Dagblaðið - 25.07.1978, Blaðsíða 7
DAGBLAÐIÐ. ÞRIÐJUDAGUR 25. JÚLÍ 1978.
7
Bandaríkin:
3vir5ing við réttinn eða
stjórnarskrárbrot
— blaðamaður hjá stórblaðinu New York Times dæmdur í sex mánaða fangelsi fyrir að neita
að afhenda gögn sin í fimmföldu morðmáli
í dag verður tekið fyrir í hæstarétti í
New Jersey-riki i Bandaríkjunum
áfrýjun stórblaðsins New York Times
á máli, sem snýst um hvort einn blaða-
maður þess þurfi að upplýsa dómara
um gögn sín og heimildir í morðmáli
einu eða verða dæmdur til fangelsis-
vistarella.
Blaðamaðurinn var í gær leiddur
fyrir dómara i viðkomandi morðmáli.
Vegna neitunar hans um að afhenda
dóminum gögn sín var hann dæmdur
til sex mánaða fangelsisvistar og að
greiða eitt þúsund dollara sekt. New
York Times var aftur á móti dæmt til
að greiða 100.000 dollara sekt. Var
blaðamanninum Myron Farber stung-
ið í fangelsi strax að dóminum upp-
kveðnum en hann var látinn laus í
gærkvöldi gegn tryggingu.
Ellen Metsky, aðstoðarstúlka Peter
Bourne og kunningjakona, sem hann
útvegaði hinn umdeilda lyfseðil.
Málarekstur þessi er vegna nýuppt-
ekins morðmáls á hendur lækni ein-
um, Mario Jascalevich, sem ákærður
er fyrir að hafa drepið fimm manns á
árunum 1965 og 1966. Er hann sak-
aður um að hafa notað sérstök vöðva-
slökunarlyf við verknaðina.
Uppljóstranir blaðamannsins Farb-
ers á tíu dularfullum dauðsföllum við
sjúkrahúsið þar sem læknirinn starfar
leiddu til þess að málið var tekið upp
afturnúáratugsíðar.
Verjandi læknisins hefur haldið þvi
fram að upplýsingar þær sem blaða-
maðurinn hafi aflað sér um málið geti
komið hinum ákærða að gangi við
vörnina. Hefur hann krafizt þess að fá
að sjá þessi gögn.
Blaðamaðurinn vísaði til banda-
rísku stjórnarskrárinnar um að frjáls
fjölmiðlun heimilaði honum að halda
gögnum sínum leyndum. Dómarinn
úrskurðaði þá að hann ætti að fá þau i
hendur til að úrskurða hvort þau
skiptu máli vegna morðákærunnar.
Þessu neitaði Farber og var hann og
stjórn New York Times fundin sek um
að vanvirða réttinn með því framferði.
Ekki er Ijóst hvenær hæstiréttur New
Jersey-ríkis fellir dóm sinn.
“ Carter vill
ekki hassista
i vinnu
— starfsfólk Hvíta hússins
sakað umaðreykja
marijuana og neyta kókaíns
Hamilton Jordan, einn helzti
aðstoðarmaður Carters Bandaríkjafor-
seta, las yfirlýsingu frá honum yfir
starfsliði Hvita hússins. Þar sagði
forsetinn að þeir sem neyttu
marijuana og kókains ættu ekki heima
I starfsliði hans og ættu að útvega sér
nýja atvinnu.
Yfirlýsingin kemur í kjölfar frá-
sagnar fyrrum ráðgjafa forsetans í
málum er varða fiknilyf um að margir
starfsmenn i forsetahöllinni neyttu
marijuana.og kókaíns.
Varð ráðgjafinn Peter Bourne að
segja af sér fyrir nokkrum dögum
vegna þess að upp komst að hann
hafði útvegað vinkonu sinni deyfilyf
undir fölsku nafni.
Hefur Bourne einnig verið sakaðaur
um að hafa reykt bæði marijuana og
neytt kókaíns í samkvæmum i
Washington. Hefur hann mótmælt
þvi.
Framkvæmd laga um neyzlu
þessarra efna hefur mjög verið milduð
i Bandaríkjunum á undanförnum
árum. Eru uppi háværar raddir og
jafnvel skipulagðar hreyfingar um að
refsingar verði felldar niður fyrir
neyzlu þeirra. Hefur það verið gert i
raun i nokkrum ríkjum Bandaríkjanna
og i Alaska hafa refsingar fyrir neyzlu
marijuana verið felldar úr iögum
fylkisins.
Bourne hefur haldið því fram opinber-
lega eftir að hann sagði af sér embætti.
að margir af starfsmönnum Hvíta
hússins reyktu marijuana og neyttu
kókaíns.
Erlendar
fréttir
Hún er grunuð um að vera félagi I vestur-þýzkum skæruliðahópi, stúlkan, sem sést á myndinni i fylgd með bandarfskum
lögreglumanni. Kristina Berster hin vestur-þýzka er annars tuttugu og sjö ára að aldri og var gripin er hún reyndi að komast
yfir landamærin frá Kanada til Bandarikjanna. Reyndist hún auk þess vera með falsað vegabréf.
Thailand:
BLANDAÐISANDI
OG MÖL í
HRÍSGRJÓNIN
Forsætisráðherra Thailands,
Kriangsak Chamanand, dæmdi nýlega
verksmiðjueiganda einn til ævilangrar
fangelsisvistar fyrir að blanda sandi og
möl saman við hrisgrjónarétti, sem
, ætlaðir voru til útflutnings.
Dómurinn var kveðinn upp sam-
kvæmt sérstökum ákvæðum stjórnar-
skrárinnar, sem heimila forsætisráð-
herranum að kveða upp dóma án af-
skipta venjulegra dómstóla landsins.
Fyrirtækið þar sem hinir malar-
bornu hrísgrjónaréttir voru framleidd-
ir var auk þess dæmt til að greiða jafn-
virði meira en fjórðungs milljarðar
króna. Geti það ekki greitt þá upphæð
munu eignir þess eiga að fara undir
hamarinn.
Verksmiðjustjórinn, sem hafði yfir-
umsjón með hinni þokkalegu fram-
leiðslu hlaut við sama tækifæri tutt-
ugu og fimm ára fangelsi.