaðst hafa tekið
poka af blálituðu rottueitri af
tveimur ungum strákum sem
voru að gramsa í fjörunum 1
Laugarnesinu. Hann fór síðan í
fjöruna sjálfur og fann ekki
færri en 20 poka af þessu eitri á
litlu svæði. Þá sá hann talsvert
af dauðum fuglum svo og einn
dauðan kött, sem hann áleit að
hefði komizt í eitrið.
Maðurinn taldi óforsvaran-
legt að koma eitrinu fyrir eins
og gert hafði verið. Eiturpok-
arnir vektu forvitni barna sem
fyndu þá. Sum væru ólæs og
önnur hefðu ekki hugmynd um
skaðsemi rottueiturs og gætu
jafnvel haldið þetta vera
sælgæti. Hann bað því Dag-
blaðið að kanna hversu hættu-
legt þetta bláa rottueitur væri.
„Calciferol er einungis D-
vítamín og ekkert annað,“
sagði Ásmundur Reykdal hjá
hreinsunardeildinni Dag-
blaðinu. „Það verkar þannig á
öll nagdýr að þau drepast þegar
þau éta af því. Önnur dýr og
menn þurfa að borða mjög
mikið magn af þessu efni til að
það skaði þau svo að kötturinn,
sem maðurinn fann í fjörunni
hefur drepizt af öðrum orsök-
um, nema þá að hann hafi
borðað mikið magn af því að
staðaldri."
Asmundur sagði að Calci-
ferol væri dönsk framleiðsla.
Tiltölulega stutt er síðan farið
var að beita'því gegn rottum og
öðrum meindýrum af nagdýra-
kyni. Hann nefndi sem dæmi að
danskir bændur notuðu efni
mikið til að eitra fvrir rottur á
býlum sínum.
Calciferoli, eða D-vítamíni,
eins og það nefnist einfaldlega
á íslenzku, hefur verið dreift á
fjörur Reykjavíkur frá Foss-
vogi og inn fyrir Sundahöfn á
alla þá staði þar sem helzt má
vænta þess að rottur haldi sig.
Þær lifa aðallega í námunda við
enda holræsa og afrennsli frá
matvælaverksmiðjum og sækja
þangað fæðu sína.
—ÁT
— efnlð er óskaðlegt öðrum en nagdýrum
Þannig er gengið frá Calciferoli eða D-vítamíni. Pokunum er komið fyrir í fjörum þar sem sjór á ekki
að ná til þeirra. Pokarnir eru merktir sem rottueitur, enda notaðir í þeim tilgangi einum.
DB-m.vnd Bjarnleifur.
Sandskip hf. lýsir sig gjaldþrota
Sandskip hf. hefur að beiðni
félagsstjórnar verið tekið til
gjaldþrotaskipta fyrir skiptarétti
Reykjavíkur.
Sandskip hf. var eigandi sand-
dæluskipsins Grjótjötuns, sem
síðan var selt Námunni hf.
Rekstur skipsins hjá Sandskipi
hf. gekk mjög erfiðlega, enda var
það að ýmsu leyti vanbúið til að
sinna verkefnum, sem til boða
stóðu. Reyndust dælur þess
aflvana og bilanir tíðar i öðrum
búnaði.
í maímánuði óskaði ríkissak-
sóknarinn, að beiðni Seðlabank-
ans eftir dómsrannsókn vegna
meintra gjaldeyrislagabrota við
kaup Grjótjötuns frá Noregi. Að
lokinni rannsókn í Sakadómi var
málið sent til ríkissaksóknara en
hann sendi það til frekari rann-
sóknar um tiltekin atriði.
Hefur Sandskip hf. nú lagt inn
beiðni um að fyrirtækið verði
tekið til opinberrar skiptameð-
ferðar sem gjaldþrota, þar sem
eignir þess standi ekki sannan-
lega fyrir skuldum. Verður nú
gefin út innköllun á kröfum á
hendur fyrirtækinu. Að loknum
innköllunarfresti verður kannað,
hvort nauðasamningum verður
náð við kröfuhafa.
