Dagblaðið - 15.08.1977, Blaðsíða 3

DACJBLAÐIÐ. MANUDAC’.UK 15. AC’.UST 1977.
Oánægja með Eddu-
hótelið að Skógum
Asta Gunnarsdóttir, Grettis-
götu 31 a, hringdi:
Við hjónin ætluðum að
kanna nýjar slóðir og fórum því
austur að Skógum undir Eyja-
fjöllum. Þar ætluðum við að
dvelja í 9 daga á Edduhótelinu
og vorum búin að borga fyrir
þennan tíma á Ferðaskrifstofu
ríkisins. Innifalinn í verðinu
var morgunverður.
Við komum að Skógum 6.
ágúst og fengum hótelstjóran-
um nótuna frá Ferðaskrifstofu
ríkisins og gult spjald, sem
gilti sem afsláttarkort Þegar
við fórum að tala um afslátt
brást hótelstjórinn illur við og
kvaðst ekkert vita hvort hann
gilti fyrir okkur. Virtist hann
helzt vilja vera með pappíra
sína undir borði, en ég teygði
mig yfir borðið og sá nafn
mannsins míns og 15% afslátt.
Jú, segir hann þá og við fengum
lykil að herberginu með
semingi. Herbergið var skítugt,
sömuleiðis skápurinn og
dauðar flugur undir rúmi.
Salerni voru annað hvort uppi á
næsta gangi eða í kjallara og
þar var ekki skipt um hand-
klæði. I sundlaugina kostaði
200 krónur. Er þetta eins og
það á að vera, ég spyr?
Þýzkir, spænskir og norskir
ferðahópar, sem þarna voru,
fóru í Vík í Mýrdal að borða. Af
hverju? Einn karlinn úr þess-
um ferðahópum bað um rak-
vatn, en hótelstjórinn vísaði á
klósettið.
Snorra kokki færum við
aftur á móti beztu þakkir. Hann
vildi allt fyrir okkur gera, þó
hann hefði ekki alltaf nóg fyrir
framan hendurnar. Verð á
heitri máltíð var frá krónum
900-2030.
Tvær athuga-
semdir
Blindrafélagið
Jón Gunnarsson hringdi
vegna lesendabréfs 9. ágúst sl.,
en þar er talað um Blindra-
félagið í Ingólfsstræti. Þetta er
ekki rétt. Blindrafélagið er í
Hamrahlíð, en í Ingólfsstræti
er Blindravinafélagið.
Rammagerðin
og pokarnir
Haukur Gunnarsson 1
Rammagerðinni benti á að
Rammagerðin selur aldrei poka
utan um vörur sínar. Hinn 9.
þ.m. birtist mynd þar sem út-
Iendur ferðamaður er með poka
frá Rammagerðinni og spurt er
hvort hann greiði fyrir umbúð-
irnar.
Ó sími,
nefndu
daginn
þann
Ólafur Jónsson hringdi:
Ég bíð eftir þvi að síminn
minn verði fluttur. Það var
upphaflega tilkynnt að það yrði
gert á þriðjudag. Það var því
maður heima við allan daginn
til að vera við þegar komið yrði.
Enginn kom. I dag, miðviku-
dag, hringdi ég aftur og þá var
mér tilkynnt að þetta yrði gert
einhvern tímann á næstunni.
Ekki var hægt, að sögn viðmæl-
anda míns, að tiltaka ákveðinn
dag. Það kemur sér mjög illa
því þá þarf alltaf að vera ein-
hver heima ef ske kynni að
símamennirnir kæmu. Er þetta
hægt?
BankastrœN 9 sími 11811
Spurning
dagsins
Hlakkarðutil
aðbyrjaí
skólanum?
nms
Guðlaug Jónsdóttir, verður 11 ára
í þessum mánuði: Já, svona
svolítið. Ég veit þó ekki. Það var
dálítið gaman í skólanum í fyrra.
Jóna Rán Ingadóttir 10 ára: Já,
svolítið. Það var svolítið gaman í
skólanum í fyrra og ég var hjá
ágætum kennara.
Katrin Vagnsdóttir 10 ára: Já,
svolítið. Það var gaman í skólan-
um í fyrra og ég var hjá góðum
kennara.
Jóna Kristfn Jóhannsdóttir: J$,
það verður gaman i vetur. Það var
líka alveg ágætt I fyrra.
Hafdis Viggósdóttlr 10 ára: Já, já.
Það var ágætt í fyrra. Kennarinn
minn var ágætur þó hann öskraði
stundum svolitið mikið.
Sigurður Magnússon 10 ára: Nei,
það er ég ekki. Það var ágætt i
skólanum í f.vrra og ég hafði
góðan kennara en núna á ég að
skipta um skóla.