Dagblaðið - 17.09.1976, Blaðsíða 14

14
DAGBLAÐIÐ. FÖSTUDAGUR 17. SEPTEMBER 1976.
r
\
STUmiNN skemmla á
Lœkjartorgi á sunnudaginn
Hljómsveitin Stuð-
menn býöur öllum Reykvíking-
um og öórum, sem á hana vilja
hlýða, til hljómleika á Lækjar-
torgi næstkomandi sunnudag
klukkan þrjú — ef veður leyfir.
Þetta er í fyrsta skipti á árinu
sem Stuðmennirnir leika opin-
berlega en í fyrrasumar fóru
þeir í hljómleikaferð um land-
ið, eins og frægt varð á sínum
tíma.
Steinar Berg, sem hefur
gefið út plötur Stuðmannanna,
sagði í samtali við Dagblaðið að
auk hljómsveitarinnar kæmu
einhverjir aðrir skemmii-
kraftar fram. Ekki vildi Steinar
tjá sig um hverjir þeir væru.
Nýlega kom á markaðinn
önnur plata Stuðmanna. Sú
nefnist Tívoli. Væntanlega
leikur hljómsveitin lög af þeirri
plötu á torginu og ef til vill
heyrast einhverjir tónar af
fyrri plötunni, Sumar á Sýr-
landi.
Stuðmenn hafa jafnan sótt
trommuleikara sína til
Englands er þeir hafa komið
saman til hljómleikahalds eða
plötuupptaka. Svo verður ekki
að þessu sinni heldur mun
Sigurður Karlsson trommu-
leikari Celsíusar sjá um allt
slagverk.
I samtalinu við Steinar Berg
kom fram að jafnvel getur svo
farið að Stuðmenn heimsæki
landsbyggðina í næstu framtíð.
Það er því óþarfi fyrir þá sem
búa langt frá Stór-
Reykjavíkursvæðinu að gera
sér ferð í höfuðstaðinn til að sjá
Stuðmenn. Allt eins getur það
gerzt að hljómveitin leiki í sam-
komuhúsunum þeirra innan
skamms. — AT —
Stuðmennirnir Valgeir, Egill,
Sigurður Bjóla og Tómas. Auk
þeirra verða með á sunnudag-
inn þeir Þórður Árnason,
Jakob Magnússon og Sigurður
Karlsson. DB-mynd Árni Pall.
E3
Saga WHO á
einni plötu
í dag kemur út í Englandi ný
plata með hljómsveitinni Who.
Plata þessi nefnist Teh Story
Of The Who. Hún er tvöföld og
hefur að geyma 26 lög hljóm-
sveitarinnar frá ýmsum tímum.
Auk þess fylgir átta blaðsíðna
bók albúminu.
Meðal laga á The Story... má
nefna Substitute, hljómleikaút-
gáfu af laginu My Generation,
I'm A Boy, Summertime Blues
Heat Wave og nokkur lög úr
rokkóperunni Tommy.
Það er Polydor sem gefur
nýju plötuna út.
Nýjar hljómplötur
þessa vikuna.
Fátt bitastætt er væntanlegt
á erlenda hljómplötumark-
aðinn þessa vikuna. Þó skal hér
getið þess helzta. Af listanum
yfir stórar plötur er óvenjufátt
um þekkt nöfn.
Áður hefur verið getið
nýjustu plötunnar frá Who.
The Story Of The Who.
Stvlistics koma einnig með
samsafnsplötu með beztu
lögum sínum. Hún heitir Best
Of The Stylistics Voiume II og
er gefin út af H&L. Jose
Feliciano sendir frá sér nýja
plötu, Angela. Utgefandi
hennar er Private Stock Þá
má geta nýrrar plötu með Ellu
Fitzgeraid & Joe Pass. Sú heitir
Fitzgerald & Pass ... Again og
er gefin út af Pablo.
Heldur fleiri þekkt nöfn
koma fyrir á listanum yfir nýj-
ustu litlu plöturnar. Skal þar
fyrst getið endurútgáfu á lagi
Harry Nilsons, Without You.
Lagið varð geysivinsælt um
allan heim fyrir nokkrum árum
og hefur nú þótt ástæða til að
koma því á plast enn á ný.
Utgefandi er RCA. Þá sendir
gamli Monkees-maðurinn Mike
Nesmith frá sér nýtt lag sem
heitir í höfuðið á honum, eða
Nesmith. Utgefandi er Island.
Denny Laine, sem eitt sinn
lék með Moody Blues og varð
eiginlega verulega frægur með
Wings, syngur tvö gömul lög
sem urðu á sínum tíma þekkl
með Buddy Holly. Þau nefnast
It’s So Easy og Listen To Me.
EMI gefur plötuna út en Paul
McCartney stjórnaði upptök-
unni.
Þá má geta nýrrar lítillar
plötu með John Miles. Aðallag
hennar er Remember Yester-
day. Utgefandi er Decca. Isaac
Hayes heiur einnig sungið inn
á plötu. Lag hans nefnist Juey
Fruit og kemur út á merki
ABC.