—BS
Riðandi unglingar gera ökumönnum fyrirsát
Þrír rioa.idi unglingar lok-
uðu þjóðveginum norður á
Vatnsskarði fyrir ökumönnum
og létu svipur sínar ríða á
bílum. Reyndu þeir einnig að
láta hesta sina prjóna fast við
bíla og ollu með því nokkrum
skemmdum á a.m.k. einum bíl
sem um er vitað.
Um kl. 11 í fyrrakvöld var
maður á leið akandi úr Reykja-
vík áleiðis til Akureyrar. Sá
hann þessa fyrirsát í tæka tíð
til þess að gefa ljósmerki og
síðan að stöðva bifreið sína
þegar ekki var vikið af
veginum. Veittust þrir ríðandi
unglingar að bílnum með
svipum og létu hestana prjóna
upp á bílinn. Tókst öku-
manninum að sæta lagi og
komast leiðar sinnar með lítt
skemmdan bílinn.
Nokkru síðar var þessi leikur
endurtekinn þegar annar
maður kom þar akandi sömu
leið. Bifreið hans varð fyrir
nokkrum skemmdum áður en
hann komst undan þessari árás.
Sa ökumaðurinn, sem varð
fyrir tjóni, hafði hug á að kæra
þetta athæfi, þar sem hann
taldi sig geta þekkt aftur þenn-
an óþjóðalýð. Ekki er þörf á að
— létu svipurnar
riða á biium þeirra
fjölyrða um þennan ljóta
„leik“. Til þessa hafa íbúar
þéttbýlisins talið að þeir sætu
einir að árásum skemmdar-
varga eins og þeirra, sem þarna
áttu hlut að máli. Þetta er von-
andi einsdæmi til sveita enda
fullvíst að sveitamenn kæra sig
ekkert um hlutdeild í „einka-
rétti" þéttbýlisins á svona
piltum.
-BS.
Flugstjórinn
varð að velja
„Ég hljóp inn í flugstöðina til
að sækja félaga minn, þegar
mér var ljóst að Arnarflugs-
vélin ætlaði að leggja af stað
fyrr en ráðgert var úr seinkun-
inni,“ sagði Júlíus Kristjáns-
son, ungur Keflvíkingur, einn
af átta farþegum sem skildir
voru eftir á flugvallarhlaðinu á
Mallorca á sunnudaginn. „Flug-
vallarstarfsmennirnir, „stiga-
mennirnir", lofuðu að hinkra
við en þegar ég kom aftur að
vörmu spori ásamt hinum sjö
renndu þeir stiganum frá flug-
vélinni, sem ók á brott, en far-
þegarnir veifuðu bara til
okkar.“
AF STAÐ EDA ALLT AÐ
SÓLARHRINGS TÖF
Júlíus og félagi hans, Einar
Bjarnason, einnig Keflvíkingur
fóru þess á leit við flugum-
sjónarmenn að vélin yrðu
stöðvuð, en engu tauti var við
þá komandi. Ekki fengu þeir
heldur aðgang að síma fyrr en
eftir klukkustund til að reyna
að ná sambandi við Sunnuskrif-
stofuna í Palma, en þar svaraði
ekki þegar til kom, enda starfs-
liðið önnum kafið við að flytja
nýkomna ferðalanga á hina
ýmsu staði í borginni.
„Eftir langa ferð í áætlunar-
vagni örkuðum við í tvær
klukkustundir í leit að Sunnu-
skrifstofunni og gengnir upp að
hnjám römbuðum við loksins á
réttan stað,“ sagði Einar, „og
þar var okkur tekið tveim
höndum, boðið í mat, útvegað
hótelherbergi og látnir hafa
vasapeninga.“
Á mánudagsmorguninn
héldu ,,strandaglóparnir“ síðan
flugleiðis til Barcelona og
munaði minnstu að þeir yrðu af
áætlunarvélinni til London, en
tími til flugvélaskiptanna var
aðeins 10 mín. 1 London gátu
þeir tekið lífinu með ró, vegna
10 klst. seinkunar Flugfélags-
þotunnar. Heim voru þeir svo
komnir í fyrrinótt, en i gær var
haft samband við þá af hálfu
Arnarflugs. „Skýringin sem við
fengum á skyndilegri brottför
flugvélarinnar var sú, að flug-
umferðarstjórnin hótaði að
setja þá aftur fyrir í flugtaks-
röðina, sem hefði getað orsakað
allt að sólarhrings töf,“ sagði
Júlíus, „og að sjálfsögðu vorum
við beðnir afsökunar."