Að lokum skal sagt frá nýju
lagi sem hljómsveitin Hollies
flytur. Það lag nefnist Daddy
Don’t Mind og kemur út hjá
Polydor. Hollies hafa verið
mjög vinsælir upp á síðkastið
svo að ekki kæmi neinum á
óvart þótt þetta lag gerði það
gott eins og Sandy og The Air
That I Breathe.
A nyjustu plötu WHO má lesa og hlýfia a sögu hljómsveitarinnar i hnotskurn.
„Nafnið" frá Borgarnesi
byrjar eftir mannaskipti
— Gúi Ringsteð tekur sœti Birgis
Guðmundssonar
NAFNIÐ: Vignir Sigurþórsson, Sveinn Guðmundsson, Andrés
Ólafsson og Gunnar „Gúi“ Ringsteð.
Hljómsveitin Nafnið í
Borgarnesi hóf að koma fram
opinberlega á nýjan leik síð-
ustu helgina í ágúst eftir rúm-
lega tveggja mánaða hlé.
Gunnar „Gúi“ Ringsteð, gitar-
leikari, sem lék með Roof Tops
í síðustu útgáfu þeirrar hljóm-
sveitar, hefur nú gengið til liðs
við félagana í Nafninu í stað
Birgis Guðmundssonar, gítar-
leikara, seni nú leikur með
Celsius. Gúi leikur nú einnig á
píanó, enda fjölhæfur og snjall
tónlistarmaður. Einnig hefur
nýr bassaleikari gengið i hljóm-
sveitina, Andrés Ólafsson, en
fyrir í Nafninu voru þeir
Vignir Sigurþórsson, gítar-
leikari, og Sveinn Guðmunds-
son trommuleikari. Hann hefur
leikið með hljómsveitinni frá
upphafi.
Nafnið hefur getið sér gott
orð í heimabyggð sinni á
undanförnum árum og mun
vafalaust ekki láta verða lát á
því. —ÓV.
PLÖTUGAGNRÝNIN HRESST VIÐ
Nokkrar hljómplötur sem
komið hafa út í sumar bíða um-
fjöllunar hér á síðunni. Sumar
þeirra hafa beðið alllengi, svo
sem plata Magnúsar Sigmunds-
sonar og plata Ríó triósins.
Aðrar eru fyrir stuttu komnar
út.
Ástæðan fyrir þessum töfum
er sú að þeir, sem um þessa síðu
sjá, hafa haft óhóflega mikið að
gera að undanförnu og hrein-
lega ekki haft tíma til að hlusta
á tónlist af hljómplötum svo að
nokkru nemi.
Nú hillir hins vegar undir
smárólegheit hjá oss poppsiðu-
mönnum. Mestu sumarann-
irnar eru nú senn að baki og þá
gefst aftur timi til að setjast við
fóninn og hlusta á þessar plötur
af gaumgæfni. Við biðjum les-
endur afsökunar á þessum
óhóflega drætti sem orðið hefur
og lofum bót og betrun á
komandi vetri. Og svo er bara
eftir að sjá hvort við getum
staðið við það loforð.
ÖMAR
VALDIMARSSON
ÁSGEIR
TÖMASSON
Gerð plötu-
umslaga orðin
listgrein
— og þar er ROGER
DEAN meistarinn
Plötuumslög hafa gerzt æ
vandaðri á síðari árum. Þó að
mestur fjöldi þeirra sé aðeins
„venjuleg" umslög sem ein-
göngu þjóna sínu upprunalega
hlutverki, það er að hlífa
hljómplötunni fyrir ryki og
hnjaski, þá koma fleiri og
fleiri plötur á markaðinn með
hreinustu listaverkum á um-
slaginu.
Allir sem kaupa hljómplötur
hafa séð hverjir leggja mest
upp úr því að hafa sem fall-
egust umslög um plötur sínar.
Ef litið er á plötu lOcc, How
Dare You, Precense með Led
Zeppelin og svo að farið sé
lengra aftur í tímann, — Sgt.
Pepper með Bítlunum og
Sticky Fingers, plötu Rolling
Stones, þá sést hvað við er átt.
Þegar hönnuðir plötuum-
slaga ber á góma ber nafn
Rogers Deans hæst. Hann er
langfrægasti og hæst launaði
umslagamyndlistarmaðurinn.
Hann er nú 31 árs og þykir á
ferli sínum hafa náð hvað
lengst með skreytingum sinum
á fimm síðustu hljómplötum
Yes.
A síðasta ári gaf Roger Dean
út bók með öllum sínum beztu
listaverkum. Skemmst er frá
því að segja að ef sami mæli-
kvarði hefði verið notaður á
bókina og á plötur hefði hann
hlotið gullplötu eða jafnvel
platínu.
Um list sína segir Roger
Dean sjálfur:
„Það býr í hverjum lista-
manni að reyna að koma verk-
um sínum á framfæri til sem
flestra. Plötuumslögin eru
bezti vettvangurinn til þess.
Sumar plötur eru seldar í
milljónaupplagi og þeir sem
skreytt hafa umslögin hafa þvi
komizt með verk sín inn á anzi
mörg heimili.” —AT —
ROGER DEAN: Fyrir framan
hann er reyndar ekki líkan af
plötuumslagi heldur nýja hús-
inu hans. Að sjálfsögðu teikn-
aði listamaðurinn húsiðsjálfur.