En þeir félagarnir fengu að
heyra fleira — hinir óheppnu
farþegar eru þá lánsamir eftir
allt saman — þeim var boðin
ókeypis ferð til sólarlanda
næsta sumar í sárabætur, og
mega velja sér hvaða ferð sem
er. Ekki ónýtt það.
emm
frfálst, úháð dagblað
2. SEPTEMBER 1976.
Reykjavikurskákmótið:
Timman heldur
forystunni
Skák kvöldsins
i 8. umferð:
Friðrik - Timman
Timman vann Guðmund Sigur-
jónsson í 7. umferðinni í Reykja-
víkurskákmótinu, sem tefld var í
gærkvöldi. Hefur Timman því
hlotið 5'A vinning og á betri stöðu
í biðskák við Björn Þorsteinsson.
Staðan eftir 7 umferðir er
þessi:
1. Timman: 5 V2 vinning og biÖskák.
2. FriÖrik: 5 V2 vinning
3. Najdorf: 4 Va vinning og biöskák
4. Tukmakov: 4 vinningar og biöskák
5. -7. Guömundur, Ingi R. KKrene: 3 V2 vinn-
ingur og biÖskák
8. Antoshin: 3 vinningar oo 2 biðskáki'
9. Haukur: 3 vinninga og biöskák
10. -12. Helgi, Westerinen, Vukcevich: 2Vz
vinningur og biöskák
13. Matera: 2 vinningar og biÖskák
14. Margeir: 1 V2 vinningur og biöskák
15. Gunnar: V2 vinningurog 2 biðskákir
16. Bjöm: V2 vinningur og biöskák.
Úrslit í 7. umferð urðu þessi:
Margoir— Haukur: V2 — V2
Vukcevich — Ingi R.: 1—0
Westerinen—Gunnar: 1—0
Keene — Helgi: 1—0
Bjöm — Friörik: 0—1
Timman—Guðmundur: 1-0
Matera—Tukmakov: Biöskák
Antoshin — Najdorf: Biöskák
Biðskákir verða tefldar í dag kl.
11 í Skákheimilinu við Grensás-
veg. 8. umferðin hefst í Haga-
skólanum kl. 17.30 í dag og eigast
þá við þessir við:
Haukur — Guðmundur, Friðrik
— Timman, Najdorf — Björn,
Tukmakov — Antoshin, Helgi -r-
Matera, Gunnar — Keene, Ingi —
Westerinen, Margeir — Vukce-
vich.
Keppendur eiga frí á morgun,
en á laugardag verður svo 9. um-
ferðin tefld. Hefst kl. 14 í Haga-
skóla.
-BS.
Banaslys
upp undir
Heklutindi
Þjóðverji á miðjum
þrítugsaldri beið bana upp
undir tindi Heklu í gær. Var
hann ásamt tveimur sam-
löndum sínum að klífa
fjallið. Voru þeir komnir
upp í ishettu þess, er einn
þeirra hrasaði ofan i
íssprungu. Klemmdist brjóst
hans illa og var ljóst að
maðurinn var í alvarlegri
lífshættu.
Annar félaga hans tók nú
til fótanna og hljóp nánast í
einum blóðspreng allt til
Búrfells. Gat hann vart mælt
fyrir mæði er hann kom
þangað, en þá hafði hann
hlaupið í hálfa aðra klukku-
stund. Gísli stöðvarstjóri
kom boðum í skyndi til
SVFÍ.
Óskar Þór Karlsson, sem
nú leysir Hannes Hafstein
af, fékk varnarliðsþyrlu til
björgunarleiðangurs austur.
Tók hún Þjóðverjann á Búr-
felli og lenti síðan á Heklu-
tindi. Þangað upp var
hinn ' særði Þjóðverji
borinn og fluttur í skyndi til
Reykjavíkur. En er þangað
kom var hann látinn.
Tveir Bandaríkjamenn
urðu að bíða á Heklutindi
meðan þyrlan flutti Þjóð-
verjana þrjá til Reykja-
víkur. Voru þeir svo sóttir
síðdegis.
—ASt.